Avyakt murli for Thursday 30 March 2000

>

30-03-2000 om shanti avyakt baapdaadaamdhuban

man ko duroosta rakhne ke liye beech-beech mein 5 second bhi nikaal kar man ki exercise karo

aaj doordeshi baapdaada apne saakaar duniya ke bhinna-bhinna deshvaasi bachchon se milne aaye hain। baapdaada bhinna-bhinna deshvaasiyon ko ek deshvaasi dekh rahe hain। chaahe koi kahaan se bhi aaye ho lekin sabse pahle sabhi ek hi desh se aaye ho। to apna anaadi desh yaad hai na! pyaara lagta hai na! baap ke saath-saath apna anaadi desh bhi bahut pyaara lagta hai na!

baapdaada aaj sabhi bachchon ke paanch swaroop dekh rahe hain, jaante ho paanch swaroop kaun se hain?jaante ho na!5 mukhi brahma ka bhi poojan hota hai। to baapdaada sabhi bachchon ke5 swaroop dekh rahe hain।

pahla - anaadi jyotibindu swaroop। yaad hai na apna swaroop?bhool to nahin jaate? doosraahai - aadi devta swaroop। pahunch gaye devta swaroop mein? teesra - madhya mein poojya swaroop,woh bhi yaad hai?aap sabki pooja hoti hai ya bhaaratvaasiyon ki hoti hai?aapki pooja hoti hai? kumaar sunaao aapki pooja hoti hai? to teesra hai poojya swaroop। chauthaahai - sangamayugi brahman swaroop aur laastamen hai pharishta swaroop। to 5 hi roop yaad aa gaye? achha ek second mein yeh 5 hi roopon mein apne ko anubhav kar sakte ho?one, tu,three, four,five… to kar sakte ho! yeh 5 hi swaroop kitne pyaare hain? jab chaaho,jis bhi roop mein sthit hone chaaho, socha aur anubhav kiya। yahi roohaani man ki exercise hai। aajkal sabhi kya karte hain?exercise karte hain na! jaise aadi mein bhi aapki duniya mein (satayug mein) natural chalte-phirte ki exercise thi। khade hokar ke one, tu,three… exercise nahin। to abhi ant mein bhi baapdaada man ki exercise karaate hain। jaise sthool exercise se tan bhi duroosta rehta hai na! to chalte-phirte yeh man ki exercise karte raho। iske liye time nahin chaahiye। 5 second kabhi bhi nikaal sakte ho ya nahin! aisa koi busy hai,jo 5second bhi nahin nikaal sake! hai koi,to haath uthaao। phir to nahin kahenge - kya karen time nahin milta?yeh to nahin kahenge na! time milta hai?to yeh exercise beech-beech mein karo। kisi bhi kaarya mein ho 5second ki yeh man ki exercise karo। to man sada hi duroosta rahega, theek rahega। baapdaada to kehte hain - har ghante mein yeh 5second ki exercise karo। ho sakti hai? dekho,sabhi kah rahe hain - ho sakti hai। yaad rakhna। omshaanti bhavan yaad rakhna, bhoolna nahin। to jo man ki bhinna-bhinna complain hai na! kya karen man nahin tikta! man ko man bana dete ho। vazan karte hain na! pahle jamaane mein paav, ser aur man hota tha,aajkal badal gaya hai। to man ko man bana dete hain bojh vaala aur yeh exercise karte rahenge to bilkul light ho jaayenge। abhyaas ho jaayega। brahman shabd yaad aaye to brahman jeevan ke anubhav mein aa jaao। pharishta shabd kaho to pharishta ban jaao। mushkil hai? nahin hai? kumaar bolo thoda mushkil hai? aap pharishte ho ya nahin? aap hi ho ya doosre hain? kitne baar pharishta bane ho? anginat baar bane ho। aap hi bane ho?achha। anginat baar ki hui baat ko repeat karna kya mushkil hota hai? kabhi-kabhi hota hai? abhi yeh abhyaas karna। kahaan bhi ho 5second man ko ghumaao, chakkar lagaao। chakkar lagaana to achha lagta hai na! teachers theek hai na! round lagaana aayega na? bas round lagaao phir karma mein lag jaao। har ghante mein round lagaaya phir kaam mein lag jaao kyonki kaam ko to chhod nahin sakte hain na! duty to bajaani hai। lekin 5 second,minute bhi nahin, second। nahin nikal sakta hai? nikal sakta hai? yu. N. ki office mein nikal sakta hai? master sarvashaktivaan ho। to master sarvashaktivaan kya nahin kar sakta!

baapdaada ko ek baat par bachchon ko dekh karke meethi-meethi hansi aati hai। kis baat par?challenge karte hain, parcha chhapaate hain, bhaashan karte hain, course karaate hain। kya karaate hain? ham vishwa ko parivartan karenge। yeh to sabhi bolte hain na! ya nahin?sabhi bolte hain ya sirf bhaashan karne vaale bolte hain?to ek taraph kehte hain vishwa ko parivartan karenge, master sarvashaktivaan hain! aur doosre taraph apne man ko mera man kehte hain, maalik hain man ke aur master sarvashaktivaan hain। phir bhi kehte hain mushkil hai?to hansi nahin aayegi! aayegi na hansi! to jis samay sochte ho, man nahin maanta,us samay apne oopar muskaraana। man mein koi bhi baat aati hai to baapdaada ne dekha hai teen lakeeren gaai hui hain। ek paani par lakeer,paani par lakeer dekhi hai,lagaao lakeer to usi samay mit jaayegi। lagaate to hai na! to doosri hai kisi bhi kaagaj par, slate par kahaan bhi lakeer lagaana aur sabse badi lakeer hai patthar par lakeer। patthar ki lakeer mitti bahut mushkil hai। to baapdaada dekhte hain ki kai baar bachche apne hi man mein patthar ki lakeer ke muaafik pakki lakeer laga dete hain। jo mitaate hain lekin mitti nahin hai। aisi lakeer achhi hai?kitna vaari pratigya bhi karte hain, ab se nahin karenge। ab se nahin hoga। lekin phir-phir parvash ho jaate hain। isliye baapdaada ko bachchon par ghrina nahin aati hai, raham aata hai। parvash ho jaate hain। to parvash par raham aata hai। jab baapdaada aise raham bhaav se bachchon ko dekhte hain to drama ke parde par kya aa jaata hai? kab tak? to iska uttar aap do। kab tak? kumaar de sakte hain - kab tak yeh samaapta hoga?bahut plan banaate ho na kumaar! to kab tak, bata sakte ho? aakhir bhi yeh kab tak?bolo। javaab aata hai kab tak?daadiyaan sunaao। (jab tak sangamayug hai tab tak thoda-thoda rahega) to sangamayug bhi kab tak? (jab pharishta ban jaayenge) woh bhi kab tak? (baba bataayen) pharishta banna aapko hai ya baap ko? to iska javaab sochna। baap to kahenge ab, taiyaar hain?aadhi maala mein bhi haath nahin uthaaya।

baapdaada sada hi bachchon ko sampanna swaroop mein dekhne chaahte hain। jab kehte hi ho, baap hi mera sansaar hai। yeh to sab kehte ho na! doosra bhi koi sansaar hai kya?baap hi sansaar hai, to sansaar ke baahar aur kya hai?sirf sanskaar parivartan karne ki baat hai। braahmanon ke jeevan mein majority vighna roop banta hai - sanskaar। chaahe apna sanskaar, chaahe doosron ka sanskaar। gyaan sabhi mein hai, shaktiyaan bhi sabhi ke paas hain। lekin kaaran kya hota hai? jo shakti, jis samay kaarya mein laani chaahiye,us samay emerge hone ke bajaae thoda peechhe emerge hoti hain। peechhe sochte hain ki yeh na kahkar yeh kehti to bahut achha। yeh karne ke bajaae yeh karti to bahut achha। lekin jo samay paas hone ka tha woh to nikal jaata hai, vaise sabhi apne mein shaktiyon ko sochte bhi rehte ho, sahanshakti yeh hai, nirnay shakti yeh hai,aise use karna chaahiye। sirf thode samay ka antar pad jaata hai। aur doosri baat kya hoti hai? chalo ek baar samay par shakti kaarya mein nahin aai aur baad mein mahsoos bhi kiya ki yeh na karke yeh karna chaahiye tha। samajh mein aa jaata hai peechhe। lekin us galti ko ek baar anubhav karne ke baad aage ke liye anubhvi ban usko achhi tarah se realise kar len jo dubaara nahin ho। phir bhi progress ho sakti hai। us samay samajh mein aata hai - yeh wrong hai, yeh right hai। lekin vahi galti dubaara nahin ho, uske liye apne aapse achhi tarah se realisation karna, usmein bhi itna full percent paas nahin hote। aur maaya badi chatur hai, vahi baat maano aapmen sahanshakti kam hai, to aisi hi baat jismen aapko sahanshakti use karna hai, ek baar aapne realise kar liya, lekin maaya kya karti hai ki doosri baari thoda-sa roop badli karke aati hai। hoti vahi baat hai leviaan jaise aajkal ke zamaane mein cheez vahi puraani hoti hai lekin polish aisi kar dete hain jo nai se bhi nai dikhaai de। to maaya bhi aise polish karke aati hai jo baat ka rahasya vahi hota hai, maanon aapmen eershya aa gai। eershya bhi bhinna-bhinna roop ki hai, ek roop ki nahin hai। to beej eershya ka hi hoga lekin aur roop mein aayegi। usi roop mein nahin aati hai। to kai baar sochte hain ki yeh baat pahle vaali to woh thi na, yeh to baat hi doosri hui na। lekin beej vahi hota hai sirf roop parivartit hota hai। uske liye kaun-si shakti chaahiye? - `parakhne ki shakti।' iske liye baapdaada ne pahle bhi kaha hai ki do baaton ka attention rakho। ek -sachchi dil। sachchaai। andar nahin rakho। andar rakhne se gas ka gubbaara bhar jaata hai aur aakhir kya hoga? phatega na! to sachchi dil - chalo aatmaon ke aage thoda sankoch hota hai,thoda sharma-sa aata hai - pata nahin mujhe kis drishti se dekhenge। lekin sachchi dil se, mahsoosta se baapdaada ke aage rakho। aise nahin mainne baapdaada ko kah diya, yeh galti ho gai। jaise order chalaate hain - haan, mere se yeh galti ho gai, aise nahin। mahsoosta ki shakti se, sachchi dil se, sirf dimaag se nahin lekin dil se agar baapdaada ke aage mahsoos karte hain to dil khaali ho jaayegi, kichda khatma। baaten badi nahin hoti hai, chhoti hi hoti hai lekin agar aapki dil mein chhoti-chhoti baaten bhi ikatthi hoti rehti hain to unse dil bhar jaati hai। khaali to nahin rehti hai na! to dil khaali nahin to dilaaraam kahaan baithega! baithne ki jagah to ho na! to sachchi dil par saaheb raazi। jo hoon,jaisi hoon,jo hoon, jaisa hoon, baba aapka hoon। baapdaada to jaante hi hain ki nambarvaar to hone hi hain। iseelie baapdaada us nazar se aapko nahin dekhega। lekin sachchi dil aur doosra kaha tha - sada buddhi ki line clear ho। line mein distarbens nahin ho, cut off nahin ho। baapdaada jo extra samay par shakti dene chaahte hain, duaayen dene chaahte hain, extra madad dene chaahte hain, agar distarbens hogi to woh mil nahin sakegi। line clear hi nahin hai, clean nahin hai, cut off hai, to yeh jo praapti honi chaahiye woh nahin hoti। kai bachche kehte hain, kehte nahin hain to sochte hain - koi-koi aatma ko bahut sahayog milta, braahmanon ka bhi milta,badon ka bhi milta, baapdaada ka bhi milta,hamko kam milta hai। kaaran kya? baap to daata hai, saagar hai, jitna jo lene chaahe baapdaada ke bhandaare mein taala-chaabi nahin hai, pahredaar nahin hai। baba kaha, ji haazar। baba kaha - lo। daata hai na। daata bhi hai aur saagar bhi hai। to kya kami hogi?inheen do baaton ki kami hoti hai। ek sachchi dil, saaph dil ho, chaturaai nahin karo। chaturaai bahut karte hain। bhinna-bhinna prakaar ki chaturaai karte hain। to saaph dil, sachchi dil aur doosra buddhi ki line sada check karo clear hai aur clean hai?aajkal ke science ke saadhnon mein bhi dekhte ho na thodi bhi distarbens clear nahin karne deti। to yeh zaroor karo।

aur vishesh baat -is season ka last tarna hai na isliye bata rahe hain, double videshiyon ke liye hi nahin hai, sabke liye hai। last tarna mein aap saamne baithe ho to aapko hi kehna padta hai। baapdaada ne dekha hai ki ek sanskaar ya nature kaho, nature to har ek ki apni-apni hai lekin sarva ka snehi aur sarva baaton mein, sambandh mein saphal, mansa mein vijayi aur vaani mein madhurta tab aa sakti hai jab easy nature ho। albeli nature nahin। albelaapan alag cheez hai। easy nature usko kaha jaata hai - jaisa samay, jaisa vyakti,jaisa circumstance usko parakhte hue apne ko easy kar deve। easy arthaat milansaar। tight nature bahut tu-mach official nahin,official rehna achha hai lekin tu-mach nahin aur samay par jab samay aisa hai, us samay agar koi official ban jaata hai to woh gun ke bajaae,unki visheshta us samay nahin lagti। apne ko mould kar sake,milansaar ho sake, chhota ho, bada ho। bade se badepan mein chal sake,chhote se chhotepan mein chal sake। saathiyon mein saathi banke chal sake,badon se regard se chal sake। easy mould kar sake,shareer bhi easy rakhte hain na to jahaan bhi chaahen mud jaate hain aur tight hoga to mud nahin sakega। albela bhi nahin, easy hai to jahaan chaahe easy ho jaae, albela ho jaae। nahin। baapdaada ne kaha na easy ho jaao to easy ho gaye, aise nahin karna। easy nature arthaat jaisa samay vaisa apna swaroop bana sake। achha –

double videshiyon ko achha chance mila hai। dekho,madhuban vaalon ko bhi is season mein chance nahin mila hai lekin videshiyon ko do tarna mile hain। laadle ho gaye na! baapdaada ko bhi double videshi priy lagte hain kyonki himmat rakh achhe aage badh rahe hain। himmat achhi rakhte hain। himmat vaale ho na! confuse hone vaale to nahin ho na! confuse hote ho? chhoti-chhoti baat par confuse hote ho? haan nahin kah rahe hain। baapdaada ne dekha hai ki pahle bahut jyaada confuse hote the, abhi pharka hai। himmat achhi rakhte hain aur himmat hone ke kaaran baap ki madad bhi hai। pharka hai na?pahle se pharka hai na! abhi kathaayen kam hoti hain na! lambi baaten nahin karo। baat zaroor karo, dil mein nahin rakho lekin short mein karo। jyaada vistaar jo 10 shabd mein spashta karo,woh 2- 3shabdon mein bol sakte ho kyonki badhne to hain hi na! abhi bhi dekho badh gaye hain na! double foreign ki sankhya badh gai hai na! aur badhne to hain hi। to jab badhte jaate hain to zaroor short karna padega na! phir bhi kaaphi had tak saaph dil bhi rehte hain, chhipaate kam hain। baapdaada saaph dil use kehte hain - jismen svabhaav-sanskaar,bol, mansa sankalp, zara bhi puraana kichda nahin ho। aisa din kab aayega jo koi bhi chaahe bhaaratvaasi, chaahe double foreigner aave,mile aur sirf line mein sab kahen O.ke., O.ke… aayega aisa din?jaise aap logon ne apleekeshan ki hai ki second-second drishti lete jaaen। to baapdaada phir kehte hain aaj to aap logon ki aasha poorn karenge lekin aisa bhi din laao, chaahe daadiyon ke paas, chaahe baapdaada ke saamne, aise line mein sab dil se kahen,O.ke.। yeh ho sakta hai? kumaar ho sakta hai? (poori sabha se poochha) to yeh khushkhabri bahut achhi hai। to kab hoga? phir yeh question aata hai kab? bataao,aap log jo bade bhaai hain woh bataao date kab? (ab)।

achha - baapdaada samay deta hai। ab kahenge to sochenge ki yeh baat to mere mein hai, yeh nikaalkar aayenge। lekin doosri season mein aisi line lagaayen।6 maas to hain, 8 maas ho jaate hain। yeh manjoor hai? man se O.ke. aise nahin O.ke. O.ke kehte jaao… kumaaron mein jo taiyaar hain woh haath uthaao। aadhe hain, aadhe nahin hain to jinhonne haath nahin uthaaya unhon ko kitna time chaahiye? poora saal chaahiye? ek varsha mein taiyaar ho jaayenge? ek varsha mein jo taiyaar ho jaayenge woh haath uthaao। achha - ek maas chaahiye?jinhonne haath nahin uthaaya - woh chitki likhkar de deven kitna samay chaahiye? theek hai। achha - bahnen taiyaar hain to haath uthaao। achha jo kehte hain abhi taiyaar hain, woh haath uthaao। (baapdaada certificate denge to) baapdaada to maala pahna denge। maala pahanni chaahiye na? foreign ke paas-with-honour ban gaye to maala mein to aa jaayenge na। to maala jaldi taiyaar ho jaayegi। pakke hain na! kachche nahin banna! achha hai। jo himmat rakhta hai usko extra madad zaroor milti hai। dekho jinko daadiyaan kehte ho, woh daadiyaan kaise bani? himmat rakhi aur apne se pakki pratigya ki,hamko karna hi hai, banna hi hai। to aaj daadiyon ki list mein hain na! to double foreigners ko 108 ki maala mein aage rakhenge, taiyaar ho jaao। vijay maala mein aane vaale daane ki ceremony karenge। koi bhi aave,sirf aage baithne vaale nahin, koi bhi aave। baapdaada ceremony karenge, vijayi ratna। aage vaale sab aana। aana hai na! kaho kyon nahin aayenge। ham nahin aayenge to kaun aayega! nasha rakho, nishchay rakho to kya badi baat hai। baap ke ban to gaye, abhi vaapas to jaana nahin hai। agar vaapas bhi jaayenge to na us duniya ke rahenge, na is duniya ke। isliye vaapas to jaana nahin hai। aage hi badhna hai। jab sansaar hi baap ho gaya, baaki raha hi kya! baapdaada ko double foreigners mein bahut-bahut shreshtha ummeeden hain,aashaayen hain ki double foreigners mein se aise ratna niklenge jo last so fast ki list mein aayenge, fast so first। bhaarat vaale bhi aayenge lekin aaj double foreigners saamne baithe hain isliye unhon ko kah rahe hain। last so fast aur first to kitni kamaal hogi। honi to hai hi। sirf kaun aage aata hai,woh pratyaksha honge। hona to hai hi। centre nivaasi kya samajhte ho? fast aayenge? bahut achha। baapdaada ko khushi hai ki himmat vaale avashya vijayi hone hi hain। honge ya nahin honge,nahin। hone hi hain। to aisi ummeend apne mein hai?

sabse jyaada doordesh se kaun aaya hai? jyaada doordeshi baapdaada hai ya aap? kitna bhi aap kaho bahut door se aaye hain, baapdaada se to door koi nahin। to santushta hain? double foreigners santushta hue?special mila, khush hain? phir to nahin kahenge yeh hua,yeh nahin hua। achha।

bhaaratvaasi haath uthaao jo yahaan baithe hain। madhuban vaale haath uthaao। madhuban vaale to hoshiyaar hain।

madhuban vaalon ka ulhana raha hua hai ki toli nahin mili hai। to baapdaada kehte hain ki is season mein aap baapdaada dvaara dilkhush mithaai kha lo। madhuban vaale, shaantivan vaale, gyaan sarovar hai, hospital hai, inhon ka plan baapdaada ke paas hai, complain nahin rahegi। madhuban vaalon ko to khush karna hai na,nahin to aap kaise aayenge। inhon ka hissa to pahle lagta hai, jitni mehnat karte hain chaaron or,to mehnat ka pratyakshaphal to milna hi chaahiye। sirf samay nahin hai baaki baapdaada to pahle madhuban nivaasiyon ko yaad karte hain।

sabse naye desh se kaun aaya hai,jo desh pahli baar aaya ho? (karebiyan ki taraph se - kvet,kuroosav,ijipta) mubaarak ho। koi bhi parivaar mein naye bachche paida hote hain to mubaarak dete hain। aapke parivaar mein bhi add hue hain। khushi hai na!

achha - saamne centres par rahne vaale baithe hain। haath uthaao। centre par rahne vaale to pakke hain,yeh stamp laga li hai na! almighty government dvaara``sada pakke hain'', yeh stamp lagaai hai? lag gai hai ya halki lagi hai? mitne vaali bhi hai?aisi to nahin hai na? jo bhi centre par rahne vaale hain woh samajhte hain ki ham ant tak baapdaada ke saathi rahenge aur saath chalenge। abhi saathi rahenge aur phir saath chalenge। aise hain to haath uthaao, T.vi. nikaalo। aapke photo baapdaada vatan mein sajaakar rakhenge। bahut achha। in advance ant tak mubaarak ho। achha hai na! ek bhi agar saathi neeche-oopar hota hai to achha to nahin lagta hai na! to sabhi saath chalenge। aage peechhe nahin jaana, saath chalenge। abhi bhi seva mein saath rahenge aur saath chalenge apne ghar mein aur phir raajya mein brahma baap ke saath rahenge। pakka hai na! kya banengi? krishna ki sakhi banengi? (behen banengi) achha hai na? (baba personal saamne vaalon se poochh rahe hain) agar yahaan saath hain to vaayda hai vahaan bhi rahengi, baap vaayda dete hain। agar yahaan hain to vahaan guarantee hain। yeh sabhi saath rahenge ya door-door rahenge? kabhi-kabhi milne aayenge! shreekrishna ke saath padhna, saath raas karna, saath ghoomna… paandav bhi raas karenge ya sirf bahnen hi karengi? donon ko chance hai,jo chaahe woh kar sakta hai kyonki abhi seat fix nahin hui hai। sirf do seat fix hain। 3-4 se khaali hain। announce nahin hui hain। number le sakte ho। achha – kumaaron ne achhi bhatthi ki। teacher kaun tha?

(videsh ke youth ki retreat gyaan sarovar mein chali)achha raha?achha sabhi ko dekhkar sabse jyaada khushi kisko hoti hai?baapdaada ko to hai hi, phir doosra? har ek kahega mere ko। bahut achha। daadiyon ko bahut khushi hai। thakaate to nahin hain? jyaada khushi daadiyon ko hoti hai ya aap logon ko hoti hai? (donon ko hoti hai) achha - abhi double foreigners se personal mile na। chit-chat bhi ki। door baithe bhi nazdeek hain।

teachers bahut hain,achha hai double part baja rahe ho। double part bajaane vaalon ko double madad milti hai। himmat achhi hai। achha।

sabhi ko drill yaad hai ya bhool gai?abhi-abhi sabhi yeh drill karo,lagaao chakkar। achha।

chaaron or ke sarva shreshtha aatmaon ko,chaaron or se yaad pyaar, samaachaar bhejne vaalon ko bahut achhe bhinna-bhinna sambandh se sneh ke patra aur apna haalchaal likha hai, seva samaachaar umang,plan bahut achhe-achhe likhe hain, jo baapdaada ko mil hi gaye। jis pyaar se,mehnat se likha hai to jinhonne bhi likha hai, woh har ek apne-apne naam se baapdaada ka,dilaaraam ka dil se yaadapyaar sveekaar karen। bachchon ka pyaar baap se aur usse padamguna baap ka bachchon se pyaar hai aur sada amar hai। snehi bachche,na baap se alag ho sakte hain, na baap bachchon se alag ho sakte hain। saath hain, saath hi rahenge।

chaaron or ke sada svayan ko baap samaan banaane vaale, sada baap ke naynon mein,dil mein,mastak mein sameep rahne vaale, sada ek baap ke sansaar mein rahne vaale, sada har kadam mein baapdaada ko follow karne vaale, sada vijayi the, vijayi hain aur vijayi rahenge - aise nishchay aur nashe mein rahne vaale,aise ati shreshtha sikeeldhe, pyaare te pyaare, sarva bachchon ko baapdaada ka yaadapyaar aur namaste।

daadi ji aur daadi jaanki baapdaada se gale mil rahi hain

sabhi khush ho rahe hain na ya sochte ki ham bhi daadiyaan hote! achha hai sabhi ka pyaar, yahi duaayen deta hai। pyaar hai isliye sabhi ko khushi hoti hai। bas khush rehna,kabhi bhi mood aaph nahin karna। sada ekras khushnumah chehra ho। jo bhi dekhe use roohaani khushi ki anubhooti ho। yeh seva ka saadhan hai। chehre par roohaani khushi ho, saadhaaran khushi nahin, roohaani khushi। face change nahin ho। jaise ekras sthiti, vaise hi ekras chehra ho। ho sakta hai? ekras mood ho? ho sakta hai ya hona hi hai?hoga na abhi?kabhi bhi koi bhi achaanak aapka photo nikaale to aur koi photo nahin aave,roohaani muskaraahat ka photo ho। chaahe kaamkaaj bhi kar rahe ho,service ka bahut tension ho lekin chehre par khushi ho। phir aapko jyaada mehnat bhi nahin karni padegi। ek ghanta bolne ke bajaae agar aapka roohaani muskaan ka chehra hoga to woh ek ghante ke bolne ki seva ek second mein karega kyonki pratyaksha ko pramaan dene ki aavashyakta nahin hoti hai। jo bhi mile,jaisa bhi mile, gaali dene vaala mile,insult karne vaala mile, ijjat na rakhne vaala mile, maan-shaan na dene vaala mile, lekin aapka ekras chehra,roohaani muskaan। ho sakta hai? kumaar ho sakta hai?paandav ho sakta hai? aur purooshaartha se bach jaayenge। mehnat nahin lagegi। mujhe roohaani muskaan hi muskaraana hai। kuchh bhi ho jaae, mujhe apni muskaan chhodni nahin hai,ho sakta hai?soch rahe hain? (karke dikhaayenge) bahut achha,mubaarak ho! jo saamne baithe hain unhon ko to karna hi padega। achha hai na - khud bhi khush doosre bhi khush aur chaahiye kya? baapdaada to khush hai hi,daadiyaan bhi khush।

(baba aap aise hi milte rahen) aur nahin mile to khushi gum। aap sada muskaraate rahen, baap milta rahega। bahut achha।

omshaanti।