Avyakt murli for Thursday 2 July 1970

>

02-07-70om shanti avyakt baapdaada madhuban

“silence bal ka prayog”

sneh aur shakti roop apne ko samajhte ho? shaktiyon ka kartavya kya hota hai, maaloom hai? shaktiyon ke mukhya do gun gaaye jaate hain। woh kaun se? aapki yaadgaar mein vishesh kya dekhte hain?shaktiyon ki moorta mein mukhya visheshta kya hoti hai? svayan shaktiyaan ho aur apni visheshta maaloom nahin hai। shaktiyon ki visheshta yeh hoti hai ki jitna hi premmoorta utna hi sanhaareemoorta hoti hai। shaktiyon ke nayan sadaiv premmoorta hote hain, lekin jitna hi premmoorta utna hi vikraal roop bhi hote hain। ek sekand mein kisko bhi premmoorta bhi bana sakti to ek sekand mein kiska vinaash bhi kar sakti hain। to aise hi donon gun apne mein dekhti ho?donon gun pratyaksha roop mein aate hain va gupta roop mein?premroop pratyaksha aur shakti roop gupta hai। phir woh vikraal roop kab pratyaksha karenge? maaloom hai? aajkal baapdaada vishesh slogan kaun sa dete hain?kab nahin lekin ab karenge। kab shabd kamzor bolte hain। bahaadur shaktiyaan to bolti hain ab। jaise svayan avinaashi impairishibul hain vaise hi is maaya mein phans kar vinaash ko praapta hona unhon ke liye imposibal hai। jo impairishibul hain unke liye maaya ki koi bhi lahar mein lahraana bhi imposibal hain। jo impairishibul sthiti mein rehte hain unhon ke liye maaya ke koi bhi svarup se jhukaav mein aana imposibal hai jaise baapdaada ke liye imposibal kahenge। jo svayan jhukaav mein aate honge unhon ke aage aur kaise jhukenge। saare vishwa ko apne aage jhukaanevaale ho na। sherni shaktiyon ka ek bhi sankalp ya ek bhi bol vyartha nahin ja sakta। jo kaha woh kiya। sankalp aur karma mein antar nahin hota। kyonki sankalp bhi jeevan ka anmol khazaana hai। jaise sthool khajaane ko vyartha nahin karte ho vaise shiv shaktiyaan jinki moorta mein donon gun pratyaksha roop mein hain unhon ka ek bhi sankalp vyartha nahin hota। ek-ek sankalp se svayan ka aur sarva ka kalyaan hota hai। ek sekand mein, ek sekand se bhi kalyaan kar sakte hain। isliye shaktiyon ko kalyaani kehte hain। jaise baapdaada kalyaankaari hai vaise bachchon ka bhi kalyaankaari naam prasidda hai। ab to itna hisaab dekhna pade। hamaare kitne sekand mein,kitne sankalp saphal hue, kitne asphal hue। jaise aajkal science ne bahut unnati ki hai jo ek sthaan par baithe hue apne astron dvaara ek sekand mein vinaash kar sakte hain। to kya shaktiyon ka yeh silence bal kahaan bhi baithe ek sekand mein kaam nahin kar sakta?kahaan jaane ki athva unhon ko aane ki bhi aavashyakta nahin। apne shuddh sankalpon dvaara aatmaon ko kheenchakar saamne laayega। jaakar mehnat karne ki aavashyakta nahin। ab aise prabhaav dekhenge। jaise saakaar mein kehte rehte the ki aisa teer lagaao jo teer sahit aap ke saamne pakshi aa jaaye। ab yeh hoga apni willpower se।

sabse jaasti door light kaun si jaati hai? light house ki। to ab light house, search light banna hai। rivaaji bulb nahin। searchlight woh ban sakenge jo svayan ko search kar sakte hain। jitna svayan ko search kar sakenge utna hi searchlight banenge। agar svayan ko search nahin kar sakte to searchlight bhi nahin ban sakenge। ab to woh samay aa gaya hai। abhi powerful bhi nahin lekin vilpaavar vaala banna hai। vilpaavar aur vaaidpaavar arthaat behad ki taraph drishti vritti। to ab edishan kya karenge?power to hai lekin ab vilpaavar aur vaaidpaavar chaahiye। aaj baapdaada kis roop se dekh rahe hain? ummeedon ke sitaare। abhi hain ummeedon ke sitaare phir banenge saphalta ke sitaare। to vartamaan bhi dekhte hain aur bhavishya bhi dekh rahe hain। saphalta aap ke gale ki maala hai। apne gale mein saphalta ki maala dikhaai deti hai? sangam par kaunsa shrringaar hai? saphalta ki maala yathaayogya yathaashakti har ek ke gale mein padi hui hai। to baapdaada bachchon ke shrringaar ko dekhte hain। shrringaare hue bachche achhe lagte hain। baapdaada ka abhi kya sankalp chal raha hai? baapdaada aap se kya bolnevaale hain, catch kar sakti ho? aajkal baap buddhi ki drill karaane aate hain। abhi maidaan par pratyaksha hona hai, ab gupta rahne ka samay nahin hai। jitna pratyaksha honge utna baapdaada ko prakhyaat karenge। behad mein chakkar lagaakar chakravarti ban rahe ho? jo ek sthaan par baitha rehta hai usko kya kaha jaata hai?jo ek hi sthaan par sthit ho service bhi kar rahe hain lekin behad mein chakra nahin lagaate hain to bhavishya mein bhi unhon ko ek indivijual raajaai mil jaaegi। baap bhi sarva ke sahayogi bane na। vishwa ka raaja woh banenge jo vishwa ki har aatma se sambandh jodenge aur sahayogi banenge। jaise baapdaada vishwa ke snehi sahayogi bane vaise bachchon ko bhi follow father karna hai। tab vishwa mahaaraajan ki jo padvi hai usmein aane ke adhikaari ban sakte ho। hisaab hai na। jaisa aur jitna, vaisa aur utna milta hai। ab pratigya karke vishesh pratyaksha hona hai। auron ko nahin prakhyaat karna hai, baap ko pratyaksha karna hai। jab pratyaksha honge to prakhyaat honge। vishwa adhikaari banne ka lakshya rakha hai na। abhi yahi teevra purushaartha karna hai। is puraani duniya se bahut sahaj behad ka vairaag laane ka saadhan kya hai? (koi-koi ne bataaya)jinhon ne jo baat sunaai woh sahaj samajh sunaai na। agar sahaj hi hai to behad ke vairaagi to sahaj ban gae। agar apne se hi na lagaaya to doosron se kaise lagaayenge। behad ka vairaagya kehte hain। jo vairaagi hote hain woh kahaan nivaas karte hain?bahut saral yukti bataate hain ki behad ka vairaagi banna hai to sadaiv apne ko madhuban nivaasi samjho। lekin madhuban ko khaali nahin dekhna। madhuban hai hi madhusoodan ke saath। to madhuban yaad aane se baapdaada,daivi parivaar,tyaag-tapasya aur seva bhi yaad aa jaate hain। madhuban tapasya bhoomi bhi hai। madhuban ek sekand mein sabhi se tyaag karaata hai। yahaan behad ke vairaagi ban gae ho na। to madhuban hai hi tyaagi vairaagi banaane vaala। jab behad ke vairaagi banenge tab behad ki service kar sakenge। kahaan bhi lagaav na ho। apne aap se bhi lagaav nahin lagaana hai to auron ki to baat hi chhodo।

aaj aapas mein ruh-ruhaan ho rahi thi baapdaada ki। aaj savere-savere ek nazaara vatan se dekh rahe the ki harek bachcha kahaan tak bandha hua hai aur harek ka bandhan kahaan tak toota hai। kahaan tak nahin toota hai?kiski to moti rassiyaan bhi hain,kiske kam bhi hain, koi ke kachche dhaage bhi hain। yeh nazaara dekh rahe the ki kiske kachche dhaage rah gae hain, kiski moti rassiyaan hain, kiski patli bhi hain। lekin phir bhi kahenge to bandhan na। koi na koi kachcha va pakka dhaaga hai। kachcha dhaaga bhi bandhan to kahenge na। sirf unhon ko deri nahin lagegi। moti rassi vaale ko deri bhi lagegi aur mehnat bhi lagegi। to aaj vatan se yeh nazaara dekh rahe the। harek apne aap ko to jaan sakte hain। mota rassa hai va patla। kachcha dhaaga hai va pakka। baandheli ho ya svatantra? svatantra ka arth hai spashta। phir bhi baapdaada harshit hote hain। kamaal to karte ho,lekin baapdaada usse bhi aage dekhne chaahte hain। jitna aapke mukh par baapdaada ka naam hoga utna hi sabhi ke mukh par aapka naam hoga। madhuban hai hi parivartan bhoomi। to parivartan kya karke jaana hai, woh to samajhte ho na।

achha !!!