Murli du jour du lundi 21 septembre 2026

21-09-2026 praatahmurli om shanti "baapdaada"' madhuban

“meethe bachche - apne se badon ka regard rakhna yeh bhi daiveegun hai, jo hoshiyaar achha samjhaane vaale hain, unko follow karna hai''

prashn:- satayug mein koi bhi bhakti ki rasam-rivaaj nahin hoti hai - kyon?

uttar:- kyonki gyaan ka saagar baap gyaan dekar sadgati mein bhej dete hain। bhakti ka phal mil jaata hai। gyaan milne se bhakti ka jaise divorce ho jaata। jab hai hi gyaan ki praalabdha ka samay to bhakti, tap daan punya karne ki jaroorat hi kya! vahaan yeh koi bhi rasam ho nahin sakti।

om shanti। patit-paavan shiv bhagvaanuvaach। ab baap baith bachchon ko gyaan sunaate hain। bachchon ko samjhaaya gaya hai jab main yahaan aata hoon to patiton ko paavan banaane ke liye gyaan sunaata hoon aur koi yeh gyaan sikhla na sake। woh bhi bhakti hi sikhlaate hain। gyaan sirf tum bachche hi seekhte ho jo tum apne ko brahmaakumaar-kumaariyaan samajhte ho। delvaada mandir tumhaare saamne khada hai। vahaan bhi raajayog ki tapasya mein baithe hain। jagat amba bhi hai, prajaapita bhi hai। kumaari kanya, adhar kumaari bhi hai। baap raajayog sikhla rahe hain। oopar mein raajaai ke chitra bhi khade hain। baap koi bhakti nahin sikhlaate hain। bhakti hi unki karte hain jo sikhlaakar gaye hain। parantu unko pata nahin hai ki kaun raajayog sikhlaae raajaai sthaapan karke gaye hain। tum bachche abhi jaante ho bhakti alag cheez hai, gyaan alag cheez hai। gyaan sunaane vaala hai hi ek aur koi suna na sake। gyaan ka saagar ek hi hai। vahi aakar gyaan se patiton ko paavan banaate hain। aur jo bhi satsang hain unmein koi bhi gyaan nahin sikhla sakte। bhal apne ko shri shri 108 jagatguru, bhagwan bhi kehte hain parantu aise koi nahin kehte ki main sabka parampita gyaan ka saagar hoon, unko koi parampita to kehte hi nahin। yeh to jaante hi hain ki parampita patit-paavan hai। yeh points buddhi mein achhi reeti rakhni hai। manushya kehte hain yeh brahmaakumaariyaan to bhakti ko divorce deti hain। lekin jab gyaan milta hai to bhakti ko divorce dena hi hai। aise nahin jab bhakti mein jaate hain to us samay yeh maaloom padta hai ki ham gyaan ko divorce dete hain। nahin, woh to automatically raavan raajya mein aa jaate hain। abhi tumko samajh mili hai ki baba hamko raajayog sikhla rahe hain। raajayog ka gyaan hai, inko bhakti nahin kahenge। bhagwan gyaan ka saagar hai, woh kabhi bhakti nahin sikhlaayenge। bhakti ka phal hai hi gyaan। gyaan se hoti hai sadgati। kaliyug ke ant mein sab duhkhi hain isliye is puraani duniya ko duhkhadhaam kaha jaata hai। in baaton ko abhi tum samajhte ho। baap aaya hua hai bhakti ka phal arthaat sadgati dene। raajayog sikhla rahe hain। yeh hai puraani duniya, jiska vinaash hona hai। hamko raajaai chaahiye nai duniya mein। yeh raajayog ka gyaan hai। gyaan sikhlaane vaala ek hi parampita paramatma shiv hai। unko hi gyaan saagar kaha jaata hai, shreekrishna ko nahin। shreekrishna ki mahima hi alag hai। zaroor aage janma mein aisa kartavya kiya hai jo prince bana hai।

abhi tum jaante ho ham raajayog ka gyaan le nai duniya mein svarga ka prince-princess banenge। svarga ko sadgati, narka ko durgati kaha jaata hai। ham apne liye raajya sthaapan kar rahe hain। baaki jo yeh gyaan nahin lenge, paavan nahin banenge to raajdhaani mein aa nahin sakenge kyonki satayug mein bahut thode honge। kaliyug ant mein jo itne anek manushya hain, woh zaroor muktidhaam mein honge। gum nahin ho jaate hain, sab ghar chale jaate hain। abhi to bachchon ko ghar yaad rehta hai ki ab 84 janmon ka chakra poora hota hai। naatak poora hota hai। anek baar chakra lagaaya hai। yeh tum brahman bachche hi jaante ho। brahman to bante jaate hain। 16108 ki maala hai। satayug mein to bahut nahin honge। satayug ka model roop bhi dikhlaate hain na। badi cheez ka model chhota hota hai। jaise sone ki dvaarika dikhlaate hain। kaha jaata hai - dvaarika mein shreekrishna ka raajya tha। ab dvaarika mein kahenge va dehli mein kahenge? jamuna ka kantha to yahaan dehli mein hai। vahaan to saagar hai। yeh to bachche samajhte hain jamuna ka kantha tha capital। dvaarika capital nahin hai। dehli mashhoor hai। jamuna nadi bhi chaahiye। jamuna ki mahima hai। paristaan dehli ko hi kaha jaata hai। badi gaddi dehli hi hogi। abhi to bachche samajhte hain bhakti maarga khalaas ho gyaan maarga hota hai। yeh daivi raajdhaani sthaapan ho rahi hai। baap kehte hain - aage chal tumko sab maaloom pad jaayega। kaun-kaun kitna paas hote hain। school mein bhi maaloom padta hai, phalaane-phalaane itne number se paas hue hain। abhi doosre class mein jaate hain। pichhaadi ke samay jaasti pata padega। kaun-kaun paas hote hain jo phir transfer honge। class to bada hai na। behad ka class hai। centres din-pratidin badhte jaayenge। koi aakar 7 roz ka course achhi reeti lenge। ek-do roz ka course bhi kam nahin hai। dekhte hain kaliyug ka vinaash saamne khada hai, ab satopradhaan banna hai। baap ne kaha hai buddhi-yog mere se lagaao to satopradhaan ban jaayenge। pavitra duniya mein aayenge, part to zaroor bajaana hi hai। jaise drama mein kalpa pahle part baj chuka hai। bhaaratvaasi hi raajya karte the phir vriddhi ko paaya hai। jhaad vriddhi ko paata jaata hai। bhaaratvaasi devi-devta dharma vaale hain। parantu paavan na hone ke kaaran un paavan devtaaon ko poojte hain। jaise Christian log Christ ko poojte hain। aadi sanaatan devi-devta dharma hai - satayug mein। satayug ki sthaapna karne vaala hai baap। barobar satayug mein in devtaaon ka raajya tha। to zaroor ek janma pahle inhonne purushaartha kiya hoga। zaroor woh sangam hi hoga। jabki puraani duniya badal nai duniya hoti hai। kaliyug badal satayug aana hai to kaliyug mein patit honge। baba ne samjhaaya hai yeh lakshmi-naaraayan ka chitra banaate ho va literature chhapaate ho to usmein likh dena chaahiye ki inhonne is sahaj raajayog ke gyaan se aage janma mein yeh purushaartha kiya hai। sirf raaja-raani to nahin honge। praja bhi to banti hai na। agyaan mein to kuchh bhi manushya nahin jaante sirf pooja karte rehte hain। abhi tum samajhte ho ve log pooja karte hain to sirf lakshmi-naaraayan ko hi dekhte rehte। gyaan kuchh bhi nahin। log samajhte hain bhakti bigar bhagwan hi nahin milega। tum kisko kehte ho bhagwan aaya hua hai to tum par hansate hain। bhagwan to aayega kaliyug ke ant mein, to abhi kahaan se aaya! kaliyug ke ant mein bhi kyon kehte hain, yeh bhi samajhte nahin। woh to shreekrishna ko dvaapar mein le gaye hain। manushyon ko jo aata hai so bol dete hain, bigar samajh ke isliye baap kehte hain tum bilkul hi besmajh ban gaye ho। baap ko sarvavyaapi kah dete hain। bhakti baahar se to bahut khoobsoorat dikhaai padti hai। bhakti ki chamak kitni hai! tumhaare paas to kuchh bhi nahin hai। aur kahaan bhi satsang aadi mein jaayenge to aavaaj zaroor hoga। geet gaayenge। yahaan to baba record bhi nahin pasanda karte। aage chal shaayad yeh bhi banda ho jaaen।

baap kehte hain - in geeton aadi ka sab saar tumko samjhaata hoon। tum arth jaante ho। yeh padhaai hai। bachche jaante hain ham raajayog seekh rahe hain। agar kam padhenge to praja mein chale jaayenge isliye jo bahut hoshiyaar hain unko follow karna chaahiye kyonki unka padhaai mein attention jaasti hai to usse phaayda hoga। jo achha samjhaane vaale hain unse seekhna chaahiye। jo achha samjhaate hain unko centres par yaad karte hain na। brahmaakumaari to baithi hai phir kehte hain phalaani aaye। samajhte hain yeh badi hoshiyaar hai। aise hain to uska phir aadar bhi karna pade। bade ka phir regard bhi aisa rakhna hota hai। yeh gyaan mein hamaare se teekhe hain, zaroor inko oonch pad milega, ismen ahankaar nahin aana chaahiye। bade ki badi ijjat hoti hain। president ki zaroor jaasti ijjat hogi। har ek ki nambarvaar ijjat hoti hai। ek-do ka regard to rakhenge na। barrister mein bhi nambarvaar hote hain। bade case mein bada hoshiyaar vakeel lete hain। koi-koi to laakh roopaye ka bhi case uthaate hain। nambarvaar zaroor hote hain। hamse hoshiyaar hain to regard rakhna chaahiye। centre sambhaalna hai। sab kaam bhi karna hai। baba ko saara din khyaalaat rehte hain na। pradarshani kaise banaai jaaye, poora attention dena hai। ham tamopradhaan se satopradhaan kaise banen। baap aaye hi hain satopradhaan banaane। patit-paavan baap hi hai। yahaan phir kehte patit-paavni ganga, usmein janma-janmaantar snaan karte aaye hain। paavan to koi bhi nahin bana hai। yeh sab hai bhakti। jabki kehte hain he patit-paavan aao। woh aayega to zaroor sangam par, aur ek hi baar aate hain। har ek ki apni-apni rasam-rivaaj hai। jaise nepaal mein ashtami par bali chadhaate hain। chhote bachche ko haath mein bandook de chalvaate hain। woh bhi bali chadhaayenge। bada hoga to ek dhak se bachhde ko kaat dega। koi ne kam dhak lagaaya, ek dhak se na mare to woh bali nahin hui, woh devi par nahin chadhaayenge। yeh sab hai bhakti maarga। har ek ki apni-apni kalpana hai। kalpana par followers ban jaate hain। yahaan phir yeh nai baaten hain। inko to bachche hi jaan saken। ek hi baap baith srishti ke aadi-madhya-ant ka gyaan sunaate hain। tumko khushi rehti hai ham svadarshan chakradhaari hain, aur koi samajh na saken। tumko sabha mein ham kahenge - sarvottam brahman kul bhooshan, svadarshan chakradhaari to iska arth tum samjhenge। naya koi hoga to moonjh jaayega ki yeh kya kaha? svadarshan chakradhaari to vishnu hai। yeh nai baat hai na isliye tumhaare liye kehte hain baahar maidaan mein aao to pata pade।

tumhaara hai gyaan maarga। tum 5 vikaaron par jeet paate ho। in asuron (5 vikaaron) se tumhaari ladaai hai। phir tum devta bante ho aur koi ladaai ki baat nahin hoti। jahaan asur hain vahaan devtaayen hote nahin। tum ho brahman, devta banne vaale। jo purushaartha kar rahe ho। roodra gyaan yagya mein brahman zaroor chaahiye। sivaae braahmanon ke yagya hota nahin। roodra hai shiv, phir shreekrishna ka naam kahaan se aaya। tum duniya se bilkul hi nyaare ho। aur tum ho kitne thode। chidiyaaon ne saagar ko hap kiya। shaastron mein danta kathaayen kitni hain। baap kehte hain - ab woh sab bhool maamekam yaad karo। aatma hi baap ko yaad karti hai। baap to ek hai na। he paramatma va prabhu kehte hain to us samay ling bhi yaad nahin aata hai। sirf eeshvar va prabhu kah dete hain। aatma ko baap se aadhaakalpa ka sukh mila hua hai, to phir bhakti maarga mein yaad karti hai। abhi tumko knowledge mili hai - aatma kya hai, paramatma kya hai। ham sab aatmaayen mool vatan mein rahne vaali hain, vahaan se nambarvaar part bajaane aati hain। pahle aate hain devi-devtaayen। kehte hain Christ ke pahle devi-devta dharma tha। 5 hajaar varsha ki baat hai। vo log kah dete 50 hajaar saal ki yeh puraani cheez hai। parantu 50 hajaar varsha ki puraani cheez koi ho nahin sakti। drama hai hi 5 hajaar varsha ka। mukhya dharma hain hi yeh। in dharma vaalon ke hi makaan aadi honge। pahle-pahle to rajoguni buddhi the। abhi to aur hi tamoguni buddhi vaale hain। pradarshani mein kitna samjhaate hain। kiski samajh mein thode hi aata hai। braahmanon ki hi sapling lagni hai। to bachchon ko samjhaaya gaya hai - gyaan alag cheez hai, bhakti alag cheez hai। gyaan se sadgati hoti hai isliye kehte bhi hain he patit-paavan aao, duhkh se liberate karo। phir guide ban saath le jaayenge। baap aakar aatmaon ko le jaate hain। shareer to sab khatma ho jaayenge। vinaash hoga na। shaastron mein ek hi mahaabhaarat ki ladaai gaai hui hai। kehte bhi hain yeh vahi mahaabhaarat ki ladaai hai। woh to lagni hi hai। sabko baap ka parichay dete raho। tamopradhaan se satopradhaan banne ka upaay to ek hi hai। baap kehte hain - maamekam yaad karo to vikarma vinaash ho jaayenge aur aatma mere saath chali jaayegi। sabko sandesh dete raho to bahuton ka kalyaan hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo padhaai mein hoshiyaar hain, achha samjhaate hain - unka sang karna hai, unhein regard dena hai। kabhi bhi ahankaar mein nahin aana hai।

2) gyaan ki nai-nai baaton ko achhi reeti samajhna va samjhaana hai। isi khushi mein rehna hai ki ham hain svadarshan chakradhaari।

vardaan:- nyaare aur pyaare pan ki yogyata dvaara lagaavmukta banne vaale sahajyogi bhav

sahajyogi jeevan ka anubhav karne ke liye gyaan sahit nyaare bano, sirf baahar se nyaara nahin banna lekin man ka lagaav na ho। jitna jo nyaara banta utna pyaara avashya ban jaata hai। nyaari avastha pyaari lagti hai। jo baahar ke lagaav se nyaare nahin woh pyaare banne ke bajaae pareshaan hote hain isliye sahajyogi arthaat nyaare aur pyaare pan ki yogyata vaale, sarva lagaavon se mukta।

slogan:- sva purushaartha aur seva ke balance dvaara bandhan, sambandh mein badal jaayega।

ye avyakt ishaare - ab apne daata swaroop ko pratyaksha karo

daata ke bachchon ko har second har sankalp mein dena hai। daata ka mukhya gun hai udaarchit। woh auron ke uddhaar ke nimitta hoga। to sadaiv samjho ki ham daata ke bachche hain, ek second bhi dene ke sivaae na rahe, usi ko kaha jaata hai mahaadaani। sadaiv dene ke dvaar khule hon, jaise mandir ka darvaaja sadaiv khula rehta hai, aise daata ke bachche ka dene ka dvaar kabhi banda na ho।