Murli du jour du lundi 12 octobre 2026

12-10-2026 praatahmurli om shanti "baapdaada"' madhuban

“meethe bachche - tum bahut oonch jaati ke ho, tumhein brahman se devta banna hai isliye gandi vikaari aadton ko mita dena hai''

prashn:- kis baat ka connection is padhaai se nahin hai?

uttar:- dress aadi ka connection is padhaai se nahin hai, ismen koi dress badalne ki baat hi nahin। baap to aatmaon ko padhaate hain। aatma jaanti hai yeh puraana patit shareer hai, isko kaisa bhi halka salka kapda pahnaao, harja nahin। shareer aur aatma donon hi kaale hain। baap kaale (saanvare) ko hi gora banaate hain।

om shanti। roohaani baap ke saamne roohaani bachche baithe hain, roohaani paathshaala mein। yeh jismaani paathshaala nahin hai। roohaani paathshaala mein roohaani baap baith raajayog sikhla rahe hain, roohaani bachchon ko। tum bachche jaante ho ham phir se nar se naaraayan athva devi-devta pad praapta karne ke liye roohaani baap ke paas baithe hain। yeh hai nai baat। yeh bhi tum jaante ho lakshmi-naaraayan ka raajya tha, ve double sirtaaj the। light ka taaj aur ratan jadit taaj donon the। pahle-pahle hota hai light ka taaj, jo hokar gaye unko saphed light dikhaate hain। yeh hai pavitrata ki nishaani। apvitra ko kabhi light nahin dikhaayenge। tumhaara photo nikaalen to light nahin de sakte। yeh pavitrata ki nishaani dete hain। light aur dark। brahma ka din light, brahma ki raat dark। dark arthaat un par light nahin hai। tum bachche jaante ho - baap hi aakar, itne jo patit arthaat dark hi dark hain, unko paavan banaate hain। ab to pavitra raajdhaani hai nahin। satayug mein the yatha raaja raani tatha praja, sab pavitra the। in lakshmi-naaraayan ka raajya tha। is chitra par tum bachchon ko bahut achhi reeti samjhaana hai। yeh hai tumhaari em object। samjhaane ke liye aur bhi achhe chitra hain isliye itne chitra rakhe jaate hain। manushya koi phat se samajhte nahin hain ki ham is yaad ki yaatra se tamopradhaan se satopradhaan banenge, phir mukti va jeevanmukti mein chale jaayenge। duniya mein kisko pata nahin ki jeevanmukti kisko kaha jaata hai। lakshmi-naaraayan ka raajya kab tha - yeh bhi kisko pata nahin hai। ab tum jaante ho ham baap se pavitrata ka daivi svaraajya le rahe hain। chitron par tum achhi reeti samjha sakte ho। bhaarat mein hi double sirtaaj vaalon ki pooja karte hain। aisa chitra bhi seedhi mein hai। woh taaj hai parantu light ka taaj nahin hai। pavitra ki hi pooja hoti hai। light hai pavitrata ki nishaani। baaki aise nahin ki koi takhta par baithne se hi light nikalti hai। nahin, yeh pavitrata ki nishaani hai। tum ab purushaarthi ho isliye tum par light nahin de sakte hain। devi-devtaaon ki aatma aur shareer donon pavitra hain। yahaan to koi ka pavitra shareer hai nahin isliye light de nahin sakte। tumhaare mein koi to poora pavitra rehte hain। koi phir semi pavitra rehte hain। maaya ke toofaan bahut aate hain to unko semi pavitra kahenge। koi to ekdam patit ban padte hain। khud bhi samajhte hain ham patit ban gaye hain। aatma hi patit banti hai, unko light de nahin sakte।

tum bachchon ko yeh bhoolna nahin chaahiye ki ham oonch te oonch baap ke bachche hain, to kitni royalty honi chaahiye। samjho koi mehtar hai, woh em.L.A. va em.pi. ban jaate hain athva padhaai karke koi position pa lete hain to tiptop ho jaate hain। aise bahut ho gaye hain। jaati bhal vahi hai - parantu position milne se nasha chadh jaata hai। phir dress aadi bhi aisi hi pahnenge। vaise ab tum bhi padh rahe ho, patit se paavan banne ke liye। woh bhi padhaai se doctor, barrister aadi bante hain। parantu patit to hain na kyonki unhon ki padhaai koi paavan banne ke liye nahin hai। tum to jaante ho ham bhavishya mein pavitra devi-devta bante hain, to shoodrapne ki aadten mitti jaayengi। andar mein yeh nasha rehna chaahiye ki hamko parampita paramatma double sirtaaj banaate hain। ham shoodra se brahman bante hain phir devta banenge to phir woh gandi vikaari aadten mit jaati hain। aasuri cheezen sab chhodni paden। mehtar se em.pi. ban jaate hain to rahan-sahan makaan aadi sab first class ban jaate hain। unhon ka to hai is samay ke liye। tum to jaante ho ki ham bhavishya mein kya banne vaale hain। apne saath aisi-aisi baaten karni chaahiye। ham kya the, ham abhi kya bane hain। tum bhi shoodra jaati ke the, ab vishwa ke maalik bante ho। jab koi oonch pad paata hai to phir woh fakhur rehta hai। to tum bhi the kaun? (patit) chhi-chhi the। ab tumko bhagwan padhaakar behad ka maalik banaate hain। yeh bhi tum samajhte ho parampita paramatma zaroor yahaan hi aakar raajayog sikhlaayenge। mool vatan va sookshm vatan mein to nahin sikhlaayenge। doordesh ke rahne vaali aatmaayen tum sab ho, yahaan aakar part bajaati ho। 84 janmon ka part bajaana hi hai। woh to kah dete hain 84 laakh yoniyaan। kitna ghor andhiyaare mein hain। abhi tum samajhte ho - 5 hajaar varsha pahle ham devi-devta the। ab to patit ban gaye hain। gaate bhi hain he patit-paavan aao, hamko paavan banaao। parantu samajhte nahin hain। abhi baap svayan paavan banaane aaye hain। raajayog sikha rahe hain। padhaai bigar koi oonch pad pa nahin sakte। tum jaante ho baba hamko padhaakar nar se naaraayan banaate hain। em object saamne khadi hai। praja pad koi em object nahin hai। chitra bhi lakshmi-naaraayan ka hai। aise chitra kahaan rakh padhaate honge? tumhaari buddhi mein saari knowledge hai। ham 84 janma le patit bane hain। seedhi ka chitra bada achha hai। yeh patit duniya hai na, ismen saadhu santa sab aa jaate hain। woh khud bhi gaate rehte hain patit-paavan aao। patit duniya ko paavan duniya nahin kahenge। nai duniya hai paavan duniya। puraani patit duniya mein koi paavan rah na sake।

abhi tum bachchon ko kitna nasha rehna chaahiye, ham god fatherly student hain, eeshvar hamko padhaate hain। gareebon ko hi baap aakar padhaate hain। gareebon ke kapde aadi maile hote hain na। tumhaari aatma to padhti hai na। aatma jaanti hai yeh puraana shareer hai। inko to halka salka koi bhi kapda pahnaaya to harja nahin hai। ismen koi dress aadi badalne ki va bhabhka karne ki baat nahin hai। dress ke saath koi connection hi nahin। baap to aatmaon ko padhaate hain। shareer to patit hai, in par kitna bhi achha kapda pahno। parantu aatma aur shareer patit hai na। shreekrishna ko saanvara dikhaate hain na। unki aatma aur shareer donon kaale the। gaanvade ka chhora tha, tum sab gaanvade ke chhore the। duniya mein manushya maatra nidhanke hain। baap ko jaante hi nahin। had ka baap to sabko hai। behad ka baap tum braahmanon ko hi mila hai। ab behad ka baap tumko raajayog sikhla rahe hain। bhakti aur gyaan। bhakti ka jab ant ho tab phir baap aakar gyaan de। abhi hai ant। satayug mein yeh kuchh bhi hota nahin। abhi puraani duniya ka vinaash aakar pahuncha hai। paavan duniya ko svarga kaha jaata hai। chitron mein kitna clear samjhaaya jaata hai। raadhe krishna hi phir lakshmi-naaraayan bante hain। yeh bhi kisko pata nahin hai। tum jaante ho donon hi alag-alag raajdhaani ke the। tumne svarga ka svayanvar bhi dekha hai। paakistaan mein tum bachchon ko bahlaane ke liye sab saaz the, sab saakshaatkaar tumko hote the।

abhi tum jaante ho - ham raajayog seekh rahe hain, yeh bhoolna nahin chaahiye। bhal rasoi ka kaam karte hain athva bartan maanjate hain parantu padhti to sabki aatma hai na। yahaan sab aakar baithte hain isliye bade-bade aadmi aate nahin hain - samajhte hain yahaan to sab gareeb hi hain, isliye lajja aati hai। baap to hai hi gareeb nivaaz। koi-koi centres par mehtar bhi aate hain। koi musalmaan bhi aate hain। baap kehte hain - deh ke sab dharma chhodo। ham gujraati hain, ham phalaana hain - yeh sab deh-abhimaan hai। yahaan to aatmaon ko paramatma padhaate hain। baap kehte hain - main aaya bhi hoon saadhaaran tan mein। to saadhaaran ke paas saadhaaran hi aayenge। yeh to samajhte hain yeh to jauhri tha। baap khud remind karaate hain ki kalpa pahle bhi hamne kaha tha ki ham saadhaaran boodhe tan mein aata hoon। bahut janmon ke ant ke bhi antim janma mein main pravesh karta hoon। inko kehte hain ki tum apne janmon ko nahin jaante ho। sirf ek arjun ko to ghode gaadi ke rath mein baith gyaan nahin diya na, use paathshaala nahin kaha jaayega। na yuddha ka maidaan hai, yeh padhaai hai। bachchon ko padhaai par poora dhyaan dena chaahiye। hamko poora padhkar double sirtaaj banna hai। abhi to koi taaj nahin hai। bhavishya mein double taajdhaari banna hai। dvaapar se light chali jaati hai to phir single taaj rehta hai। single taaj vaale double taaj vaalon ko poojte hain। yeh bhi nishaani zaroor honi chaahiye। baba chitron ke liye direction dete rehte hain to chitra banaane vaalon ko to murli par bahut attention dena pade। chitron par kisi ko bhi samjhaana bada sahaj hota hai। jaise college mein nakshe par dikhaayenge to buddhi mein aa jaayega। Europe us taraph hai, island hai, london us taraph hai। naksha hi nahin dekha hoga to unko kya pata Europe kahaan hai। naksha dekhne se jhat buddhi mein aa jaayega। ab tum jaante ho oopar mein hain poojya double sirtaaj devi-devtaayen। phir neeche aate hain to pujaari bante hain। seedhi utarte hain na। yeh seedhi to badi sahaj hai। jo koi bhi samajh sakte। parantu koi-koi ki buddhi mein kuchh baithta hi nahin hai। takdeer hi aisi hai। school mein paas, naapaas to hote hi hain। takdeer mein nahin hai to purushaartha bhi nahin hota, beemaar pad jaate hain। padh na sake। koi to poora padhte hain। parantu phir bhi woh hai jismaani padhaai, yeh hai roohaani padhaai। iske liye sone ki buddhi chaahiye। baap sona jo ever pure hai, usko yaad karne se tumhaari aatma soni banti jaayegi। kaha jaata hai ki yeh to jaise ekdam thikkar buddhi hain। vahaan aise nahin kahenge। woh to svarga tha। yeh bhool gaye hain ki bhaarat svarga tha। yeh bhi kahaan pradarshani mein samjha sakte ho, phir repeat bhi kara sakte ho। projector mein yeh nahin ho sakta hai। pahle-pahle to yeh trimoorti, lakshmi-naaraayan aur seedhi ka chitra bahut zaroori hai। yeh lakshmi-naaraayan ke chitra mein saara 84 janmon ka knowledge aa jaata hai। bachchon ka saara din yahi chintan chalna chaahiye। har ek centre mein mukhya chitra to zaroor rakhne hain। chitron par achha samajh sakenge। brahma dvaara yeh raajdhaani sthaapan ho rahi hai। ham hain prajaapita brahma ke bachche brahmaakumaar-kumaariyaan। aage ham shoodra varna ke the, abhi ham brahman varna ke bane hain phir devta banna hai। shiv-baba hamko shoodra se brahman banaate hain। hamaari em object saamne khadi hai। yeh lakshmi-naaraayan svarga ke maalik the phir yeh seedhi kaise utre। kya se kya ban jaate hain। ekdam jaise buddhu ban jaate hain। yeh lakshmi-naaraayan bhaarat mein raajya karte the। bhaaratvaasiyon ko pata hona chaahiye na। phir kya hua, kahaan chale gaye। kya inhon par koi ne jeet paai? unhonne ladaai mein koi ko haraaya? na koi se jeeta, na haara। yeh to saari maaya ki baat hai। raavan raajya shuru hua aur 5 vikaaron mein gir raajaai ganvaai, phir 5 vikaaron par jeet paane se woh bante hain। abhi hai raavan raajya ka bhabhka। ham gupta reeti apni raajdhaani sthaapan kar rahe hain। tum kitne saadhaaran ho। padhaane vaala kitna oonch te oonch hai aur niraakaar baap patit shareer mein aakar bachchon ko aisa (lakshmi-naaraayan) banaate hain। doordesh se patit duniya patit shareer mein aate hain। so bhi apne ko lakshmi-naaraayan nahin banaate, tum bachchon ko banaate hain। parantu poora purushaartha nahin karte ho banne ke liye। din-raat padhna aur padhaana hai। baba din pratidin badi sahaj yuktiyaan samjhaate rehte hain। lakshmi-naaraayan se hi shuru karna chaahiye। unhon ne 84 janma kaise liye। phir antim janma mein padh rahe hain phir unhon ki dynasty banti hai। kitni samjhaane ki baaten hain। chitron ke liye baba direction dete hain। koi chitra taiyaar kiya, jhat baba ke paas bhaag aana chaahiye। baba correction kar sab direction de denge।

baba kehte main saanvalshaah hoon, hundi bhar jaayegi। koi baat ki parvaah nahin hai। itne dher bachche baithe hain। baba jaante hain kisse hundi bhara sakte hain। baba ka khyaal hai jaypur ko jor se uthaana hai। vahaan hi hathayogiyon ka museum hai। tumhaara phir raajayog ka museum aisa achha bana hua ho jo koi bhi aakar dekhe। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pavitra gyaan ko buddhi mein dhaaran karne ke liye apne buddhi roopi bartan ko sone ka banaana hai। yaad se hi bartan sone ka hoga।

2) abhi brahman bane hain isliye shoodrapne ki sab aadten mita deni hain। bahut royalty se rehna hai। ham vishwa ke maalik ban rahe hain - is nashe mein rehna hai।

vardaan:- sangamayug par ek ka sauguna pratyakshaphal praapta karne vaale padmaapdam bhaagyashaali bhav

sangamayug hi ek ka sauguna pratyakshaphal dene vaala hai, sirf ek baar sankalp kiya ki main baap ka hoon, main master sarvashaktimaan hoon to maayaajeet banne ka, vijayi banne ke nashe ka anubhav hota hai। shreshtha sankalp karna - yahi hai beej aur uska sabse bada phal hai jo svayan paramatma baap bhi saakaar manushya roop mein milne aata, is phal mein sab phal aa jaate hain।

slogan:- sachche brahman woh hain jinki soorat aur seerat se purity ki personality va royalty ka anubhav ho।

ye avyakt ishaare - paropkaar ki bhaavna se sampanna ban apkaari par bhi upkaar karo

vartamaan samay anek aatmaon mein sva-upkaar karne ki ichchha hai lekin himmat aur shakti nahin hai। aisi nirbal aatmaon ka upkaar karne vaale aap par-upkaari bachche nimitta ho। to upkaar sachche dil se hota hai। vishwa raajya adhikaari banna hai to sva-upkaari ke saath, par-upkaari bano।