Avyakt murli for Friday 19 September 1975

>

19-09-75 om shanti avyakt baapdaadaamdhuban

shaktiyon evan paandavon ki visheshtaaen

sabhi aatmaon ki janmapatri jaanne vaale, gyaan-saagar trikaaldarshi paramatma shiv ne bataaya -

aaj amritvele sarva seva-sthaanon ka sair kiya। woh sair ka samaachaar sunaate hain। ‘‘kya dekha-har ek roohaani bachche rooh ko raahat dene ke liye,milan manaane ke liye, rooh-roohaan karne ke liye va apne dil ki baaten dilaaraam baap ke aage (dilaaraam arthaat dil ko aaraam dene vaala) rakhte hue apne ko double light ka vardaan de bhi rahe the aur le bhi rahe the। koi-koi bachche vishwa-kalyaani swaroop mein sthit ho baap dvaara mile hue sarva shaktiyon ka vardaan va mahaadaan anek aatmaon ke prati de rahe the। teen prakaar ki result dekhi। ek the lene vaale, doosre the milan manaane vaale aur teesre the lekar dene vaale arthaat kamaai karne vaale। aise teen prakaar ke bachchon ko chaaron or dekha।’’

yeh sab dekhte hue iske baad godly studenta ke roop mein dekha - har ek student ke roop mein godly knowledge padhne ke liye umang aur utsaah se apne-apne roohaani vishwa-vidyaalay ki or aa rahe hain। nambarvaar purooshaartha anusaar sab apni padhaai mein lage hue the। - har ek seva kendra ki roohaani raunak apni-apni thi। usmein bhi teen prakaar ke dekhe। ek the sirf sunne vaale arthaat sun-sun kar harshit hone vaale, doosre the sunkar samaane vaale aur teesre the baap samaan knowledgeful bankar auron ko banaane vaale।

yeh sab dekhte hue phir teesri stage dekhi - woh thi karmayogi ki stage। teesri stage mein kya dekha? ek the kamal pushpa,doosre the roohaani gulaab aur teesre the variety prakaar ke phool। un variety phoolon mein bhi majority sooryamukhi the। jis samay gyaansoorya ke sammukh the to khile hue the aur kabhi phir gyaansoorya baap se kinaara kar lene ke kaaran phoolon ke bajaay kaliyaan ban jaate the arthaat roop aur rang badal jaata tha। kamal-pushpa kya karte the? sarva kaarya karte hue, sarva sambandhon ke samparka mein aate hue nyaare aur saath-saath baap ke pyaare the। vaayumandal va aasuri sang anek prakaar ki vritti vaali aatmaon ke vaaibreshansa ke beech karma karte hue bhi karma aur yog donon mein samaan sthiti mein sthit the। anek prakaar ki halchal mein bhi achal the। lekin aisi aatmaayen kitni thi? 25% । usmein bhi majority shaktiyaan thi। paandav soch rahe hain ki kyon? paandavon ki visheshta bhi sunaate hain,thoda samay sirf dhairya rakho। paandav-pati ke hamjinsa paandav ki bhi mahima hai। kamal-pushpa ke aage roohaani gulaab woh kaun the? roohaani gulaab jo sada apne roohaaniyat ki sthiti mein sthit rehte hue sarva ko bhi roohaaniaayat ki drishti se dekhne vaale,sada mastak mani ko dekhne vaale hain। saath-saath apni roohaaniyat ki sthiti se sada arthaat har samay sarva aatmaon ko apni smriti,drishti aur vritti se roohaani banaane ke shubh sankalpon mein rahne vaale arthaat har samay yogi tu aatma sevaadhaari aatma ho kar chalne vaale - aise roohaani gulaab chaaron or ki phulvaari ke beech bahut thode kahin-kahin dekhe? yeh percentage kam thi। 10% variety phoolon ke andar ek to sooryamukhi sunaaya doosri kvoliti har mausam ke bade sundar rangabirange phool hote hain, un par mausam ki rang-roop ki raunak badi achhi hoti hai। bageeche ki show badha dete hain। aise mausam ke rang birange phoolon ke drishya bahut dekhe। rang aur roop- yahaan bhi roop brahmaakumaari aur brahmaakumaar ka hai, rang gyaan ka laga hua hai। to rang bhi aur roop bhi hai, lekin roohaaniyat kam। roohaani drishti aur vritti ki sugandha na ke baraabar hai। abhi-abhi mausam ke anusaar arthaat thode samay ke liye khile hue honge aur thode samay baad murjhaae hue nazar aayenge। sada ekras nahin। aise rang-birange phool jo mausam mein hi khilte hain,majority mein the।

vartamaan samay roohaani drishti aur vritti ke abhyaas ki bahut aavashyakta hai।75% is roohaaniyat ke abhyaas mein kamzor hain। majority kisi-na-kisi prakaar ke prakriti ke aakarshan ke vasheebhoot ho hi jaate hain। vyakti va vaibhav kabhi-na-kabhi apne vash kar leta hai। usmein bhi mansa sankalp ke chakkar mein khoob pareshaan hone vaale hain। is pareshaani ke kaaran svayan se dilshikasta bhi ho jaate hain। vaastav mein brahman aatma agar sankalp mein vikaari drishti aur vritti rakhti hai arthaat is chamdi ko dekhti hai - chamdi arthaat jisma dvaara vikaari bhaavna rakhte hain - to aisi bhaavna rakhne vaale bhi ‘mahaapaapi’ ki list mein aa jaate hain। brahman jeevan mein bade se bada paap va daag is vikaari bhaavna ka gina jaata hai। brahman arthaat divya-buddhi ke vardaan vaale। divya netra ke vardaan vaale,aise divya buddhi aur divya netra vaale buddhi mein sankalp dvaara divya netra mein ek second ke liye bhi najar dvaara is chamdi ko va jisma ko touch bhi nahin kar sakte। divya buddhi ka, divya netra ka shuddh aahaar aur vyavhaar shuddh sankalp hain। agar apne shuddh sankalp roopi aadhaar arthaat bhojan ko chhod ashuddha aahaar sveekaar karte ho arthaat sankalp ke vasheebhoot ho jaate hain to aise malechchha bhojan vaale malechchha aatma kahlaayenge arthaat mahaapaapi, aatmaghaati kahlaayenge। isliye is mahaapaap ke sankalp se bhi svayan ko sada bachaane ka prayatna karo। nahin to is mahaapaap ka danda bahut kade roop mein bhogna padega। isliye divya buddhi aur sada shuddh aahaari bano। samjha?

paandavon ki visheshta kya dekhi? seva prati hard worker (parishrami) planning (niyojan) buddhi athak ban seva ki stage par har samay ever ready hain। seva ke subject mein maidaan par aane vaale majority paandav hain,is visheshta mein paandav aage hain aur isi seva ke return mein himmat aur hullaas anubhav karte chal rahe hain। paandav vaataavran ke vikaari vibration ke beech jyaada rehte hain, isliye aise vaataavran mein rehte hue ‘nyaare aur pyaare’ rehte hain, to unko is saphalta mein shaktiyon se extra marks milti hain। lekin is lottery ko aur jyaada kaarya mein laao va aisa golden chance aur jyaada lena। suna aaj ke sair ka samaachaar। achha।

aise ishaare se samajhne vaale samajhdaar, sthool-sookshm shuddh aahaari,sada shreshtha vyavhaari,har sankalp mein vishwa-kalyaan ki bhaavna rakhne vaale vishwa-kalyaani aatmaon ke prati baapdaada ki yaad-pyaar aur namaste।

is murli ke vishesh gyaan-tatva

paandav sada ever ready aur seva prati hard worker (parishrami) plaaning (niyojan) buddhi, athak seva ki stage par har samay taiyaar rahne vaale hain। paandav vaataavran ke vikaari vaayumandal ke beech jyaada rehte hue bhi nyaare aur pyaare rehte hain to shaktiyon se adhik marks pa sakte hain।