Murli du jour du jeudi 27 août 2026

27-08-2026 praatahmurli om shanti "baapdaada"' madhuban

“meethe bachche - ab is behad ki puraani duniya ka vinaash hona hai, nai duniya sthaapan ho rahi hai, isliye nai duniya mein chalne ke liye pavitra bano''

prashn:- paramatma ke baare mein tum bachche kaun si wonderful baat jaante ho jo manushyon ki samajh se baahar hai?

uttar:- tum kehte ho jaise aatma jyoti bindu hai, vaise paramatma bhi ati sookshm jyoti bindu hai। yeh wonderful baaten manushyon ki samajh se baahar hain। kai bachche bhi ismen moonjh jaate hain। baba kehte bachche moonjho mat। agar chhote roop mein yaad nahin rehti to bade roop mein yaad karo। yaad zaroor karna hai।

geet:- raat ke raahi thak mat jaana…

om shanti। roohaani bachchon ko roohaani baap baith samjhaate hain isliye bachchon ko aatma-abhimaani ho baithna hai। aisa aur koi jagah samjhaaya nahin jaata। koi bhi saadhu-santa aise nahin samjhaate ki aatma-abhimaani ho baitho। yeh ek baap hi samjhaate hain aur kisko kahne aayega nahin। yeh yukti koi bata nahin sakenge। tum bachche bhi samajhte ho ham aatma hain। aatma hi ek shareer chhod doosra leti hai। kab barrister, kab doctor banti hai। aatma hi abhi patit bani hai phir paavan banegi। aatma mein gyaan dhaaran hota hai। baap niraakaar gyaan ka saagar hai to zaroor aakar gyaan sunaayenge na। patit-paavan hai to zaroor aakar paavan banaayenge। woh hai supreme parampita paramatma। main tumhaara baap supreme hoon, knowledgeful hoon। mujhe apna shareer nahin hai। yeh sab knowledge tumhaari aatma dhaaran karti hai to tumko aatma-abhimaani banna hai। deh-abhimaan nahin rakhna hai aur koi aisi jagah nahin jahaan sunne aur sunaane vaale donon dehi-abhimaani hon। baap to hai hi niraakaar। woh aakar tumko raajayog sikhlaate hain। baaki sab manushya hain hi deh-abhimaani। bhal in lakshmi-naaraayan ke liye kahenge - yeh aatma-abhimaani the phir bhi dehbhaan to rehta hai na। yeh gyaan parampita paramatma hi aakar dete hain। aatma ko dhaaran karna hota hai। aatma ko hi patit se paavan hone ki yukti bataate hain। abhi saari duniya ka down fall hai phir rise karne aate hain। yeh tum bachche jaante ho। down fall maana destruction rise maana construction। sthaapna aur vinaash। sthaapna kiski? nai duniya ki, svarga ki sthaapna aur phir puraani duniya hell, narka ka vinaash। destruction aur construction। kaliyug hai puraani duniya, iska vinaash zaroor chaahiye। vinaash ki nishaani - yeh mahaabhaari mahaabhaarat ladaai hai। mahaabhaarat ka vritaanta mahaabhaarat shaastra mein dikhaate hain। baap, brahma dvaara sthaapna karte hain। so to zaroor nai duniya ki karenge na। yeh hai behad ka vinaash aur behad ki sthaapna, baap hi naya makaan banaayenge - bachchon ke liye। phir puraana zaroor khalaas karaayenge। tum samajhte ho - baba ab nai duniya sthaapan kar rahe hain। tamopradhaan se phir satopradhaan banaane ke liye hamko taiyaar kar rahe hain। vinaash ke liye mahaabhaarat ki ladaai mashhoor hai। kehte hain yeh vahi samay hai। vahi stars aakar aapas mein mile hain jo mahaabhaarat ke samay the। is seedhi mein bhi likha gaya hai bhaarat ke utthaan aur patan ki adbhut kahaani। is line mein kalpa-kalpa akshar bhi aana chaahiye। shuru se ant tak manushya 84 janma lete hain। yeh bhi tumhaari buddhi mein hai। manushyon ki buddhi ko to ekdam godrej ka taala laga hua hai। in baaton ko manushya ko jaanna hai। aatmaayen yahaan shareer dhaaran karti hain part bajaane। to drama ke aadi-madhya-ant ke creator, director, mukhya actors aadi ko jaanna chaahiye na। abhi tumko drama ke aadi-madhya-ant, hu is hu, saare drama ka pata pad gaya hai - shuru se lekar ant tak। baap dvaara yeh knowledge saari mil rahi hai। srishti chakra kaise phirta hai। inko kaha jaata hai roohaani knowledge। jismaani gyaan ko philosophy kaha jaata hai। spiritual knowledge, roohaani knowledge ko gyaan kaha jaata hai। ab yeh sab baaten bachchon ki buddhi mein bithaai hain।

bachche jaante hain ab 84 janmon ka naatak poora hota hai। abhi ham vaapis jaate hain parantu patit koi vaapis ja na sake। nahin to itne jap tap teertha aadi kyon karte। pavitra banne liye hi ganga snaan karne jaate hain, parantu usse koi paavan to ban nahin sakte isliye vaapis koi ja nahin sakte। gapode to bahut lagaate hain ki phalaana paar nirvaandhaam gaya, jyoti jyot samaaya। baap ne samjhaaya hai vaapis koi jaata nahin hai। sab actors yahaan hi hain। abhi naatak poora hota hai to sabhi stage par khade hue hain। abhi sab yahaan maujood hain। manushyon ko pata nahin ki bauddhi, Christian aadi kahaan hain। tum samajhte ho jo sab aatmaayen oopar se yahaan aai hain woh sab is samay tamopradhaan hain। tamopradhaan se satopradhaan kalpa pahle bhi bane the। baap hi aakar sthaapna, vinaash karaate hain। kehte bhi hain yeh gyaan raajaaon ka raaja banaane vaala hai। yeh behad ke baap ne kaha hai ki main tumko raajaaon ka raaja banaata hoon। shreekrishna to sthaapna nahin karaate। creator baap hai। baap hi aakar samjhaate hain ki tum mujhe bulaate hi tab ho jabki srishti patit hai। aise nahin ki main nai srishti rachta hoon। jaise dikhaate hain pralay hui, yeh sab wrong hai। manushya bulaate hi hain ki he patit-paavan aao to zaroor patit duniya mein aayenge na। baap hi aakar shreekrishnapuri ka saakshaatkaar karaate hain। dikhaate hain shreekrishna peepal ke patte par saagar mein aaya... yeh hai theek baat। nai duniya mein first shreekrishna hi aate hain। saagar mein nahin parantu garbha mahal mein aate hain। angootha chooste, bade aaraam se garbha mahal mein rehte hain। satayug mein jo bhi bachche hote hain - garbha mahal mein rehte hain। unhonne garbha mahal ki baat ko phir saagar mein patte par baith dikhaaya hai। woh sab hai bhakti maarga ki baaten। baap in sab shaastron ka saar baith samjhaate hain। yahaan garbhajel mein rehte hain tab kehte hain hamko baahar nikaalo। phir ham paap nahin karenge। parantu raavan ki duniya mein paap to hote hi hain। phir bhi paap karne lag padte hain। tum aadhaakalpa jel birds ban jaate ho। chor logon ko jel birds kehte hain। baahar nikalte rehte phir bhi chori karte rehte hain aur jel mein jaana padta hai isliye jel birds kehte hain। baap ne samjhaaya hai yeh raavan raajya hai। vahaan to yeh baaten hoti hi nahin। woh hai hi raamraajya। vahaan na garbhajel hai aur na woh jel hota hai। yahaan to kitne manushya jel mein pade rehte hain। garbha jel hai to woh bhi jel hai। double jel hai। kaliyug ka ant hai na।

baap samjhaate hain tum bachche abhi construction kar rahe ho। rise aur fall, har kalpa hota hi rehta hai। rise aur fall duniya ka hota hai। usmein mukhya part hai bhaarat ka। gaate bhi rehte hain aatma paramatma alag rahe bahukaal.... to uska bhi hisaab chaahiye na। kaun si aatmaayen bahutkaal se alag rahi hain। pahle-pahle devi-devta dharma ki aatmaayen aati hain part bajaane। abhi woh devta hain nahin, jo raajya karke jaate hain, unhon ke chitra nishaaniyaan rehti hain। raajaai to khatma ho gai। heaven khalaas ho jaata hai to phir hell hota hai phir hell khatma to heaven banta hai। to nai duniya ka construction hota hai aur hell ka destruction hota hai। construction ke liye bachche chaahiye na। rahne vaale bhi tum ho। pahle to tumko daivi gunon vaala devta banna pade। yeh bhi gaayan hai manushya se devta... moot paleeti manushya hain na। bhagvaanuvaach - grihastha vyavhaar mein rehte kamal phool samaan banna hai। yeh is mrityulok ka hai hi antim janma, ismen pavitra banna hai। yeh achhi reeti samjhaana chaahiye। ham yeh mrityulok ka antim janma pavitra rehte hain। baap kehte hain - in vikaaron par jeet paane se tum vishwa ka maalik banenge। bachche bhi sunkar phir auron ko samjhaate hain ki is puraani duniya ka vinaash saamne khada hai। yeh vahi mahaabhaarat ki ladaai hai, kaam mahaashatru hai, isliye pratigya karo। abhi tum samajhte ho ham pavitra bante hain। is puraani duniya ka vinaash zaroor hona hai, unke pahle pavitra zaroor banna hai। vinaash hota hai phir to baat mat poochho - haahaakaar ho jaata hai, bahut kada maut hai। tum dekh bhi nahin sakenge। koi ka operation hota hai to kamjor log thaharte nahin, gir padte hain isliye doctor log families ko to allow nahin karte। yeh to kitna bhaari operation hoga। ek do ko maarte rahenge। yeh hai dirty duniya, kaanton ka jangal। satayug ko kaha jaata hai garden oph flowers, phoolon ka bageecha। devtaayen chaitanya phool hain na। manushya to samajhte hain bahishta mein koi phoolon ka bageecha hota hai, jo sunte hain so kah dete hain। garden oph allaah kehte hain na, phir dhyaan mein bhi garden dekhenge। allaah ne haath mein phool diya। buddhi mein hi khudaai bageecha hai। bhakti maarga mein saakshaatkaar karne ke liye bhakti karte hain। saakshaatkaar hua to kahenge sarvavyaapi hai na। jo past hua so phir hoga। bachche jis poshaak mein, jaise aaye hain, aisi poshaak mein phir kalpa baad aayenge। drama ko koi achhi reeti samajhte hain, baba ke paas koi aate hain to baba poochhte hain aage kab aaye ho? kehte hain - haan baba aapse kalpa aage bhi mile the, aapse varsa lene aaye the। baap poochhte hain kya martaba paaya tha? baba mama kehte hain to zaroor unhon ke gharaane mein aayenge।

baba kehte hain aisa purushaartha karo jo oonch pad paao। yeh sab baaten tumhaari buddhi mein hain। barobar ladaai bhi hai, narka vinaash to hona hi hai। tumhaare paas chitra bade first class hain। yeh shreekrishna ke do gole vaala chitra bhi chhapaana chaahiye, ismen bada clear hai। svarga ke dvaar khulte hain to narka taraph laat hai। tumhaara bhi munh hai svarga taraph, yeh to bilkul accurate baat hai। jaante ho abhi hamko ghar jaana hai to ghar ko hi yaad karna pade। puraani duniya ko bhoolna pade, isko kaha jaata hai behad ka vairaagya। puraani duniya ko chhod ham baba ke paas jaate hain। yaad ki yaatra se hi jaayenge। mukhya hai hi yaad ki baat। yaad to sab karte hain na। abhi baap yathaartha baat aakar samjhaate hain ki mujhe yaad karo। yeh hai avyabhichaari yaad so bhi arth sahit। tum jaante ho shivbaaba bhi bindi hai। apne ko bhi aatma bindi samjhen, baap ko bhi bindi samjhen। nai baat dekh bhool jaate hain। apne ko aatma samajh phir baap ko aur apne ghar ko yaad karna hai। achha bindi chhoti lagti hai, ghar to bada hai na। ghar ko yaad karo। baba bhi vahaan rehte hain। ham tum vahaan jaayenge jahaan baba rehte hain। bindi yaad nahin padti hai, achha ghar to yaad padta hai na, woh hai shantidham aur woh hai sukhdhaam। yeh hai duhkhadhaam। abhi tum nambarvaar purushaartha anusaar padh rahe ho phir sukhdhaam mein aa jaayenge। baap ke bachche hain to zaroor svarga ki baadshaahi chaahiye। kalpa pahle bhi shivbaaba aaya tha, svarga ki baadshaahi di thi। tum bhool gaye ho। baap kehte hain - abhi phir aaya hoon, tumko dene। kitne baar tumne raajaai li aur ganvaai hai। anginat baar varsa liya hai phir bhi aise baap ko bhool kyon jaate ho! maaya ke toofaan se bahut ladaai hoti hai isliye naatak bhi dikhaate hain - maaya us taraph kheenchati hai, prabhu is taraph kheenchate hain। gyaan mein vighna nahin padte, yaad mein vighna padte hain, ismen hi mehnat hai। ab baap kehte hain - mahaarthi bano। is puraani duniya ko to aag lagni hai। is yagya mein saari puraani duniya svaaha honi hai to mahaaveer bhi banna hai। tum bachchon ko akhanda, atal, adol raajya paana hai। tumhaara buddhiyog baap ke saath aisa rahe jo bhal kitna bhi toofaan aaye, maaya kuchh kar na sake। yeh hai tumhaari pichhaadi ki avastha, jab transfer hona hota hai। jaise school mein imtihaan pichhaadi ko hote hain, tumhaari maala bhi pichhaadi mein banengi। tumko bahut saakshaatkaar hoga - phalaane yeh banenge, phalaana ye banega। ye daasi banegi... ye sab bataayenge। us samay to kuchh bhi kar nahin sakenge, phir pachhtaana padega, yeh hamne kya kiya! shreemat par kyon nahin chala! parantu ant samay mein kuchh ho nahin sakega। aise bahut pachhtaate hain। manushya kiska khoon kar phir baad mein pachhtaate hain। parantu khoon to ho gaya phir kya kar sakenge isliye baap kehte hain - gaphlat mat karo, apna purushaartha karte raho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) 84 janmon ka naatak abhi poora hota hai, vaapas ghar chalna hai, isliye aatma-abhimaani rah paavan banna hai। deh-abhimaan mitaana hai।

2) arth sahit apne ko aatma bindu samajh, bindu baap ki avyabhichaari yaad mein rehna hai। mahaaveer ban apni avastha adol, achal banaani hai।

vardaan:- vyartha ki leakage ko samaapta kar samartha banne vaale kam kharcha baalaansheen bhav

sangamayug par baapdaada dvaara jo bhi khajaane mile hain un sarva khajaanon ko vyartha jaane se bachaao to kam kharcha baalaansheen ban jaayenge। vyartha se bachaav karna arthaat samartha banna। jahaan samarthi hai vahaan vyartha jaaye - yeh ho nahin sakta। agar vyartha ki leakage hai to kitna bhi purushaartha karo, mehnat karo lekin shaktishaali ban nahin sakte, isliye leakage ko check kar samaapta karo to vyartha se samartha ho jaayenge।

slogan:- pravritti mein rehte sampoorn pavitra rehna - yahi yogi va gyaani tu aatma ki challenge hai।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

parmaatma gyaan ki naveenta pavitrata hai। falak se kehte ho na ki aag-kapoos ikattha rehte bhi aag nahin lag sakti। aap log bhaashnon mein bhi kehte ho ki pavitrata ke bina yogi tu aatma, gyaani tu aatma ban hi nahin sakte। to yeh challenge ab practical roop mein laao।