Avyakt murli for Thursday 4 January 1979

> > 04-01-79om shanti avyakt baapdaadaamdhuban

sampoornata ke aaeene mein nij swaroop ko dekho

vishwa kalyaankaari trimoorti shiv baba ke bachchon ke prati mahaavaakya :-

aaj baap daada brahman bachchon ki aadi se ab tak ke jeevan mein braahmanon ka vishesh kartavya hai vinaash aur sthaapna ka, us kartavya mein harek kis raphtaar se chal rahe hain, us kartavya ki gati ko dekh rahe hain - kahaan tak apne kartavya ki jimmevaari nibhaai hai aur aage bhi kitni rahi hui hai। braahmanon ka karttavya ke aadhaar se vishesh title hai vishwa kalyaankaari,vishwa ke aadhaarmoorta,vishesh uddhaarmoortta,vishwa ke parivartak। to jaise title hai usi pramaan kartavya ka practical roop kahaan tak hua hai aur kahaan tak hona hai। harek apne kartavya ki percentage ko dekho। samay pramaan abhi tak speed teevra hai। woh ab teevra honi hai। pahli baat svayan ko chaik karo - svayan prati vinaash aur sthaapna ke kartavya ne arthaat past puraane hisaab-kitaab svabhaav va sanskaar kahaan tak vinaash kie hain aur naye sanskaar svabhaav arthaat baap samaan svabhaav sanskaar ki sthaapna kahaan tak ki hai, sampoorn vinaash kiya hai va adhoora kiya hai, jitna puraana vinaash kiya hai utna naya sanskaar va svabhaav dhaaran hoga - to chaik karo kis gati se yeh kaarya kar rahe hain।

2 - doosri baat svayan ke samparka mein aane vaali aatmaayen va sambandh mein rahne vaali aatmaaen jo hain unhon ke puraane sanskaar va svabhaav dekhte hue na dekho arthaat apne kartavya ki smriti dvaara va apne title ki samarthi dvaara un aatmaon mein bhi parivartan karne ke kaarya ki gati kahaan tak hai। charity begins ait hom kiya hai! kitni bhi tamoguni aatma ho, lekin braahmanon ke kartavya pramaan sada aisi aatmaon ke prati bhi kalyaan ki bhaavna rehti hai! va ghrina ki bhaavna rehti hai। raham aata hai va rob mein aate ho! rob mein aakar baap ke aage va nimitta bani hui aatmaon ke aage baar-baar un aatmaon ke prati probe (Complaint) karte rehte। yeh aise karte yeh aise kehte। aise vaise kyon? yeh probe karte hain।

3 - teesri baat vishwa ki sarva aatmaon prati sada sankalp mein kalyaan karne ki smriti rehti hai - behad ki seva arthaat vishwa seva ki jimmedaari samajhte hue chalte ho। mansa dvaara bhi vishwa prati apni shaktiyon ke khazaane va gyaan, gunon ke khazaane ko mahaadaani ban daan karte rehte ho। apne ko vishwa ke aage authority samajhte ho। va jahaan nivaas karte ho us desh va gaanv ke authority samajhte ho। practical smriti mein kya seva rehti hai। saamne had aati hai ya behad! sankalp mein itni samarthi hai jo vishwa ki aatmaon tak shaktishaali sankalp dvaara seva kar sako - vritti ki shuddhi anusaar vaayumandal ko shuddh kar sako। vritti ki shakti hai! shuddh arthaat pyooriti। purity ka aadhaar hai bhaai-bhaai ki smriti ki vritti। kahaan tak bani hai। isi prakaar apne kartavya ki gati aur vidhi ko chaik karo। jab tak svayan mein vinaash aur sthaapna ka practical swaroop nahin laaya hai tab tak vishwa mein kartavya ki pratyakshata hona bhi svayan ki gati ke pramaan hi hoga। kyonki aaj vishwa ki aatmaaen, dekhkar sauda karne vaali hain sirf sunkar maanne vaali nahi hain। apni yathaartha maanyataaon ko maanyataaon ko maanne ke liye pahle svayan un maanyataaon ka swaroop banna pade। jis swaroop ke sample dvaara sauda simple samajh mein aavega। nahin to ab tak anek alpagya aythaartha maanyataaon dvaara mejoriti aatmaayen vishwa parivartan va svayan ka parivartan ati mushkil va asambhav samajh baithi hai। is kaaran dilshikasta ki beemaari jyaada hai। jaise aajkal shaareerik rog heartfail ka jyaada hai vaise aadhyaatmik unnati mein dilshikasta ka rog jyaada hai। aisi dilshikasta aatmaon ko practical parivartan dvaara hi arthaat aankhon dekhi vastu dvaara hi himmat va shakti aa sakti hai। suna bahut hai ab dekhna chaahte hain। pramaan dvaara parivartan chaahte hain। to vishwa parivartan ke liye va vishwa kalyaan ke liye sada svakalyaan pahle sample ke roop mein dikhaao। ab samjha kartavya ke liye kya chaik karna hai। vishwa kalyaan ki seva ke liye kshetra mein sahaj saphalta ka saadhan pratyaksha pramaan dvaara baap ki pratyakshata hai। jo bole woh dekhen। bolte ho ki ham brahman almighty authority hain,master sarvashaktivaan hain, maayaajeet hain, merciful hain, roohaani sevaadhaari hain। to jo bolte ho woh practical swaroop dekhna chaahte hain। naam master sarvashaktivaan aur svayan ke vyartha sankalp ko bhi samaapta nahin kar sake to vishwa kalyaankaari kaun maanega! chalte-chalte svayan ke sanskaar svabhaav parivartan karne mein dilshikasta hone vaale ko vishwa parivartak kaun maanega। svayan hi sahayog maangane vaale ko vardaani kaun maanega! isliye sampoornata ke aaine mein svayan ka swaroop dekho। svayan ko sampanna banaae sample bano। samjha kya karna hai। is varsha svayan ko sampanna banaae vishwa kalyaankaari bano - check bhi karo aur change bhi karo।

pahle gujraat aarambha kare - jab sunne mein itni khushi hoti to banne mein kitni khushi hogi। gujraat ki dharni vaise bhi saatvik hai - to gujraat ko sempul taiyaar karne chaahiye। jisko dekho woh sample najar aae। gujraat ne vistaar achha kiya hai। vriddhi bhi achhi hai - ab baaki kya karna hai? aisi vidhi karo - jo aisa vaayu mandal powerful ho jisse vighna vinaash ka bhi ho aur vishwa ki aatmaon ki aakarshan bhi aise roohaani vaayumandal ke taraph ho। gujraat ko light house banaao। na sirf gujraat light house ho balki vishwa light haaoos। jis dvaara vishwa ki aatmaon ko svayan ke va baap ke parichay ko roshni mile। parmaatma bomb aarambha karo। aisa bomb phainko jo ek thaka aatmaayen daudti hui apne ek asylum mein pahunch jaayen - pahle gujraat aabu mein queue shuru karen। jo ote so arjun ho jaavega। arjun arthaat pahla number। achha –

aise sada sevaadhaari second va sankalp bhi seva ke bina chain na aave, nirantar yogi nirantar sevaadhaari sarva prakaar ki seva mein pratyakshaphal dikhaane vaale aise pratyaksha pramaan ban vishwa ka kalyaan karne vaali aatmaon ko baap daada ka yaad-pyaar aur namaste।

party se mulaakaat

1-sangamayug ke samay har kadam mein padmon ki kamaai ka chance - sada baap ki yaad mein rehte hue har kadam uthaate padmon ki kamaai jama karte rehte ho? yeh jo gaayan hai har kadam mein padam yeh kinhon ka hai? aap sabka hai na। is sangam par hi padmon ki kamaai ki khaan milti hai। phir saare kalpa mein yeh chance nahin milta। sangamayug hai jama karne ka yug, satayug ko bhi praalabdha ka yug kahenge,jama karne ka nahin। abhi jama karne ka yug hai, jitna jama karna chaaho utna jama kar sakte ho। to kitna jama kiya hai va karte ja rahe ho? jitna karna chaahiye utna kar rahe ho va jitne va utne mein antar hai। ek kadam arthaat ek second bhi bina jama ke na jaae arthaat vyartha na ho। itna attention rehta hai!

satayug mein bhi vishwa mahaaraaja va raaja banne ka aadhaar is samay ke jama karne par hai। to kya banenge bade mahaaraaja ya chhote raaja!। bade raaje jo honge unhonke paas anginat sampatti hogi to itni anginat kamaai jama ki hai? sada bhandaara bharpoor hai। apraapta nahin koi vastu…aise sanskaar abhi hain। sada tripta aatma apraapta kuchh nahin aise hain?woh sabhi bandhan kaanton - thoda sahayog do, aise to nahin, sahayog mile, aage badhaaya jaae to aage badhe isse siddha hai ki sampanna nahin hain। svayan ki shakti mein kami hai tab doosre ki shakti se aage badhaayen tab badhenge। to kya isko hi tripta va sampanna aatma kahenge। baapdaada to svatah hi daata hai, dete hi rahenge, woh maangane ki bhi jaroorat nahin to aise tripta aatma bhavishya mein akhut khazaane ke maalik honge abhi se sanskaar bharenge tab bhavishya mein honge। achha –