Avyakt murli for Wednesday 29 January 1975

>

29-01-75 om shanti avyakt baapdaadaamdhuban

parakhne ki shakti ke prayog se saphalta

sarva shaktiyon aur vardaanon ke daata, shiv baba sachche raajarishi swaroop vatson ke sammukh bole –

aaj ki yeh sabhi raajarishiyon ki sabha hai। jaise madhuban shabd do baaton ko siddha karta hai - ek madhurta ko aur behad ki vairaagya vritti ko, aise hi raaj-rishi shabd hai jiska arth hai - raajya karne vaale। to raajarishi hain - baigar tu prince । jitna hi adhikaar utna hi sarvatyaag। sarva tyaagi,arthaat samay ke oopar,sankalp ke oopar, svabhaav aur sanskaar ke oopar adhikaar praapta karne vaale। jaise chaahe vaise apne samay, svabhaav aur sanskaar ko parivartan kar saken arthaat jaisa samay, vaisa apna swaroop va sthiti dhaaran kar saken। aise raaj-rishi arthaat sarvaadhikaari aur sarva tyaagi bane ho?janma lete hi karma-pramaan,shreshtha svamaan-pramaan raajarishi ka martaba (pad) baapdaada dvaara praapta hua hai na? sarva-adhikaari ban gaye ho ya abhi banna hai?kya samajhte ho? aap sabka vishesh naara kaun-sa hai?jab janma-siddha adhikaar hai to janma lene se hi praapta hai - tab adhikaari to ban hi gaye na?

knowledgeful arthaat master gyaan-saagar। jab master gyaan-saagar ban gaye to knowledge arthaat samajh se adhikaar praapta hota hai। samajh kam to adhikaar bhi kam। knowledgeful to ho na? ab last stage kya hai? usko jaante ho? karmaateet banne ki stage ki nishaani kya hai? sada saphalta-moorta। samay bhi saphal,sankalp bhi saphal, samparka aur sambandh bhi sada saphal - isko kehte hains phalta moorta। aise saphaltaamoorta banne ke liye vartamaan samay-pramaan vishesh kaunsi shakti ki aavashyakta hai jisse ki sab baaton mein sada saphalta moorta ban jaayen?woh kaun-si shakti hai? sarva shaktiyaan praapta ho rahi hain, phir bhi vartamaan samay-pramaan vishesh aavashyakta parakhne ki shakti ki hai।

agar parakhne ki shakti teevra hai to bhinna-bhinna prakaar ke aaye hue vighna, jo lagan mein vighna bante hain, un vighnon ko pahle se hi jaankar, un dvaara vaar hone se pahle hi unhein samaapta kar dete hain। is kaaran vyartha samay jaane ke badle samartha mein jama ho jaata hai। aise hi seva mein har-ek aatma ki mukhya ichchha aur uska mukhya sanskaar jaanne ke kaaran,usi pramaan,us aatma ko vahi praapti karaane ke kaaran seva mein bhi sada saphal rehte hain।

teesri baat yeh hai ki doosron ke sambandh mein aane ka jo mukhya subject hai, usmein bhi har-ek aatma ke sanskaar tatha svabhaav ko jaante hue, usi-pramaan use sada santushta rakhenge।

chauthi baat hai samay ki gati। kis samay kaisa vaataavran va vaayumandal hai aur kya hona chaahiye - isko parakhne ke kaaran samay-pramaan hi svayan ko bhi aur anya aatmaon ko bhi teevra-gati mein la sakenge aur jaisa samay, vaisa swaroop dhaaran karne ka umang aur utsaah bhi bhar sakenge tatha samay-pramaan knowledgeful aur lophul ya loveful bhi ban tatha bana sakenge aur is prakaar sada saphal ban sakenge, kyonki kabhi lophul banna hai aur kabhi loveful banna hai,isliye yeh parakh hone ke kaaran sada sahaj hi saphal rahege।

aise saphaltaamoorta ke saamne prakriti va paristhiti bhi daasi ban jaati hai। arthaat ve prakriti aur paristhiti ke oopar sada vijayi bante hain। ve prakriti va paristhiti ke vasheebhoot nahin hote। aise vijayi ko hi sada saphalta-moorta kaha jaata hai। iske liye teen swaroop se baap ki baat yaad rakho। teenon swaroop arthaat niraakaar, aakaar aur saakaar। jaise teen sambandhon mein sat-baap,satshikshak aur sad-guru ki shikshaayen smriti mein rakhte ho, vaise hi teen svaroopon se teen mukhya baaten smriti mein rakho।

in teen svaroopon se vishesh teen vardaan kaun-se hain? niraakaari swaroop ki mukhya shiksha ka vardaan kaun-sa hai?karmaateet bhav। aakaari swaroop athva pharishtepan ka vardaan kaun-sa hai? double-light bhav! double light arthaat sarva karma-bandhanon se halke aur light arthaat sada prakaash-swaroop mein sthit rahne vaale। to aakaari swaroop ka vishesh vardaan hai-double light bhav! isse hi double taajdhaari bhi banenge। saakaar swaroop ka vishesh vardaan kaun-sa hai? saakaar swaroop ka vishesh vardaan hai - saakaar samaan nirhankaari aur nirvikaari bhav! ye teen vardaan sada smriti mein rakhne se sada ke liye sahaj hi saphalta-moortta ban jaayege। samjha?

baapdaada se bhi bachche shaktivaan hain kyonki ve sarva shaktimaan ko pratyaksha karne ke nimit bane hain। kya ve jyaada shaktimaan nahin hain? sarvashaktimaan ko sarva-sambandhon se apna bana dena va apne sneh ki rassi mein baandh lena to kya jyaada shaktivaan nahin hue? balki othaariti ko world sarvent bana dena-iske nimit kaun? sameep va sahayogi bachche।

aise sarva shreshtha sada baapdaada ko har karma aur har kadam dvaara prakhyaat karne vaale, har aatma ko baap ke saath milan manaane ke nimitta banaane vaale,sada baap aur seva mein lavleen rahne vaale, lakshya aur lakshan ko samaan banaane vaale, saakshaat baap-samaan ban sarva ko baap ka saakshaatkaar karaane vaale,aise loveful aur lophul aatmaon ke prati baapdaada ka yaad-pyaar aur namaste।

is murli ka saar

1. sangamayug par shiv baba dvaara raajarishi ka pad praapta hota hai। raajarishi arthaat jitna hi adhikaar utna hi sarva tyaag।

2. karmaateet banne ki stage ki nishaani hai sada saphaltaamoorta। samay bhi saphal,sankalp bhi saphal, samparka aur sambandh bhi saphal। isko kehte hai saphalta moorta।

3. saphalta moorta banne ke liye vartamaan samay-pramaan vishesh roop se parakhne ki shakti ki aavashyakta hai। yeh shakti hone se aane vaale vighnon ko pahle se hi jaan kar usko samaapta kar apni shakti ko vyartha hone se bacha sakenge,har manushya ki aavashyakta ko parakh usko santushta rakh sakenge, samay va vaayumandal ko parakh purooshaartha ki gati teevra rakh sakenge,knowledgeful,lophul aur lav full ka santulan rakh kar hi saphalta ko praapta kar sakenge।

4. shiv baba ke teen swaroop se teen vishesh vardaan praapta hote hain niraakaar roop karmaateet bhav,aakaari swaroop se double light bhav jisse double taajdhaari banenge,saakaari swaroop se baap samaan nirhankaari aur nirvikaari bhav!