Murli de Mamma - 104

> >

mama murli madhuban

chadhti kala aur utarti kala

rikordah

kaun aaya mere man ke dvaare paayal ki jhankaar liye…….

sabke rakhvaale bante hain । aise nahin jaise shaastron mein kehte aae hain kabhi uska rakhvaala bana, kabhi uska bana, yeh avtaar lekar ke uski raksha ki, yeh avtaar lekar ke uski raksha ki to avtaar bhi kai aur raksha bhi kabhi satayug mein to kabhi treta mein, kabhi dvaapar mein sabhi jagah le gae hain, parantu aise nahin । raksha ki jaroorat bhi tabhi hai jabki ham poorn giraavat mein aa chuke hote hain । to jab ham poore girte hain tabhi to aakar ke paramatma chadhaate hain । agar abhi hamaara girna hi shuru hua hai to vo kaise aakar chadhaaenge, unka bhi to time hai na aise to nahin hai na । uska bhi time hai, girne ka bhi apna time hai । dvaapar se lekar ke kalayug tak girna hi hai, yeh bhi drama ka hai samajhte hain । ismen kai moonjhate hain, samajhte hain girna hi hain to phir to apna to kuchh nahin hua na । parantu nahin yeh drama bhi samajhna hai, phir yeh bhi samajhna hai ki us giraavat se chadhne ka bhi time hai aur baap aa karke chadhaane ki bal jo hai na, woh bhi vahi deta hai । to yeh baaten samajhne ki hai । girna hi hai to iska matlab girna hi hai yeh bhi to nahin hai na । chadhna hai to uska matlab apne aap hi chadh jaaenge । nahin, chadhna hai, uska time hai aur chadhaane vaala bhi aakar ke chadhaate hain parantu woh bhi hamaare se purushaartha karaake chadhaate hain to hamko apne purushaartha se chadhna ho gaya na, abhi yeh cheej phir samajhna । kai ismen moonjhate hain ki phir ismen purushaartha ki kya baat rahi, jab girna hi hai, chadhna hi hai, yeh bana banaaya pada hai to hamko girne hi do, jab chadhna hoga to chadh hi jaaenge apne aap, phir mehnat ki kya baat hai to iseelie kai purushaartha ko nahin lete, bas isi baat mein moonjh jaate hain । abhi moonjhane ki bhi baat nahin hai yeh samajhna hai । bhale girne chadhne, utarti kala chadhti kala ka bana banaaya drama hai parantu chadhne ka bhi jaisa niyam hoga vaise hi chadhenge na । niyam hai apne kie karmon se chadhna । girne ka bhi niyam to yahi hai na apne kie karmon se girte hain । koi aise thodi hai ki apne aap girte hain, hamaare karma se hi to ham girte hain, rispaansibiliti bhi phir hamaare karma par aati hai na । to baap ko bhoolte hain, vikaaron mein girte hain to girte hain, agar vikaaron mein nahin girte to nahin girte । to dekho drama mein bhi yeh point rakhi hui hai, niyam mein bhi yeh point rakhi hui hai ki vikaaron ke kaaran gire । kaaran kaun sa, bhai gire kyon? aise hi to muphta mein nahin gir pade na, achhe the aur gir gae ? nahin ! vikaaron ke kaaran gire । vikaar aae tab gire । to dekho devtaaen, bhai sarvagun sampanna 16 kala sampoorn, sampoorn nirvikaari the, phir 14 kala, peechhe aahiste-aahiste phir jab devtaaen vaam maarga mein aae na, dekho devtaaon ka vaam maarga bhi hai na, vaam maarga ka matlab hi hai ki devtaaen jab phir vikaar mein gire hain parantu jab gire tab devta thodi hi the, tab to devta nahin the na । to aise nahin kahenge devtaaen gire, nahin tab devta hai hi nahin na । devta tab the, jab sarvagun sampanna the lekin inke bahut janma chalte-chalte woh jo apna sukh ka karma banaaya, woh sabhi bhog karke jab unka poora hua to phir vikaari duniya ka time bhi aaya, phir unhon mein vikaar pravesh hone lage to phir woh us samay to vikaari hue na, us samay devta thodi kahenge । nahin, to iseelie bichaare kai samajhte hain iska chitra bhi rakhte hain woh jagannaath ya kahaan hai, baba batlaate hain ki unke mandir ke baahar deevaaron mein bahut devtaaon ke gande-gande chitra dikhlaae hue hain ki devtaaen jab vaam maarga mein gae hain na, to vaam maarga ka chitra dikhaate hain । to shakla devta ki aur vikaaron mein chal pade hain to unka vikaari drishya dikhlaae hain parantu devta vesh mein to usi se kai ye samajhte hain ki devta bhi aise gande the iseelie samajhte hain bhale brahma bhi fida hua phalaana bhi fida hua to woh devtaaon ke oopar kalank laga diya hai iseelie sanyaasi aadi samajhte hain ki yeh devtaaon ka yeh sukh bhi vishta samaan hai, aise-aise kah dete hain kyonki vo samajhte hain ya aur bhi kai samajhte hain ki bhai devta pad ye koi badi baat thodi hi hai । devtaaen bhi gire ismen kya badi baat hai । aisa to humein banna hi nahin hai । ham kehte hain na hamaara em end object hai manushya se devta, to kai devtaaon se ghrina karte hain । vo kehte hain yeh stage neeche ki hai । devtaaon se bhi oopar ki stage hai, vo phir woh jyoti jyot mein samaana phir woh oopar jaana, woh samajhte hain ki vo oonchi stage hai hamko vo stage chaahiye devta nahin, kyonki devta banenge phir bhi girenge na, isliye kyon ham aisi stage mein jaaen । to bichaare jaante nahin hai na । to woh bhi to devtaaon ki duniya hai to devta hain, practical life hai na । phir jab yeh time aata hai to phir vahi aatmaaen hai na vahi aatma janma leti-leti phir rajo mein phir tamo mein bhi to vahi aati hai na । to jab rajo shuru hota hai sato pradhaan aur sato jab poora hota hai to phir rajo aata hai na, to phir us time par to woh devta nahin rahe na । phir vikaar ka pravesh hua to phir vikaari kahen । phir vahi jo nirvikaari raaje raaniyaan thi vahi phir vikaari raaje raaniyaan ban jaate hain, bhale unka woh jo hai ooncha pad vo rehta hai parantu vikaari । phir unke dvaara phir unka vo raajya chalta hai to isi tareeke se baithkar ke baap samjhaate hain to phir jab vikaaron se bhi girte-girte neeche chal padte hain, tabhi phir main aata hoon aur aakar ke phir ooncha uthaata hoon to yeh drama kaise bana hua hai nambarvaar sabhi baaton ko samajhna hai aur phir niyam ko bhi samajhna hai । bana banaaya ko bhi samajhna hai parantu bana banaaya bhi niymon se, kaanoon se, kaaydon se bana hua hai un kaaydon ko bhi samajhna hai । aise nahin hai bas chadhti kala hai to apne aap chadh jaaega, utarti kala hai to aape hi utarte hain aape hi chadhenge । nahin, utarte bhi apne karmon se hi hain, rakha to vahi hai na, to bhaai vikaar mein gire tabhi gire, kaaran to dekho nikal aaya na । parantu haan jaante hain ki vikaaron ka bhi time hai । vikaar na hota to nirvikaari shabd nahin aata kantraasta mein, raat nahin hoti to din kaise kehte hain, din hai tabhi raat kehte hain to donon hi hai । to yeh sabhi cheejen jaante hain, aise koi kahe ki raat hoti hi kyon hai jo din hove, phir din hi na ho raat hi na ho phir tu bhi na ho, phir to kuchh bhi na ho, woh to baat hi nahin hai phir to kahne vaala bhi na ho phir kuchh bhi na ho na । phir to baat hi nahin rahegi to yeh sabhi cheejon ko samajhne ka hai iseelie yeh khel kaisa hai bana hua, kis tarah se ye bana hua hai niyam kaanoon sab, to har cheej ka niyam kaanoon ko samajhna hai, isi ka hi naam to gyaan hai na । baaki gyaan kya hai yeh na hota, woh na hota to kuchh bhi nahin hota phir gyaan bhi nahin hota, phir tu bhi nahin hota kuchh bhi nahin hota phir to hai hi nahin kuchh । phir to khel hi khatma hai na ye sab । to khel ka niyam hota hai, khel ka sab time, part, sab varnan to usi cheej ka hai na । to abhi baithkar ke baap samjhaate hain iseelie kehte hain bachche abhi tumhaara time poora ho to main bhi aakar ke sab ka sahaara banta hoon ek hi time par aur main sabka banta hoon । aisa nahin hai koi doosre dharmon ka doosra sahaara hai, Christian dharma ka Christ sahaara hai, sahaara nahin, sahaara sabka main hoon । sahaare ka matlab hi hai ki sahaara tabhi chaahta hai jab manushya girte hain, duhkhi hote hain tab aakar ke koi unko sahaayta deta hai to kehte hain ki bhaai isne ham ko sahaara diya to sahaara tabhi kahne mein aata hai jab duhkh mein ya koi giraavat ke samay mein koi aakar ke sahaayta de tab kahenge na sahaara । to aise time par sahaara dene vaala ek hi paramatma hai । to sabko dekho paapon se mukti aur jeevan mukti dene vaala to ek hi hai na iseelie sahaara sabka hai । Christ ko sahaara nahin kahenge, buddha ko sahaara nahin kahenge । woh to aate hain dharma apna sthaapan karne ke liye, woh to aur hi aatma ko oopar se kheench ke neeche karte hain । pavitra aatmaaen aati hain aur unhon ko neeche hi chalna hai, khud bhi aate hain to khud bhi neeche hi jaate hain । unke followers bhi jo kuchh hai woh bhi pavitra aatmaaen oopar se aati hain unki sankhya Christianity ki sankhya bhi peechhe hi badhti hai na, to sankhya jo utarti hai woh bhi neeche hi chalti hai to woh sahaara kaise hua, woh to aur hi neeche le jaane vaala hue na । paavan aate hain patit bante hain to woh paavan se patit bante hain aur baap aakar ke patit se paavan banaate hain to sahaara usko kahenge jo hamko neeche se ooncha banaata hai iseelie paramatma ko kahenge patit se paavan karne vaala, to woh paavan banaate hain hamko duhkh se chhudaate hain iseelie unko sahaara kehte hain । woh dharma sthaapko ko to duhkh mein le hi jaana hai, aate hain pahle-pahle tab sukhi hain pavitra aatmaae hain na, us samay taakat hai unmein bahut, peechhe to unko aur hi neeche chalna hi hai to sab jaate hain jo aati hain aatmaaen, jo sthaapak hai un sahit sab ko neeche hi jaana hai । to uska matlab yeh ho gaya na ki jo aate hain dharma sthaapak unko to neeche hi le jaana hota hai kyonki unko chalna hi hai aur hamaara baap aate hain to neeche vaali aatmaon ko oopar kheench le jaate hain to hamko patit se paavan banaane vaala jo hai jo dharma sthaapan karne vaala hai ham unhi ki sthaapna mein aane vaale hain aur doosre jo dharma sthaapak hain woh to paavan se phir patit bante hain to yeh pharka hai isliye hamaara dharma, is dharma ki sthaapna jo hai woh paramatma ne kaha hain ki yeh dharma main sthaapan karta hoon । kaun sa? jo patit se paavan bante hain phir paavan jenreshans mein sukh bhogte hain aur yeh jo hai baaki woh paavan aate hain aur neeche chalte hain to yeh dharma sthaapanna yeh manushyon ka kaam hai, woh aatmaaen yahaan aa karke apna dharma aise sthaapan karti hain to unke dharma sthaapan mein aur paramatma ke dharma sthaapan mein raat aur din ka pharka hai kyonki woh adharma naash karke dharma sthaapan karte hain iseelie ek dharma, ek raajya rehte hain aur woh jab aate hain to aise nahin ek dharma ek buddhizma, krischnijma us samay to sabhi dharma hain dekho islaami dharma hai phir buddha aata hai to jab bauddha dharma sthaapan hota hai to islaam dharma hai na । woh khatma to nahin hota hai na, woh hai । phir buddha ke baad Christ aata hai to phir buddha dharma bhi hai phir Christ apna dharma sthaapan karta hai । woh hai dharmon ki vriddhi aur jab baap aata hai to sab dharmon ka end karke ek dharma sthaapan karta hai । usko kaha jaata hai phir sansaar sukhi banaata hai । to uske kartavya aur manushyon ke kartavya mein raat aur din ka pharka raha na iseelie kehte hain sabka tu ek sahaara । to kaise sahaara bante hain ki ham sabko is maaya ki bondage se to sab kuchh chhudaate hain na ekdam । ekdam se sabko maaya ki bondage se chhudaate hain । to sahaara tabhi hai jab sabhi maaya ke duhkh mein aae hain tab uski bondage se chhudaana, liberator banna to isko kaha jaaega sahaara । to liberator to ek hi hai na । Christ ko liberator nahin kahenge, buddha ko liberator nahin kahenge । woh to aur hi sab ko saath mein lekar ke khud bhi neeche aur jo saathi hain unke sabko neeche hi chalna hai । to yeh sabhi cheejen bhi buddhi mein rakhne ki hai isliye paramatma ka kartavya special hai । woh apne aap karne vaala hai । uske kartavya ko koi manushya kar bhi nahin sakta hai aur manushya ke saath uski bhent kari bhi nahin ja sakti hai । haan, manushyon ki aapas mein thodi-bahut bhent chalti hai jaise bhai Christ tha, buddha tha, ibraahim tha jinhonne dharma sthaapan kiya to haan yeh sabhi dharma sthaapak, bhale dharma sabka apna-apna hai parantu sabke liye kahenge to na ki sab dharma sthaapkon ko bhi apne dharma ko sthaapan karke paalna ke liye un sab ko chalna hai to unki ek-do mein se bhent ho sakti hai lekin paramatma ka sab kartavya bhinna, unka part hi bhinna hai, unka dharma sthaapan karne ka tareeka bhi bhinna hai, sab bhinnata hai iseelie kehte hain bas tumhari gat mat tum hi jaano, tum sabse nyaara, bhagwan ko kyon kehte hain paramatma ko, tum sabse nyaara । nyaara bhi aur phir pyaara bhi to dekho kehte hain sabse nyaara kaam bhi karta hai aur alag kisi se uske bhent nahin ki ja sakti hain । to sab se uska nyaara kartavya bhi hai aur phir sabka pyaara kartavya karte hain yaani sabke liye jo maaya ki bondej se chhudaane ka pyaara kartavya hai, vo sabka karta hai lekin sabse nyaara । ye kaam koi aur nahin kar sakta hai । to usko nyaara kaha hi isliye jaata hai kyonki woh sabse nyaara hai, koi se uski bhent karne mein nahin aa sakti hain । unka kartavya sabse niraala hai । kehte hain tumhare kaam niraale…ye gaate hain bhakti maarga mein ki tumhare kaam niraale । kyon kehte hain tumhaare kaam niraale hain, kaun sa kaam uska niraala hai । yeh uska maaya ki bondage se chhudaana to uske kaam niraale । doosre jo aa kar ke kaam karte hain woh aur tareeke ke kaam hai । woh hamko yahaan is duhkh mein le aate hain, yeh hamko isi duhkh ke sansaar se chhudaate hain । maaya ki bondej se le jaate hain to pharka ho gaya na । to yeh sabhi cheejen baith karke baap samjhaate hain iseelie kehte hain mera kaam niraala hai parantu mera kaam sabka pyaara hai iseelie sab mujhe yaad karte ho na phir bhi । dharma sthaapak bhi mujhe yaad karte hain । woh bhi aa karke tum logon ko meri mahima sunaate hain, paramatma aisa vaisa sab । dekho guru naanak hai to unki bhi vaani mein kiski mahima hai, paramatma ki mahima hai । to sabhi jo bhi dharma sthaapak aae hain, un sab ne paramatma ki mahima ki hai aur unke kartavya kya tha, lekin meri khaali mahima se bhi usne apna apna dharma sthaapan kiya । unka kaam sirf meri mahima karna, meri mahima se bhi dekho unhonne kitna apna dharma sthaapan karne ka ye kaam kar liya । lekin main khud jo hoon woh khud aakar ke kaam karoonga to kaisa kaam karoonga, pharka hoga na । to iseelie kehte hain dekho mera kaam sabse niraala । to yeh dekho abhi niraala kaam jo karne vaala hai na, uske ham direct vanshaavli bante hain aur vo direct dharma jo sthaapan karta hai usi dharma vaale ham bante hain to apna nasha kitna hona chaahiye । koi common dharma sthaapak ki tarah se hamaara dharma sthaapan nahin hota । hamaara dharma sthaapan karne vaala kaun? svayan parampita paramatma world olmaaiti authority । to ham usi dharma vaale hain jo dharma svayan paramatma ne sthaapan kiya hai aur vo aakar ke karte hain iseelie apna dharma ka, apne karma ka, apne banaane vaale ka kitna phakhur hona chaahiye ki hamaare karma sabse shreshtha, hamaara dharma sabse shreshtha, humein banaane vaala sabse shreshtha । woh hai hi oonche mein ooncha, unki to bhent hi kya karen, hai hi oonche te ooncha, ooncha ek hi hai । to yeh sabhi cheejen buddhi mein rahne ki hai iseelie abhi baap kehte hain bachche abhi tumhaara dharma, dekho tumhaara dharma sabse poojya । poojneey devi devtaaen vo dharma, jiske liye dekho yaadgaar chitra saamne hain । god end godejis, angreji vaale bhi angreji mein inko god end godejij kehte hain । iske chitra bade puraane puraane milte hain । to isi tarah se jaise jhaad hota hai na jhaad badhta jaata hai aur usmein jo jad ki aayu yadi ginenge jhaad mein last tak to kahenge bhaai jad ko paida hue bahut time hua to iski ej bahut hui jhaad mein aur yeh daar ka time thoda kam raha, phir doosra chhota daal phir taar phir taariya । peechhe last mein bhi chhote-chhote patte nikalte hain to kahenge yeh to abhi-abhi paida hua aur abhi-abhi is jhaad ka end hai aur khatma hona hai to abhi-abhi hua hai to iski aayu jhaad mein chhoti rahi to jhaad mein bhi nambarvaar jad ki aayu jhaad mein sabse kam, phir taari ki usse kam phir chhoti-chhoti taariyaan unki usse kam aur phir chhote-chhote patte usko kahenge abhi abhi nikle abhi-abhi jhaad ka end hai to woh sabse kam uski aayu isi tarah se isi tarah se yeh chakkar chalta hai । to yeh sabhi baaton ko samajhne ka hai ki aatma mein apna kaisa part hai jo shuru hota hai, phir poora hota hai phir poora ho karke phir vaisa hi shuru hoga । aise nahin chalta chalega । jo cheej shuru hui hai uski end zaroor chaahiye yeh bhi ek samajhne ki baat hai jisko kahe shuru, to bhaai shuru kahaan se hua agar shuruaat hai to uski end zaroor hai । to samajhna chaahiye na iseelie baap kehte hain is naatak ka khel ka part ka shuruaat hai । baaki yeh kab shuru hua kabhi poora hua ye anaadi hai, jiska koi end nahin hai isko kehte hain anginat । ye ek shuru ho karke poora hua phir shuru ho karke poora hua, ye anaadi chala aata hai । kabhi tha hi nahin na jo hua, to abhi question bhi uthe । nahin, ye anaadi hai, uske liye kahenge anaadi, iska koi aadi ant nahin hai । haan phir khel ka, part ka ki bhaai pahle kaun the paartadhaari actors un actors ka nambarvaar khel ka hai ki pahle ye devi-devtaaen peechhe phir doosre- doosre dharma । to yeh sabhi cheejen baap samjhaate hain । dekho is chakra mein hain na pahle devi devta hai to dekho doosra dharma koi hai is taraph? hai hi nahin, ek hi dharma hai । abhi jab copper ej shuru hota hai to doosre dharma dekho aana shuru hote hain woh dikhaaya hai yahaan, ismen jhaad mein bhi dikhaaya hai idhar । ye dekho khaali hai na saari world mein, yeh world ke oopar dikhlaaya hai ki saari world mein ek hi aadi sanaatni devi devta dharma dikhlaaya hai ki saari world mein ek hi aadi sanaatni devi devta dharma, yeh golden end silver ye side mein ek hi dharma hai devi devta । jab ye devi devta dharma hai to ek dharma ek raajya saari world mein । us time par doosra koi dharma nahin hai । peechhe yeh nambarvaar doosre dharma, dharma sthaapak aate hain apna apna dharma chalaate hai । to end phir dekho sabki ek hai । dekha hai na, sabki end iseelie sabhi ka shaastra bhi diya hai har ek apna apna । dekho shaastra inke peechhe shuru hote hain, jab dharma ka aadha bhaag har ek chalta hai, uska golden silver poora hota hai phir unke bhi copper ej mein yaani jab thoda beech ka time peechhe unka chalta hai shaastra granth ya Bible ya jo bhi unke bhakti maarga ka hai vo peechhe chalta hai । peechhe phir malteeplikeshan bhi hoti hai । to isi tareeke se sabka phir end ek saath to yeh sabhi cheejon ko bahut achhi tarah se samajhna hai । yeh chakra buddhi mein ghoomne ka hai । baba kehte hain na sudarshan chakra phiraao । phiraao kya ki dekho ham abhi kahaan the । abhi chakra poora karke ham phir apni jagah par aa rahe hain । ham apni seat le rahe hain phir । hamaari seat maaya ne chheen li thi abhi ham phir apni jagah par aa rahe hain, phir apni seat pakadni hai iseelie kehte hain ki ab chakra phirega to apni seat yaad aaegi ki ham isi seat se gire the, abhi apni seat phir pakadte hain । to chakra phirega to yaad aaega । to phiraao iseelie kehte hain saara din buddhi mein ye svadarshan chakra phiraao to phir is chakra se tumhaare paap naash honge । tabhi jab yaad rahega na hamaari seat oonchi hai hamaari seat oonchi hai to apna khyaal rakhenge ham oonchi seat vaale hain to hamaare se koi aisa ulta kaam nahin hona chaahiye to dekho vikaar katte jaaenge na । to seat yaad karenge vikaar katenge, seat yaad karenge vikaar katenge to apni position seat ko yaad karna hai । to isko baba kehte hain chakra ghumaao । (bhaai-50 foot ka chakra patthar mein bana hua hai) । haan yeh chakra ka to bahut bana hua hai, yeh cross ka bhi hai yaani svaastik bhi hai svaastik ka bhi poojan karte hain । jab ganesh poojan hota hai ya koi bhi poojan karte hain na to pahle yeh svaastik zaroor nikaalte hain । poojan ke aarambh mein pahle svaastik zaroor rakhte hain to yeh svaastik ka bhi chaar bhaag ka hisaab hai yeh eekval chaar bhaag hain । eekveliti ko koi nahin jaante hain, woh samajhte hain satayug hain woh bada hai uski aayu badi hai, phir treta hai uski aayu thodi kam hai, phir dvaapar hai uski thodi aur kam kalayug ka aur thodi kam to uske bhaag ko chhota chhota karte jaate hain । to ye equal hai to chaaron ki aayu equal hai saadhe baarah sau- saadhe baarah sau varsha sabki aayu eekval hai । is eekveliti ko koi nahin jaante hain parantu inka mahatva bahut hai । baba sunaate hain woh jagannaath mein chaaval ka deg banaate hain usmein phir chaaval ke aape hi chaar bhaag ho jaate hain । vo to aise bhakti maarga ki bhaavna hai na to ye chaar bhaag ka mahattva yahi hai । to yeh baaten abhi apan sab jaante hain । ye chakra bahut rakhte hain, abhi dekho apni government ka yeh jo hai usmein bhi neeche ek chakra hain na, parantu is chakra ka arth woh samajhte hain gaandhi ji ne charkha chalaaya । to yeh charkhe ka nishaan diya hai । woh apne ghar par soot banaate the woh to usko vo charkha bana diya, vo bichaare ne gaandhi ji ne vo chakra ka raaj to samjha nahin to charkha laga liya । hai to asul geeta ki baat yeh hai na yeh chakra parantu usmein to saari baaten svaraaj vagairah yeh sab aahinsa aadi ko us tareeke se le gae hain na । ahinsa ko samjha ki hathiyaar kamaan se nahin ladna, baaki picketing, bhookh hadtaal. satyaagrah inhi se raajya lena hai to usne phir ahinsa ko isi tareeke se liya, us chakra ko phir charkha mein liya । vo samjhe ghar-ghar mein charkha phiraao । ghar-ghar mein ek-ek charkha, jisko dekho vo ek-ek charkha । vo tikli tikli sab nikalti thi dekho bachche-bachche, chhote-chhote sab, jab congress ka chalta tha to khoob aise karte the, ham bhi karte the, bahut karke dete the usko । vo banaate the na, to jo banaate the peechhe unko dete the । jo aise daan karenge na to samajhte the bhaai ye congress ko madad karte hain, jitna bana ke de । roj jitna bhi bana kar den to yeh congress ko madad ki to ham bhi aise madad karte the, vo bana kar de dete the । to yeh sabhi hote hain to gaandhi ji ne bhi ye samjha ki yeh ghar-ghar ka charkha sab ko sukhi karega lekin yeh baat kahaan ki thi ki hamaara chakra kahaan poora hota hai phir ham kahaan jaate hain vo abhi chakra poora karke aae hain aur isi karma shreshtha se apni vo jagah pakadni hai । to baaten aisi hai lekin baaton ko le gae hain doosre-doosre tarah se, abhi baithkar ke baap samjhaate hain । to abhi sab buddhi mein aati hai na ? to yeh sabhi abhi buddhi mein le karke abhi phir vaise apne karma ko banaana hai to yeh sabhi baaten abhi achhi tarah se buddhi mein rakhte jaao । ismen moonjhana nahin hai kisi ko samjhaane karne ke liye bhi parantu samjhaane ki samay mein bhi kabhi bhi koi nayon ko koi aisi baaten nahin ye charkha chakra aadi yeh baaten samjhaaenge to woh bichaara moonjh jaaega । pahli- pahli baat to sabko baap ka parichay dena hai ki tum kaun ho, tumhaara pita kaun hai । tum aatma, aatma ka pita kaun hai, to baap se to buddhi lage । jisse connection kat hua hai usse to pahle connection lage phir uske connection se phir saari baaten aape hi aap samajhta jaaega iseelie pahle pahle kis ko bhi baithkar ke ye charkha aur chakkar ye sabhi cheejen sunaaenge to maatha kharaab ho jaaega iseelie kabhi bhi nayon ko koi is baaton mein koi tu mach baaton mein nahin । koi question bhi kare na to kaho pahle to yeh baat samjho tumko baap se varsa lena hai, tumko apna jeevan banaana hai ya baithkar ke yeh baaten seekhne hai ki janaavron ki aatma kahaan rehti hain, janaavar kaise bante hain । kai question ulte utha lete hain na phir unhon ki gati kya hoti hai to tum janaavar ho kya? apni gati to karo pahle, manushya ki gati kya hoti hai peechhe janaavar ki gati poonchhana ki unki kya hoti hai । janaavar ki gati peechhe rahi, teri gati se sabki gati hogi । manushya ki gati sadgati se sab janaavar pashu-pakshi sab ki gati hogi to tere peechhe sab hai । tu pahle apni kar to tere peechhe sab sudhar jaaenge apne aap । tum janaavron ki kaahe chinta karte ho । janaavar ka kya hua, kaisa hua, kai-kai question karte hain । vo kutte hote hain na dogsa, vo kai to bichaare raajaaon ke mahal mein palte hain । raaja apni palang ke paas rakhte hain । bade pyaare jiske kutte hote hain bade-bade saahookaar apne palang ke saath uski palang lagaate hain, sulaaenge, khilaaenge pilaaenge bahut kiska lav hota hai janaavron se । to kehte hain dekho vo to raaja se mahlon mein pal rahe hain, yeh bhi kutte ka koi bhaagya hai kismat hai, usne bhi koi karma kiye honge । phir aise-aise kai question karte hain ki usne kya karma kiya hai । koi kutte ko to laathi maarte hain, aate hain ghar mein to maaro laathi, nikaalte hain ghar se baahar, to koi to bechaare aise pal rahe hain uski kya karma ki gati hai । to aise-aise question uthaate hain parantu inheen baaton mein agar jaaenge na to kahenge tumko kutta banna hai kya? tum apne kutte ki gati poonchh rahe ho । tu apni to gati ko samajh, teri gati se sab ki gati hogi । jaise manushya mein bhi neech oonch ka hai, jitna manushya ooncha hota hai to unka bhi phir apna-apna hisaab kitaab hai । dekho kutte-kutte bhi apna aapas mein ladte-karte hain parantu uski phir kaitegri jo hai na woh alag hai । woh unki apni kaitegri mein apne karma ka hisaab ka khaata hai lekin manushya ki kaitegri alag hai yeh samajhna hai । aise nahin manushya se hi janaavar ki koi bhent karni hai । janaavron ka janaavron mein apna hisaab-kitaab ka khaata chalta hai woh baat alag hai baaki manushya ki ketegri aur janaavar ki kaitegri ko milaana to nahin hai na । yeh kaitegri alag vo kaitegri alag, usko alag to karo pahle । to aise nahin hai milaana hai ki hamne kuchh achha karma kiya yeh manushya se bhent ki baat nahin hai । woh to janaavar apne aapas mein unka bhi to koi hisaab kitaab apna chalta hoga na to yeh to janaavron ka hisaab-kitaab hua na । hamko koi janaavar to nahi banna hai na । hamko to manushya ki gati kya hai, usko samajhna hai aur apni gati ko pakadna hai gati athva sadgati ko । to hamko to vo cheejen samajhne ki hai na । to yeh sabhi baaten buddhi mein rakhni hai । to yeh koi kabhi-kabhi aise faaltu kveshchans utha lete hain to ye kyoon aap logon ko samjhaate hain kyonki koi sarvisebal ho na to yeh sabhi points di jaati hain । kabhi bhi koi aisa koi question ronga ve ka utha leve to kehna bhaai inhi baaton mein tumhaara kya jaata hai । tumko apna jeevan banaana hai, tumko apna sukh shanti chaahiye na ki jaanavron ke sukh shanti ka khyaal hai । tu sukhi banega janaavar apne aap sukhi banenge । tere bal se hi janaavar banenge sukhi । tumko agar jaanavron ke oopar daya hai to tu pahle apne ko bana phir janaavar tere bal se apne aap sukhi ho jaaenge । sab sukhi ho jaaenge, yeh tatva aadi sab order mein aa jaaenge । to tu apne ko bana woh apne aap banenge । baaki tu agar samjhe ki inke oopar daya karke inko banaane se main banoonga । uske oopar daya karne se uski dua hamaare oopar aaegi । nahin, tu apne oopar daya kar to teri daya sabke oopar jaaegi । iseelie kai pashuon ki, pakshiyon ki, kai cheetiyon ki seva karte hain ki unki dua hamko milegi, parantu tu ban to teri dua sab bichaaron ko mil jaaegi । tere hi kripa se sab bechaare hare-bhare ho jaaenge janaavar, pashu, pakshi, jad, chetan vriksha aadi sab hare-bhare ho jaaenge । abhi dekho vriksha aadi mein bhi taakat nahin hai na, phal-phool anaaj vagairah sab bichaare sad gae hain, bhale dete bhi hain parantu dekho woh taakat nahin hai । peechhe ye tatva aadi sab mein, tumhaare bal se in tatva aadi sab mein bal aaega iseelie tu apne oopar daya kar to sabke oopar daya teri ho jaaegi automatic । lekin tu unke oopar daya karega aise karega to isse kaise hoga । nahin, yeh apne oopar kar daya । daya ka matlab hi hai ki apne ko pavitra bana aur manushya ko pavitra banaane ka raasta de to manushya ke banne se yeh manushya ka jo bhi hai jaise ghar ka maalik hota hai ghar mein kitna furniture hota hai na to kiske liye hai? manushya ke liye hai na । to yeh sansaar bhi manushya ke liye hai । khaana-peena yeh sab shobha jaise ghar mein nahin rakhte hain bahut rakhte hain, kutte billi yeh sab pashu pakshi banaakar rakhte hain apne ghar ki shobha rakhte hain na to yeh bhi hamaare sansaar mein shobha hai, in cheejon ka । parantu hai kiske liye manushya ke liye, mukhya manushya hai na । to samjho yeh furniture hai sajaavat hai to manushya achha ho jaaega to uske ghar ki sajaavat achhi ho jaaegi aur manushya girta hai to uske ghar ki sajaavat girti hai । to abhi pahle sajaavat ko banaana hai ya manushya ka banna hai । dhani ka banna hai na, to dhani banega to uske liye apne aap makaan achha banega, achhe makaan ke liye achha furniture banega, sab achha hoga । to pahle jisko banna hai usko banne ka purushaartha rakhna chaahiye na । to pahli koshish karni hai apne ko banaane ki iseelie baap kehte hain pahle aatma mukhya, shareer se bhi pahle mukhya aatma । aatma banegi tab shareer banega, aise nahin pahle shareer banega tab aatma banegi । nahin, shareer peechhe kiske karmon ke aadhaar se shareer banta hai? aatma ke, to men to aatma hai na aur aatma ko kaun banaaega- paramatma to iseelie usko jaanna padta hai । to jo banaane vaala hai usko na jaanenge to ham banenge kahaan se iseelie usko bhi jaanna padta hai to aatma ko aur parampita paramatma ko yaani usko banaane vaale ko samajhna padta hai । jab samjhenge tabhi to banaane vaale ke connection mein aaenge na । woh kehte hain mujhe yaad karo agar ham samjhe kyon yaad karen, to jab pata lagega ki isko yaad karne se ham banenge, hamaare ko usse taakat milengi, bal milega to jab ham jaanenge tab to tempteshan rahegi na to iske liye unka gyaan zaroor chaahiye । to hamko apne banne ke liye ye baaten jaanni padti hain । jaankar ke usse connection jodna padta hai, aur jodkar ke usse apna bal lena padta hai tabhi to ham sukhi banenge । ye to sabhi baaten ek do ke sambandh mein hai hi । to ye sabhi jo sambandh ki baaten hai vo samajhne ki hain baaki ye sab bhi nutshell mein kyoon, aap log to puraane ho das baras ke athva kuchh abhi aae ho, achha samajhte ho to unhon ko samjhaaya hai ki bhaai chalo yeh sabhi kaisa hai । manushya mukhya hai uske saath phir sabhi ka connection hai samjhaane mein aata hai, nahin to bilkul nae jo hai na unko phir baithkar ke yeh baaten samjhaaye to phir moonjh padenge kyonki unko to khaali ye baap ka relation baap kya, main kya aur uske saath sambandh kaise rakho aur apne karmon ko svachchha kaise banaao, bas itni baaton mein le jaana hai । jab vo amajh jaaenge, buddhi svachchha jitni hoti jaaegi na, apne aap baaten samajh mein aati jaaengi, kyonki svachchha buddhi mein hi ye baithega । jiski buddhi svachchha nahin hai na usmein ye knowledge bhi baith nahin sakegi । ye knowledge hai bahut oonch ki, knowledgeful ka । jo nolejphul god hai uska knowledge hai to uska knowledge koi aisi buddhi mein nahin । bhale aate hain patiton ko bithaakar ke paavan banaane ke liye parantu patit bhi jo unke bachche banenge na, jo unke banenge unhon ko । to unhon ko kehte hain ki baithenge, jo banenge nahin to kabhi baithenge nahin । to mere banenge to aisi patit aatmaaen bhi aise gyaan se paavan banti hain । to iseelie kehte hain pahle mere to bano, mere mein to pahle vishvaas rakho । agar vishvaas hi na hoga to mere se praapti kya karenge iseelie kehte hain mere ban karke mere dvaara phir jo praapti hoti hai usko grahan karte jaaenge, practical jeevan banaate rahenge to yeh sabhi cheejen achhi tarah se buddhi mein rakhkar ke apne bhi unnati karni hai aur doosron ki bhi unnati karni hai । to karni hai doosron ki aise bhi nahin, yeh bhi daan karna hai । doosron ki seva karne se seva ka phal hota hai na । manushya ye kyon janta ki seva karte hain ya koi rogiyon ki seva gareebon ki seva kyon karte hain । seva ka phal hota hai na । to ye bhi hamaari seva ka bhi hamaare mein hona chaahiye ki doosron ko ye sachcha maarga batlaaen, sachcha raasta den । to ye seva sabse shreshtha hain, to ye seva karne ka bhi saukh hona chaahiye na । is seva ka bhi phal hai, isse milta hai । ek ham apna purushaartha karte hain to ham bante hain phir seva karte hain doosron ko banaate hain phir uska bhi phal hamko milta hai । to ye sabhi apne mein jama karne ki cheejen hain na tareeke apne ko aur aur aage dhanvaan athva oonch banaane ka to aisa banne ke liye purushaartha rakhne ka hi chaahiye । aur aaega, dil mein automatic aaega, jisko jo cheej achhi milti hai to zaroor aaega doosron ko den । ye bichaara duhkhi hai । ham to jaante hain na saari duniya duhkhi hai । bhale koi kitna bhi apne ko sukhi samjhe lakin ham jaante hain ki us bichaare ko sukh ka pata hi nahin hai ki sukh kya cheej hai । yeh bechaara jaise woh hote hain na, jaise kutta hota hai na to us bechaare ko haddi milti hai na, to vo us haddi ko samajhta hai ki bahut maal mila hai to khaata jaata hai । to jab khaata jaata hai to haddi ghusti hai na, lagti hai to apna hi khoon vo khaata rehta hai lekin vo samajhta hai mujhe haddi mili hai na, usko khaata rehta hai bada maja hai, maje se khaata rehta hai lekin apna hi khoon karta hai woh pata nahin chalta hai । yeh misaal dete hain kutte ka । to vo haddi khaate hain to usko haddi lagti hai apne mukh se unka hi khoon nikalta hai vo choosta jaata hai to vo samajhta hai hamko haddi mili hai to ye bhi duniya vaale samajhte hain ye jo hamko sukh mila hai na, hai haddi, hai nahin kuchh usmein parantu vo samajhte hain bas hamko sukh mila hai parantu ham to jaante hain na ki vo apna hi jaise usse aur hi duhkhi ho rahe hain aur hi apne ko kharaab kar rahe hain iseelie ham to jaante hain na to usko phir chhudaana hai ki are bhaai tum apna kharaab kar rahe ho iseelie ye apna aur hi haani kar rahe ho । ye tumhaara sukh nahin hai ye haani hai । to ham to jaante hain na to hamaara first dharma hai usko usse chhudaana । ham jo dekhte hain ki woh apna haani kar raha hai unko pata nahin lagta hai woh apni haani mein hi khush hai । woh samajhte hain ham bahut hi sukhi hain । hamko koi darkaar nahin hai to ham to bhale us samay thode vo dekho jaise kai peshent hote hain na, vo doctors se apni davaai karaane se darte hain, operation karaane se darte hain lekin doctor to jaanta hai na ki bechaare ki operation na kiya jaae to uski life chali jaaegi to woh kisi na kisi tareeke se jo achhe hote hain vo koshish rakhenge ki nahin, bichaare ka kisi na kisi tareeke se jaan bach jaae । maa bhi hoti hai na bachche ko dava pilaati hai to bachcha to chillaaega kadvi dava peene mein parantu woh naak band karke bhi dava munh mein daalegi to phaayda hai na । to ham abhi jagat ke bade jaise hamaare se abhi jagat rachta hai, bhale baba hamko rachta hai to ham bhi phir karen hamaara kaam hai । koi nahi davaai lete hain na to jaise koi maa bhi hoti hai na to vo kahegi ki nahin bachche ka ismen kalyaan hai to hamko bhi koshish karni chaahiye । usmein abhimaan nahin hona chaahiye jaise bachcha hota hai na vo laat bhi maarega, hota hai na maa davaai pilaati hai to woh laat bhi maarega, haath bhi karenge aise-aise to koi laat bhi lagaaenge, aise bhi karenge, koi gaali bhi denge parantu hamko vo insult nahin samajhni chaahiye parantu aise bhi nahin kisi ko naak pakad ke do । ye ham samjhaate hain kyonki kai darte hain yahaan । vo samajhte hain, kaisa shri raam ? shri raam darta hai koi insult karte hain aise karte hain to । to ismen deh abhimaan ki baat nahin hai । nahin, ismen to hamaara kaam hai jaise maa hoti hai, dekha hai kabhi, bachche hote hain na to vo davaai lene mein bahut aise-aise hote hain phir maa-baap jo hote hain na vo dete hai । to dekh-dekh karke dena hai । aise ko bhi nahin do jo koi tiraskaar kare gyaan ka । nahin, samjho bhaai uthaane jaisa hai, parantu pahle isko thoda thoda aisa lagta hai parantu ye uthaane jaisa hai usko thoda tareeke se dena chaahiye to vo kehte hain tiraskaar bhi nahin karaao । aise bhi nahin hai jo aise ko do jo gyaan ka tiraskaar karaae । uska dosh phir tere sir par chadhega । to tiraskaar bhi nahin karna hai dena bhi hai isliye yukti se chalna hai, samjha! to in donon baaton ko samajhna hai । yeh donon baaton ki hi khabardaari hai । aise bhi nahin deh abhimaan mein apne ko darna hai । apne ko bhi deh abhimaan mein darna bhi nahin hai aur tiraskaar bhi nahin karaana hai । donon baaton ko sambhaal karke service mein rehna hai, chalna hai to yeh sabhi cheejen samajhte apna banaate apna purushaartha karte chalna hai, inko kahenge purushaarthi baaki aise nahin bas samajh liya baba aaya hai, ham baba ke hain, ham aatma hai woh paramatma hai, yeh chakra aise ghoomta hai bas hamko gyaan hai, aisa nahin hai । aisa samajh ke bas apne ko gyaani samajh ke baith jaao । isi par misaal hai ham kehte hain sindhi mein aise kehte hain aap logon mein bhi kuchh aisa hoga kue ladi deg gaari aav pasaari parantu aap ki bhaasha mein kehte hain kuchh । vo chooha hota hai na, uska ek misaal dete hain । ek kahaani hai ki choohe ko ek haldi ka, haldi hoti hai na sabji mein daalte hain, choohe ko ek haldi ki gaanth mili to usne samjha ki main bhi bada dukaan vaala ho gaya hoon, dukaan vaala ho gaya hoon to usko thoda sa mila to usne samjha ki main saara dukaan vaala ho gaya । to aisa nahin hai ki thoda mila hai to samajhna hai haan ab ham bas ho gae yeh misaal hai । aise misaal aap logon mein bhi hoga lekin hamko bhaasha nahin aati hai na, tabhi ham aapki bhaasha mein kuchh nahin bol sakte hain । to yeh sabhi baaten hain to yeh sabhi baaton ko samajh kar ke apna purushaartha rakhne ka hai । to aise-aise rakhte rahenge aur shauk bhi rakhte rahenge apna jeevan bhi achha karenge doosron ka bhi achha karenge to zaroor hai ki doosron ki aasheervaad milengi jo banega jisko sukh milega । dekho aap logon ke jeevan mein shanti aur sukh aaya hai to automatic man se duaaen nikalti hain dekho hamar jeevan kaun banaane vaala hai to automatic uske prati hamaari shubh ichchhaaen athva shubh bhaavnaaen uthti hain । ye automatic hota hi hai to yeh bhi cheej aise hi hai । jitna-jitna ham doosron ko banaaenge uski shubhkaamnaaen aur shubh ichchhaaen hamko bhi unki madad milti hai to ye automatic hai । ismen koi aise nahin kisi se daya maangane ki hai ya kripa maangane ki hai ya daya karne ki hai ya kripa woh to ek aartipheesial tareeka bana liya hai aisa daya kripa bles blessingsa । yeh bles karna hai ye bles aisi aisi thodi hoti hai । nahin, bles to practical hai na jo ham karma banaate hain aur jo karenge uska blessing ho hi jaata hai । bura karenge to bura hoga achha karenge uska phir achha hoga । woh samajhte hain ki automatic hoti hai parantu ye to ek bhakti maarga ka aadambar jaise vo aaya pop bhaai bles kiya sabko aise aise karta tha, vo khush hote the, bhaai aise aise kiya parantu ye ek rivaaj bhakti maarga ka vaastav mein jo achhe karma karte hain uska blessing paate hi hain । usko automatic bles hoti hai parantu ye common chal gaya hai na to ismen bahut manushya thahar gae hain । vo samjhenge aise karenge to hamaara kuchh bhala hoga । bhale bhaavna anusaar jab patthar se bhi kuchh mil jaata hai to kuchh aisa karega manushya to manushya se bhi kuchh ho sakta hai parantu alpakaal ke liye na । bhaai chalo aise-aise kiya । chalo pop aaya, koi rogi ko aisa kiya vo thoda theek ho gaya to samjhenge nahin bhaai ye dekho iske aise karne se hua hain to vo hui alpakaal ki bhaavna । uski bhaavna rahi na ki bhaai ye bhagwan hai kuchh to bhaavna rakhi to uski bhaavna ka return phir bhi kuchh mil bhi jaae parantu alpakaal mein phir koi rog hoga, phir kuchh aur baat hongi phir kya hua bhala kya hua । chalo thode samay ke liye shapha hui phir aur koi bimaari ho jaaegi ya koi aur baat hogi phir? ye to hai ham sada ke liye in baaton se chhootne ka yatna lete hain iseelie usko alpakaal yeh sada kaal । yeh hai pharka । in baaton ko samajh karke aur apna purushaartha aage badhaane ka hai । to aise purushaartha mein lage rehna hai । isko kahenge purushaartha । baaki yeh gyaan abhi buddhi mein aaya, khaali abhi ghar baith jaana hai aisa nahin abhi dekho ham bhi atthaaees baras se samajhte rehte hain zaroor koi padhaai hai din-ba-din roj sabhi padhte hain, nahin to hamne athaaees bees baras se padha hai kya gyaan nahin buddhi mein aaya hai kya, parantu abhi tak bhi kehte hain na sunna hai, abhi tak sunte hain dekho । dekhte hain roj ke varsans sunte hain । sunte hain na to gyaan snaan karna roj ka yeh bhi achha hai । isse buddhi refresh hoti hai aur phir ismen buddhi achhi chalti hai to phir phaaltu sankalp idhar udhar ke nahin aate hain aur apne karmon ke oopar bhi achhe sankalp rehte hain to karma bhi achhe rehte hain । karma achhe hain to vo bhi achha hai to sab achhe-achhe hote chalte hai to yeh help hai na । to usi help ko pakadte chalna chaahiye । aisa nahin hai abhi hamko help ki darkaar nahin hai, ham apne aap kar lenge । kitna chalenge? das din baith kar dekho lo ghar mein kya haal ho jaata hai । vo ho jaaega soda water । vo soda water hota hai na phurrrarrarra… aata bhi jaldi hai… to chadhaaenge ekdam phir soda kholenge to ekdam phussshahha…,… geela ho jaaega paani ho jaaenga ekdam । phir ye jo nasha chadha hai na woh phir paani ho jaaega ekdam to isko kahenge soda water । to aisa to nahin hai na soda water vaala nasha nahin chadhaana hai phir chadhe bhi phussha aur utre to ekdam to apna nasha kaayam rakhne ka hai achhi tarah se to aisa apna purushaartha kaayam rakhne ka hai । achha, bolte nahin hai । chit chait achhi lagti hai na । phir yaad karenge na, bhool to nahin jaaengi na । tum kisi se naaraaj to nahin hoti na । kya naaraaj hongi haan, abhi naaraaji ke oopar raaji karne vaala mila । abhi unke oopar naaraaj rahen to kahaan jaaenge, kidhar ke rahenge, koi thikaana nahin iseelie jiska thikaana hai, jo thikaana dene vaala hai usko to pakad ke rakho । aur pakad rakhne ka matlab yeh nahin isko hamne pakad rakha hai to iske oopar ham naaraaj rahen yeh pakadna nahin hai । ham iske oopar raaji rahen vo tab hi hai pakda hua । ye kaun hai? ye bhi to unka santaan hai na । to aise nahin iske oopar ham naaraaj hain, uske oopar thodi ham naaraaj hain, aise thag bhi bahut hain yahaan chalte hain । vo samajhte hain ham iske oopar naaraaj hain na, usko to hamne pakad rakha hai na, usko to ham yaad karte hain na । yaad hi nahin hai, iske oopar naaraaj ho to ye andarastud hai । naaraajgi show ki uske oopar naaraaj kyonki agar vo yaad hota to uske oopar naaraaj kyoon । ye do gaali di na to bhi iske oopar ham naaraaj nahin, iske oopar hi ham raaji hain to andarastud hai ki hamko vo yaad hai to uski yaad hamko isse pata lagega । aisa nahin hai ki iske oopar ham naaraaj hain lekin uske oopar to ham raaji hain vo to hamaara hai hi na, aise thag bahut hain yahaan । ye thagte hain apne ko ye sookshm baaten hain bahut to aise hi kai samajhte hain ham baba se thodi roothte hain ham daadi se roothte hain । nahin, ham aise hi kah rahe hain aise hi, naam to kiska lena padega na zaroor । jaise kahenge na hanaadhi ke ek sindhi mein baat hai vo kehte hain kaho ladki ko seekhengi bahu । theek hai aisi kahaavat hoti hai । bahu nahin sunti hai kyonki doosre ghar ki hai na । baahar ke ghar ki hai vo nahin sun sakegi । usko deh abhimaan hai । vo apni ladki hai to usko kuchh bhi lagaao vo sun legi । to kehte hain kaho ladki ko seekhengi bahu aisi kahaavte hain । to achha, kuchh bhi hai chalna hai । achha aao, toli lo, toli lo, aao toli den । tumko double denge । aaj mama ke haath se, tumko dekho mama ne diya hai । achha, shaabaash! abhi kisi ne toli nahin khilaaya, baaki thode din hai dekho rah na jaae koi । achha, yeh gopeenaath dekhna, yeh haath uthaate ho । ye haath kahaan uthaaya? dharmaraaj ke darbaar mein khada ho gaya tera । baba kahega tu hi tha na, toone haath uthaaya tha । theek hai na । chalna hai, nibhaana hai । aao, maidaan par । abhi to joru se mile ho, gyaan ke baad milna hai, pareeksha hai peechhe । (bhaai:- yeh baat bolna hai) yeh baat bolna hai ? phir na maaloom tumko woh kuchh bole phir tu unka ho jaave (bhaai:- nahin, nahin, nahin hoga nahin hoga ) nahin hoga? pakka ? apna banaaega usko? tu nahin banega uska? dekhenge abhi yeh rang chadhaata hai, bhaai kehta hai himmat rakhta hai ham to shubh bhaavna rakhenge na । ham kyon kahe ki nahin । ham kahenge haan aur hi himmat badhaaenge । hamaara pharja hai । agar apna kuchh kamjori karega to phir iski responsibliti ho jaaegi parantu dikhaai achha padta hai । abhi ke chart anusaar dikhaai achha padta hai । himmatvaan hai thoda, himmat ka rakhta zaroor hai । shaabaash, do । shiv baba ko yaad karo aur tum bhi main kaun hoon, aapse poochhte hain ki aapko pata laga hai ki main kaun hoon । main kaun hoon । main shiv baba ka bachcha achha । shiv baba ka bachcha aur sachcha । bachcha-bachcha meensa sachcha, pakka, kachcha nahin । shaabaash! shaabaash! aise agar nikalte rahen dekho ek bhi nikle aise aur nikle sachche to kahenge na achha । abhi dekhenge, mama aai hai uske baad jo aae hain dekho hamaare ye shyaamsundar aur jo-jo hain kitne naam len । ye raajpoot aur bhi hain dekho ye hamaara abhi aata hai, iska kya naam tha, hamaara ye lakshman । dekho abhi lakshman । to daadi to naam nahin yaad rakhti hai । tumko apne student ka naam dhyaan mein rakhna chaahiye । dekho vo bolti hai, tum bhi bolo na, usko bulaao toli voli khilaao, sab khaatiri karo achhi tarah se । poonchho achhe se to pata to chale na haan kaun hai । itna to lena chaahiye jo sambhaal bhi sako na । sambhaal nahin sakegi to kaam kaise chalega । aise nahin hamaare peechhe bichaaron ko idhar udhar kardo haan । nahin, ham isse bade chit-chet karte hain । achhi hai aapki daadi aur ye bhi daadi daadi sundari ye donon daadiyaan achhi hain na ? ye bhi daadiyaan, ye daada sab achha, dekho tabhi humein yahaan dhaai maas ho gaye, rah gaye । nahin to ham kahaan nahin itna rehte hain । haan, ye aap logon ke prem mein ham phans gae (ek behen:- mama ye aapki praja hai ya daadi ki praja hai ) are! kiski praja, ye sab baba ki praja hai, ham sab baba ke ham bhi uske hain to phir hamaara kya hai । ham khud hi uske hain (behen – mama aapke hi dvaara phaaundeshan laga na ye gopeenaath aur inka ) are nimitta koi bante hain lekin hai to sabke peechhe baba na, badaai to baba ki hai na । achha shaabaash, ye inka hai khush mijaaj bachcha hai । mijaaj iska khush achha hai । aise meethe bachche race kar sakte hain । haan, phir aana madhuban, joru ko le karke aana complete usko bana karke । phir kehna mama dekho ham jeete khade hain aisa aa karke dikhaana । mama jeete khade hain dekho, bahaadur ho kar ke dekho aag aur kaapoos pavitra rah rahe hain । jeete khade hain aisa himmat । shaabaash! aayenge maaya thoda karti hain, vighna aaenge parantu uski parvaah nahin । jo khade hain na achhe, vo kahenge re inko to abhi samajh liya hai । abhi isko theek karke rehna hai । shaabaash! phir bhi koi mushkil pade, koi aisi diphikalta baat aave, chitthi daalna, raay lena phir usmein tumko sab daayreksans milenge । sabke liye hai, kisi ek ke liye nahin ye sabke liye hai । koi bhi baat mein moonjho, chitthi patra likho aur chitthi patra haphte mein likhna hi chaahiye । OK hain to pata chalega bachche jeete hain, chal rahe hain । to kuchh connection mein aana chaahiye na । aapko agar bachche ka paatra na aave to na fikra ho jaave kitna din hua hai chitthi nahin likha, na pata kya hai to haan ye fikra ho jaae । to yahaan bhi dekho aap kiske bachche ho । to bahut priy bachche ho na । apne ko priy samajhte ho na । to haan phir nasha rakho to aap logon ki kitna chinta rehti hai ki bachche jeete hain, pata nahin koi maaya to nahin । kisi ne na pata sambhaal ki, na ki । khud maaya bhi aa jaaegi to daadi naak se pakad legi ।