Daily Murli for Friday 2 December 2022

02-12-2022 praatahmurli om shanti "baapdaada"' madhuban

“meethe bachche - is padhaai mein aavaaj ki aavashyakta nahin - yahaan to baap ne ek hi mantra diya hai ki bachche chup rahkar mujhe yaad karo''

prashn:- jin bachchon ko eeshvareey nasha rehta hai unki nishaani kya hogi?

uttar:- eeshvareey nashe mein rahne vaale bachchon ki chalan badi royal hogi। 2- mukh se bahut kam bolenge। 3- unke mukh se sadaiv ratna hi niklenge। vaise bhi royal manushya bahut thoda bolte hain। tum to eeshvareey santaan ho, tumhein royalty mein rehna hai।

om shanti। behad ka baap baith behad ke bachchon ko samjhaate hain। aise to koi hota nahin jo kahe ki behad ke bachchon prati samjhaate hain। bachche samajhte hain ki hamaara behad ka baap woh hai, jisko shivbaaba kehte hain। yoon to bahut manushya hain jinka naam shiv hota hai। parantu woh koi behad ka baap nahin। behad ka baap ek hi hai jo paramdham se aaya hai। us niraakaar ko hi pukaarte hain। unko bhagwan kaha jaata hai। brahma, vishnu, shankar devta hain। bhagwan jo paramdham mein rehte hain, woh sab aatmaon ka baap hai। tum koi guru gosaani aadi ke aage nahin aaye ho। tum jaante ho ki ham behad baap ke aage baithe hain। behad ka baap madhuban mein aaya hai। vo log kehte hain shreekrishna madhuban mein aaya, parantu nahin। behad ke baap ki hi murli madhuban mein bajti hai। baap samjhaate hain main kalpa-kalpa sangamayug par aata hoon na ki yuge-yuge, yeh bhool kar di hai jo kehte hain yuge-yuge aata hai। yeh jo bhi shaastra aadi hain yeh sab bhakti ke hain। aise nahin ki yeh anaadi hain। baba ne samjhaaya hai yeh saagar aur paani ki nadiyaan anaadi hain hi। baaki aise nahin ki bhakti anaadi hai। tum jaante ho satayug, treta mein bhakti hoti nahin। bhakti shuru hoti hai dvaapar mein। behad ka baap jo gyaan ka saagar hai, woh is brahma dvaara baith gyaan sunaate hain। sookshm vatan mein to nahin sunaayenge, baap yahaan sammukh baith samjhaate hain, tab to gaate hain door-desh ke rahne vaale… tum jaante ho ham aatmaayen brothers hain। doordesh ke rahne vaale hain। woh gaane vaale to kuchh bhi samajhte nahin। tum musaaphir ho, doordesh se aaye ho part bajaane। tum jaante ho yeh karmakshetra hai। yahaan haar aur jeet ka khel hai। yeh bhi baap samjhaate hain। sab manushya chaahte hain - shanti mile। shanti koi muktidhaam ke liye nahin kehte। yahaan rehte shanti maangate hain। parantu yahaan to man ki shanti mil na sake। sannyaasi log shanti ke liye jangal mein chale jaate hain, unhon ko yeh pata hi nahin ki ham aatmaon ko shanti apne niraakaari duniya mein hi mil sakti hai। woh samajhte hain aatma brahm athva paramatma mein leen ho jaati hai। yeh bhi nahin samajhte ki aatma ka svadharma hai hi shant। yeh aatma baat karti hai। aatma rehti hai shantidham mein। vahaan hi usko shanti milegi। is samay sabko shanti chaahiye। sukh ko koi sannyaasi maante nahin। ninda karte hain kyonki shaastron mein dikhaaya hai ki satayug treta mein bhi kans jaraasandhi the। lakshmi-naaraayan ko bhool gaye hain। tamopradhaan buddhi ho gaye hain। baap kehte hain main hoon niraakaar। vo log kehte hain paramatma naam-roop se nyaara hai। ek taraph mahima gaate hain phir kehte hain sarvavyaapi hai, jab naam-roop se nyaara hai phir sarvavyaapi kaise hoga। aatma ka bhi roop zaroor hai। koi kah na sake aatma naam roop se nyaari hai। kehte hain bhrakuti ke beech... to aatma hi ek shareer chhod doosra leti hai। paramatma punarjanma nahin lete। janma-maran mein manushya aate hain। yeh hai tumhaari padhaai। padhaai mein koi baaja gaaja nahin bajaate। tumhaari padhaai hoti hai savere। us samay manushya soye rehte hain। vaastav mein tumko record bajaane ki bhi darkaar nahin hain। ham to aavaaj se pare jaate hain। yeh to nimitta sabko jagaane ke liye bajaane padte hain। murli padhne athva sunne mein aavaaj baahar nahin jaata hai। padhaai mein aavaaj hota hi nahin hai। baap baith mantra dete hain - bachche chup rahkar mujhe yaad karo। yahaan koi guru aadi to hai nahin jo baith ek-ek ko kaan mein mantra de। phir kah dete kisko nahin sunaana। yahaan to woh baat nahin hai। baba to gyaan ka saagar hai।

yeh hai geeta paathshaala। to paathshaala mein mantra diya jaata hai kya? tum jab kisko personal samjhaate ho to record bajaate ho kya? nahin। class mein bhi aise samjhaana hai। chitra bhi saamne hain। jisne kabhi naksha hi nahin dekha hoga to kya samjhenge ki England, nepaal kahaan hai। agar naksha dekha hoga to buddhi mein aayega। tum bachchon ko bhi chitron par saara drama ka raaz samjhaaya gaya hai। yeh knowledge aisi hai jo bigar chitron ke bhi samjha sakte ho। manushyon ko bhagwan ka kuchh bhi pata nahin hai। kalpa ki aayu to lambi chaudi kar di hai। ab tumko baap ne samjhaaya hai। tumko phir auron ko samjhaana pade। 4 yugon ka 4 hissa karna pade phir aadha-aadha karna pade। aadha mein nai duniya, aadha mein puraani duniya। aise nahin ki nai duniya ki aayu badi denge। samjho koi makaan ki aayu 50 varsha hai to aadha mein puraana kahenge। duniya ka bhi aise hai। yeh sab baap hi aakar bachchon ko samjhaate hain। ismen geet gaane va kavita aadi sunaane ki darkaar nahin। ham sangamayug ke braahmanon ki rasam-rivaaj bilkul hi nyaari hai। kisko pata nahin hai ki sangamayug kisko kaha jaata hai, sangam par kya hota hai? tum jaante ho doordesh ke rahne vaala baap patit duniya mein aaye hain। brahma-vishnu-shankar ka doordesh nahin hai। doordesh hai shivbaaba ka aur aatmaon ka। ham sab niraakaari duniya mein rahne vaale hain। pahle hai niraakaari duniya phir aakaari phir saakaari। niraakaari duniya se pahle devi-devta dharma ki aatmaayen aati hain। pahle sooryavanshi gharaana yahaan tha, phir chandravanshi gharaane ki aatmaayen aayengi। sooryavanshi hain to chandravanshi nahin hain। chandravanshi jab hote hain to kahenge sooryavanshi past ho gaye। treta mein kahenge lakshmi-naaraayan ka part past ho gaya। baaki aise nahin kahenge ki ham phir vaishya shoodra banenge, nahin। yeh knowledge tumko abhi hai। baap tumko chakra ka raaz samjhaate hain। bhal unhonne trimoorti banaaya hai। parantu shiv ko daala nahin hai। shiv ko jaane to chakra ko bhi jaane। shiv ko na jaanne ke kaaran chakra ko bhi nahin jaante। gaate hain doordesh ka rahne vaala... parantu jaante nahin ki bhagwan hi patit-paavan hai। tum jaante ho hamaara yeh bahut bada yagya hai। us yagya mein til jaun daalte hain। yeh hai raajasva ashvamedh roodra gyaan yagya। is yagya mein saari puraani duniya ki saamagri svaaha honi hai। jisko raajya paana hai vahi yog mein poora rehte hain। silver ez mein bhi do kala kam kaha jaata hai। pahle 1250 varsha satayug ke hain। phir 625 varsha mein ek kala kam ho jaati hai, utarti kala hai na। treta mein aur bhi khaad pad jaati hai। ab tum bachchon ko samjhaaya jaata hai - jitna baap ke saath buddhiyog rakhenge to khaad nikal jaayegi। nahin to saja khaakar phir silver ez mein aa jaayenge। shreekrishna ko sab pyaar karte hain, jhoola jhulaate hain। raam ko itna nahin jhulaayenge। aajkal to race ki hai। parantu yeh koi nahin jaante ki lakshmi-naaraayan hi chhotepan mein raadhe-krishna hain। raadhe-krishna par bahut dosh lagaaye hain, lakshmi-naaraayan par koi dosh nahin। shreekrishna to chhota bachcha hai। bachcha aur mahaatma samaan kehte hain। mahaatma log to sannyaas karte hain, shreekrishna to patit tha hi nahin jo sannyaas kare। chhota bachcha pavitra hota hai, isliye unko sab pyaar karte hain। pahle hai satopradhaan phir sato-rajo-tamo mein aate hain। shreekrishna ko sab bahut yaad karte hain। baba ka manamnaabhav mantra to bahut naameegraami hai। dehi-abhimaani bano। deh ke sab dharma chhodo। yeh gyaan tum koi bhi dharma vaale ko de sakte ho। behad ka baap kehte hain allaah ko yaad karo। aatma allaah ka bachcha hai। aatma kehti hai khuda taala। alla saani। jab allaah kehte hain to zaroor aatma ka baap niraakaar hai, unko hi sab yaad karte hain। allaah kahne se zaroor nazar oopar jaayegi। buddhi mein aata hai ki allaah oopar mein rehta hai। yeh hai saakaar srishti। ham vahaan ke rahne vaale hain।

baap kehte hain - ham bhi musaaphir, tum bhi musaaphir ho। parantu tum musaaphir punarjanma mein aate ho, main musaaphir punarjanma mein nahin aata। main tumko chhi-chhi punarjanma se chhudaata hoon। is raavan raajya mein tum bahut duhkhi ho tab to mujhe bulaate ho। baap kitni achhi-achhi baaten tumko samjhaate hain। bachche abhi khel poora hota hai। yahaan bahut duhkh hai। har cheez kitni manhagi ho gai hai phir sasti thode hi hogi। aage sastaai thi। sabke paas anaaj aadi khoob rehta tha। satayug ko kehte hain golden ez। vahaan sone ke sikke the। vahaan sona hi sona hoga, chaandi bhi nahin। vahaan baajaar bhi bhabhke ki hogi। heere-javaahar kya-kya pahante honge। vahaan heere-javaahron ka hi khel chalta hai। kheti-baadi dher hogi। yahaan America mein anaaj itna hota hai, jo jala dete hain। abhi to jo bachat hoti hai woh bech dete hain। bhaarat ko daan karte hain। bhaarat ki gati dekho kya ho gai hai। baap kehte hain mainne tumko kitna raajya bhaagya diya tha। tumhaara devi-devta dharma bahut sukh dene vaala hai। unko hi kaha jaata hai golden ez। muhammad gazanvi kitne heere-javaahron ke maal lootkar oont bharaakar le gaya। kitna maal uthaaya hoga? koi hisaab thode hi kar sakenge। ab tum phir maalik ban rahe ho। ek musaaphir saari duniya ko haseen banaane vaala hai। kabristaan ko badal paristaan sthaapan karte hain। yahaan tum bachche aaye ho refresh hone। musaaphir ko yaad karte ho। tum bhi musaaphir ho। yahaan aakar 5 tatvon ka shareer liya hai। sookshm vatan mein 5 tatva hote nahin। 5 tatva yahaan hote hain, jahaan tum part bajaate ho। hamaara asli desh vahaan hai। is samay aatma patit ban gai hai isliye baap ko pukaarte hain ki aap aao - aakar hamko paavan banaao। raavan ne hamko patit banaakar kaala kar diya hai। jabse raavan aaya hai to ham patit bane hain। ab samajhte zaroor hain ham paavan the tab to yaad karte hain - he patit-paavan aao। koi to hai jisko bulaate hain। bachche baap ko bulaate hain O god father। unka naam hi hai heavenly god father। to zaroor heaven hi rachega।

baba ne samjhaaya hai padhaai mein baaje gaaje ki darkaar hi nahin hai। baba ne kah diya hai koi achhe-achhe record hain, jo baba ne banvaaye hain - to jab dekho udaasi aati hai to apne ko refresh karne ke liye bhal aise-aise geet bajaao। parantu jitna aavaaj kam karenge to achha hai। royal manushya kam aavaaj karte hain। mukh se thoda bolna hai। jaise ratna nikalte hain। tum eeshvar ke bachche ho to kitni royalty, kitna tumhaare mein nasha hona chaahiye। raaja ke bachche ko itna nasha nahin hoga jitna tumko rehna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne ko sada refresh rakhna hai। mukh se ratna hi nikaalne hain। kabhi udaasi aadi aaye to baba ke banvaaye hue geet sunne hain।

2) dehi-abhimaani banne ki practice karni hai। yaad mein rah khaad nikaalne ka purushaartha karna hai।

vardaan:- ek ki yaad mein man ko ekaagra kar manmanaabhav rahne vaale ever ready sampoorn bhav

sadaiv smriti mein rakho ki har samay ever ready rehna hai। kisi bhi samay koi bhi paristhiti aa jaae lekin ham ever ready rahenge। kal bhi vinaash ho jaae to ham taiyaar hain। ever ready arthaat sampoorn। sampoorn banne ke liye ek baap doosra na koi - yeh taiyaari chaahiye। man sada ek ki taraph manmanaabhav hai to ever ready ban jaayenge। ever ready hokar seva karo to seva mein bhi sahayog milega, saphalta bhi milegi।

slogan:- baap ki hajaar guna madad ke paatra banna hai to himmat ke kadam aage badhaao।