Avyakt murli for Wednesday 2 January 1980

> 02.01.1980om shanti avyakt baapdaada madhuban

“aane vaali duniya kaisi hogi?”

svarga ke rachiyta shiv baba bole -

aaj baap-daada kaun-si sabha ko dekh rahe hain? yeh hai saahabjaade aur saahabjaadiyaan so bhavishya mein shahjaade-shahjaadiyon ki sabha। sachche saahab ke bachche sab saahabjaade aur saahabjaadiyaan hain। yeh nasha sadaiv rehta hai?shahjaade va shahjaadiyon ke jeevan se yeh jeevan padamguna shreshtha hai। aisi shreshtha aatmaayen apni shreshthata ko jaante hue nirantar usi khumaari mein rehte ho? aaj vatan mein baap aur daada donon ki rooh-roohaan chal rahi thi ki saahabjaade aur saahabjaadiyon ka mahatva kitna bada hai। bhavishya jeevan ke sarva sanskaar is jeevan se hi aarambha hote hain। bhavishya mein raajyavansh hone ke kaaran,raajya adhikaari hone ke kaaran sada sarva-sampatti se sampanna har vastu mein maalaamaal, sada raajaai ki royalty mein har janma bitaayenge। sarva praaptiyaan harek ke jeevan mein chaaron or seva prati chakkar lagaati rahengi। aap logon ko praapti ki ichchha nahin hogi lekin sarva praaptiyaan ichchhuk hongi ki mere maalik mujhe kaarya mein lagaayen। chaaron aur vaibhvon ki khaanen bharpoor hongi। har vaibhav apna-apna sukh dene ke liye sada ever ready honge। sada khushi ki shahnaaeeyaan automatically bajti rahengi। bajaane ki jaroorat nahin padegi। aapki rachna vanaspati apne vishwa-pati ke aage patton ke hilne se variety prakaar ke saaz bajaayegi। vriksha ke patton ka jhoolna, hilna bhinna-bhinna prakaar ke natural saaz honge। jaise aajkal anek prakaar ke saaz aartaaphishal banaate hain vaise panchhiyon ki boli variety saaz hogi। chetan khilaune ke samaan anek prakaar ke khel aapko dikhaayenge। jaise aajkal yahaan manushya bhinna-bhinna prakaar kar boliyaan seekhte hain manoranjan ke liye, vaise vahaan ke panchhi bhinna-bhinna sundar aavaajon se aapke ishaare par manoranjan karenge। isi prakaar yeh phal aur phool honge। phal aisi variety rasna vaale honge jaise yahaan alag-alag namak,meetha athva masaala aadi daalkar rasna karte ho, vaise vahaan natural phal bhinna-bhinna rasna ke honge। yeh shugarmil vagairah nahin hongi lekin shugarphal hoga। jaisi taste chaahiye vaisi natural phal se bana sakte ho। yeh patton ki sabjiyaan nahin hogi lekin phal aur phool ki sabjiyaan hongi। phoolon aur phalon ki sabjiyaan banaayenge। doodh ki to nadiyaan hongi। achha abhi piyenge kya? natural ras ke phal alag honge, khaane ke alag, peene ke alag honge। mehnat karke ras nikaalna nahin padega। harek phal itna bharpoor hoga jaise abhi naariyal ka paani peete ho na। aise phal uthaaya, jara-sa dabaaya aur ras pi liya। nahaane ke liye paani hoga, vo bhi jaise aajkal ka gangaajal jiska pahaadon ki jadi-bootiyon ke kaaran vishesh mahatva hain, keede nahin padte hain, isliye paavan gaaya jaata hai। vaise vahaan pahaadon par aise khushbu ki jadi-bootiyon ke samaan bootiyaan hongi to vahaan se jal aane ke kaaran natural khushbu vaala hoga। itra daalenge nahin lekin natural pahaadon se cross karte hue aisi khushbu ki bootiyaan hongi jo sundar khushbu vaala jal hoga।

vahaan amritvele tape nahin uthaayenge। natural panchhiyon ki aavaaj hi saaz hogi, jis par aap log uthenge। uthne ka time savere hi hoga। lekin vahaan thake hue nahin honge। kyonki jab chetan devtaaen jaagen tab bhakti mein bhi bhakta savere uthkar jagaate hain। bhakti ka mahatva bhi amritvele ka hai। jaagenge savere hi, lekin sada hi jaise jaagti jyoti hain। koi hard work hain nahin। na hard work hai na buddhi ka work hai, na koi bojh hai। isliye jaagna aur sona samaan hai। jaise abhi sochte ho na ki savere uthna padega,vahaan yeh sankalp hi nahin। achha - padhenge kya?ki padhne se chhootna chaahte ho? vahaan ki padhaai bhi ek khel hai। khel-khel mein padhenge। apni raajdhaani ki knowledge to rakhenge na। to raajdhaani ki knowledge ki padhaai hai। lekin mukhya subject vahaan ki drawing hai। chhota, bada sab aaaartista honge,chitrakaar honge। saaj,chitrakaar aur khel। saaz arthaat gaayan vidya ke sangeet gaayenge, khelenge,isi mein padhaai padhenge। vahaan ki history bhi sangeet aur kavitaaon mein hogi, aisi seedhi-seedhi bor karne vaali nahin hogi। raas bhi ek khel hai na। naatak bhi karenge, baaki cinema nahin honge। naatak hoga। naatak hansi ke manoranjan ke honge। naatakshaalaayen kaaphi hongi। vahaan ke mahlon ke andar bhi vimaanon ki line lagi hogi aur vimaan bhi chalaane ke bahut sahaj honge। atomic energy ke aadhaar par sab kaam chalega। yeh aap logon ke kaaran last invention nikli hai।

karensi mein asharphiyaan hongi। lekin aajkal jaisi nahin hogi। roop-rekha parivartit hogi। dijaain aur achhi-achhi hongi। nimitta maatra len-den hongi। jaise yahaan madhuban mein parivaar hote hue bhi charge vaale alag-alag banaaye hue hain na। alag-alag department banaae hue hain। parivaar hote bhi charge vaale se lete ho na। ek deta hai doosra leta hai। aise vahaan bhi family system hoga। dukaandaar aur graahak ka bhaav nahin hoga। maalikpan ka hi bhaav hoga। sirf aapas mein exchange karenge। kuchh denge, kuchh lenge, kami to kisi ko bhi nahin hogi। praja ko bhi kami nahin hogi। praja bhi apne shareer nirvaah se padmaguna bharpoor hogi। isliye main graahak hoon, yeh maalik hai - yeh bhaav nahin rahega। sneh ki len-den hogi। hisaab-kitaab ki kheench-taan nahin hogi। register nahin honge।

ratan jadit ke saaz honge। natural saaz honge। mehnat vaale nahin honge। anguli rakhi aur baja। dress to bahut achhi pahnenge। jaisa kaarya hoga vaisi dress hogi। jaisa sthaan vaisi dress। bhinna-bhinna dress pahnenge। shrringaar bhi bahut prakaar ke honge। bhinna-bhinna prakaar ke taaj honge, gahne honge। lekin bojh vaale nahin honge। rooi se bhi halke honge। real gold hoga aur usmein heere aise honge jo bhinnabhinna rang ki lights har heere se nazar aayegi। ek heere se 7rang dikhaai denge। yahaan bhinna-bhinna rang ki tubes lagaate ho na। vahaan heere hi bhinna-bhinna rang ke tubes muaaphik chamkenge। harek ka mahal rang-birangi light se saja hua hoga। jaise yahaan anek aaine rakhkar ek cheez anek roop mein dikhaate ho aise vahaan ki javaahraat aisi hogi jo oopar ki scene ek ke bajaae anek roop mein dikhaai degi। sone ki light aur heeron ki light arthaat chamak donon ke mel se mahal jagamgaata hua nazar aayega। soorya ki kirnon se heere aur sona aise chamkenge jaise hajaaron lights jal rahi hain। itni taaron (vaayarsa) aadi ki jaroorat nahin padegi। bahut sundar prakaar ke aajkal ki raajaai family mein bijliyon ki jagmag dekhte ho, bhinna-bhinna prakaar ki laimpas ki dijaain dekhte ho। vahaan real heeron ke hone ke kaaran ek deepak anek deepkon ka kaarya karega। jyaada mehnat nahin karni padegi। sab natural hoga।

bhaasha to bahut shuddh hindi hi hogi। har shabd vastu ko siddha karega - aisi bhaasha hogi। (videshiyon ko) aapki inglaind aur America kahaan jaayenge? vahaan mahal nahin banaana। mahal to bhaarat mein banaana। vahaan sirf ghoomne ke liye jaana। woh picnic ke sthaan, ghoomne ke sthaan honge। woh bhi thode-bahut honge, sabhi nahin। vimaan shuru kiya aur aavaaj se bhi pahle pahunch jaayenge। itni tej speed vimaan ki hogi। jaise phone mein baat karte ho na,itna jaldi vimaan se pahunch jaayenge। isliye phone karne ki jaroorat nahin padegi। vimaan bhi family ke bhi honge aur ek-ek ke bhi honge। jis samay jo chaahiye woh use karo। ab baith gaye vimaan mein! abhi satayugi vimaan chhodkar buddhi ke vimaan mein aa jaao। buddhi ka vimaan bhi aisi speed vaala hai? sankalp ki speed ka hai? sankalp kiya aur chaand aur sitaaron se bhi pare apne ghar pahunch gaye। aise buddhi ka vimaan sada ever ready hai?sada vighnon se pare hai? jo kisi bhi prakaar ka ekseedenta na ho। jaana chaahen paramdham mein aur dharti ko hi chhod na saken ya aur koi pahaadi se takraakar gir jaae। vyartha sankalp bhi ek pahaadi se takraana hai। to accident se pare ever ready buddhi ka vimaan hai? pahle is vimaan par chadhenge tab woh vimaan milega। aise ever ready ho?jaise svarga ki baaton mein haan-haan karte rahe vaise in baaton mein haan-haan nahin karte ho। aaj vatan mein svarga ka naksha nikaala tha, isliye aap logon ko bhi sunaaya। brahma baap taiyaari kar rahe hain na svarga mein jaane ki to svarga ke nakshe nikaal rahe hain। aap sab taiyaar ho na? taiyaari kaun-si hai woh to maaloom hai na? kaun baap ke saath svarga ke get se paas karenge। uski paas le li hai?get-paas to le li hain lekin baap ke saath get paas karne ki paas ho। ek vi.aai.pi.get paas hoti hai aur ek raashtrapti ki bhi paas hoti hai। yeh vishvapti ka get paas hai। kaun-si get-paas li hai?apne paas ko check karna। aise vartamaan saahabjaade so shahjaade, prakriti ke maalik so vishwa ke maalik,maayaajeet so jagatjeet, ek sankalp ki vidhi dvaara siddhi ko praapta karne vaale, aise sarva siddhi swaroop, sada paas rahne vaale aur paas ho saath mein paas karne vaale, aisi shreshtha aatmaon ko baap-daada ka yaad, pyaar aur namaste।

party se mulaakaat (dilli zone)

1. apni raajdhaani ko sajaane ke liye yaad aur seva ka balance rakho - sabhi ne apni raajdhaani ka samaachaar to suna। abhi raajdhaani ko taiyaar karne ke liye dilli nivaasiyon ki vishesh zimmevaari hai। aise zimmevaar samajhkar chalte ho?aise to nahin seva auron ko karni hai aur meva aapko khaani hai। seva karke meva khaana hai। vaise bhi dekho jo kaam karke, apni mehnat se, pyaar se, cheez taiyaar karte hain to unko vishesh khushi hoti hai। to aap sab vishesh kaun-si zimmevaari lekar raajdhaani taiyaar kar rahe ho? raajdhaani ko sajaane vaale seva aur yaad ke balance mein raho। har sankalp mein bhi seva ho। jab har sankalp mein seva hogi to vyartha se chhoot jaayenge। to check karna chaahiye jo sankalp utha,jo second beeta usmein seva aur yaad ka balance raha? to result kya hogi? har kadam mein chadhti kala। har kadam mein padma jama hote rahenge tab to raajya-adhikaari banenge। to seva aur yaad ka chart rakho। seva ek jeevan ka ang ban jaae। jaise shareer mein sab ang zaroori hain vaise brahman jeevan ka vishesh ang-seva hai। bahut seva ka chance milna bhi bhaagya ki nishaani hai। sthaan milna, sang milna, chance milna yeh bhi bhaagya ki nishaani hai। aap sabko seva ka golden chance hai। jump lagaane ka sahayog mila hai। to seva ka saboot dena chaahiye na। mansa, vaacha,karmana,sambandh aur samparka se roj seva ki marks zaroor jama karni chaahiye।

har seva kendra par har variety ka yaadgaar guldasta zaroor hona chaahiye। sab prakaar ke vi.aai.pi.ke sample hone chaahiye। vi.aai.pi.ki seva vishesh sthaan ko karni chaahiye।

2. ek ras sthiti banaane ka sahaj saadhan - ek baap se sarva sambandhon ka anubhav karo :- sada ek baap ki yaad mein rahne vaale,ek baap ke saath sarva sambandh nibhaane vaale,ekras sthiti mein rehte ho? ek baap dvaara sarva ras arthaat sarva praapti ka anubhav karne vaale, isko kaha jaata hai - ekras sthiti mein rahne vaale - aise rehte ho?doosra koi bhi dikhaai na de। hai kuchh jo dikhaai de? sivaae baap ke aur koi dekhne ki vastu hai, jo dekho? baap ke sivaae koi sunaane vaala hai, jisse suno? bahuton ko dekh bhi liya, sun bhi liya aur uska parinaam bhi dekh liya। abhi ek ki yaad mein ekras। bahuton ko chhod ek ki yaad, ek ko dekho, ek se suno, ek se baitho …anekon se nibhaana mushkil hota hai, ek se sahaj hota hai। anek janma anekon se nibhaaya। baap se alag, teacher se alag, guru se alag…ab sahaj tareeka baap ne bataaya ki ek se nibhaao। jahaan dekho vahaan ek hi dekho, isi ko hi bhaavna ke kaaran bhakti mein sarvavyaapi kah diya hai। woh kah dete tu hi tu…aap sada baap ke saath ka anubhav karte ho। jahaan jaao vahaan baap hi baap anubhav ho।

3. meraapan samaapta karne se double light ki sthiti - sabhi ne baap se pooraapoora adhikaar le liya hai?poora adhikaar lene ke liye puraana sab-kuchh dena pade। to donon saude kiye hain na?ya tera so mera lekin mere ko haath nahin lagaana - aise to nahin! jab ek shabd badal jaata hai arthaat mera-tere mein badal jaata to double light ho jaate hain। jara bhi meraapan aaya to oopar se neeche aa jaate hain। tera tere arpan to sada double light aur sada oopar udte rahenge arthaat oonchi sthiti mein rahenge।