Daily Murli for Saturday 11 February 2023

11-02-2023 praatahmurli om shanti "baapdaada"' madhuban

“meethe bachche - sada apne ko raajarishi samajhkar chalo to tumhaare sab din sukh se beetenge, maaya ke ghutke se bache rahenge''

prashn:- kaun sa chance tumhein abhi hai phir nahin milega?

uttar:- abhi thoda samay hai jismen purushaartha kar padhaai se oonch pad pa sakte ho phir yeh chance nahin milega। yeh jeevan bada durlabh hai isliye kabhi yeh khyaal nahin aana chaahiye ki jaldi maren to chhooten। yeh khyaal unhein aata jinhen maaya tang karti hai ya karmabhog hai। tumhein to baap ki yaad se maayaajeet banna hai।

geet:- dheeraj dhar manua…

om shanti। bachchon ne geet suna। kisne kaha aur kisne suna? behad ke baap ne kaha aur sabhi centres ke bachchon ne suna। dekho baap ka buddhiyog sabhi bachchon ki taraph jaata hai। sabhi centres ke jo bhi brahman kul bhooshan va svadarshan chakradhaari athva raajarishi bachche hain un bachchon ko yeh bhi smriti mein rehna chaahiye ki ham raajarishi hain। raajaai ke liye purushaartha kar rahe hain, jis raajya mein dekho to sadaiv sukh ke din vyateet hote hain। kaliyug mein to sukh ke din beette hi nahin। tum jo raajarishi ho tumhaare bhi sukh ke din yahaan beetne chaahiye। agar bachche apne ko raajarishi samajhte hain aur nishchay atal, adol kaayam hai to। nahin to ghadi-ghadi bhool jaane se maaya ke ghutke bahut aate hain। bachche jaante hain ki ham baap se raajayog seekh sada sukh ka varsa le rahe hain athva nar se naaraayan ban rahe hain। so to sivaae parampita paramatma ke koi bana na sake। parampita paramatma jab kaha jaata hai to kisi saakaar va aakaar ki taraph buddhi nahin jaati, niraakaar baap ko hi yaad karte hain। baap dheeraj dete hain - bachche baaki thode roz hain। yeh kaliyug narka badal svarga hoga। heaven ki sthaapna hell ka vinaash to gaaya hua hai। bhagwan svayan baith raaj-yog sikhaate hain। koi bhi manushya chaahe hell ka, chaahe heaven ka ho, raajayog sikhla na sake। bachche jaante hain ham brahma mukh vanshaavli brahman kul bhooshan hi svadarshan chakradhaari hain। ham aatmaon ko srishti chakra ki knowledge hai। devtaayen yeh nahin jaante। svadarshan chakra shreekrishna ko va vishnu ko kyon diya hai? kyonki tum brahman abhi sampoorn nahin bane ho। neeche oopar hote rehte ho। yeh svadarshan chakra nishaani hai final ki। aaj tum svadarshan chakra phiraate ho, kal maaya se haar khaakar gir padte ho to tumko alankaar kaise de sakte? svadarshan chakra to sthaai chaahiye, isliye vishnu ko dikhaate hain। yeh bahut guhya baaten hain। jahaan bhi vishnu ka mandir ho va koi bhi svadarshan chakradhaari ka mandir ho vahaan jaakar tum samjha sakte ho। shreekrishna ko bhi svadarshan chakra dete hain। raadhe krishna yugal ke chitra mein svadarshan chakra nahin dete hain। svadarshan chakradhaari to tum brahman kul bhooshan ho, jinko parampita paramatma svadarshan chakradhaari athva trikaaldarshi banaate hain। vahi jab devta bante hain to unhon ko trinetri, trikaaldarshi, trilokeenaath nahin kah sakte kyonki abhi to ham svarga ki seedhi oopar chadhte hain। satayug se to seedhi neeche utarni hoti hai। vahaan yeh gyaan hota nahin। vahaan yeh maaloom hota to tum raajaai kar na sako, yahi chinta lag jaae।

to ab baap bachchon ko dheeraj dete hain ki ghabraao mat। maaya par jeet paani hai। maaya ke toofaan aayenge zaroor, vighna padenge। iska ilaaj hai yog mein raho। maaya yog bhi todegi। parantu purushaartha kar yog mein rehna hai। jo yog mein rahenge to unki aayu bhi badhegi। jitni aayu badi hogi utna ant tak baap se yog lagaae varsa lenge। yog se tandarusti ko bhi theek karna hai, isliye baap kehte hain yogi bhav। mere ko nirantar yaad karo। jitna purushaartha karenge utna svarga mein praalabdha paayenge। to baap kehte hain bachche yog mein raho to tumhaare vikarma vinaash honge। baaki thoda samay hai। tum aise nahin kahenge ki vinaash jaldi ho to ham svarga mein jaaen kyonki yeh jeevan badi durlabh hai। aise nahin ki abhi shareer chhod phir naya shareer lekar padhaai padh sakenge। baal avastha mein hi hoga to vinaash aarambha ho jaayega। baalig bhi nahin ban sakega kyonki ismen chhote-bade sabka vinaash hone vaala hai। jaldi maren, yeh vahi kahenge jinko maaya bahut tang karti hai ya koi karmabhog hai, unse chhootne chaahte hain। parantu yeh chance phir nahin milega, isliye purushaartha mein jut jaao। baaki to jab samay aayega to na chaahte bhi sabko jaana padega kyonki baap sabko roohaani yaatra par le jaayega। aise nahin sirf 10-20 laakh ko le jaayega। jaise kumbha ke mele par 10-15 laakh jaate hain। yeh to aatma paramatma ka mela hai। baap svayan panda bankar lene aaye hain, inke pichhaadi to anginat aatmaayen jaayengi। parantu aise bhi nahin sab jaldi jaayenge। pralay ho to phir yeh bhaaratkhanda hi na rahe। parantu yeh bhaarat avinaashi khanda hai। yahaan bahut rah jaate hain। phir satayug mein ek hi sooryavanshi raajdhaani sthaapan hogi। kaliyug vinaash ho satayug sthaapan hone mein beech ka thoda sa yeh time milta hai, ismen thode rah jaate hain jo nayesir apni raajdhaani banaate hain। baaki purushaartha ka yahi thoda samay hai, isko kalyaankaari yug kaha jaata hai। doosre sangam ko kalyaankaari nahin kahenge kyonki neeche utarte jaate hain। ab sampoorn sukh se sampoorn duhkh mein aa gaye hain। yeh knowledge aur kiski buddhi mein nahin hai। aage ham bhi kuchh nahin jaante the, andhashraddha se sabki pooja karte the। ab to har prakaar ki shreemat milti hai। dhandha bhi vahi karte hain jo koi birla vyaapaari kare। jaise hunar seekhna hota hai। yeh hai manushya ko devta banaane ka hunar। is par dhyaan dena hai।

baap roz amritvele aakar padhaate hain to us samay baap ke saamne sab centres ke bachche hain। baap kehte hain main tum sabhi bachchon ko yaad karta hoon ismen maaya mujhe koi vighna nahin daalti hai। tum bachche mujhe ghadi-ghadi bhool jaate ho, maaya tumko vighna daalti hai। koi-koi likhte hain baba ham bachchon ko na bhulaana। parantu main to kabhi nahin bhoolta। mujhe to sabko vaapis le jaana hai। main roz yaadapyaar deta hoon। bachchon ko khajaana bhej deta hoon। sabko lalkaar karta rehta hoon ki baap ki shreemat par behad ka varsa lene ka purushaartha karo। ismen gaphlat va bahaana mat karo। kehte hain karmabandhan hai। yeh to tumhaara hai, baap kya kare। baap kehte hain yog mein raho to karmabandhan katta jaayega। tumse vikarma nahin honge। aadhaakalpa tum vikarmon se chhoot jaayenge। phir oonch pad paane ke liye service bhi karni hai। mama baba kaise achhi reeti samjhaate hain। koi-koi bachche bhi achhi service karte hain। tumse koi poochhe tumhaari em object kya hai, to yeh card haath mein de do। usse sab samajh jaayenge ki yeh kis dhandhe mein lage hue hain। yeh to bade vyaapaari hain। har ek ki rag dekhni hai। sabse achha hai chakra par samjhaana। kaisa bhi aadmi ho, chakra ko dekh samajh jaayenge ki barobar yeh kaliyug hai ab satayug aane vaala hai। Christian ko bhi samjha sakte ho yeh hell hai, ab heaven sthaapan hone vaala hai। woh to zaroor heavenly god father hi karega। parantu manushyon ki buddhi aisi ho gai hai jo apne ko narkavaasi bhi nahin samajhte hain। kehte bhi hain phalaana svargavaasi hua to samajhna chaahiye zaroor ham narka mein hain। abhi kaliyug hai, punarjanma bhi zaroor kaliyug mein hi lenge। svarga hai kahaan? baba to kehte hain shamshaan mein jaakar samjhaao। parantu bachche jhat thak jaate hain। samjhaana chaahiye abhi to kaliyug hai। agar svarga mein punarjanma lene chaahte ho to aakar samjho। ham bhi purushaartha kar rahe hain, jo phir narka rahega hi nahin। svarga mein chalna hai? vahaan vish nahin milega। usko yahaan hi chhodna padega। kaise? yeh baba yuktiyaan bataate hain।

nepaal mein vijay ashtami ke din chhote bade sab shikaar karte hain। tumko bhi sabko samjhaana hai, ghar-ghar mein shiv ka aur lakshmi-naaraayan ka chitra zaroor rakhna hai। naukron ko mistriyon ko bhi samjhaana hai ki maut saamne khada hai। baap ko yaad karo to varsa mil jaayega। baap sabhi ki manokaamna svarga ke liye poori karte hain। yog lagaane se baap saakshaatkaar bhi kara sakte hain। baap hai hi kalyaankaari to bachchon ko bhi aisa kalyaankaari banna hai। gareeb hi apna kalyaan karte hain। saahookaar mushkil hi karte hain। sannyaasi bhi jo naameegraami hain woh ant mein aayenge। ab bahut karke gareeb saadhaaran hi gyaan lete hain। baap bhi saadhaaran tan mein aata hai, gareeb mein nahin। agar yeh bhi gareeb hota to kuchh kar nahin sakta। gareeb itnon ki sambhaal kaise karte! to yukti dekho kaisi rakhi hai। saadhaaran hi ho jo bali bhi chadhe aur itne sabki paravrish bhi hoti rahe। inke saath-saath aur bhi bahut bali chadh kar vaaris ban gaye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ne jo manushya ko devta banaane ka hunar sikhaaya hai, usmein hi lagna hai।

2) shreemat par chalne mein gaphlat va bahaana nahin karna hai। karmabandhanon se chhootne ke liye yaad mein rehna hai।

vardaan:- shreshtha karmadhaari ban oonchi takdeer banaane vaale padmaapdam bhaagyashaali bhav

jiske jitne shreshtha karma hain uski takdeer ki lakeer utni lambi aur spashta hai। takdeer banaane ka saadhan hai hi shreshtha karma। to shreshtha karmadhaari bano aur padmaapdam bhaagyashaali ki takdeer praapta karo। lekin shreshtha karma ka aadhaar hai shreshtha smriti। shreshtha te shreshtha baap ki smriti mein rahne se hi shreshtha karma honge isliye jitna chaaho utna lambi bhaagya ki lakeer kheench lo। is ek janma mein anek janmon ki takdeer ban sakti hai।

slogan:- apne santushtata ki personality dvaara anekon ko santushta karna hi santushtamni banna hai।

maateshvari ji ke anmol mahaavaakya

1) yeh jo manushya geet gaate hain O geeta ke bhagwan apna vachan nibhaane aa jaao। ab vo svayan geeta ka bhagwan apna kalpa pahle vaala vachan paalan karne ke liye aaya hai aur kehte hain he bachche, jab bhaarat par ati dharma glaani hoti hai tab main isi samay apna anjaam paalan karne (vaayda nibhaane) ke liye avashya aata hoon, ab mere aane ka yeh matlab nahin ki main koi yuge yuge aata hoon। sabhi yugon mein to koi dharma glaani nahin hoti, dharma glaani hoti hi hai kaliyug mein, to maano paramatma kaliyug ke samay aata hai। aur kaliyug phir kalpa kalpa aata hai to maano main kalpa kalpa aata hoon। kalpa mein phir chaar yug hain, isko hi kalpa kehte hain। aadhaakalpa satayug treta mein satogun satopradhaan hai, vahaan paramatma ke aane ki koi jaroorat nahin। aur phir teesra dvaapar yug se to phir doosre dharmon ki shurooaat hai, us samay bhi ati dharma glaani nahin hai isse siddha hai ki paramatma teenon yugon mein to aata hi nahin hai, baaki raha kaliyug, uske ant mein ati dharma glaani hoti hai। usi samay paramatma aae adharma vinaash kar sat dharma ki sthaapna karta hai। agar dvaapar mein aaya hua hota to phir dvaapar ke baad to ab satayug hona chaahiye phir kaliyug kyon? aise to nahin kahenge paramatma ne ghor kaliyug ki sthaapna ki, ab yeh to baat nahin ho sakti isliye paramatma kehte hain - main ek hoon aur ek hi baar aakar adharma ka, kaliyug ka vinaash kar satayug ki sthaapna karta hoon to mere aane ka samay sangamayug hai।

2) manushya aatmaon ki kismat banaane vaala aur kismat bigaadne vaala kaun hai? ham aise nahin kahenge ki kismat banaane vaala, bigaadne vaala vahi paramatma hai। baaki yeh zaroor hai ki kismat ko banaane vaala paramatma hai aur kismat ko bigaadne vaala khud manushya hai। ab yeh kismat bane kaise? aur phir gire kaise? is par samjhaaya jaata hai। manushya jab apne ko jaante hain aur pavitra bante hain to phir se vo bigdi hui takdeer ko bana lete hain। ab jab ham bigdi hui takdeer kehte hain to isse saabit hai koi samay apni takdeer bani hui thi, jo phir bigad gai hai। ab vahi phir bigdi takdeer ko paramatma khud aakar banaate hain। ab koi kahe paramatma khud to niraakaar hai vo takdeer ko kaise banaayega? is par samjhaaya jaata hai, niraakaar paramatma kaise apne saakaar brahma tan dvaara, avinaashi knowledge dvaara hamaari bigdi hui takdeer ko banaate hain। ab yeh knowledge dena paramatma ka kaam hai, baaki manushya aatmaayen ek do ki takdeer ko nahin jaga sakti hain। takdeer ko jagaane vaala ek hi paramatma hai tabhi to unhon ka yaadgaar mandir kaayam hai। achha। om shanti।