Daily Murli for Monday 14 March 2022

14-03-2022 praatahmurli om shanti "baapdaada"' madhuban

“meethe bachche - gyaan ke teesre netra se baap ko dekho, baap ko hi yaad karo, is shareer ko dekhte hue bhi nahin dekho''

prashn:- is puraani duniya mein rehte tum bachchon ko kaun sa direction mila hua hai?

uttar:- meethe bachche - yeh puraani duniya, jismen tum rehte ho yeh kabristaan honi hai, is par raavan ka raajya hai, inse dil nahin lagaao। yahaan rehte buddhi ki aasakti nai duniya mein jaani chaahiye। grihastha vyavhaar mein bhal raho parantu kamal phool samaan raho, sabse tod nibhaao। buddhiyog ek baap se laga rahe। gyaan yog mein pakke bano। kisi bhi haalat mein khushi ka paara kam na ho। dheeraj rakh karmabandhan ko kaatte jaao।

geet:- dheeraj dhar manuva…

om shanti। manushya, manushya ko dheeraj dharne ke liye tab kehte hain jab ki woh duhkhi beemaar hote hain। yahaan to tum manushya mat par nahin chalte। tum eeshvareey mat par chal rahe ho। so bhi sab nahin chalte। eeshvar jisko satya baap, satya teacher, satguru kaha jaata hai- unki mat to naameegraami hai। bhagwan ne hi shreemat di thi। manushya se devta banne ki athva daivi duniya ke maalik banne ki। itni oonchi mat aur koi de na sake kyonki manushya maatra sab patit bhrashtaachaari hain। to woh mat bhi aisi hi denge। tum bachche hi jaante ho ki hamko shivbaaba mat de rahe hain। oonche te oonche baap ki oonche te oonchi mat hai। unko to koi bhrashtaachaari patit nahin kahenge। patit hi us niraakaar baap ko bulaate hain- saakaar ki to baat nahin isliye kaha jaata hai manushya ki mat, mat suno। hear no evil, si no evil.. bhal yeh aankhen manushyon ko to dekhti hain parantu tumko teesra netra mila hua hai, jisse unko dekhna hai। aur us baap ko hi yaad karna hai। doosra koi nahin jisko teesra netra ho, jisse woh baap ko dekh sake। tum samjho baap ko dekhne jaayenge, buddhi mein hai yeh to aatma hai na। tum aatma ko dekhte ho। jeevaatma kehna chaahiye। sirf behen kahne se aatma ko bhool jaate hain। yahaan samjhaaya jaata hai tum is shareer ko bhool jaao। apne ko aatma samjho aur baap ko yaad karo। unko dekho divya chakshu se। tumhaari aatma ko ab sojhra mila hai - ki hamaara baap kaun hai! kahaan rehte hain! unse hamko kya milna hai! tumhaare misal duniya mein koi bhi nahin jo baap se varsa lene ka purushaartha karte ho। jab tak koi bachcha hi na banen to baap se varsa kaise le sakte hain। baap ka varsa to beshumaar hai। oonche te ooncha hai sooryavanshi raaja raani banna। bairistari bhal paas karte hain parantu unmein bhi nambarvaar hote hain। koi to bahut kamaate, koi to pet bhi mushkil bharte। ab tum jaante ho ham eeshvar se raajaai praapta kar rahe hain। koi bhi manushya ko, koi kab kah na sake ki yeh satya baap, satya teacher, satguru hai aur sab guru log hain। satguru satya bolne vaala ek hi hai। baaki sab hain jhooth bolne vaale। woh sachchi sadgati kisko de nahin sakte। satguru ki mahima ham tum bhi nahin jaante the। koi ki bhi buddhi mein nahin aayega ki woh sat baap, sat teacher, satguru kaise hai। vo to sarvavyaapi kah baat khatma kar dete hain। woh paramatma ko alag samajhte nahin ki woh baap hai, ham bachche hain। kah dete sab baap hi baap hain। inse bhi neeche thikkar bhittar mein paramatma ko thok diya। baap samjhaate hain, aise hai nahin। tum bachchon ko ab nishchay hua ki barobar baap sat baap, sat teacher, satguru ek hi hai। unko koi jaante nahin। agar jaante hon to vahaan ja bhi saken। kisko jaana jaata hai to unke naam, roop, desh, kaal sabko jaana ja sakta hai। nahin to jaanne se phaayda hi kya! manushya sab duhkhi hain isliye shanti chaahte hain। unko yeh pata hi nahin ki ham asul shantidham ke rahne vaale hain। vahaan se ham aate hain। ham aatma ka svadharma shanti hai। baba gurooon ke liye samjhaate hain woh kisko sadgati de nahin sakte। woh daraate hain, kehte hain guru ka nindak thaur na paave। vaastav mein yeh sab baaten behad ke baap ke liye hain ki agar tum meri ninda karaayenge to satayug mein oonch thaur nahin paayenge। sannyaasi to yeh baat kah na sake ki tum meri ninda karne se thaur nahin paayenge। kaun sa thaur? thaur ka to kuchh pata hi nahin। saadhna karte rehte parantu saadhna karne se sadgati ko pa na sake। yeh baap hi aakar dheeraj dete hain। tum jaante ho barobar 84 janmon ka chakra lagaaya hai, ham bahut duhkhi hain। jab tak sukhdhaam ka saakshaatkaar na ho to duhkhadhaam samjhen kaise! abhi tum jaante ho yeh duhkhadhaam hai - alpakaal ka sukh hai। is alpakaal ki raajaai mein kitni khushi hoti hai। samajhte hain gaandhi ne raam raajya sthaapan kiya। parantu nahin, yeh to aur hi teekha raavan ka raajya ban gaya। sab kehte hain patit bhrashtaachaari hai। aage sirf patit the ab to bhrashtaachaari bhi kehte hain। yeh hai kaliyug ki ant। kitni rishvat hai। baap aakar saari duniya ke manushya maatra ko kehte hain ab dhairya dharo। parantu sunte nahin hain। pichhaadi mein sabko maaloom padega। pradarshani mein bhi yahi dikhaate hain ki kaise duhkh ki duniya ko hataae sukh ki duniya bana rahe hain। aakhreen sab sunenge to sahi na। ek taraph maaya sabke gale ghutti rehti hai। doosri taraph baap apni pahchaan dete rehte hain। ab to dher manushyon ko aavaaj pahunchaana hai। jitni jitni mahima niklegi to phir akhbaaron mein bhi jor se padega। phir bahut aayenge। yeh mehnat hai। dharma athva math aadi sthaapan karna to bahut sahaj hai। bauddhi dharma ki ek speech ki, 60-70 hajaar bauddhi bana liye। yahaan to mehnat hai। maaya bada jor se saamna karti hai। vahaan to maaya ke saath yuddha ki baat hi nahin। yahaan maaya se yuddha karne mein mehnat hai। mukhya baat hai pavitrata ki। aur koi jagah pavitrata ki baat nahin। woh to ghar se vairaagya aata hai ya kuchh chori paap aadi karte hain to sannyaas dhaaran kar lete hain isliye choron ko pakadne ke liye bhi government ko sannyaasi si. aai. D. aadi rakhne padte hain। dalaalon ke roop mein, vyaapaariyon ke roop mein bhi si.aai.D. hote hain। pulis ka gupta kaam bahut chalta hai। dosti ke bahaane bhi sone ke vyaapaariyon se mil jaate hain, phir sab kuchh maaloom pad jaata hai। dhandhe vaale,dhandha bhi karte to si.aai.D. bhi karte। duniya bahut museebton mein phansi hui hai। tum bahut bhaagyashaali ho jo in sab museebton se door nikal aaye ho। duniya mein to museebat par museebat hai। tumhaare liye bahut praapti hai। woh to duhkhi hokar marte hain। tum baithe ho yeh shareer chhodne ke liye। kahaan puraana shareer khatma ho to ham vaapis baba ke paas jaayen। dil lagi baap ke saath aur nai duniya ke saath to puraani duniya kya kaam ki। yeh to puraana kapda hai। isse vairaagya aa jaata hai। sannyaasiyon ko vairaagya aata hai - gharbaar se। stri ko naagin samajhte hain। tumhaara to sachcha-sachcha vairaagya hai। gaaya bhi jaata hai - gyaan, bhakti aur vairaagya। gyaan milta hai ki puraani duniya se vairaagya karo। yeh kabristaan banna hai। woh hai had ka sannyaas, unhon ko yeh maaloom nahin hai ki yeh puraani duniya khatma hone vaali hai। woh kehte hain ham ghar mein ikattha rah nahin sakte to unhon ko ghar se vairaagya hota hai aur woh jangal mein chale jaate hain। tumhaara yeh hai behad ka vairaagya। parantu inka kisko pata hi nahin। tum kahenge hamko to saari puraani duniya se, kabristaan se vairaagya hai। yeh raavanraajya hai। aisa kaun moorkha hoga jo puraani duniya se dil lagaayega। jab tak poori taiyaari ho jaaye। satayug aane ka samay bhi ho tab to ladaai lagegi। kai likhte hain ki bhal baithe ghar mein hain parantu moonjhate hain ki kya karen। mamatva agar nahin rakhen to sambhaal kaise ho। baap kehte hain bachche rehna to yaho hi hai। parantu buddhi ki aasakti ab nai duniya mein jaani chaahiye। sachcha lav usmein jaana chaahiye। is puraani duniya se vairaagya hai। deh se bhi vairaagya। to baaki kya raha। bahut poochhte hain - baba aap kehte ho donon taraph tod nibhaana hai। so to zaroor karna hai। agar tod nahin nibhaayenge to sannyaasiyon ke misal ho jaayenge। grihastha vyavhaar mein rehte pavitra raho। dehi-abhimaani banne ka purushaartha karo to buddhiyog baap se lag jaayega। main aatma hoon, baap ke paas jaana hai। baap kehte hain grihastha vyavhaar mein rehte kamal phool samaan bano। gyaan aur yog nahin hoga to latak padenge। har ek ki janma patri alag alag hai। har ek ke liye yukti bhi alag-alag milti hai। koi takleeph ho to poochho। koi bhi haalat mein khushi ka paara chadhna chaahiye। ham ghar jaate hain phir aayenge nai raajdhaani mein। baaki thoda samay hai। part bajaana hai। mamatva todte jaana hai। har ek ka karmabandhan alag alag hai। koi ka halka, koi ka bhaari hai। baba se yukti lekar dhairyata se karmabandhan ko kaatte jaana hai, ismen gupta mehnat chaahiye। buddhi ko yaatra mein le jaane ki mehnat hai। ghadi ghadi buddhiyog toot padta hai। ab paripakva ban jaaven to karmaateet avastha aa jaaye। abhi to anek prakaaron ke vikalpon ke hi toofaan lag padte hain। ekdam neend hi fit jaati hai। vikalpon ko hi toofaan kehte hain aur satsangon mein yeh baaten nahin hoti। vahaan to hai kanras, phaayda kuchh bhi nahin। yahaan to yeh padhaai hai, aamadni ke liye। padhaai ko kanras nahin kahenge। to baap samjhaate hain yeh antim janma hai, puraani duniya khatma ho jaane vaali hai। kyon na shreemat par chal oonch pad paayen! jab tak ismen hoshiyaar ho jaao tab tak shareer nirvaah arth karma to karna hai phir is eeshvareey service mein lag jaana। saari duniya ko salvage karna hai। tum ho salvation army। narka se nikaal svarga mein le jaate ho। woh salvation army yeh nahin jaante ki vishwa ka beda dooba hua hai। sab raavan ki janjeeron mein phanse hue hain। saari vishwa ko ab salvage karna hai, ismen to baap ki madad chaahiye। tum roohaani eeshvareey salvation army ho। manushya maatra ko raavan ke panje se chhudaana hai। itna nasha chaahiye। woh jismaani social worker to dher hain। tum kitne thode ho। yahaan to manushya bhi dher, satayug mein manushya bahut thode hote hain। tum thode bachche hi roohaani baap se varsa lete ho। yeh antim janma jo kaudi jaisa hai unko heere jaisa banna hai। ek aadi sanaatan devi devta dharma ki sthaapna, anek dharmon ka vinaash। baap hi ek dharma ki sthaapna karte aur karaate hain। sapling lagaane athva sthaapna karne mein bahut mehnat lagti hai। jab tak kisko baap samaan nahin banaaya hai tab tak khushi ka paara nahin chadhega। khushi ka paara tab chadhega jab daan karenge। jiske paas dhan ho aur daan na karen to unko manhoos kaha jaata hai। yahaan phir aise nahin hai। jinke paas hai woh to dete rahenge। nahin to samjhenge inke paas dhan hi nahin hai। achha!

meethe meethe sikeeldhe bachchon prati maat pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) eeshvareey salvation army ban vishwa ke doobe hue bede ko paar lagaana hai। manushyon ko kaudi tulya se heere jaisa banaana hai। gyaan dhan daan karne mein kanjoos nahin banna hai।

2) apni dil baap aur nai duniya se lagaani hai। is puraani deh se behad ka vairaagi banna hai।

vardaan:- divya buddhi dvaara sada divyata ko grahan karne vaale saphaltaamoorta bhav

baapdaada dvaara janma se hi har bachche ko divya buddhi ka vardaan praapta hota hai, jo is divya buddhi ke vardaan ko jitna kaarya mein lagaate hain utna saphaltaamoorta bante hain kyonki har kaarya mein divyata hi saphalta ka aadhaar hai। divya buddhi ko praapta karne vaali aatmaayen adivya ko bhi divya bana deti hain। woh har baat mein divyata ko hi grahan karti hain। adivya kaarya ka prabhaav divya buddhi vaalon par pad nahin sakta।

slogan:- svayan ko mehmaan samajhkar raho to sthiti avyakt va mahaan ban jaayegi।