Avyakt murli for Wednesday 11 December 1991

>

11-12-91 om shanti avyakt baapdaadaamdhuban

satyata ki sabhyata hi real royalty hai

avyakt baapdaada apne real aur royal bachchon prati bole h

aaj baapdaada apne shreshtha parivaar arthaat apne royal family ko dekh rahe hain। saare kalpa mein sabse royal aap shreshtha aatmaaen hi ho। anaadi aatmik swaroop mein bhi sabse shreshtha royal aatmaayen ho aur aadi swaroop dev aatmaon ke roop mein bhi royal raajya adhikaari royal family ho। poojya roop mein bhi aap dev aatmaon ki kitni royalty se pooja hoti rehti hai aur kisi bhi anya dharma aatma va raajneetik aatmaon ki aisi royal pooja nahin hoti। to teenon roopon mein - anaadi,aadi aur poojya swaroop aise royal aur koi bhi nahin hain। kyonki aap aatmaon ki purity ki hi royalty hai। aise sampoorn pavitra aur koi bhi aatma saare kalpa mein na hi bani hai, na banegi। yeh purity ki hi visheshta hai। isliye sirf dev aatmaon ke aage hi yeh mahima gaate hain ki aap sampoorn nirvikaari ho, aur kisi bhi dharma aatmaon ki mahima mein aisi mahima nahin gaai jaati hai। sirf dev aatmaon ke shreshtha keerti arthaat shreshtha pavitrata ki hi keertan hota hai। aur koi bhi dharma mein keertan nahin hota hai। saajon aur baajon se keertan ka rivaaj dev aatmaon mein hi hai va sangamayug ke shakti swaroop mein hai। yeh sampoorn pavitrata ke vidhi ki siddhi hai। isliye aap jaisi roohaani royalty aaur kisi aatma ki nahin hai। to check karo- aise purity ki royalty kahaan tak aai hai? roohaani royalty ki sabse shreshtha nishaani hai - royalty arthaat reality arthaat satyata। jaise aatma ka anaadi swaroop sat hai। sat arthaat avinaashi aur satya hai। jaise baap ki mahima vishesh yahi gaate rehte hain - satyam shivam sundaram। satya hi shiv hai va god is truth (God is truth) kaha jaata hai। to baap ki mahima satya arthaat satyata ki hai। aise royalty arthaat reality - satyata jara bhi banaavti ya mila-vati na ho। chaahe bol mein, chaahe karma mein, chaahe sambandh-samparka mein milaavat ya banaavat nahin ho। jisko saadhaaran bhaasha mein baapdaada kehte hain - sachchaai। royal aatmaon ki vritti, drishti bol aur chalan sab ek satya hogi। aise nahin ki vritti mein ek baat ho aur bol mein doosra banaavti bhaav ho। isko royalty va reality nahin kaha jaata hai।

aajkal baapdaada bachchon ki leela dekhte bhi hain aur sunte bhi hain। kai bachche baat ko milaane aur banaane mein bahut hoshiyaar hain। kyonki dvaapar se milaavat aur banaavat ki kathaayen bahut suni hain। to is brahman jeevan mein bhi woh sanskaar emerge kar lete hain। aisi achhe roop se baat bana lete hain jo jhooth ko bilkul sampoorn satya bana dete hain aur satya ko jhooth siddha kar dete hain। isko kaha jaata hai - andar ek,baahar doosra। to kya yeh reality hai?royalty hai?nahin hai na । to aise pavitrata ki royalty arthaat reality। yeh royalty ki nishaani hai। agar yeh nishaani nahin hai to samjho purity ki royalty nahin aai hai va percentage mein aai hai, sampoorn nahin hai।

reality ki doosri nishaani baapdaada sada sunaate rehte hain - sach to bitho nach। sachchi aatmaayen sada khushi mein naachti rahengi। kabhi khushi kam, kabhi khushi jyaada,aisa nahin hoga। din pratidin, har samay aur khushi badhti rahegi। reality ki nishaani hai - sada khushi mein naachna। nain chain kehte ho na , raayalti ka arth bhi hai chit se bhi aur nain chain se bhi sada harshit। sirf baahar se harshitmukh nahin, lekin chitta mein bhi harshit। harshit chitta harshit mukh,donon harshit hon। kai baar aise bhi hota hai ki andar chitta mein khushi nahin hoti lekin baaharmukh mein samay pramaan khushnuma ban karke dikhaate hain। isko alpa kaal ka harshitmukh kahenge, lekin harshit chitta,harshit mukh avinaashi ho। to pavitrata ki reality royalty arthaat avinaashi chitta aur mukh harshit hon। check karo - doosre ko check karne nahin lag jaana, apne ko check karna hai। aisi royal aatma baapdaada ko aur sarva brahman parivaar ko ati pyaari hoti hai। real pyaari aatma ki visheshta kya hoti hai?kyonki aajkal ke reeti-rasam pramaan jo bahut pyaara lagta hai to pyaare ke taraph na chaahte hue bhi aakaarshit ho jaate hain। jisko aap log apni bhaasha mein attachment kehte ho। kyonki pyaara hai to attachment to hogi na। lekin real aur royal pyaar ki nishaani hai - vo jitna hi pyaara hoga utna hi nyaara bhi hoga। isliye woh na svayan extra attachment mein aayega, na doosra uski attachment mein aayega। isko kaha jaata hai real pyaar,sampoorn pyaar। woh harshit rahega,aakaarshit bhi hoga parantu had ki aakarshan karne vaala nahin। to real aur royal ki nishaani kya hui? ati pyaara aur ati nyaara।

royalty ki aur visheshta hai us aatma mein kabhi kisi bhi prakaar ke,chaahe sthool,chaahe sookshm, maangane ke sanskaar nahin honge। kyonki royal aatma sada sampanna bharpoor rehti hai। ek bharpoorta baahar ki hoti hai sthool vastuon se,sthool saadhnon se bharpoorta। aur doosri hoti hai man ki bharpoorta। jo man se bharpoor rehta hai uske paas sthool vastu ya saadhan nahin bhi ho phir bhi man bharpoor hone ke kaaran vo kabhi apne mein kami mahsoos nahin karega। na mein bhi haan ka anubhav karega। aur jiska man bharpoor nahin hota woh aatma baahar se kitni bhi vastu aur saadhan se bharpoor hote bhi woh kabhi bhi apne ko bharpoor nahin samjhega। aisi aatma sada ichchha ke kaaran‘chaahiye chaahiye’ka geet gaati rahegi। har baat mein ye hona chaahiye, ye karna chaahiye,ye milna chaahiye, ye badalna chaahiye… har samay yahi geet gaate rahegen। aur man se bharpoor aatma sada yahi geet gaati rahegi sab pa liya, praapta ho gaya, ye hona chaahiye,ye karna chaahiye, ye chaahiye chaahiye bhi royal maangane ke sanskaar hain। behad ki seva-prati sochna ki ye hona chaahiye, ye karna chaahiye,woh alag baat hai lekin sva ki had ke praapti arth chaahiye chaahiye ye royal maangana hai। naam chaahiye, maan chaahiye,shaan chaahiye,pyaar chaahiye,poochhna chaahiye - ye sab had ki baaten hain। royal aatma mein maangane ka ansh maatra bhi sanskaar nahin hota hai। samjha - royalty kya hoti hai?

tapasya ke chart mein yeh sab check karna, aise nahin, mainne kisi ko gaali nahin di, krodh nahin kiya, nahin, yeh sab baaten check karna। phir prize lena। tapasya ka arth hi hai - sampoorn pavitra banna। to pavitrata ki personality,pavitrata ki royalty kaho tak praikti-kal mein rahi hai yeh check karna hai। isko kahenge tapasveeraaj। samjha - royalty kya hai?

royal aatma ka chehra aur chalan donon hi satyata ki sabhyata anubhav karaayenge। vaise bhi royal aatmaon ko sabhyata ki devi kaha jaata hai। unka bolna,dekhna, chalna,khaan-peena,uthna-baithna,har karma mein sabhyata satyata svatah hi dikhaai degi। aise nahin ki main to satya ko siddha kar raha hoon aur sabhyata ho hi nahin। kai bachche kehte hain vaise krodh nahin aata hai,lekin koi jhooth bolta hai to krodh aa jaata hai। usne jhooth bola, aapne krodh se bola to donon mein right kaun? satyata ko siddha karne vaala sada sabhyata vaala hoga। kai chaturaai karte hain, kahenge ham krodh nahin karte hain, hamaara aavaaj hi bada hai, aavaaj hi aisa tej hai। science ke saadhnon se aavaaj ko kam aur jyaada kar sakte hain na to kya silence ke power se apne aavaaj ki gati ko dheemi ya tej nahin kar sakte ho?isse to ye tape record aur ye mike achha hai jo aavaaj kam jyaada to kar sakte ho। to ye check karo ki satyata ke saath sabhyata bhi hai?agar sabhyata nahin to satyata nahin। to purity ki royalty sada pratyaksha roop mein dikhaai de। aise nahin,andar mein to royalty hai,baahar dekhne mein nahin aati। agar andar hai to baahar mein zaroor dikhaai degi। satyata ki royalty ko koi chhipa nahin sakta। ismen gupta nahin rehna hai। kai kehte hain gupta purushaarthi hain iseelie gupta rehte hain। lekin jaise soorya ko koi chhipa nahin sakta, satyata ke soorya ko koi chhipa nahin sakta। na koi kaaran chhipa sakta hai, na koi vyakti। satya sada hi satya hai। satyata ki shakti sabse mahaan hai। satyata siddha karne se siddha nahin hoti। satyata ki shakti ko svatahhi siddha hone ki siddhi praapta hoti hai। satyata ko agar koi siddha karne chaahta hai to woh siddha jidda ho jaata hai। isliye satyata svayan hi siddha hoti hi hai। usko siddha karne ki aavashyakta nahin hai। samjha । tapasya varsha mein kya dikhaana hai? purity ki personality aur royalty। achha!

desh-videsh ke taraph se sabhi bachchon ke patra, yaadapyaar purooshaartha ke,seva ke samaachaar aur dil ki roohrihaan sab baapdaada ke paas pahunch rahi hai, pahunch gai hai। baapdaada sabhi bachchon ko naam sahit yaad pyaar de rahe hain। har ek samjhe pahle hamaari yaad। kyonki baap-daada yaadapyaar ka respond avyakt roop se to usi ghadi de hi dete hain। lekin phir bhi saakaar vidhi se svayan bhi saakaar mein patra likhte hain ya yaadapyaar bhejte to baapdaada bhi saakaar vidhi pramaan saakaar roop mein bhi return yaadapyaar de rahe hain। baapdaada jaante hain ki chaaron or umang-utsaah tapasya ka aur mansa vibration dvaara seva ka, achha hai aur rahega। abhi aur bhi aage gun-raazayukta

baaton ko saamne rakh purooshaartha ko,seva ko maheen aur mahaan banaate chalo। sabhi bachchon ko,jo sammukh baithe hain va aakaar swaroop se baap ke sammukh hain, aise sarva sammukh arthaat sada saath rahne vaale naynon mein, mukh mein, man mein sada bachchon ke baap hain aur baap ke bachche hain।

aise sada yaad mein samaaye hue shreshtha aatmaayen,sada purity ke reality aur royalty mein rahne vaali aatmaaen, sada man se sampanna bhar-poor rahne vaali aatmaon ko baapdaada ka yaadapyaar aur namaste।

party se mulaakaat

group-1 h padmaapadma bhaagyavaan aatmaayen anubhav karte ho! itna shreshtha bhaagya saare kalpa mein kisi bhi aatma ka nahin hai। chaahe kitne bhi naameegraami aatmaayen hon,lekin aapke bhaagya ke aage unhon ka bhaagya kya hai?woh hai alpakaal ka bhaagya aur brahman aatmaon ka hai - avinaashi bhaagya। sirf is ek janma ka nahin hai, janma-janma ka hai। baap ka banna arthaat bhaagya ka varsa adhikaar mein milna। to adhikaar to mil gaya na। bachcha arthaat adhikaar,varsa। adhikaar ka nasha hai ki utarta chadhta hai? aadhaakalpa to neeche hi utre, abhi kya karna hai?chalna hai,chadhna hai ya udna hai? udne vaali cheej beech mein kabhi rookti nahin। rookenge to neeche aayenge। thode se samay mein bhi rookenge phir udenge to manzil par kaise pahunchenge?isliye udte raho। lekin sada udega kaun?jo halka hoga। to halke ho na?ya tan ka, man ka, sambandh ka bojh hai? agar bojh nahin hai to rookte kyon hain? jo bojh vaali cheej hai vo neeche aati hai aur jo halki hoti hai woh sada oopar rehti hai। aap sab to double light ho na?

to sada apne bhaagya ko smriti mein rakhne se bhaagya vidhaata baap svatah hi yaad aayega। bhaagya vidhaata ko yaad karna arthaat bhaagya ko yaad karna aur bhaagya ko yaad karna arthaat bhaagya vidhaata ko yaad karna। donon ka sambandh hai। koi bhi ek ko yaad karo to donon yaad aa jaate hain। to chalte- phirte vaah mera shreshtha bhaagya! jo sankalp mein bhi na tha lekin saakaar swaroop mein praapta kar rahe hain। itna sahaj bhaagya aur praapta kitna sahaj ho gaya! kisi bhi mahaan aatma ke paas jaate hain to had ki praapti ke liye - chaahe bachcha chaahiye,chaahe dhan chaahiye, chaahe tan ki tandaroosti chaahiye, to ek praapti ke liye bhi kitni mehnat karaate hain aur aapko kya karna pada? mehnat karni padi? ya aankh khuli, teesra netra khula aur dekha bhaagya ka nazaara। ghar baithe parichay mil gaya। aap logon ko dhoondhana nahin pada। koi had ke khaan se bhi had ka khazaana lena ho to kitni bhaagdaud karni padti hai। ye to sahaj hi aapko ghar baithe haath mein mil gaya। ek baap ek parivaar। anekta khatma ho gai aur sabhi ek ho gaye। apna baap, apna parivaar। apna lagta hai na। chaahe kitna bhi door ho lekin sneh sameep le aata hai। sneh nahin to saath rehte bhi door lagta hai। to eeshvareey sneh vaale parivaar mein aa gaye। isliye sada yaad rakho - oho mera shreshtha bhaagya! bhaagya vidhaata dvaara shreshtha bhaagya pa liya। jab baap ne apna bana liya to aur kya chaahiye?achha ban gaye na to ichchha khatma ho gai। achha nahin bante to ichchha rehti। ichchhaayen sab sampanna ho gai। baap mila sab kuchh mila। to tripta aatma sada roohaani nashe mein rehti hai। jo bharpoor aatma hoti hai to uske nashe ko dekho - kahe,nahin kahe,lekin uska nasha svatah dikhaai padta hai। to aapka roohaani nasha kitna bada hai! to aap kya yaad rakhenge! vaah mera shreshtha bhaagya। yeh yaad rahega ki baambe jaayenge to bhool jaayega?baambe mein jitna maaya ka force hai utna aapmen roohaani force hai। kehte hain na baambe maaya nagri hai। aap kya kahenge? hamaare liye baap ki nagri hai। achha।

group-2 h apne ko brahman sansaar ka samajhte ho। brahman sansaar hi hamaara sansaar hai, baap hi hamaara sansaar hai - aise anubhav karte ho ki aur bhi koi sansaar hai। baap aur chhota sa parivaar yahi sansaar hai। jab aisa anubhav karenge tab nyaare aur pyaare banenge। apna sansaar hi nyaara hai। apni drishti- vritti sab nyaari hai। braahmanon ki vritti mein kya rehta hai?kisi ko bhi dekhte ho to aatmik vritti se, aatmik drishti se milte ho। jaisi drishti,vaisi srishti। agar vritti aur drishti mein aatmik drishti hai to srishti kaisi lagegi? aatmaon ki srishti kitni badhiya hogi? shareer ko dekhte bhi aatma ko dekhenge। shareer to saadhan hai। lekin is saadhan mein vishe-shata aatma ki hai na। aatma nikal jaati hai to shareer ke saadhan ki kya value hai! aatma nahin hai to dekhne se bhi dar lagta hai। to visheshta to aatma ki hai। pyaari bhi aatma lagti hai। to braahmanon ke sansaar mein svatah chalte phirte aatmik drishti, aatmik vritti hai isliye koi duhkh ka naam- nishaan nahin। kyonki duhkh hota hai shareer bhaan se। agar shareer bhaan ko bhoolkar aatmik swaroop mein rehte hain to sada sukh hi sukh hai। sukhdaayi- sukhmay jeevan। kyonki baap ko kehte hi hain - sukhdaata। to sukhdaata dvaara sarva sukhon ka varsa mil gaya। maa baap kaha aur varsa mila। to sukh ki shaiya par sone vaale। chaahe sthool mein bistar par sote ho, lekin man kis par sota hai? chalte-phirte kya lagta hai?sukh hi sukh hai। sansaar hi sukhmay hai sukh hi sukh dikhaai dega na। duhkhadhaam ko chhod diya। abhi bhi duhkhadhaam mein rehte ho ya kabhi-kabhi chakkar lagaane jaate ho? duhkhadhaam se kinaara kar diya। sangam par aa gaye hai na। abhi sangamayugi ho ya kaliyugi ho? svapna mein bhi duhkhadhaam mein nahin ja sakte। naya jeevan hai na। yug bhi badal gaya, jeevan bhi badal gaya। abhi sangamayugi shreshtha brahman aatmaayen hain - isi nashe mein sada raho। sukhmay sansaar mein rahne vaale sukh swaroop aatmaayen। duhkh to 63janma dekh liya। abhi sangam par ateendriy sukh ke jhoole mein jhoolne vaale hain। yeh baahar ka sukh nahin hai, ateendriy sukh hai। vinaashi sukh to kaliyugi aatmaon ko bhi hai। lekin aapko ateendriy sukh hai। agar indriyon ka sukh hai to indriyaan to khud hi vinaashi hain to sukh bhi vinaashi hoga na? kabhi bhi ye sankalp mein nahin aa sakta ki phalaane ne mujhe bahut duhkh de diya। phalaana bahut duhkhi karta hai ye sankalp bhi nahin kar sakte। agar kisi ne duhkh diya to aapne liya kyon?dene vaale ne diya, aur aapne nahin liya, to kiske paas raha?aapko to nahin mila na,to lete kyon ho? jo kehte ho mere ko bahut duhkhi kiya। ye bahut duhkh dene vaala hai - braahmanon ke ye bol nahin। aise bol kabhi bolte ho?maataayen kabhi bolti ho - bahu ne bahut duhkh diya, tang kiya। bahu kahe - saasu ne bahut duhkh diya, nanad ne bahut duhkh diya। aise to nahin kehti ho,bhaasha parivartan ho gai hai। lene vaale lenge nahin to kahaan se aapke paas aaya? baapdaada ne kya pakka karaaya tha - na duhkh do, na duhkh lo। ham to kisko duhkh dete nahin, yeh adhoora hua। duhkh lete bhi nahin। to jab na denge,na lenge,tab ateendriy sukh mein rahenge। dene vaala koi kichda deve to le legen? duhkh achha hai ya bura? jab buri cheej hai to lete kyon ho? vo de deta hai majboori se iseelie le lete ho? agar koi kichda phenk kar bhi jaaye to aap kya karenge?phenk denge ya rakh denge,jama karke?agar jabardasti koi de bhi deta hai to khatma kar do,rakhte kyon ho, dhaaran kyon karte ho?brahman arthaat sada sukhi? sada sukh dene vaale। braahmanon ka kaam hai - sukh dena aur sukh lena। to sada sukh ke jhoole mein jhoolte raho। baap kehte hain - sada baap ke saath jhule mein jhoolte raho। yahi bhakti ka phal hai।

sada royal family vaale ho na। royal family vaale sada galeechon mein chalte, mitti mein nahin। to jhoole mein jhoolo। neeche aana arthaat mitti mein aana। yeh deh bhi mitti hai na। to deh bhaan mein neeche aana arthaat mitti mein paanv rakhna। to jab galti se bhi mitti mein paanv rakhte ho us samay apne se poochho ki ham royal baap ke bachche aur mitti mein paanv kaise rakha?maa baap ke jo laadle bachche hote hain to koshish karte hain sada godi mein khelta rahe। neeche nahin rakhenge। to aap bhi laadle ho। jab baap ne itna sikeeldha laadla bana diya to laadle hokar chalo na,saadhaaran nahin bano। achha।