Murli de Mamma - gyan-sitar-23

५.९.५९

paanch vikaaron ne laaj khoi, ab pavitra brahman ban ek paramatma se naata rakho

geet:- he mahaadev meri laaj rahe…

om shanti । manushya mahaadev ki mahima gaate hain। parantu mahaadev ham shiv ko kahen va shankar ko ? shiv ko। mahima saari shiv ki karenge। devon ka dev mahaadev । unhonne saanp, trishool diya hai aakaari devta ko । ham to nahin denge। mahaadev to woh shiv thahra jo teenon dvaara kaarya karaate hain। yeh geet bhi puraani yaad dilaate hain ki phir se woh raajya sthaapan karo। is samay in ५ vikaaron ne laaj kho diya hai। saari duniya ki laaj khoi hui hai। na pita ka pata hai, na unki property ka pata hai। to kehte hain- meri laaj, tera raajya kaayam rahe jahaan ek raaja-raani the, jismen meri laaj thi । ab woh tera raajya kaayam ho to meri laaj kaayam rahe। geet ki ek line se kitni baaten siddha hoti hain। ham hi dropdiyaan hain, jinhon ko baap ne nagna hone se bachaaya hai। aana bhi us time hai jab laaj khoi hui ho। kaliyug ke ant mein hi to unko aana pade। parantu manushya kehte hain - kaliyug abhi bachcha hai। is khyaal se to abhi adharma aur badhega। yahi siddha karte hain ki jab bilkul boodha hoga tab aaega। aise to nahin kehte ki kaliyug jab chhota ho tab aakar vinaash kare। to unhon ke hisaab anusaar bhi kaliyug ke ant mein ati dharma glaani hoti hai tab aate hain। dvaapar mein to rajopradhaan tha। agar pahle se hi aakar brake deve to adharma badhe nahin। to phir yeh chakra poora kaise ho ? chakra ko ant tak chalna hai। to usko aakar rok kaise sakta ? to kab aaya hai ? kuchh buddhi mein thaharta nahin। shaastron mein to manushyon ki mat hai। ab humein milti hai paramatma ki mat। bhal sunne vaale ham manushya hain lekin buddhi to paramatma ki mili hai। to paramatma ko barobar aana hi ant mein chaahiye jo aakar antim sanskaar kare, nai duniya ki aadi kare। to mahaadev unko kehte ।

woh khud raaja-mahaaraaja nahin bante, lekin sthaapan karte hain। naam unka hota hai। yeh baaten ab hamaare paas hain। iski bhent mein kehte ki duniya vaale bichaare jaante nahin ki kaunse raajya mein hamaari laaj rahegi ? shankar ke liye bhi likha hai – shankar paarvati ka svayanvar hua। to samajhte unka raajya chala hai। lekin woh to hain aakaari devtaayen। raajya to saakaar devtaaon ka chala hai। woh saakaar mein to aate nahin ।

duniya to samajhti – jab se nar-naari bane hain, to yeh vikaar bhi chalte aaye hain, is bigar duniya nahin chal sakti। lekin devtaaon ko kehte hain sampoorn nirvikaari । nirvikaari pravritti bhi chali hai na। unhonne to bahut kahaaniyaan bana di hain। satya naaraayan ki katha, amarnaath ki katha.. banaai hain । anek kathaayen athva kahaaniyaan ! vaastav mein to kahaani unki ek hi hai। satya naaraayan bhi vahi paramatma hai, amarnaath bhi paramatma ko kehte hain। woh ever amar hai। naath usko kahenge। satya naaraayan bhi woh hai jo satya bataate hain। brahma-vishnu-shankar ka bhi bhed bataane vaala paramatma hai। woh mool ek creator hai, baaki sab creation hain। brahma-vishnu ka bhi creator woh hai। yeh to harek apna-apna kaarya karte hain। sthaapna vaala vinaash nahin kar sakta, vinaash vaala sthaapna nahin kar sakta। teenon kaarya karaane vaala ek paramatma hai। woh bhi kaarya is srishti par karta hai, sookshm vatan mein to kuchh chalta nahin। to yeh kahaani paramatma baith sunaate hain। ek hi kahaani mein sab aa jaata hai। chaaron yug, varna, sab dharma usmein aa jaate hain। aise nahin satayug ki alag kahaani, treta ki alag kahaani hai। yeh bhi abhi yahaan ki hi baaten hain। chaar yug bhi yahaan bhaarat mein kehte hain। aur dharma to aate hi dvaapar se hain। to unhon ko is varna, yug ka pata nahin। mukhya kahaani yahaan ki hai aur sab hain byplots । by-plot mein to saari kahaani nahin hogi ।

yahaan braahman, kshatriy hain...। bhal vikaari hain parantu brahman kahlaate hain to unhon ka kitna maan karte hain ? itna maan kyon hota hai ? is samay sachche brahman pavitra bane hain। apvitra se naata hi nahin hai। naata ek paramatma se hai, doosra avyakt devtaaon se hai। saakaar mein bhi maa-baap, bhaai-behen । doosra naata hai hi nahin। isliye itna maan hai। jo sirf naam lagaate unhon ka bhi maan hota hai। aisa kul devtaaon ka bhi nahin hai। unhon ki bhi kalaaen neeche hoti jaati hain। yeh to ekdam oopar chadhte hain। to kahaan ki baaten kahaan le gaye hain !

yeh geet doosre jab sunenge to saanp, trishool vaale shankar ko yaad karenge । tum uska bhi arth karenge ki maaya rupi saanp ko jeeta hai gyaan trishool se। baaki aise teen okhon vaale, १० sheesh vaale, ४ bhuja vaale manushya hote nahin। aage to samajhte the – oopar aisi koi duniya hai। lekin baba samjhaate hain - oopar-neeche koi duniya nahin hai। yahi manushya srishti hai। log to moonjh gaye hain। oopar aeroplane bhejte hain dekhne ke liye ki koi duniya hai kya ? lekin hai to yahi duniya । sookshm vatan mein bhi jaakar saakshaatkaar kar vaapas aate hain, vahaan baith nahin jaate hain। brahma-vishnu bhi abhi part bajaate hain। baaki bhakti maarga mein paramatma hi saakshaatkaar karaate hain। aise nahin ki us samay sookshm vatan hai। yeh to abhi part hai। baaki saakaar aur niraakaar duniya ka connection chalta aata hai। aatmaayen aati rehti hain, sankhya badhti rehti hai। satayug se kaliyug tak sankhya badhti rehti hai ।

ab tak tum jo knowledge sunte aaye ho us knowledge ke chintan ke aadhaar se to chintaayen aur hi badhti gai। lekin is knowledge ke chintan se satayug sthaapan hota hai, to sab chintaaon se chhoot jaate hain। ab svayan paramatma baap, teacher aur guru ban god mein lete hain athva sharan mein lete hain। kehte hain - ab is chintan mein raho । lekin jitni bhakti ki poonji hogi utni knowledge uthaayega aur sooryavanshi mein aayega।