Murli du jour du lundi 2 mars 2026

02-03-2026 praatahmurli om shanti "baapdaada"' madhuban

“meethe bachche - yaad mein rahkar doosron ko yaad ka abhyaas karaao, yog karaane vaale ka buddhi yog idhar-udhar nahin bhatakna chaahiye''

prashn:- kin bachchon ke oopar bahut badi responsibility hai? unhein kaun sa dhyaan zaroor dena chaahiye?

uttar:- jo bachche nimitta teacher bankar doosron ko yog karaate hain, un par bahut badi responsibility hai। agar yog karaate samay buddhi baahar bhatakti hai to service ke bajaae disservice karte hain isliye yeh dhyaan rakhna hai ki mere dvaara punya ka kaam hota rahe।

geet:- om namo shivaae…

om shanti। baap sabhi bachchon ko pahle-pahle to yahaan baith karke lakshya mein tikne ke liye drishti dete hain ki jaise main shivbaaba ki yaad mein baitha hoon, tum bhi shivbaaba ki yaad mein baitho। prashn uthta hai ki jo saamne baithe hain neshtha karaane ke liye, woh saara samay shivbaaba ki yaad mein rehte hain? jo auron ko bhi kashish ho। yaad mein rahne se bahut shanti mein rahenge। ashareeri ho shivbaaba ki yaad mein rahenge to auron ko bhi shanti mein le jaayenge kyonki teacher hokar baithte ho na। agar teacher hi theek reeti yaad mein nahin honge to doosre rah nahin sakenge। pahle to yeh khyaal karna hai ki main jo us maashook baba ka aashik hoon, uski yaad mein baitha hoon? har ek aise apne se poochhe। agar buddhi aur taraph chali jaati hai, deh-abhimaan mein aa jaate hain to goya woh service nahin, disservice karne baithe hain। yeh baat samajh ki hai na। kuchh service to ki nahin, aise hi baithe hain to nuksaan hi karenge। teacher ka hi buddhiyog bhatakta hoga to woh madad kya karenge। jo teacher ho baithte hain woh apne se poochhen ki main punya ka kaam kar raha/rahi hoon? agar paap ka kaam karenge to durgati ko paayenge। pad bhrashta ho jaayega। agar aise ko gaddi par bithaate ho to tum bhi responsible ho। shivbaaba to sabko jaante hain। yeh baba bhi sabki avastha ko jaante hain। shivbaaba kahenge yeh teacher ban baithe hain aur inka buddhiyog to bhatakta rehta hai। yeh kya auron ko madad karenge। tum brahman bachche nimitta bane ho, shivbaaba ka bankar unse varsa lene। baba kehte hain he aatmaayen maamekam yaad karo। teacher ban baithte ho to aur hi achhi tarah us avastha mein baitho। yoon to har ek ko baap ko yaad karna hai। student apni avastha ko samajh sakte hain। jaante hain ki ham paas honge va nahin। teacher bhi jaante hain। agar private teacher rakhte hain, woh bhi jaante hain। us padhaai mein to koi khaas teacher rakhne chaahen to rakh sakte hain। yahaan agar koi kehte hamko nishtha (yog) mein bithaao to baap ki yaad mein baithna hai। baap ka pharmaan hi hai maamekam yaad karo। tum aashik ho, chalte-phirte apne maashook ko yaad karo। sannyaasi brahm ko yaad karte hain। samajhte hain ki ham jaakar brahm mein leen honge। jo adhik yaad karte honge unki avastha achhi hogi। har ek mein koi na koi khoobi to rehti hain na। kehte hain ki yaad ki yaatra mein raho। khud ko bhi yaad mein rehna hai। baba ke paas koi to sachche bhi hain, koi jhoothe bhi hain। khud nirantar yaad mein rahen, bada mushkil hai। koi to baap se bilkul sachche rehte hain। yeh baba bhi apna anubhav tum bachchon ko bataate hain ki thoda samay yaad mein rehta hoon phir bhool jaata hoon kyonki iske oopar to bahut bojh hai। kitne dher bachche hain। tum bachchon ko yeh bhi pata nahin padta hai ki yeh murli shivbaaba ne chalaai va brahma chalaate hain kyonki donon ikatthe hain na। yeh kehte hain ki main bhi shivbaaba ko yaad karta hoon। yeh baba bhi bachchon ko neshtha karaate hain। yeh baithte hain to dekhte ho sannaata achha ho jaata hai। bahuton ko kheenchate hain। baap hai na। kehte hain bachche yaad ki yaatra mein raho। khud ko bhi rehna hai, sirf pandit nahin banna hai। yaad mein nahin rahenge to ant mein fail ho padenge। baba mama ka to oonch pad hai, baaki to abhi maala bani nahin hai। ek bhi daana bana hua complete nahin hai। aage maala banaate the bachchon ko lift dene liye। parantu dekha gaya ki maaya ne bahuton ko khatma kar diya। saara madaar service par hai। to jo saamne neshtha karaane baithte hain unko samajhna hai ki main sachcha teacher hokar baithoon। nahin to bolna chaahiye ki hamaari buddhi yahaan vahaan chali jaati hai। main yahaan baithne ke laayak nahin hoon। svayan bataana chaahiye। aise nahin ki aapehi koi bhi aakar baithe। koi hain jo mukh se murli nahin chalaate, parantu yaad mein rehte hain। lekin yahaan to donon mein teekha jaana chaahiye। saajan bahut lovely hai, unko to bahut yaad karna chaahiye। mehnat hai ismen। baaki praja banna to sahaj hai। daas daasiyaan banna badi baat nahin hai। gyaan nahin utha sakte hain। jaise dekho yagya ki bhandaari hai, sabko bahut khush karti hai, kisko duhkh nahin deti, sab mahima karte hain। to vaah, shivbaaba ki bhandaari to number one hai। bahuton ki dil ko khush karti hai। baba bhi bachchon ki dil ko khush karte aaye hain। baap kehte hain ki mujhe yaad karo aur yeh chakra buddhi mein rakho। ab har ek ko apna kalyaan karna hai। haddi service karni chaahiye। tumko bahut merciful banna chaahiye। manushya mukti jeevanmukti ke liye bahut dhakke khaate hain। kisko bhi sadgati ka maaloom hi nahin hai। samajhte hain ki jahaan se aaya vahaan vaapis jaana hai। naatak bhi samajhte hain parantu us par chalte nahin hain। dekho class mein kahaan-kahaan musalmaan bhi aate hain। kehte hain ki ham asul devi devta dharma ke hain phir jaakar ham musalmaan dharma mein convert ho gaye hain। hamne 84 janma bhoge hain। sindha mein bhi 5-6 musalmaan aate the। abhi bhi aate hain, ab aage chal sakte hain va nahin, woh to dekh lenge kyonki maaya bhi to pareeksha leti hai। koi to pakke thahar jaate hain, koi thahar nahin sakte। jo asul brahman dharma ke honge, jinhonne 84 janma liye honge ve to kabhi hilenge nahin। baaki koi na koi kaarne, akaarne chale jaayenge। deh-abhimaan bhi bahut aa jaata hai। tum bachchon ko to bahuton ka kalyaan karna hai। nahin to kya pad paayenge। gharbaar chhoda hai, apne kalyaan ke liye। koi baap ke oopar meharbaani nahin karte hain। baap ke bane ho to phir service bhi aisi karni chaahiye। tumko to raajaai ka medal milta hai, 21 janma sada sukh ki raajaai milti hai। maaya par sirf jeet paani hai aur auron ko bhi sikhaana hai। kai fail bhi ho jaate hain। samajhte hain ki baadshaahi leni to mushkil hai। baap kehte hain ki aisa samajhna kamjori hai। baap aur varse ko yaad karna to bahut sahaj hai। bachchon mein himmat nahin aati hai raajaai lene ki, to kaayar ho baith jaate hain। na khud lete, na auron ko lene dete। to parinaam kya hoga? baap samjhaate hain ki raat-din service karo। kaangresiyon ne bhi mehnat ki। kitni japhaaksi (kheenchaataan) ki tab to foreigners se raajya liya। tumko raavan se raajya lena hai। woh to sabka dushman hai। duniya ko pata nahin ki ham raavan ki mat par chal rahe hain tab duhkhi hain। kisko bhi sachcha sthaai dil ka sukh thode hi hai। shivbaaba kehte hain main tum bachchon ko sada sukhi banaane aaya hoon। ab shreemat par chal shreshtha banna hai। jo bhi bhaaratvaasi hain, ve apne dharma ko bhool gaye hain। yatha raaja raani tatha praja। ab tum bachchon ko samajh milti hai - srishti ka chakra kaise chalta hai। so bhi ghadi-ghadi bhool jaate hain। buddhi mein thaharta hi nahin hai। bhal brahman to bahut bante hain parantu kai kachche hone ke kaaran vikaar mein bhi jaate rehte hain। kehte hain ki ham bi.ke. hain, parantu hain nahin। baaki jo poori reeti direction par chalte hain, aap samaan banaate rehte hain, ve hi oonch pad pa sakenge। vighna to padenge। amrit peete-peete phir jaakar vighna daalte hain। yeh bhi gaayan hai, unka pad kya hoga? kai bachchiyaan to vikaar ke kaaran maar bhi khaati hain, kehti hain ki baba yeh duhkh thoda sahan kar lenge। hamaara maashook to baba hai na। maar khaate bhi ham shivbaaba ko yaad karti hoon। woh khushi mein bahut rehti hain। is kaapaari khushi mein rehna chaahiye। baap se ham varsa le rahe hain auron ko bhi ham aap samaan banaate rehte hain।

baba ki buddhi mein to yeh seedhi ka chitra bahut rehta hai। isko bada mahatva dete hain। bachche jo vichaar saagar manthan kar aise-aise chitra banaate hain, to baba bhi unki shukriya karte hain ya to aise kahenge ki baba ne us bachche ko touch kiya hai। seedhi badi achhi banaai hai। 84 janmon ko jaanne se saare srishti ke aadi-madhya-ant ko jaan gaye ho। yeh first class chitra hai। trimoorti gole ke chitra se bhi ismen knowledge achhi hai। abhi ham chadh rahe hain। kitna sahaj hai। baap aakar lift dete hain। shanti se baap se varsa le rahe hain। seedhi ka gyaan bahut achha hai। samjhaana hai ki tum hindu thode hi ho, tum to devi devta dharma ke ho। agar kahen ki hamne 84 janma thode hi liye hain। are kyon nahin samajhte ho ki hamne 84 janma liye hain। phir yaad karo to tum phir se pahle number mein aa jaayenge। apne kul ka hoga to aisa prashn karega nahin ki sab thode hi 84 janma lenge। are tum kyon samajhte ho ki ham deri se aaye hain। baap sab bachchon ko kehte hain tum bhaaratvaasiyon ne 84 janma liye hain। ab phir se apna varsa lo, svarga mein chalo। tum bachche yog mein baithte ho। seedhi ko yaad karo to bahut mauj mein rahenge। hamne 84 janma poore kiye hain। ab ham vaapis jaate hain। kitni khushi hoti hai। service karne ka bhi ullaas rehna chaahiye। samjhaane ke tareeke bhi bahut mil rahe hain। seedhi ke oopar samjhaao। chitra to sab chaahiye na। trimoorti bhi chaahiye। baba kehte bhi hain ki tum jaao hi mere bhakton ke paas, unko yeh gyaan sunaao। woh milenge hi mandiron mein। mandiron mein bhi is seedhi ke chitra par samjha sakte ho। saara din buddhi mein yeh rahe ki ham baba ka parichay de, kiska kalyaan karen। din-pratidin buddhi ka taala khulta jaayega। jinko varsa paana hoga - woh aayenge। din-pratidin seekhte bhi rehte hain। kaeeyon par grahchaari baithti hai to baba ko samjhaana padta hai। woh nahin samajhte ki hamaare oopar grahchaari hai isliye hamse service nahin hoti। saari responsibility tum bachchon par hai। aap samaan brahman banaate raho। service par rahne se bahut khushi hoti hai। bahuton ka kalyaan hota hai। baba ko bambai mein service karne ka bahut maja aata tha। bahut naye-naye aate the। baba ki to bahut dil hoti hai ki service karen। bachchon ko bhi aisa merciful banna chaahiye। service par lag jaana chaahiye। dil mein yeh rehna chaahiye ki jab tak hamne kisi ko aap samaan nahin banaaya hai tab tak bhojan nahin khaana hai। pahle punya to karoon। paap aatma ko punya aatma banaayen phir roti khaayen। to service mein juta rehna chaahiye। kiska jeevan saphal banaayen tab roti khaayen। aap samaan brahman banaane ki koshish karni chaahiye।

bachchon ke liye magazine nikalti hai lekin bi.ke. itna padhte nahin hain। samajhte hain ki hamko thode hi padhna hai, yeh baahar vaalon ke liye hai। baba kehte hain baahar vaale to kuchh samajhte nahin hain, bigar teacher ke। yeh hai brahmaakumaar kumaariyon ke liye to padhkar refresh hon। parantu ve padhte nahin hain। sabhi centres vaalon se poochhte hain ki saari magazine kaun padhte hain? magazine se kya samajhte hain? kahaan tak theek hai? magazine nikaalne vaale ko bhi aaphreen deni chaahiye ki aapne bahut achhi magazine likhi hai, aapko dhanyavaad karte hain। mehnat karni hai, magazine padhni hai। yeh hai bachchon ke refresh hone ke liye। lekin bachche padhte nahin। jinka naam baala hai unhon ko sab bulaate hain ki baba bhaashan karne liye hamaare paas phalaane ko bhejo। baba phir samajhte hain ki khud bhaashan karna nahin jaante hain tab to maangani karte hain। to serviceable ko kitna regard dena chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) raajaai ka medal lene ke liye sabki dil ko khush karna hai। bahut-bahut merciful ban apna aur sarva ka kalyaan karna hai। haddi seva karni hai।

2) deh-abhimaan mein aakar disservice nahin karni hai। sada punya ka kaam karna hai। aap samaan brahman banaane ki seva karni hai। serviceable ka regard rakhna hai।

vardaan:- manan shakti dvaara vesta ke wait ko samaapta karne vaale sada shaktishaali bhav

aatma par vesta ka hi wait hai। vesta sankalp, vesta vaani, vesta karma isse aatma bhaari ho jaati hai। ab is wait ko khatma karo। is wait ko samaapta karne ke liye sada seva mein busy raho, manan shakti ko badhaao। manan shakti se aatma shaktishaali ban jaayegi। jaise bhojan hazam karne se khoon banta hai phir woh shakti ka kaam karta, aise manan karne se aatma ki shakti badhti hai।

slogan:- jo apne svabhaav ko saral bana lete hain unka samay vyartha nahin jaata।

ye avyakt ishaare - “nishchay ke foundation ko majboot kar sada nirbhay aur nishchint raho"

jo nishchaybuddhi hoga woh nishchint hoga, use kisi bhi prakaar ka chintan va chinta nahin hogi। kya hua? kyon hua? aise nahin hota - yeh vyartha chintan hai। nishchaybuddhi nishchint woh kabhi vyartha chintan nahin karega। sada svachintan mein rahne vaala, svasthiti se paristhiti par vijay praapta kar leta hai।