Murli de Mamma - 101

> >

mama murli madhuban

shreshtha karmon ka gyaan - 23-04-65

rikordah

jo piya ke saath hai uske liye barsaat hai…

helo, good morning । aaj shukravaar, April ki 23 taareekh hai । praatah class mein praan maa ki murli sunte hain ।

record:- jo piya ke saath hai uske liye barsaat hai…

jo samajh liya hai, jo geeton mein aata hai piya, piyu, baalam, saajan, aise-aise jo shabd aate hain to yeh koi common manushya ke liye nahin hai । yeh kahaavat hai na jaisi drishti vaisi srishti । bhale geet banaane vaalon ne gaane vaalon ne kisi bhi tarah se gaaya ho lekin apni buddhi to abhi udhar hai na, unke taraph । to abhi buddhi ko le jaana hai udhar, parampita paramatma ki taraph । jo hi abhi apna maat-pita, bandhu-sakha yeh sabhi connection usi se hi hain । isliye jab aise sunte ho to buddhi ko to udhar hi le jaana hai । to abhi suna, jo piya ke saath hai unke liye barsaat hai, kaun si barsaat? yeh jo paani ki barsaat padti hai? nahin, yeh gyaan ki barsaat । gyaan ko barsaat bhi kaha ja sakta hai is arth se kyonki barsaat se kya hota hai, dekho paani milta hai, agar barsaat na pade to khaana peena nahin kha sako । to yeh sarsabja banaane ke liye, to yeh hai gyaan ki barsaat । ham aatmaaen sookh gai hain na? sukhi ho na? abhi to sukhi nahin ho na? sookh gai thi, yeh gyaan ki barsaat na milne se aatmaon ko sukhi kaho ya aatmaaen apvitra, tamopradhaan ho gai thi । abhi baap ne aa kar ke phir se is gyaan barsaat se abhi usko saaph kar rahe hain ya sarsabja bana rahe hain । to abhi ham phir se hare-bhare hote ja rahe hain is gyaan ki barsaat se । to iseelie isko barsaat bhi kahenge kyonki ham aatmaaen jo murjha gai thi, sookh gai thi, abhi is barsaat se phir ham jaagrit hokar ke abhi phir baap se apna woh jo kuchh bhi paane ka hai, woh paane ka yeh purushaartha rakh rahe hain iseelie isko gyaan ki barsaat kaha jaae । gyaan ke bhi bahut naam hain, jaise paramatma ke bhi bahut naam hain na, to isi tarah se gyaan ke bhi bahut naam hai । gyaan ko barsaat kaho, gyaan ko anjan kaho, gyaan ko kahaan dekho talvaar ke roop mein diya hai, jaise shaktiyon ko talvaaren aadi die hain na, abhi unhonne talvaar aadi koi hinsak astra-shastra to nahin uthaae hain na, yeh gyaan hai to gyaan ko talvaar bhi kaha jaata hai । krishna ke haath mein dekho murli di hai । usko to bhagwan samjha hai na, parantu woh murli, woh koi kaanth ki murli ki baat nahin hai । vo yeh gyaan hai jo paramatma ne sunaaya hai iseelie unko gyaan murli kaha jaata hai । kahaan dekho saazon ke roop mein jaise sarasvati ko sitaar ya banjo diya hai to aisa nahin hai ki usne aa karke yeh sitaar baja karke sunaaya hai । nahin, yeh gyaan sunaaya iseelie unko kehte hain goddess oph knowledge, to knowledge diya hai na । baaki aise nahin hai bainjo bajaaya hai iseelie kaha, kyonki isi se jeevan madhur banti hai । isse jeevan mein yeh praapti aati hai sukh shanti ki iseelie kahaan saazon ke roop mein, kahaan astra shastron ke roop mein, kahaan kuchh roop mein, kahaan ye dekho gyaan ka netra de diya to yeh sabhi gyaan ke alankaar aur gyaan ke sab nishaan hain । gyaan ko bhi dekho abhi kitne roop aur kitne dhang mein laaya hai, kahaan netra se, kahaan anjan se, kahaan barsaat ke roop mein, kahaan kuchh to yeh sabhi baaten baith kar ke baap samjhaate hain । woh bhaageerath ka dekha hai na, vo yahaan se ganga nikli phir paani bahta hai, woh chitron mein dikhlaaya hai to yeh bhi sabhi hai, to vaastav mein gyaan ki barsaat ki baat hai parantu aisa nahin paani yahaan se niklega yeh to knowledge hai na, jisko dhaaran karna hai aur us paramatma ne bhi aakar ke knowledge sunaaya hai, to knowledge to sunaana padega na baaki yahaan se paani thodi niklega maathe se । to yeh sabhi cheejen abhi buddhi mein hain ki paramatma ne aakar ke knowledge sunaaya hai aur hamne bhi knowledge ko dhaaran kiya hai baaki koi gyaan ki barsaat ya gyaan ki ganga ya paani baha hai ya kuchh aisi baaten nahin hai । to yeh to sabhi abhi achhi tarah se jo puraane ho jo bhi aate ho, in sab baaton ko to samajh gae honge । to abhi baap ke dvaara woh knowledge praapta ho raha hai jisse abhi ham hare-bhare hote ja rahe hain, hote ja rahe ho na, apne ko samajhte ho na kyonki yeh samajhne ki baaten hain । to dekho yeh drama bhi jo hai woh bhale hai bana banaaya, parantu uska matlab yeh nahin hai, iske bhi niymon ko samajhna hai na ki yeh bana banaaya drama bhi kis tarah se bana hua hai । to baap aakar ke samjhaate hain ki yeh bana banaaya jo cheej hai woh bhi kin niymon se bana hua hai woh samajhne ki baat hai । ismen moonjhana nahin hai kyonki kabhi-kabhi kai is drama ki baat mein moonjhate bhi hain ki jab yeh bana banaaya hai to phir hamaare liye to koi purushaartha ki baat hi nahin hai । bana banaaya pada hai phir ham kaahe ke liye mehnat karen jo hona hoga woh hoga parantu nahin, woh hona hoga woh bhi to hoga hamaare karne se na । to hamko apna aadhaar rakhna hai apne karma ke oopar । woh baat bhool jaao jo in baat mein koi ko na samajh mein aati hai na, to usmein atakna nahin hai ki bana banaaya hai, aur yeh point humein samjhaai bhi hai ki kabhi bhi koi bhi nayon ko samjhaane ki nahin hai । yeh to hai drama ko samajhna ki kaise yeh naatak bana banaaya hai aur anaadi kaal se yeh bana banaaya hi hai, iska time hai shuru hota hai to poora hota hai phir poora ho karke phir shuru hota hai, to yeh to ek naatak hai jo baap baithkar ke samjhaate hain ki yeh kai baar shuru hua hai, phir poora hota hai, phir poora ho karke phir shuru hota hai woh baithkar ke baap samjhaate hain, lekin shuru kaise hua, mujhe bhi to aakar ke dekho karma karna padta hai na, usmein to main bhi bandha hua hoon aur mujhe bhi aakar ke nai duniya ko rachne ke liye kaam karna padta hai to mera bhi part hai na, to harek ka bhi apna-apna part hai jo bhi noondha hua hai । to hamko apne part ke oopar, apne ekshans ke oopar attention dene ka hai । to abhi jo hamaara time hai, abhi hamko kya karna hai, abhi to hamko apne karmon ko shreshtha bana karke abhi hamko apni praalabdha oonchi karne ki hai । to baap bhi to aata hai na karma banaane ke liye jab drama hai to phir uska aana kyon na hua hona chaahiye phir unko aa karke hamko gyaan dena unko bhi yeh mehnat karne ki kya jaroorat hai । nahin, unka bhi aana yeh part hai, hamko aakar ke gyaan dena, yeh part hai na, tabhi to uski mahima hai na knowledgeful । to knowledgeful hai to apne liye to nahin hai na ki bhaai unko sab jaankaari hai । jaanta hai, apne liye jaanta hai to kya hua lekin woh jo jaanta hai woh aa karke samjhaata hai aur samjhaata hai hamko, jo ham nahin jaante hain to ham nahin jaante hain unhon ko aa karke samjhaaya hai । unki samajh unke paas hai tabhi unki mahima hai ki knowledgeful hai । baaki aise nahin hai woh ham sab ko jaanta hai apne liye to hamaare liye kya hua । nahin, usne hamko usi samajh ka bal diya hai, jiske aadhaar se ham bhi oonche uthe hain to isi kaaran unki mahima hai, to paramatma ko bhi karma karne ki drama mein hi samjho parantu unko bhi to apna karma karne ka paabandi hai na, woh bhi to bandha hua hai na । isi tarah se ham bhi apne karma karne ke liye bandhe hue hain, to hamko doosri baat ko na samajh ya unheen baaton mein na moonjh karke hamko abhi kya karne ka hai, hamko abhi apna karma svachchha banaane ka hai । to iseelie aisa nahin ki drama mein hoga to apne aap hi svachchha ho jaaega nahin, hamaara kaam to hai na karna, banega bhi kaise apne aap nahin banega woh bhi ham karenge na । to hamko apna attention jo hai vo karne ke oopar dene ka hai । hamko apna karma karke apne ko svachchha banaana hai । abhi dekho hamko samajh mili hai, hamaara kaam kya hai, abhi ham aise to nahin samjhenge ki jo hona hoga woh apne aap hoga । nahin, hamaara kaam hai jo samajh hai us par chal karke kaam karna na । to hamaara kaam hai usi samajh ko le karke abhi apne karma ko svachchha banaana । hamaara attention isi karma par hai ki ham apne ko svachchha banaaen । to hamaara kaam hai kaam karke usko praapta karna, jo karenge to zaroor paaenge । baaki yeh to jaante hain ki haan yeh drama hai, yeh khel hai, aadi se ant tak hai kaise chalta hai woh knowledge hai jisko samajhne ki baat hai, baaki aisa nahin hai ki ham uske liye chup ho karke baithen ya kuchh na karen to in baaton mein agar yeh baat kisi ko nahin bhi samajh mein aati hai na, to moonjhana nahin hai । aap usko chhod kar ke, yeh koi point aisi bhi nahin hai ki koi zaroori hai । nahin, yeh point na samajh mein aati hai to usko chhod kar ke apna attention apne karma par rakho ki ham jo karenge so paaenge । yeh to geeta mein bhi hai na ki jeevaatma apna shatru apna mitra hai to karne ke oopar saara aadhaar hai na । to hamko apna purushaartha karna hai iseelie pahle purushaartha peechhe praalabdha । bhale purushaartha aur praalabdha ka hai bana banaaya parantu woh bana bhi kaise hain, jo karega so paaega, isi ke aadhaar par bana hua hai parantu karenge tab paaenge na । bana hua bhi aise dhang se hai ki ham jo karenge so paaenge । agar karenge nahin to paaenge nahin to iseelie aisa nahin hai jo bana hua hoga woh aape hi hoga । nahin, woh bhi hamaare karne se hoga na aur aisa bhi nahin hai ki karna bhi hamaara apne aap hoga, woh to ham samjhenge, karenge, dhyaan denge, attention denge tab to karenge na । to iseelie ham ko saara aadhaar apne karne ke oopar rakhna hai aur karna hi phir paana hai । iseelie in baaton mein bhi koi agar atakta ho to inmen moonjho nahin । inko chhod kar ke apne karma ke oopar raho ki ham jo karenge so paaenge aur bina kie pa to sakte hi nahin hai । lekin abhi sirf roshni milti hai ki karna kya hai । kyonki manushya to samajhte hain ki bhaai achha karna hai । achha bhi kya hai, achhe ka bhi knowledge hona chaahiye na ki achhi cheej kya hai, sabse shreshtha karma kaun se hain, woh baith kar ke bhi baap samjhaate hain ki karmon ko shreshtha banaana jiske oopar phir koi karma karne ki jaroorat na rahe, aise shreshtha karma kaun se hain । to baap baith karke uski abhi knowledge dete hain ki sabse oonche mein oonch aur shreshtha mein shreshtha karma kaun se hain । to shreshtha karma tabhi hain, jis karma karne se phir hamko koi baat karne ki darkaar na rahe to woh cheej abhi seekhlaate hain ki kampleet pavitra kaise bano । to abhi kampleet pavitra banaane ki athva kampleet apne shreshtha karma banaane ki abhi knowledge baithkar ke baap dete hain jisse hamaare kaise pichhle paapkarma bhi dagdha hove aur aage ke liye bhi hamaari kampleet pavitra karma bane, jiske aadhaar se ham usi pavitrata ki praalabdha ko paaen jismen phir hamaare ko koi karma karna na pade । baaki ham jo karte aae hain na woh alpakaal ke hain, woh shreshtha karma sada ke liye nahin hai, yaani sada ki praapti ke liye nahin hai iseelie unko kahenge alpakaal ki praapti ke karma । to unko ham shreshtha karma jo kampleet karma hai uske bhent mein nahin kahenge । woh hai thoda bahut achha karta hai jaise kisi ne daan kiya maano, achha doosre janma mein kya hoga, usko dhan daan karne ke evaj mein usko achha dhan milega, to chalo saahookaar hoga na, bas na, itna hi usko phal mila ya jo bhi jitna thoda bahut achha kiya uska mila lekin usse aisa to nahin hai na kampleet pavitrata ka bal milega, jisse sab kuchh praapta ho । nahin, dhan mila to koi rog hoga, phir koi aisi karma ki bhi haani hogi jisse phir koi na koi duhkh rahega, to yeh sab cheejen jo hai ki sabhi cheejon ka sukh praapta rahe usko kaha jaaega karma shreshtha । to baap baith kar ke abhi vo cheej hamko sikhaate hain jisse hamaare sarva karma athva shreshtha karma jisko kaha jaata hai, sab tarah se karmon ki shreshthata ki praalabdha hamko praapta rahe aur jis praalabdha se phir ham sada sukh ko praapta karte rahen to sada sukh aur sarva sukh praapta karne ke liye hamaare oonch mein oonch jo karma hai na woh baithkar ke baap sikhaate hain iseelie kaha jaata hai ki jo baap ne baithkar ke karma sikhlaaya na iseelie apne karmon ke liye kaha hai ki mera karmayog sabse shreshtha hai aur uske oopar phir koi aisi cheej nahin hai । to main to aakar ke karma karna sikhlaata hoon, woh sabse shreshtha hai aur usko hi kaha ki yeh karma yog raajayog yaani jis praapti ka raajaai ka athva jo main sthaapit karta hoon raajaai athva jo main aakar ke duniya banaata hoon usi shreshtha duniya ke oopar phir koi doosri to baat hai hi nahin na । to yeh sabhi cheejon ko samajhna hai ki abhi jo hamko baap ke dvaara yeh karma karne ki jo shiksha milti hai yeh hai sabse oonch, iseelie isko kaha hai ki karma shreshtha athva karma ki oonch praalabdha abhi baithkar ke baap sikhaate hain । to in baaton mein apni buddhi rakh karke ki hamko apna karma karna hai aur jo abhi baap ke dvaara yeh mat mil rahi hai ye unki mat hai na, baap ki direct to abhi jo uski mat mil rahi hai use lekar ke abhi hamko apne karmon mein rehna hai । baaki to baap baithkar samjhaate hain ki tumne kabhi achha karma kiya tha aur aisi praalabdha paai thi, iska bhi to nishaan hai na ki tumne yeh kiya tha to vo drama bhi samjhaate hain ki aise nahin hai, jo cheej hui hai woh phir hone ki hai usi aadhaar par samjhaate hain ki nahin, tum aage oonche the phir dekho kaise tumhaara ye sab neeche chale aae, abhi phir aakar ke tumhaara vo time hua hai । abhi phir main aaya hoon tumko ooncha uthaane ke liye to ye saara chakkar hai srishti ka, woh baith karke samjhaate hain ki kaise tum oonche the, abhi neeche hue ho phir oonche hote ho, woh chakkar baithkar samjhaate hain । baaki hamko karna to karma hai na । ooncha uthenge to bhi to karma se na phir ek-do ne bhi apne karma ulte banaae tabhi to gire na kaaran to phir bhi karmon ka dena padega na । to iseelie in baaton mein bhi bhaai drama hai, drama ke kaaran hi ham gire aur drama se hi ham chadhenge । lekin drama se bhi chadhenge kaise, unke bhi koi niyam hai na, to un niymon ko bhi samajhna hai ki ham karenge to paaenge । agar nahin karenge to samjhenge iska drama mein part nahin hai । drama tabhi samjhenge ki agar ye achha purushaartha nahin karta hai to samjhenge haan inka drama mein part nahin hai, parantu hamko karne ke liye to karna padega na । purushaartha karenge tab to paaenge na । agar abhi ham hain, ham samjhe ki agar hamaara drama mein hoga to phir ham apne aap hi chadhenge phir to kuchh nahin karen । to phir hamaari kya padi hai itni mehnat karen, ye kyon ham karte hain । ye iseelie karte hain kyonki samajhte hain ki ham jo karenge so paaenge । to apne karne ke oopar hi to paane ka aadhaar hai na । to yeh samajhne ki baat hai । aise nahin ki hamaare drama mein honga to hamaare se apne aap hi hoga । aape hi kaise hoga, woh bhi to ham sochenge hamko yeh karna hai, yeh right action hai, yeh ronga hai, yeh karna hai, yeh nahin karna hai, yeh to ham samajh le kar ke apne purushaartha se chalenge na । agar ham khaali usi par baith jaaen ki jo hona hoga woh apne aap hi hoga ham baith jaate hain, phir to sab mein baitho । phir dhandha bhi nahin karo, kaho jo hona hoga, yeh kaam kaaj jo hona hoga, paisa kamaana hoga to aape hi hoga aur baith jaao, dekho kamaate ho । to baith jaao chup karke, phir to sabhi baat main baitho na, sirf isi baat mein kyon, phir to sabhi karo yeh jo shareer nirvaah ke liye kaam karte ho na, usmein bhi drama rakhkar baith jaao ki nahin, hamaara hona hoga to apne aap hoga, hamko paisa kamaana hoga phir apne aap kamaaenge, kar sakte ho? nahin, jaise usmein soch ke, samajh ke chalna padta hai, phir koi result ho jaati hai to vahaan samajhte hain ki chalo itna hi tha, jo hona tha woh hua । baaki aise nahin hai ki karne ke samay ham us par baith jaaen ki hona hoga to hoga khaana peena sab, phir to kamaao bhi nahin, phir to kuchh nahin karo, hona hoga to hoga, ham to chup karke baith jaaen phir to kuchh nahin kaam kar sakenge, phir to khaana bhi na khaao, pakaao bhi nahin, phir to kamaao bhi nahin, phir to kuchh nahin karo, hona hoga apne aap hoga phir to chup karke baith jaao, parantu aisa hota nahin hai । karna hi padta hai, karma to chalta hi hai na । to jo chalta hai usi mein hamko samajhna hai aur samajh kar ke apne karma ko shreshtha bana karke chalna hai jiski praalabdha hamko shreshtha paani hai । to woh to hamko samajh bhi deni padegi, karam bhi karna padega, purushaartha bhi rakhna padega, ronga or right ko sochna samajhna aur usi par hamko chalna bhi padega ki right kya hai, jo hamko karne ka hai । to yeh sab karne ke oopar hai iseelie apna aadhaar saara karma ke oopar hai । baaki to haan yeh total samajhte hain ki yeh world ki history kaisi hai, ye shuru kaise hoti hai, poori kaisi hoti hai phir iska bhi time hai jo baithkar ke baap samjhaate hain । abhi woh time poora hua hai phir se apna aadi sanaatni vo jo pahli pahli duniya thi uska abhi time aata hai to yeh world history repeat hoti hai । to yeh sabhi hisaab history ka bhi samajhna hai, aur usmein hamaara ditelsa jo chalta hai woh kam hota hai woh ditelsa chalne se hi to hamaare karma oonche phir hamaare karma neeche usi ke aadhaar par hi to hamaari yeh saari history world ki chalti hai । hamaare neeche ke karma hote hain to ham neeche ho jaate hain maano world hi neeche ho jaati hai arthaat uski life hi neeche ho jaati hai, hamaare karma oonche hote hain to dekho world oonchi ho jaati hai arthaat duniya svarga ho jaati hai, hai to hamaare karma ke aadhaar par na । svarga aur narak ye aadhaar kaise bana, narka kaise bana । bani banaai to nahin padi hai na, banti hai, parantu banti kaise hai karma se । narka bhi banta hai to hamaare karma se aur svarga bhi banta hai hamaare karmon se । to karma se banta hai, aise nahin svarga bana rakha hai, narak bana rakha hai sab bana banaaya pada hai । nahin, vo time anusaar change bhi hoti hai to bhi hamaare karma se hoti hai na । to yeh sabhi cheejon ko samajhna hai iseelie jo cheej hamaare karma ke aadhaar se banne vaali hai to hamko aadhaar pakadna hai karma ka । bhale bana banaaya hai parantu aadhaar karmon ka hai, jo ham karenge usse banega । bana banaaya bhi usi tareeke se banta hai hamaare karma se । to narka aur svarga bhi hamaare karma se banta hai, vo ham bure karma karte hain to duniya dekho narka ho jaati hai aur phir ham achhe karma karte hain to duniya svarga hoti hai to duniya ki baat hai na । to yeh duniya ki history bhi hai aur phir hamaare indivijual karma ke oopar bhi saara aadhaar bhi hai iseelie in sabhi baaton ko bhi achhi tarah se samajh kar ke aur apne aise purushaartha ko chalaana hai । baaki ismen aisa nahin hai ki hona hai, duniya svarga honi hai to ham apne aap aa jaaenge । nahin, iske liye hi to ham maathaakhuti karte hain ki ham svarga mein apna adhikaar lagaaen aur svarga mein bhi ooncha status paaen, uske liye indivijual purushaartha karen । baaki baap banaata hai, apne aap hoga to phir to ham bhi chup karke baith jaaen । phir to ham khaaen piyen mauj karen, jaise chale vaise chale phir to koi baat hi nahin । ham to apne aap aa jaaenge phir to karma ka kuchh raha hi nahin na । nahin, hamaare karmon se hi to hogi na iseelie paramatma ko bhi to hamaare karma banaane ke liye aana padta hai । usko bhi mehnat karni padti hai hamaare karmon ke liye । lekin aise hi agar hona hota to woh aise hi kar leta, to hamaare se maathaakhuti kyon karta । unko bhi to hamaare se maatha lagaana padta hai na aur hamko bhi to apna indivijuali mehnat karni padti hai na । to aadhaar hai na । unko bhi usi ka aadhaar dena padta hai karmon ko aa karke aur hamko bhi apna indivijuali karma banaane padte hain iseelie ham karenge tab paaenge । bhale banega bhi parantu kaise, banne ka bhi to niyam hai na to usko bhi usi niyam se banaaya gaya hai paramatma ko bhi, dekho karma kara karke usi niyam se aa karke hamko banaana padta hai baaki aisa nahin hai bana pada hai apne aap banega । nahin, abhi makaan hai, aisa thodi chhu mantra se ban jaaega । banega jaisa niyam hoga vaise na ki haan bhaai iska aise phaaundeshan daala jaata hai, aisa kiya jaata hai, jaisi banaane ki tarkeeb hogi usi tarkeeb se banega na, to tarkeeb ko to lena padega na । baaki aise thode hai ki bana hua hoga to aise apne aap hi ban jaaega । yeh cheej agar banni hogi to apne aap hi ban jaaegi । nahin, vo jis tarkeeb se banne ki hai, jis niyam se banne ki hai usi cheej ko usi niymon se banaana hoga na । to manushya ki life isi niyam se banne ki hai to usko bhi to apne karma ke niyam se banaana hoga na । to hamko karna hoga iseelie hamaara attention jo hai woh apne karne ke oopar hona chaahiye । baaki to jaante hi hain ki haan yeh to drama hai aur srishti chakra hai woh kaise hota hai vo kaise ooncha uthta hai aur kaise ye neeche aata hai parantu abhi to ooncha uthne ka time hai na to woh bhi sabhi baat ko chhod karke abhi jo time hai hamaare unse oonche uthne ka hai iseelie hamko oonch karma karna hi chaahiye । drama anusaar abhi hamaari chadhti kala ka time hai to hamko chadhna hi chaahiye na । agar chadhti kala ke samay par ham apne karmon ko shreshtha na karenge to chadhenge kaise, iseelie hamko apne apne karma ke oopar yeh aadhaar rakhna hai । baaki aisa nahin hai ki apne aap hoga, apne aap kuchh hota nahin hai । kuchh hota hai? khaana-peena bhi karte ho, apne aap hota hai? khaana hai, hamko milna hai to banke aaega hamaare aage? andar jaana hoga, apne aap jaaenge? apne aap hota hai kuchh? karna hota hai na, banaana hota hai usko khaana hota hai aur unko sab tarah se chalaana hota hai । har cheej ko hamko ekshans mein laana hi padta hai । to jabki har cheej action se chalti hai to hamko apna ooncha uthne ke liye bhi to karna hai na । us par phir kyon, ham kaise baith jaaen ki nahin hona hoga to hoga hi । phir to sab baat mein hona hoga । phir to sab ke liye kaho ki sab kuchh apne aap hoga, chalna hoga, hona hoga sab । sab baat mein aise kaho baaki baith jaao, parantu ho hi nahin sakta hai na । to aise thodi baaki baat mein karenge aur is baat mein kahenge ki nahin, hona hoga to hoga, hamaari kismat mein hoga, hamaare naseeb mein hoga ya hamaare drama mein hoga to hoga, nahin to phir uske liye baith jaana hai । nahin, jaise sab baat karte ho tabhi hota hai, to yeh bhi to baat karne se hogi na । yeh phir khaas aisi kaise hogi ki apne aap ho । iska matlab yeh ho jaata hai ki kai samajhte nahin hai ki yeh baat bhi hamaari aise zaroori hai jaise ham jeevan ke doosre zaroori kaam karte hain khaana-peena pakaana kamaana sab jo kuchh karte hain zaroori samajhkar karte hain yeh bhi vaise hi cheej hai । isko bhi hamko karma se banaana hai । baaki aise nahin hai yeh apne aap hoga । apne aap hogi to drama mein sab apne aap hone ka hoga na । phir to kamaao bhi nahin, baith jaao, hona hoga to aape hi karenge । aap hi karenge? nahin, zaroor sochenge kya karna hai, kaise karna hai, uske liye yeh karna hai, bachche hain paalna hai, rispaansibiliti hai, yeh sab sochenge, karenge tabhi to hoga na, uske liye jaaenge aur baithe ho yahaan, samajhte ho nahin hamko kamaane ke liye jaana hoga aape hi jaaenge, aapehi kaise? uthenge, time hua hai, jaana hai, daphtar hai, office hai sab ekshans soch ke karna padta hai na, to phir karna hi padta hai na । to jaise sabhi baat karne se hoti hai, yeh bhi to karne ki baat hai na । ismen phir aise kyon ki kismat mein hoga to hoga, ismen kismat kyon । kismat to phir sabmen karo to khaali ismen kyon? nahin, jaise aur ekshans mein sab activity chalti hain, vaise hi ismen bhi apni activity ko raaeetias ve mein chalaana hai, to yeh samajhna hai usi tareeke se chalaana hai । har baat mein aisa hota hai ham ko doctor banna hai ya engineer banna hoga to kya apne aap ban jaaega? nahin, uske liye zaroor hai ki ham koshish rakhenge, purushaartha rakhenge, padhenge, usmein attention denge, woh sab karenge, tabhi to honge na, sab baat kaise chalti hai । chalo, hoti hai to kehte hain haan bhaai yeh kismat mein tha । yeh cheej nahin hui to kahenge achha, na tha drama mein iseelie kismat kaho, drama kaho baat ek hi hai, woh to hoti hai result mein, jab kisi baat ka result hota hai । baaki hamko karna to har kaam to karne ki tarah se karna padta hai na । to usmein to hamko apna purushaartha lagaana hi padega, usmein sochna hai, samajhna hai wrong aur right ko aur samajh karke chalna hai to abhi jo buddhi mili hai usko lekar ke chalna hai । usse aisa nahin hai ki hoga to hoga, phir to sab mein baith jaao । phir to dhandhe dhori mein bhi kaho hoga to aape hi kamaai ho jaaegi, baith jaao । baitho to sab mein baitho, utho to sab mein utho । baaki aise nahin usmein utho usmein soncho, usmein karo phir ismen kyon । ismen kyon baith jaate ho ki hoga kismat mein to paisa bhi kamaaenge, baith jaao ghar mein, dekho hoga? lav ji? nahin, to karna padega na । to jaise us kaam ke liye karna hai, vaise yeh bhi to apne jeevan ke liye hi to karna hai na । aisa samjho, ham motor chalaate ho aur bachcha aa gaya to uska action to achha tha motor chalaane ka, woh bachcha kat jaata hai, dekhie woh bhi to hisaab hai na । abhi koi bachcha kat gaya, ham samjhenge ki isko koi duhkh diya tha ya isne ham ko koi duhkh diya tha abhi return usko hamse mila to woh ho gaya kuchh agle karmon ki hisaab-kitaab ki bhi sab chalti hai na । hamne kabhi kisko duhkh diya hai to haan hamko phir doosre janma mein usse lena hai to yeh lenden ka bhi jo hisaab hai karmon ka to woh bhi to chal raha hai, ham to abhi soch ke achhe chale lekin hamse kuchh usko kuchh aisa pahuncha, hamaare se kuchh kiya hua hai to hamaare se phir milna hai to phir woh chala, to woh to karmon ka hisaab hai na to phir woh saari karmon ki philosophy hai ki kitne janmon ka hamaara khaata chalta hai । aisa nahin jo humein abhi karte hain abhi hi paate hain nahin, ham jo karte hain woh hamaare reserve mein bahut kuchh khaata kai janmon ka chalta rehta hai iseelie ham bahut janmon ke hisaab ko bhi pa rahe hain । samjho is janma mein koi bura kaam nahin kiya, ham to sochenge hamne koi buraai nahin ki hai lekin hamaare paas kyon yeh karmabhog ya yeh buraai sab kyon aati hai to haan yeh hamaara koi agle janma ka bhi to paap hai na । kai janmon ka bojh hai sir par to ho sakta hai uski bhogna bhi to abhi hamko bhogni padegi na । to aise nahin hai ki ek janma ka khaata ek hi janma mein khatma hota hai kai janmon ka khaata hamaara bahut bada banta hai, usko bhogne mein hamaari ek aayu poori bhi nahin hoti hai iseelie hamaara khaata stock mein rehta chalta hai kai janmon ka iseelie ham usko bhogte hain to uska matlab yeh nahin hai ki ham is jeevan ko dekhkar bhaai is jeevan mein to ham kisi se buraai nahin ki hai ya koi aisa bura karma nahin kiya hai lekin paate kyon hain buraai । paate hai kyonki koi agle janmon ka hisaab hai । zaroor agle janma mein koi aisa karmon ka hisaab kitaab hai jisko bhi abhi paane ka hi hai । to koi hisaab agle janmon ka aate to hain na । to yeh aa gaya, hamne to socha nahin ki motor ke neeche kisko laaoon lekin haan kuchh uska duhkh diya hua hai, phir hamse unko milna hai anjaanaai mein । ek hota hai jaanboojh kar kiska khoon karna, ek hota hai anjaanaai se to aisa hi koi hisaab hoga । kuchh aisa hisaab kitaab ka bana hoga jisse kuchh usne duhkh diya hai usko milna hoga mila hai । to yeh jo hua woh to samajhte hain ki ye kuchh karmon ka hisaab hai to yeh sabhi cheejen karma ka hisaab bhi to chalta hai na, baaki ham sochte hain achha chale, chalna to hai na hamko sochkar । lekin sochkar chalne par bhi kuchh aisa ho gaya yahaan kahenge drama । samjho ho gaya koi accident, chalo aisa kuchh ho gaya jaisa aapne kaha, to ham usko kya kahenge drama, koi hisaab tha । koi karma ka aisa kiya hua tha mera uske saath mein hisaab kitaab ka tha so hua । phir haan uske liye ham jitna achha kar sakte hain ya jitna hamaare se uske liye kuchh ban sake ham karen। parantu haan usko kahenge na jo ho chuka, hamne jaanboojhkar to nahin kiya na, ho gaya, lekin abhi to hamko apne karmon ko achha karna hai na, jo abhi banaate hain । abhi to sochna hai, abhi to righteous karo karne ki hai usi righteous ko samajhna hai । iseelie ham ko attention to dena padega na, aisa nahin ki jo hona hoga hoga । nahin, hamko apne karma ke oopar dhyaan dena hai । to drama aur karma, purushaartha aur praalabdha ka ye aisa bana hua hai isi sabhi baaton ko achhi tarah se samajhna hai । lekin karna hamko purushaartha hai । hamaara attention usi ke oopar rehna chaahiye । to yeh sabhi cheejon ko samajhne ka hai achhi tarah se । achha time hua hai । to iseelie baap se jo kuchh apna mil raha hai, usi sabhi baaton ko achhi tarah se samajh aur apna purushaartha us par lagaana hai । hamko usmein lage rehna hai । agar yeh drama ki bhi baat hamko na samajh mein aae to usko chhod do koi aisi zaroori nahin hai । haan paramatma ko jaanna zaroori hai kyonki usse yog lagaana hai । haan drama hai, kaisa chalta kaisa hai, nahin samajh mein aata hai chhod do, lekin hamko karma karna hai, usko pakdo । yeh apne aap samajh mein aa jaaega ki yeh kaisa bana banaaya hai aur usmein phir rah karke hamko kaisa purushaartha karna hai । hamaara chalta hi jeevan karma se hai to hamko apne karma ke oopar hi attention dena hai iseelie ham ko usi baaton ko utha karke chalna hai । abhi utha kar ke rehna hai kyonki abhi to hamaare karma neeche ke hain na । hamko to abhi ooncha uthna hai to hamko to us cheej ko ooncha uthaana hai iseelie utha kar ke hamko ooncha banne ka hai to hamko to vahi purushaartha rakhna hai na । achha, toli do । yeh bhi apni buddhi ki mein rakhne ki baat hai aur har baat mein ham ko soch kar chalna hi chaahiye । soch ke chalte hain to yeh to abhi soch milta hai na ki sachcha soch kaun sa hai । righteous kya hai buddhi woh abhi milti hai to us buddhi se kaam le karke chalna hai । jo bhi granth hai na dekho guru naanak ke bhi granth hain shaastra, usmein bhi hai aadi yug aadi hai bhi sat hosi bhi sat, yaani uska matlab hai jo ho chuka hai woh phir hone ka hi hai parantu uska matlab yeh nahin hai woh world history ka ki jo history ho chuki hai woh phir hone ki hai, jo stage hamaari oonchi thi, chal chuki hai, woh phir aane ki hai । abhi ham phir neeche aae hain parantu uska matlab yeh nahin hai na ki jo hona hoga apne aap hi hoga । apne aap nahin hoga, hona hoga, hoga parantu karne se hoga na । woh bhi to ham oonche uthenge apne karma se hi na । jab oonche uthe the tabhi bhi karma se hi uthe the to hamko karma avashya karna hi hai । iseelie dekho us arjun ke liye bhi hai geeta hi saari isi ke oopar hai, usne kaha ki nahin, jo hamaare se hona hoga apne aap hoga, woh sab chhod kar baith gaya, kaha nahin tumko uthaana hai, tumko karna hai । karne ke bina nahin hoga to avashya karna hai । to hamko apne karma ko uthaana hi hai, purushaartha ko uthaana hi hai । to apne purushaartha ko uthaao । chalo us par । jo hai na vo hi subject hai । apna mukhya hai hi yeh baaten gyaan ki aur mukhya hai hi cheej ki hamko chalna hi usi ke oopar hai iseelie apne karmon ko, karma bhi kaun sa? shreshtha buddhi rakhkar ke karma karna hai aur abhi shreshtha buddhi milti hai ki hamaari oonchi buddhi kaun si hai to hamko usko lekar ke chalna hai । tabhi to paramatma ko bhi aa karke samajh deni padti hai na । agar hamaare karma ke oopar aadhaar nahin hota to woh bhi kehta apne aap hi banega, to woh bhi kyon aakar ke knowledge deta, phir usko knowledgeful kyon kehte । phir patiton ko paavan karne vaala woh bhi kyon karta, apne aap hone vaala kaho । phir to bhagwan ki bhi koi authority rahi nahin, woh to sab apne aap hota hai phir to bhagwan bhi koi athoriti nahin hai । phir to usko almighty kehna bhagwan kehna, phir to naam utaar dena chaahiye uska bhi । kaahe ki maaeeti, almighty kaahe ki, kiski mighty deta hai, kya karta hai । phir to sab aisa hi chalta rehta hai phir koi kiski mighty hai hi nahin । na ham kuchh karma karte, na paramatma hamko karaate hain, na woh kuchh hai na koi kuchh hai, sab drama hai, phir to chalta hi rehta । phir to kiski badaai nahin? nahin, parantu aise nahin hai, unka part hai, woh bhi hamko aakar ke uthaate hain isliye unko bhi naam hai world almighty kyonki hamaari oonchi duniya banaata hai, woh hamko shakti deta hai iseelie woh bhi almighty gaaya jaata hai aur ham apne karma shreshtha karte hain to hamaari bhi praalabdha banti hai to sab ka hai na kaam, part hai । phir agar nahin hota sab apne aap hone ka hota, to phir to na world almighty hai, na hamaare karma hai, na hamaari praalabdha hai, kuchh nahin hai, phir to automatic masheen chalti rehti hai । phir to kuchh baat hi nahin hai na । parantu nahin, bhale hai automatic parantu us automatic ko bhi kin niymon se chalna hai woh niyam bhi samajhne hai na । to hamko pakadna hai niyam ko । baaki automatic to hai anaadi, woh baat hi alag hai lekin hamko niyam ko pakadna hai । agar niyam ko nahin pakdenge to phir ham right nahin chalenge । chalenge automatic mein parantu theek nahin chalenge । hamaare ekshans tedhe ho jaaenge, chalna to hai hi zaroor parantu kyon nahin ham samajh kar chalenge to hamaara position achha rahega । to samajh kar chalna chaahiye na isliye apne karma ko aur usi sabhi baaton ko samajhna hai aur apne karma ko shreshtha rakhna hai ye sabhi cheejen samajhne ki hain । dekho itna knowledgeful, sarvashaastramai shiromni geeta bhagwan ko bhi samjhaana pada aur jo bhi aae hain dharma sthaapak sabne apna-apna kaam aa kar ke ekshans se kiya hai na, apne aap thodi hi hota raha । aae hain unhonne bhi jitna-jitna kaam kiya hai apna aakar ke karma karaakar ke kiya hai । gaandhi ne bhi kiya kuchh bhi to apna thoda purushaartha kiya na, maathaakuti ki, kuchh kiya । har ek kaam karne se hota hai na, apne aap kaise hoga । to karna hai usmein samajhna padta hai, usmein chalna padta hai, karna padta hai na । kuchh bhi karte ho to karne ki tarah se karte ho na apne aap kaise hoga । do chaar bachche sambhaalte hain to kaise sambhaalte ho । karte ho tabhi sambhaalte ho na । itne chhote kaam bhi bina karne nahin hote hain, ek shareer ka bhi apne sambhaal bhi bina karne ke nahin hota hai uske liye bhi karna padta hai, samajhna padta hai, abhi khaana hai, abhi yeh karna hai, abhi yeh karna hai, woh karna padta hai na । chup karke baitho sab kuchh hota jaae, karo, dekho hota hai? kabhi nahin hoga । to automatic ho to sab automatic ho na । parantu ye nahin aap kahenge yeh bhi hamse aisa hi hota hai, usmein aapka soch chalta hai ekshans chalti hai, karte ho yeh karna hai ya nahin karna hai, sab karne ki tarah se hota hai na । to phir ismen bhi aisa hona chaahiye na isko koi alag kyon karte ho, woh apna soch samajh kar karte ho isko kyon samajhte hona hoga, kismat mein hoga ham bane honge to banenge । ismen kyon aise karte ho । usmein bhi aise karo na ham bane honge to banenge, paisa milna hoga to milega, kamaana hoga to kamaaenge to karenge, phir chup karke baith jaao । usmein nahin baithte ho phir ismen kyon? to yeh to sabhi cheejon ke liye hai na । aisa baap, kaisa? jo hamko aisi samajh de karke aisa oonch banaate hain aur daada jisko banaaya hai । woh hamaare saamne aadarsha hai ki manushya ko kaisa banna hai aur aur kaise manushya ko kya banaaya । to daada ko kya banaaya, usko kya banaaya hai woh hamaare saamne hai ki kisko aur kya banaaya woh dikhaate hain ki manushya ko mainne kya banaaya to banna hai na, woh bhi karma se bana hai । aise nahin drama se bana hai, karma se bana hai karaaya na । usko bhi aakar ke mujhe uthaana pada na, karaana pada na । to uske tan man dhan se jo usne karma kiya, uska phal paaya hai to woh phal ka saakshaatkaar hai । baaki bana banaaya nahin hai aise hi muphta ka, karma se । to dikhlaate hain ki usne bhi karma kiya hai aur kar rahe hain na hamaare saamne । to baap daada, baap ko bhi karna padta hai aur daada se bhi aakar ke karaaya hai to usko bhi karaane ka kaam aa karke karna padta hai na, karna hi to padega na । to aisa baap aur daada aur maa ke bahut meethe-meethe, aise samajhdaar jo apne sab purushaartha mein poore tatpar rahe hain aise bachchon prati yaad pyaar aur good morning ।