Avyakt murli for Sunday 14 January 1990

>

14-01-90 om shanti avyakt baapdaadaamdhuban

purushaartha ki teevragti mein kami ke do mukhya kaaran

avyakt baapdaada apne bachchon prati bole -

aaj braahmanon ke ke anaadi rachta baapdaada vishesh apni direct sameep rachna,shreshtha rachna - brahman bachchon ko dekh rahe hain। baapdaada ki ati pyaari rachna brahman aatmaaen ho jo sameep aur samaan banne ke lakshya ko sada smriti mein rakh aage badh rahe ho। jo aaj aisi aadi rachna ko vishesh roop se dekh rahe the। sarva teevra purushaarthi aur purushaarthi donon ki gatividhi ko dekh rahe hain। baapdaada dvaara mili hui shreshtha sahaj vidhi dvaara kab teevra gati va kab teevra,kabhi kam gati - donon hi prakaar ke brahman bachchon ko dekha। padhaai,paalna aur praapti - sabko ek jaisi ek dvaara mil rahi hai, phir gati mein antar kyon?teev purushaarthi arthaat first division vaale aur purushaarthi arthaat second division mein paas hone vaale । aaj vishesh sabhi ka chart check kiya। kaaran bahut hai lekin vishesh do kaaran hai । chaahna sabki first division ki hai,second division mein aana koi nahin chaahta। lekin lakshya aur lakshan,donon mein antar pad jaata hai। vishesh do kaaran kya dekhen?

ek - sankalp shakti jo sabse shreshtha shakti hai usko yathaartha reeti svayan prati va seva prati samay pramaan kaarya mein lagaane ki yathaartha reeti nahin hai । doosra kaaran- vaani ki shakti ko yathaartha reeti,samartha reeti se kaarya mein lagaane ki kami। in donon mein kami ka kaaran hai - use ke bajaay loose। shabdo mein antar thoda hai lekin parinaam mein bahut antar pad jaata hai। baapdaada ne sirf ३-४ din ki result dekhi, total result nahin dekhi । har ek ki ३-४ din ki result mein kya dekha?५०% arthaat aadha-aadha। sankalp aur bol mein donon shaktiyon ke jama ka khaata ५०% aatmaon ka theek tha lekin bilkul theek nahin kah rahe hai aur ५०% aatmaon ka jama ka khaata ४०% aur vyartha va saadhaaran ka khaata ६०% dekha। to socho jama kitna hua! jyaada vajan kiska hua? ismen bhi vaacha ke kaaran mansa par prabhaav padta hai। mansa, vaacha ko bhi apni taraph kheenchati hai। aaj baapdaada vaani arthaat bol ki taraph vishesh attention dila rahe hain। kyonki bol ka sambandh apne saath bhi hai aur sarva ke saath bhi hai। aure dekha kya? mansa dvaara yaad mein rehna hai - uske liye phir bhi beech-beech mein programme rakhte hain। lekin bol ke liye albelaapan jyaada hai, isliye baapdaada is par vishesh underline kara rahe hain। do varsha pahle baapdaada ne vishesh purushaartha mein seva mein aage badhne vaale mahaarthi aatmaon ko aur sabhi ko teen baaten ‘bol' ke liye kahi thi - 'kam bolo, dheere bolo aur madhur bolo।'' vyartha bolne ki nishaani hai - woh jyaada bolega, majboori se samay pramaan,sangathan pramaan apne ko kantrol karega lekin andar aisa mahsoos karega jaise koi ne shanti mein chup rahne liye baandha hai। vyartha bol bade-te-bada nuksaan kya karta hain? ek to shaareerik energy samaapta hoti kyonki kharcha hota hai aur doosra - samay vyartha jaata hai। vyartha bolne vaale ki aadat kya hogi?chhoti-si baat ko bahut lamba-chauda karega aur baat karne ka tareeka katha maaphik hoga। jaise raamaayan,mahaabhaarat ki katha… intresta se sunaate hain na। khud bhi ruchi se bolega, doosre ki bhi ruchi paida kar lega। lekin result kya hoti? raamaayan,mahaabhaarat ki result kya hai? raam banvaas gaya aur kaurvon aur paandavon ki yuddha hui - jaisi dikhaate hai ? saar kuchh bhi nahin lekin saaz bahut ramneek hota hai। isko kahne hain katha । vyartha bolne vaale maaya ke prabhaav ke kaaran jo kamzor aatma hain,unhon ko sunne aur sunaane ke saathi bahut jaldi banaate hain। aisi aatma ekaantapriy ho nahin sakti। isliye woh saathi banaane mein bahut hoshiyaar hoga। baahar se kabhi-kabhi aise dikhaai deta hain ki inhon ka sangathan powerful aur jyaada lagta hai। lekin ek baat sada ke liye yaad rakho ki ' 'maaya ke jaane ka antim charan hain, isliye vidaai lete-lete bhi apna teer lagaati rehti hain।'' isliye kabhi-kabhi, kahin-kahin maaya ka prabhaav apna kaam kar leta hai। woh aaraam se jaane vaali nahin hai । last ghadi tak direct nahin to indaayrekta kaduva roop nahin to bahut meetha roop aur naya-naya roop dhaaran kar braahmanon ki trial karti rehti hain । phir bhole-bhaale brahman kya kehte ? woh to baapdaada ne sunaaya hi nahin tha ki is roop mein bhi maaya aati hai! albelepan ke kaaran apne ko check bhi nahin karte aur sochte ki baapdaada to kehte hain ki maaya aayegi… । aadha akshar yaad rakhne hain ki maaya aayegi lekin maayaajeet banna hai - yeh bhool jaate hain ।

aur baat - vyartha va saadhaaran bot ke bhinna-bhinna roop dekhe।

ek - seema se baahar arthaat limit se pare hansi-mazaak,

doosra – taanting ve (Tonting way) ।

teesra - idhar-udhar ke samaachaar ikattha kar sunna aur sunaana,

chautha - kuchh seva-samaachaar aur seva samaachaar ke saath sevaadhaariyon ki kamjori ka chintan - yeh mix chatni aur

paanchava - ayuktiyukta bol, jo braahmanon ki dictionary mein hai hi nahin। yeh paanch roop rekhaayen dekhi । in paancho ko hi baapdaada 'vyartha bol' mein ginti karte hain। aisa nahin samjho - hansi-mazaak achhi cheez hai। hansi-mazaak achha woh hai jismen roohaaniyat ho aur jisse hansi-mazaak karte ho us aatma ko phaayda hua,time paas hua va time vesta gaya? ramneekta ka gun achha maana jaata hain lekin vyakti, samay,sangathan,sthaan,vaayumandal ke pramaan ramneekta achhi lagti hai। agar in sab baaton mein se ek baat bhi theek nahin to ramneekta bhi vyartha ki line mein gini jaayengi aur certificate kya milega ki hansaate bahut achha hai lekin bolte bahut hain । to mix chatni ho gai na। to samay ki seema rakho। isko kaha jaata hain - maryaada purushottam।'kehte hain - mera svabhaav hi aisa hain । woh kaun-sa svabhaav hai ? baapdaada vaala svabhaav hain? to isko bhi 'maryaada purushottam' nahin kahenge saadhaaran purush kahenge । bol sadaiv aise ho jo sunne vaale chaatrak ho ki yeh kuchh bole aur ham sunen - isko kaha jaata hain 'anmol mahaavaakya । 'mahaavaakya jyaada nahin hote। jab chaahe tab bolta rahen - isko mahaavaakya nahin kahenge। to satguru ke bachche - master satguru ke mahaavaakya hote hain, vaakya nahin। vyartha bolne vaala apni buddhi mein vyartha baaten,vyartha samaachaar, chaaron or ka kooda-kichda zaroor ikattha karega kyonki unko katha ka ramneek roop dena padega। jaise shaastravaadiyon ki buddhi hai na। isliye jis samay aur jis sthaan par jo bol aavashyak hai,yuktiyukta hain, svayan ke aur doosri aatmaon ke laabh-laayak hain,vahi bol bolo। bol ke oopar attention kam hai। isliye is par double underline।

vishesh is varsha bol ke oopar attention rakho। check karo - bol dvaara energy aur samay kitna jama kiya aur kitna vyartha gaya?jab isko check karenge to svatah hi antarmukhta ke ras ko anubhav kar sakenge। atarmukhta ka ras aur bolchaal ka ras - ismen raat-din ka antar hain। antarmukhi sada bhrikuti ki kutiya mein tapasveemoorta ka anubhav karta hai। samjha!

samajhna arthaat banna। jab koi baat samajh mein aa jaati hai to woh karega zaroor,samjhega zaroor। teachers to hain hi samajhdaar। tab to bhaagya mila hain na। nimitta banne ka bhaagya - iska mahatva abhi kabhi-kabhi saadhaaran lagta hai, lekin yeh bhaagya samay par ati shreshtha anubhav karenge। kisne nimitta banaaya, kisne mujh aatma ko is yogya chuna - yeh smriti hi svatah shreshtha bana deti hai । ' 'banaane vaala kaun' ' !- agar is smriti mein raho to bahut sahaj nirantar yogi ban jaayenge । sada dil mein, banaane vaale baap ke gunon ke geet gaate raho to nirantar yogi ho jaayenge । yeh kam baat nahin hai! saare vishwa ki koton ki kot aatmaon mein se kitni nimitta teachers bani ho! brahman parivaar mein bhi teachers kitni hain । to koi-mein-koi ho gai na! teacher arthaat sada bhagwan aur bhaagya ke geet gaati rahen। baapdaada ko teachers par naaz hota hai lekin raazayukta teachers par naaz hota hai achha –

pravritti vaale bhi maje mein rehte hain na। moonjhane vaale ho ya maje mein rahne vaale ho?brahman-jeevan ke har second tan, man, dhan,jan ka maza hi maza hai । aaraam se sote ho, aaraam se khaate ho। aaraam se rehna,khaana, sona aur padhna। aur kuchh chaahiye kya? padhna bhi theek hai ya amritvele so jaate ho ? aise kai bachche karte hain, kahenge- saari raat jaag rahe the, subah ko neend aa gai । ya ek seva karenge to amritvele ko chhod denge। to maza kya hua?extra jama to hua nahin। ek taraph seva ki, doosre taraph amritvela miss kiya। to kya hua? lekin nemeenaath maaphik aise jhutka khaate nahin baithna । woh T .vi. bahut achhi hoti hai । jaise woh yog ke aasan karte hain na - anek prakaar ke pose badalte rehte hai । to yahaan bhi aise ho jaate hain । sochte hain - sahaj yog hai na,isliye aaraam se baitho । kaiyon ki to tune bhi baapdaada ke paas sunne mein aati hai । baapdaada ke paas woh bhi cassette hai । to ab double underline karenge na। phir baapdaada sunaayenge ki result mein kitna antar pada। achha –

chaaron or ke shreshtha lakshya aur shreshtha lakshan dhaaran karne vaale teevra purushaarthi aatmaon ko,sada apne bol ko samay aur sanyam mein rakhne vaale purushottam aatmaon ko,sada mahaaveer ban maaya ke sarva roopon ko jaanne vaale knowledgeful aatmaon ko sada har second mauj mein rahne vaale bephikra baadshaahon ko baapdaada ka yaad-pyaar aur namaste ।

zone vaaiz group se avyakt baapdaada ki mulaakaat

१ silence ki shakti ko achhi tarah se jaante ho?silence ki shakti second mein apne sweet hom, shantidham mein pahuncha deti hai । science vaale to aur fast gati vaale yantra nikaalne ka prayatna kar rahe hain । lekin aapka yantra kitni teevragti ka hai! socha aur pahuncha!aisa yantra science mein hai jo itna door bina kharcha ke pahunch jaaen? vo to ek-ek yantra banaane mein kitna kharcha karte hai,kitna samay aur kitni energy lagaate hain,aapne kya kiya? bina kharche mil gaya। 'yeh sankalp ki shakti sabse fast hai । 'aapko shubh sankalp ka yantra mila hai,divya buddhi mili hain । shuddh man aur divya buddhi se pahunch jaate ho । jab chaaho tab laut aao, jab chaaho tab chale jaao । science vaalon ko to mausam bhi dekhni padti hain । aapko to woh bhi nahin dekhna padta ki aaj baadal hain, nahin ja sakenge। aajkal dekho - baadal to kya thodi-si phogi bhi hoti hai to bhi plen nahin ja sakta। aur aapka vimaan ever ready hain ya kabhi phogi aati hai? ever ready hain? sekand mein ja sakte hain - aisi teevragti hai?maaya kabhi rukaavat to nahin daalti hai?master sarvashaktivaan ko koi rok nahin sakta। jahaan sarvashaktiyo hai vahaan kaun rokega । koi bhi shakti ki kami hoti hai to samay dhokha mil sakta hai । maano sahanshakti aap mein hai lekin nirnay karne ki shakti kamzor hai, to jab aisi koi paristhiti aayegi jismen nirnay karna ho, us samay nuksaan ho jaayega। hoti ek hi ghadi nirnay karne ki hai – haan ya na, lekin uska parinaam kitna bada hota hai! to sab shaktiyaan apne paas check karo। aise nahin theek hai, chal rahe hain yog to laga rahe hai। lekin yog se jo praaptiyaan hai - woh sab hai?ya thode mein khush ho gaye ki baap do apna ho gaya। baap to apna hai lekin property(varsa) bhi apni hai na ya sirf baap ko pa liya - theek hai? varsa ke maalik banna hai na? baap ki property hai 'sarvashaktiyo'isliye baap ki mahima hi hai sarvashaktivaan almighty athaarti। ' sarvashaktiyo ka stock jama hai? ya itna hi hen - kamaaya aur khaaya, bas! baapdaada ne sunaaya hai ki aage chalkar aap master sarvashaktivaan ke paas sab bhikhaari bankar aayenge । paise ya anaaj ke bhikhaari nahin lekin ‘shaktiyon’ ke bhikhaari aaenge। to jab stock hoga tab to denge na! daan vahi de sakta jiske paas apne se jyaada hai । agar apne jitna hi hoga to daan kya karenge? to itna jama karo । sangam par aur kaam hi kya hai? jama karne ka hi kaam mila hai । saare kalpa mein aur koi yug nahin hai jismen jama kar sako । phir to kharcha karna padega,jama nahin kar sakenge । to jama ke samay agar jama nahin to ant mein kya kehna padega - '' ab nahin to kab nahin'' phir tu let ka board lag jaayega। abhi to let ka board hai, tu let ka nahin ।

sabhi maataaon ne itna jama kiya hai? shiv-shaktiyaan ho ya ghar ki maataaen ho? shiv-shakti kahne se shaktiyaan yaad aati hai । kin maataaon ko baap ne shaktiyaan bana diya hai! agar koi shakla aakar dekhe to kya kahenge! aisi shaktiyo hoti hai kya! lekin baap ne pahchaan liya ki woh aatmaaen shaktishaali hai। baap to aatmaon ko dekhta hai, na boodha dekhta,na javaan dekhta,na bachcha dekhta। aatma to boodhi va chhoti hai hi nahin । to yeh khushi hen na ki hamko baba ne shiv-shakti'bana diya । duniya mein kitni padhi-likhi maataaen hain lekin baap ko gaanv vaale hi pasand hain, kyon pasand hai? “sachchi dil par saaheb raaji” । baap ko sachchi dil pyaari lagti hai । jo bhole honge unhein jhooth-kapat karne nahin aayega। jo chaalaak, chatur hote hai usmein yeh sab baaten hoti hai। to jiski dil bholi hai arthaat duniya ki maayaavi chaturaai se pare hain, woh baap ko ati priy hai । baap sachchi dil ko dekhta hai। baaki padhaai ko,shakla ko,gaanv ko, paise ko nahin dekhta hai। sachchi dil chaahiye, isliye baap ka naam dilvaala' hai । achha!

२ sada is brahman-jeevan mein raazayukta,yogayukta aur yuktiyukta teenon hi visheshtaaen apne mein anubhav karte ho ? gyaan ke sab raaz buddhi mein spashta smriti mein rahe- isko kehte hai raazayukta'aur sada rachna baap ko yaad rakhna - isko kehte hain 'yogayukta'। to jo gyaani aur yogi aatma hai - uske har karma svatah yuktiyukta hote hai। yuktiyukta arthaat sada yathaartha shreshtha karma। koi bhi karma roopi beej phal ke sivaae nahin hota। unke sankalp bhi yuktiyukta honge। jis samay jo sankalp chaahiye vahi hoga। aise nahin - yeh sochna to nahin chaahiye tha lekin soch chalta hi raha। ise yuktiyukta nahin kahenge। jo yuktiyukta hoga woh jis samay jo sankalp,vaani ya karma karna chaahe - woh kar sakega। aise nahin - yeh karna nahin chaahta tha,ho gaya। to jo raazayukta,yogayukta hoga uski nishaani woh yuktiyukta hoga। to woh nishaani sada dikhaai deti hai?agar kabhi-kabhi dikhaai deti to raajya-bhaagya bhi kabhi-kabhi mil jaayega,sada nahin milega। lene mein to kehte ho - sada chaahiye aur karne mein kabhi-kabhi। aise nahin karna। abhi parivartan karke jaao । kabhi-kabhi ki line se,abhi sada vaali line mein aa jaao। jab jaan liya anubhav kar liya ki achhe-achhe beej hai to achhi beej ko chhod koi ghatiya cheez kyon lenge? to avinaashi khaan par aakar lene mein kami nahin karna। lena hai to poora lena hai। daata ke bhandaare bharpoor hai, jitna bhi lo akhut hai। to akhut khazaane ke maalik bano । achha –