Avyakt murli for Saturday 5 February 1972

>

05-02-72 ōm śhānti avyakt bāpadādāmadhuban

Naśhā aur niśhānā

Ēk second mē̃ apnē kō apnē sampūrṇ niśhānē aur naśhē mē̃ sthit kar saktē hō  ? Sampūrṇ niśhānā kyā hai , uskō tō jāntē hō nā . Jab sampūrṇ niśhānē par sthit hō jātē haĩ , tō naśhā tō rahtā hī hai . Agar niśhānē par buddhi nahī̃ ṭiktī tō naśhā bhī nahī̃ rahēgā . Niśhānē par sthit hōnē key|kī niśhānī hai naśhā . Tō aisā naśhā sadaiv rahtā hai  ? Jō svayã naśhē mē̃ rahtē haĩ vah dūsrō̃ kō bhī naśhē mē̃ ṭikā saktē haĩ . Jaisē kōī had kā naśhā pītē haĩ tō unkī chalan sē , unkē nain-chain sē kōī bhī jān lētā hai - - isnē naśhā piyā huā hai . Isī prakār , yah jō sabhī sē śhrēṣhṭh naśhā hai , jiskō īśhvarīy naśhā kahā jātā hai , isī mē̃ sthit rahnē vālā bhī dūr sē dikhāī tō dēgā nā . Dūr sē hī vah avasthā itnā mahsūs karē̃ - yah kōī īśhvarīy lagan mē̃ rahnē vālī ātmāyē̃ haĩ  ! Aisē apnē kō mahsūs kartē hō  ? Jaisē āp kahā̃ bhī ātē - jātē hō , tō lōg dēkhnē sē hī samajhē̃ ki yah kōī prabhu key|kī pyārī nyārī ātmāyē̃ haĩ . Aisē anubhav kartē haĩ  ? Bhakti-mārg mē̃ bhī aisī ātmāyē̃ hōtī haĩ . Unhō̃ K|kē nain-chain sē prabhu-prēmī dēkhnē ātē haĩ . Tō aisī sthiti isī duniyā mē̃ rahtē huē , aisī kārōbār mē̃ chaltē huē samajhtē hō ki yah avasthā rahēgī yā sirph last mē̃ darśan-mūrta key|kī yah stage hōgī  ? Kyā samajhtē hō - kyā ant tak sādhāraṇ rūp hī rahēgā vā yah jhalak chēhrō̃ sē dikhāī dēgī  ? Vā sirph last time jaisē pardē K|kē andar taiyār hō phir pardā khultā hai aur scene sāmnē ākar samāpt hō jātī hai , aisē hōgā  ? Kuchh samay yah jhalak dikhāī dēgī . Kaī aisē samajhtē haĩ ki jab first , second ātmāyē̃ jō nimit banī̃ vahī sādhāraṇ gupta rūp apnā sākār rūp kā part samāpt kar chalē gayē tō ham lōgō̃ key|kī jhalak phir kyā dikhāī dēgī  ? Lēkin nahī̃ . ‘ son shows father ’ gāyā huā hai . Tō father kā show bachchē practical mē̃ lānē sē hī karē̃gē . ‘ ahō prabhu ’ key|kī pukār jō ātmāō̃ key|kī nikalēgī vā paśhchātāp key|kī lahar jō ātmāō̃ mē̃ āyēgī vah kab , kaisē āyēgī  ? Jinhōnnē sākār mē̃ anubhav hī nahī̃ kiyā unhō̃ kō bhī bāp K|kē parichay sē ki ham bābā K|kē bachchē haĩ , yah kab mānē̃gē ki barōbar bāp āyē lēkin ham lōgō̃ nē kuchh nahī̃ pāyā  ? Tō yah practical rūhānī jhalak aur phariśhtēpan key|kī phalak chēhrē sē , chalan sē dikhāī dē . Apnē kō aur āp nimit banī huī ātmāō̃ key|kī stage kō dēkhtē huē anubhav karē̃gē - bāp nē inhō̃ kō kyā banāyā  ! Aur phir paśhchātāp karē̃gē . Agar yah jhalak nahī̃ dēkhtē tō kyā samajhē̃gē  ? Itnā samay gyān tō nahī̃ lē̃gē jō knowledge sē āpkō jānē̃ . Tō yah practical chēhrē sē jhalak aur phalak dikhāī dēgī . Bāp K|kē tō mahāvākya hī haĩ ki maĩ bachchō̃ kē āgē pratyakṣha hōtā hū̃ . Lēkinaviśvakē āgē kaun prakhyāt hōṅgē  ? Vah sākār mē̃ bāp kā karttavya thā , practical mē̃ bachchō̃ kā karttavya hai prakhyāt hōnē kā aur bāp kā karttavya hai backbone bannē kā , gupta rūp mē̃ madadgār bannē kā . Isliē aisē bhī nahī̃ ki jaisē māt-pitā kā gupta part chalā vaisē hī ant tak gupta vātāvaraṇ rahēgā . Jayjaykār śhaktiyō̃ key|kī gāī huī hai aur ‘ ahō prabhu ’ key|kī pukār bāp kē liē gāī huī hai . Āp lōg āpas mē̃ bhī ēk dō K|kē anubhav kartē hōṅgē - jab viśhēṣh attention apnē niśhānē vā naśhā kā rahtā hai , tō bhalē kitnē bhī baṛē saṅgaṭhan mē̃ baiṭhē hōṅgē tō bhī sabhī kō viśhēṣh kuchh dikhāī zarūr dēgā . Mahsūs karē̃gē ki yah samay yād mē̃ bahut achchhā baiṭhē . Abhī jō sādhāraṇ attention hai vah badalkar natural viśhēṣh attention hō jāyēgā aur chēhrē sē jhalak-phalak dikhāī dēgī . Sirph smr̥iti kō śhaktiśhālī banānā hai . Achchhā  !