Murli de Mamma - gyan-sitar-32
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
१३.९.६२
aatma, paramatma - donon anaadi hain, antar sirf pavitrata ki light ka hai
kahaavat hai – aatma, paramatma alag rahe bahukaal, sundar mela kar diya jab satguru mila dalaal । ab dalaal jo sambandh judaave woh bhi to paramatma hi chaahiye । to ab satguru ne hi apne saath yog lagaana sikhaaya hai aur samjhaaya hai ki 'main kaun' aur 'tum kaun' । bahut logon ki mat hai ki sabki aatmaayen ek hain । parantu treta ke ant tak bhi ३३ karod aatmaayen gaai jaati hain । unko kaha hi jaata hai niraakaar aatmaayen । yaani aatma aur shareer alag cheezen hain । aatma ek shareer chhod doosra leti hai । to lene aur chhodne vaali aatma hai । pahle bhale shaareerik sambandh se aatma ko duhkh-sukh bhogna hai hisaab-kitaab anusaar, parantu pure banna hai । pure banna hai supreme soul se । to jaise paramatma ke liye prashn nahin hai ki kisne unko paida kiya, vaise aatmaon ke liye bhi prashn nahin uthta hai । donon anaadi hain । parantu sirf paramatma ek hi soul hai jo ever pure hai । sab cheejon mein woh ever hai । baaki aatma ko incorporeal se corporeal mein aana hai aur stages se paas hona hai । ek hi supreme soul badalta nahin hai ।
geeta mein bhi hai ki hajaaron sooryo se jaasti tej hai। to jitni pure utni prakaashmay hai । parantu size jaisi aatma ki hai. vaisi paramatma ki hai. sirf light ka antar hai । jab tamopradhaan aatmaayen hoti hain to kaali ho jaati hain। shuru mein dekhte the ki iski aatma mein itni light hai ! to ab yeh kaalaapan aadi sab pavitrata par hai। to taras to aata hi hai ki kyon nahin sab apni jeevan bana len ! baap ke paas hamaari jaaydaad hai, woh lene ka josh aana chaahiye । jaise baap se ladaai karke bhi varsa lena hota hai na। bhal koi gurunaanak ko maanta ho, to usmein bhi bada pad pa sakta hai। ab nahin kiya to dharmaraaj ke paas aana hi padega ।
jis time jis service ki darkaar hai usmein hi kamaai hai। jaise jis samay government ko majdooron ki darkaar padti hai to jaasti paisa dekar bhi kaam karaate hain। to jis samay jis service ki darkaar hai us samay vahi service karne se uski kamaai jaasti hai। jis samay tagaari uthaane ki darkaar hai us samay vaacha service karenge, jiski us samay darkaar nahin, to woh phaaltu ho jaayegi । hamko to behad mein khada rehna hai। hamaari behad ki service hai। duniya ki service mein khade hain । yeh hai detail purushaartha ki va praalabdha ki knowledge jisse aage badhte rehna hai। chhoton ko bhi aage badhna hai, unke organs chhote hain, itni buddhi nahin hai। to jitni service kar sakte hain usmein hi kamaai hai। pahle to khud dhaaran karna hai, phir auron ko dhaaran karaana hai। baba hamko bahut oonch le jaate hain। aatmaon se nambarvaar prem-pyaar bhi rakhna hai। aisa (devta) banna hai to kaam bhi aisa karna hai। kai kehte “yeh pad aadi bhi kya hai - temptation hai। apna kaam hai achha kaam karna।" lekin woh bhi to jeevan hogi na pavitrata, sukh, shanti ki। to uska saakshaatkaar karaate hain। achha ।