Murli du jour du mercredi 15 juillet 2026

15-07-2026 praatahmurli om shanti "baapdaada"' madhuban

“meethe bachche - yogbal se hi aatma ki kat niklegi, isliye yog mein kabhi bhi gaphlat nahin karo''

prashn:- baap ne bachchon ko behad ka varsa lene ki kaun si yukti bataai jismen maaya chaaron taraph vighna daalti hai?

uttar:- baba ne yukti bataai bachche tum brahmaakumaar kumaariyaan ek baap ke bachche aapas mein bhaai-behen ho, tum kabhi criminal assault nahin kar sakte। bhaai behen vikaar mein nahin ja sakte, tumhein shivbaaba ki mat par chalkar behad ka varsa lena hai। parantu maaya kam nahin hai, chaaron taraph ismen hi vighna daalti rehti hai। ham bhaai behen hain, ek baap se varsa lete hain, yeh bhool jaate hain।

geet:- tumhein paake hamne…

om shanti। geet ka ek akshar hi kaaphi hai। bachche jaante hain behad ke baap se behad ka varsa milta hai aur kalpa-kalpa milta hai। yeh bhi bachche jaante hain ki behad ka varsa barobar bhaarat ko mila tha। ab woh nahin hai phir se mil raha hai। dekhte ho - abhi to svarga ka varsa nahin hai, raavan dvaara narka ka shraap mil raha hai। shraap se manushya duhkhi hote hain। var arthaat varse se sukhi hote hain। ab brahman bachche jaante hain woh hai behad ka niraakaar baap aur prajaapita brahma hai behad ka saakaar baap। behad ke saakaar baap prajaapita brahma bigar koi hota nahin। bhal gaandhi ko baapu ji kehte the parantu kaaydesir saare manushya srishti ka to woh baapu ji ho na sake। saari niraakaari world ka baapu ji hai shiv। abhi tum bachche jaante ho ham shivbaaba ke bane hain। shivbaaba ne aakar hamko apna banaaya hai - varsa dene liye। madhuban aate hain kiske liye? shivbaaba se milne ke liye, parantu woh niraakaar hai। sirf shivbaaba kahne se samjhenge nahin isliye kaha jaata hai baapdaada। shivbaaba aur brahma daada। daade ka naam alag hai, baap ka naam alag hai। woh niraakaar sabka baap bhi hai, sabka daada bhi hai। sab bachchon ko baapdaada se varsa milta hai zaroor। behad ke baap se sabko varsa milta hai। woh baap hi sabka duhkh harta sukh karta hai। satayug mein koi bhi manushya duhkhi ho na sake। naam hai svarga, woh hai heaven sthaapan karne vaala god father। bhaarat sabse puraana hai to zaroor sabse naya tha tab to abhi sabse puraana hua hai। satayug, kaliyug bhaarat ko hi kaha jaata hai। barobar bhaarat svarga tha। yeh lakshmi-naaraayan raajya karte the। yeh buddhi mein hai। abhi tum lakshmi-naaraayan ke mandir mein jaayenge to jhat buddhi mein aayega ki inhon ko yeh varsa kaise mila! yeh poojya kaise banen! kab raajya kiya? kis dvaara raajya paaya? yeh saara buddhi mein aayega। aage lakshmi-naaraayan ke mandir mein jaate the, maala pherte the। occupation ka kuchh bhi pata nahin tha। abhi sirf tumhaari buddhi mein hai so bhi nambarvaar। tum abhi lakshmi-naaraayan ke mandir mein jaakar khade honge to harshit honge। buddhi mein hai inhonne yeh praalabdha kaise paai thi। sangamayug par hi paai kyonki sangam par hi puraani duniya badalne vaali hai। sangam par hi baap ne aakar raajayog sikhaaya tha। yeh bhi jaante ho bahut janmon ke ant ke janma mein barobar yeh brahma tha। brahma dvaara vishnupuri ki sthaapna hoti hai। yeh lakshmi-naaraayan hi agle janma mein barobar brahma sarasvati the। brahma ke saath brahman braahmaniyaan bhi honge। satayug mein lakshmi-naaraayan ki raajdhaani thi na। zaroor prajaapita bhi hoga। tum jaante ho ham purushaartha kar rahe hain, jinhonne kalpa pahle purushaartha kiya hai woh ham saakshi ho dekhte hain। ek hota hai raajaai gharaana, doosra hota hai praja gharaana। usmein bhi koi bahut saahookaar hote hain koi kam। raajaaon mein bhi koi bahut saahookaar, koi kam saahookaar hote hain। tum lakshmi-naaraayan ke mandir mein kisko bhi samjha sakte ho ki inhonne yeh raajya kaise paaya। ab phir se vahi apna raajya bhaagya le rahe hain, raajdhaani sthaapan ho rahi hai। kitna sahaj hai। amba kaun hai - yeh bhi nahin jaante। tum kahenge yeh to jagat amba hai। kalpa pahle bhi jagat-amba jagatpita the। unhon ke bachche ham the। sangam par baba raajayog sikha rahe hain। jagat amba ke bachche bhi dher hain। parantu itne sabhi ko to bitha nahin sakte।

abhi tumko gyaan ka teesra netra mila hai। baap gyaan ka saagar hai to zaroor bachchon ko gyaan hi denge। unko na manushya, na devta kaha jaata hai। unko paramatma hi kaha jaata hai। tum koi ke bhi mandir mein jaao to unki biography bata sakte ho। raam ke liye bhi tum samjha sakte ho। chandravanshi gharaana abhi sthaapan ho raha hai। brahma dvaara braahmanon ka bhi dharma sthaapan hota hai। brahma ka naam kitna baala hai। brahma dvaara baap braahmanon ko rachte hain। tum brahmaakumaar kumaariyaan hone se jaante ho ham ek baap ke bachche aapas mein bhaai-behen hain। phir ham criminal assault kar nahin sakte। bhaai behen vikaar mein ja nahin sakte। baap ne yeh yukti rachi hai - drama anusaar tum bhi brahmaakumaar ham bhi brahmaakumaari। vaastav mein saari duniya bi.ke. hai। parantu jaante nahin hain। ham shivbaaba ki mat se behad ka varsa le rahe hain। maaya bhi kam nahin hai। chaaron taraph vighna daalti rehti hai। ham bhaai behen hain, ek baap se varsa lete hain, yeh bhool jaate hain। yeh to achhi reeti samajhte ho, satayug mein ek hi dharma rehta hai। baaki sab dharma khatma ho jaane hain। yeh bhi bachche jaante hain, yeh koi nai baat nahin hai। har 5 hajaar varsha baad yeh chakra phirta hai। tithi taareekh bhi likhi hui hai। yeh bhi buddhi mein rehna chaahiye - ham shivbaaba se is yukti se varsa lete hain। lakshya to mila hua hai na। baap ko yaad kar baap se varsa lena hai। yaad arthaat yogbal se hi kat niklegi। ismen koi gaphlat na ho, isliye murliyaan milti hain। nishchaybuddhi pakka hai to bhal kahaan bhi chala jaae। samjho murli nahin milti to bhi buddhi mein to hai na - ham baba ka ban gaya। baba ne samjhaaya hai, tumhaari aatma tamopradhaan bani hai, ab tum baap ko yaad karo to tamopradhaan se satopradhaan banenge। yeh mahaamantra ek baap hi batlaate hain aur koi batla na sake। baap hi kehte hain meethe-meethe bachche yaad ke bal se hi tumko tamopradhaan se satopradhaan banna hai। yeh akshar hain parantu kiski buddhi mein nahin aata। ab tum samajhte ho barobar kalpa pahle bhi baba ne yeh akshar kaha tha ki deh ke sab dharmon ko chhod apne ko aatma samjho। yeh sab deh ke dharma hain na। sabka baap ek hi hai। sab aatmaayen us ek baap ko pukaarti hain। pope bhi god ko yaad karte hain। kehte hain O god father raham karo। in manushyon ki krodhi buddhiyon ko paltaao to yeh aapas mein laden nahin। yaad to baap ko hi karenge na। aur koi ko yaad nahin karte। shivbaaba ko hi pukaarte hain ki aakar patiton ko paavan banaao। paavan banenge phir to is chhi-chhi raavan ki duniya mein rah nahin sakenge phir zaroor nai duniya chaahiye। kaliyug se badalkar satayug to hoga hi na। parantu itna bhi nahin samajhte hain। ek doctor aaya tha - kehta tha kaliyug to kaliyug hi chalega। are sadaiv kaliyug hi kaise chalega। kaliyug koi achha hai kya! samajhte thode hi hain sirf bhaavna hai auron ko le aate hain। unko teer nahin lagta aur koi aane vaale ko teer lag jaae to bhi kuchh na kuchh dalaali mil jaayegi। svarga mein to aa jaayenge। baap se thoda bhi aakar sunte hain to bhi svarga mein zaroor chale jaayenge। phir bhi heavenly god father ke saamne aakar baithe hain। baap samjhaate hain - main sabka baap hoon na। koi maante nahin ki shivbaaba kaise aayega। are aatma aa sakti hai to main kyon nahin aaoonga। aatma ek shareer chhod doosre mein ja sakti to main nahin aa sakta hoon। nahin to main kaise aaoon! pukaarte bhi hain he patit-paavan baba aakar patit se paavan banaao। baap kehte hain main aata hi bhaarat mein hoon। kalpa-kalpa ke sangam par ek hi baar aata hoon। tum jab 84 janma poore karte ho to main aata hoon। tum bachchon ko nishchay hai baba aaya hai phir se varsa dene। baap kehte hain mera dhandha hi hai - puraani duniya ko badal nai duniya sthaapan karna isliye gaaya hua hai nai duniya ki sthaapna, puraani duniya ka vinaash phir tum paalna karenge। roshni mili hai na। kaali ka mandir dekhenge to samjhenge yeh jhootha chitra hai। kaali barobar jagdamba hai। parantu aise bhayaanak roop nahin hai। bangaal mein kaali ke aage bali chadhaate hain, parantu jaante kuchh nahin। jagat amba ke mandir mein laakhon aate hain। sadaiv jaise mela hi hai। chhoti si moorti rakhi hai na। naam rakh diya hai jagat amba। ab jagat amba to ek honi chaahiye। sindha mein kaali ka mandir kaisa banaaya tha। ek baar kile mein bam phata to ek phakeer ne kaha ki kaali maata gusse hui hain, bas usne jaakar vahaan kaali ka mandir bana diya। ab kaali hai kaun! kuchh bhi nahin jaante। tumko ab knowledge mili hai, aisi koi cheez nahin jisko tum na jaano। samajhte ho baba se varsa le rahe hain to poora purushaartha karna chaahiye na।

pahle number ka duhkh tab shuru hota hai jab kumaar kumaari shaadi karte hain। tumhein to shaadi karne ka kabhi khyaal bhi nahin aana chaahiye। ab baap kehte hain yeh raavan raajya khatma hona hai। yeh hai vikaari grihastha vyavhaar। devi-devtaaon ke liye gaate rehte hain। yeh kisko pata nahin ki in devtaaon ko nirvikaari banaane vaala kaun hai! satayug hai sampoorn nirvikaari duniya। shaastron mein phir dikha diya hai ki vahaan bhi vikaar the। parantu woh to hai hi viceless world, vikaari duniya aur nirvikaari duniya mein kitna pharka hai। yeh baaten aur kiski buddhi mein nahin hain। tum jaante ho in lakshmi-naaraayan ka jab raajya tha to kitne thode manushya the। ek hi dharma tha phir vriddhi ko paaya hai। chakra bhi poora lagaana pade, tab kahenge poori prithvi par chakra lagaaya। samudra ka to chakra laga na saken। satayug mein thode hain to kitni thodi jameen lete hain। ab manushya srishti ki had poori honi hai। oopar mein thodi aatmaayen jo hain - woh bhi aati rehti hain। manushya badhte hi rehte hain। jab vahaan se bhi aatmaayen aana poori ho jaayengi, tum karmaateet avastha ko paayenge phir aatmaon ko shareer chhodkar jaana hai। unka aana tumhaara jaana hoga। thode-thode aate rehte hain। samajh ki baat hai na। ham pahle-pahle jaakar vahaan rahenge। hamaare hote koi rehna nahin chaahiye। yeh vistaar ki baaten hain। bachchon ko phir bhi baap kehte hain - achha apne pyaare baabul ko yaad karo। tumko phaayda hai baap ko yaad karne mein। yeh history-geography to manushya bahut padhte hain। bahut door-door jaate hain। moon mein bhi jaate hain। yeh hai science ka ghamanda। ati mein jaate hain। moon mein kuchh khada thode hi hai। tum to soorya chaand se bhi paar ho jaate ho। yeh knowledge tumhaari buddhi mein abhi hai। samajhte ho drama plan anusaar baba yeh sab batlaate hain। baap hi kehte hain main tumko patit se paavan banaata hoon। yeh mera part hai। bhakti maarga mein bhi yeh hamaara part hai। hai to drama na। jaise tum paartadhaari ho, main bhi paartadhaari hoon। mera kaam hai tumko patit se paavan banaana। jo kuchh karte hain to unki mahima hoti hai na। in lakshmi-naaraayan ki kitni mahima hai। parantu unhon ko aisa laayak kisne banaaya। yeh sukhdhaam ke maalik the। abhi to anek prakaar ke kitne duhkh hain। aaj koi mara, jhagda hua, bhal kiske paas laakh karod padam hain, parantu agar koi beemaari aadi aa jaati hai to kya karenge! birla ke paas kitne paise hain! ek janma mein paisa dekhne mein aata hai, parantu aisa koi nahin hai jisko koi duhkh nahin ho। kisi na kisi prakaar ka duhkh sabhi ko hota hai। abhi to yeh paise aadi sab mitti mein mil jaane hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmaateet avastha ko praapta kar vaapas ghar jaana hai parantu jaayenge tab jab aatmaon ka aana banda hoga, is vistaar ko buddhi mein rakh ek baabul ko pyaar se yaad karna hai।

2) gyaan ki roshni mili hai isliye nishchaybuddhi ban baap se poora varsa lena hai। kahaan bhi rehte yaad ke bal se aatma ko tamopradhaan se satopradhaan banaane ka purushaartha karna hai।

vardaan:- svamaan mein sthit rah vishwa dvaara sammaan praapta karne vaale, deh-abhimaan mukta bhav

padhaai ka mool lakshya hai - deh-abhimaan se nyaare ho dehi-abhimaani banna। is deh-abhimaan se nyaare athva mukta hone ki vidhi hi hai - sada svamaan mein sthit rehna। sangamayug ke aur bhavishya ke jo anek prakaar ke svamaan hain unmein kisi ek bhi svamaan mein sthit rahne se deh-abhimaan mitta jaayega। jo svamaan mein sthit rehta hai unhein svatah maan praapta hota hai। sada svamaan mein rahne vaale hi vishwa mahaaraajan bante hain aur vishwa unhein sammaan deti hai।

slogan:- jaisa samay vaisa apne ko mould kar lena - yahi hai real gold banna।

ye avyakt ishaare - jvaalaasvaroop sthiti mein rah shaktishaali yaad ka anubhav karo

abhi nirbhay jvaalaamukhi ban prakriti aur aatmaon ke andar jo tamogun hai use bhasma karo। tapasya arthaat jvaala swaroop yaad, is yaad dvaara hi maaya va prakriti ka vikraal roop sheetal ho jaayega। aapka teesra netra, jvaalaamukhi netra maaya ko shaktiheen kar dega।