Daily Murli for Monday 18 September 2023

18-09-2023 praatahmurli om shanti "baapdaada"' madhuban

“meethe bachche - baap ki aash hai bachche poora-poora nashtomoha banen, jab pakka vaayda karen - baba, aap hamaare, ham aapke, tab sachchi preet jute''

prashn:- roodra shivbaaba dvaara rache hue yagya aur manushyon dvaara rache ja rahe yagyon mein mukhya antar kya hai?

uttar:- manushya jo bhi yagya rachte, usmein jau-til aadi svaaha karte, woh material yagya hain। baap ne jo yagya racha hai yeh avinaashi gyaan yagya hai, ismen saari puraani duniya svaaha ho jaati hai। 2- woh yagya thode samay tak chalte, yeh yagya jab tak vinaash na ho tab tak chalta rahega। jab tum bachche karmaateet avastha tak pahunchenge tab yagya ki samaapti hogi।

geet:- nirbal se ladaai balvaan ki…

om shanti। abhi yeh bachche jaante hain ki inko paathshaala bhi kahenge aur gyaan yagya bhi kahenge। paathshaala ke hisaab se em object to zaroor chaahiye। abhi yeh yagya ka yagya bhi hai aur paathshaala bhi hai। yeh roodra gyaan yagya hai, ve log inki copy karte hain। material yagya rachte hain। unmein jau-til aadi ki aahuti daalte hain aur doosra phir bahut bada yagya bhi rachte hain jahaan chaaron taraph shaastron ko rakhte hain। bahut badi jameen le lete hain। phir ek taraph chaaval, ghi, aata aadi sab rakhte hain aur doosre taraph shaastra bhi sab rakhte hain। jo shaastra maango woh sunaayenge phir vahaan yagya mein svaaha bhi karte rehte। baap kehte hain yeh roodra to mera naam hai। kehte bhi hain roodra bhagwan ne gyaan yagya racha tha। iska naam pad gaya roodra gyaan yagya। jaise nehru ke baad naam rakhte hain - nehru maarga, nehru park aadi। ab roodra to hai bhagwan shiv। usne hi roodra gyaan yagya racha hai। is yagya mein saari puraani srishti ki aahuti padti hai। yeh koi ki buddhi mein thode hi hoga। kitni badi srishti hai। kitna door-door shahar hain। sab is avinaashi gyaan yagya mein aahuti pad jaayenge। puraani duniya ka vinaash to zaroor hona hai, phir nai duniya banegi। vinaash hone mein natural calamities bhi madad karti hai, to yeh hai roodra raajasva ashvamedh avinaashi gyaan yagya। avinaashi maana jab tak vinaash ho tab tak chalta rahe। aisa yagya kiska chalta nahin hai। bahut mein bahut ek maas chalaayenge। geeta bhi ek maas sunaate hain। ab baap samjhaate hain mainne yeh gyaan yagya racha hai। yeh hai raajasva ashvamedh yaani tumhaara jo rath hai, unko svaaha karna hai, bali chadhaana hai। unhonne naam doosra rakh diya hai। dakshya prajaapti ka yagya dikhaate hain, usmein ghode ko jalaate hain। badi kahaani hai। baap samjhaate hain yeh hai mera avinaashi gyaan yagya। avinaashi dvaara avinaashi yagya। aise nahin ki sadaiv chalta rahega। jab saari duniya ke svaaha hone ka samay aaye tab tak yeh yagya chalna hai kyonki baap hai gyaan ka saagar। bhakti ke to dher shaastra hain। gyaan ka saagar baap hai to zaroor unke paas naya gyaan hoga। baap apna poora parichay dete hain aur phir srishti chakra kaise phirta hai yeh bhi samjhaate hain, jisse aatma trikaaldarshi banti hai। trikaaldarsheepne ka gyaan aur koi de na sake। ek to gyaan ko dhaaran karna hai, doosra tum bachchon ko yogbal se vikarmaajeet banna hai। janma-janmaantar ke paapon ka bojha jo sir par hai, woh jalne mein time lagta hai। kitne varsha hue hain to bhi karmaateet nahin hue hain। karmaateet avastha jab aati hai tab yagya bhi samaapta hota hai। yeh bahut bada bhaari yagya hai। aasaar bhi dekhte ho, taiyaariyaan ho rahi hain। aage chalkar tum dekhenge natural calamities ki bhi taiyaari ho rahi hain। kabhi jor se floods honge, kabhi earthquake, kabhi famine (akaal) hoga। vo log to gapode maarte hain ki 4 varsha ka plan banaaya hai phir anaaj bahut ho jaayega। are, khaane vaale manushya bhi to bahut jaasti hain। sirf manushya thode hi, tiddiyaan, makkad aadi bhi to kha jaate hain। floods aate hain, bahut nuksaan kar dete hain। yeh bichaaron ko pata nahin padta। tum jaante ho famine aadi padna zaroor hai। aasaar dikhaai padte hain। thodi ladaai lag jaae to anaaj aana hi banda ho jaae। aage ladaai mein kitne steamers doobe the। ek-do ka bahut nuksaan kiya tha।

baap kehte hain 5 hajaar varsha pahle bhi yeh yagya racha tha aur tum raajayog seekhe the। yagya racha jaata hai braahmanon dvaara। geeta mein to ladaai aadi ki baaten likh di hain। sanjay aadi bhi hain। yeh sab hai bhaktimaarga ki saamagri। yeh bhi avinaashi hai। phir se bhaktimaarga mein vahi saamagri niklegi। raamaayan aadi jo bhi shaastra nikle hain, phir niklenge। jinhon ki raajdhaani chali hai, angrej aaye, musalmaan aaye, yeh sab hokar gaye, phir aayenge। phir bhi partition hoga। in baaton ko tum jaan sakte ho, tumhaare mein bhi nambarvaar hain। koi to kuchh bhi nahin jaante। to baap samjhaate hain kitne yagya rachte hain। unhon ko samjhaana hai - vaastav mein hai ashvamedh avinaashi roodra gyaan yagya, jo roodra shiv bhagwan ne hi racha tha, shreekrishna ne nahin racha। shreekrishna ka vahi chitra to satayug mein milega, phir kabhi mil na sake kyonki woh naam, roop, desh, kaal to sab badalta jaata hai। aise to ho nahin sakta ki shreekrishna aakar apne ko patit-paavan kahlaaye। patit-paavan ek hi paramatma hai। aise nahin ki tum kahenge pahle se hi kyon nahin roop dikhaaya? nahin, aise thode hi ki sab pahle se hi bata denge। tum kahenge pahle se yeh gyaan kyon nahin dete the, ek hi roz mein kyon nahin gyaan dete? parantu nahin, yeh to gyaan saagar hai so zaroor aahiste-aahiste sunaate rahenge। aise thode hi ki sab ek hi time padh lenge। nambarvaar padhenge aur padhaai mein time lagta hai। iska naam hi hai avinaashi roodra gyaan yagya। ab yeh to kahaan bhi likha hua nahin hai। shaastron mein nimitta maatra sirf akshar hain bhaarat ka praacheen sahaj raajayog। achha, praacheen kab? shurooaat mein। to zaroor is avinaashi gyaan yagya se hi svarga banaaya hoga। baap kehte hain main aata hoon kalpa-kalpa sangamayuge। unhonne bhool kar di hai, time bhi badal diya hai। phir satayug ki aayu laakhon varsha likh di hai, gapode laga diye hain। yeh to hain 4 bhaag। svaastika mein bhi 4 hisse kar dete hain - gyaan aur bhakti। aadhaakalpa gyaan din, aadhaakalpa bhakti raat। gyaan ki praalabdha makkhan milta hai, bhakti ki praalabdha chhaanchh milti hai। girte-girte ekdam khatma ho jaate hain। nai duniya ko phir puraana zaroor banna hai। kalaayen kam hoti jaati hain isliye ab inko bhrashtaachaari, vicious kaha jaata hai। aasuri duniya hai na। tum jaante ho in bhakti aadi karne se kabhi bhagwan nahin mil sakta। bhakti to karte hi aaye hain, banda hoti nahin। agar bhagwan mil jaae to bhakti banda ho jaae na। aadhaakalpa bhakti ko chalna hai। yeh sab baaten manushyon ko samjhaani padti hain। duniya nai kaise banti hai, iska chitron se saakshaatkaar karaana hai। puraani duniya khatma ho phir nai sthaapan hoti hai। ab exhibition (pradarshani) aadi ki, kisi bade se opening karaani hoti hai। madad to leni padti hai na। unko phir thanks di jaati hai। badhaai dene liye taar di jaati hai। kitne bade-bade title apne oopar rakhva diye hain। shri shri ka title bhi rakha liya hai। shri shri baap samjhaate hain - shreshthaachaari duniya thi, ab bhrashtaachaari hai। phir baap shreshthaachaari banaane aaye hain। woh phir pahle se hi apne oopar shri naam rakh dete hain। vaastav mein shri lakshmi, shri naaraayan satayug mein hi kaha jaata hai। raajaaon ko shri ka title kabhi nahin dete the। unko phir his highness kehte hain। sabse bade his holiness lakshmi-naaraayan ki raajaayen bhi pooja karte hain kyonki woh pavitra hain। khud patit hain। paavan raajaaon ko his holiness kaha jaata hai। abhi to his highness ke badle bahut title sabko de dete hain। shri shri kehte rehte hain। abhi behad ka baap tumko shri bana rahe hain। nai duniya kaise sthaapan hoti hai, chitron par hi samjha sakte hain। ham bhrashtaachaari se shreshthaachaari banaane ki seva karte hain, aap opening karo। unhein samjhaana chaahiye ki second mein jeevan-mukti gaaya hua hai na। samjhaane vaala bada active hona chaahiye, phurta hona chaahiye। military vaale kitne tiptop rehte hain। tum bachchon ka naam kitna bada hai shiv shakti sena! yeh gyaan milta hi hai ablaaon, ahilyaaon ko। yahaan ki baaten hi wonderful hain। oonch te oonch bhagwan aur padhaate dekho kinhon ko hain! ahilyaaon, kubjaaon ko। bhagvaanuvaach - unhon ko raajayog sikhlaata hoon, drama mein aisi noondh hai। parantu apne ko sab paap aatmaayen samajhte thode hi hain। baap kehte hain yeh antim janma pavitra banenge to ek second mein jeevanmukti pa sakte ho। aate to bahut hain। aashcharyavat sunanti, kathanti, baba ka bananti phir bhi giranti aur bhaaganti ho jaate hain। yeh shuru se lekar hota rehta hai। subah ko kahenge hamko pakka nishchay hai, shaam ko kahenge mujhe sanshay hai, main jaata hoon, main chal nahin sakta। manzil oonchi hai, main chhutti leta hoon। drama ki bhaavi। baap ko faarakti de dete hain। maaya itni prabal hai jo chalte-chalte thappad laga deti hai। bachche kehte hain - baba, maaya ko kaho thodi narma ho jaae। baba kehte - main to maaya ko kehta hoon khoob garam ho। baap kehte hain khabardaar rehna, aise nahin ki maaya thappad maar de aur tum phans pado। tum maangate hi ho janak misal grihastha vyavhaar mein rehte jeevanmukti paayen।

baap kehte hain ek janma pavitra bano to tum svarga ke maalik banenge। manushyon ki zahar se (vikaaron se) kitni dil hai। chalte-chalte gir padte hain। ham shaadi karna nahin chaahte to government kuchh nahin kar sakti hai। samjha sakte hain ki ham patit bane hi kyon jo pujaari ban sabke aage sir jhukaana pade। main kumaari hoon to sab mere aage sir jhukaate hain, to ham kyon na poojya rahen। behad ka baap kehte hain ki pavitra poojya bano। ek hi raajayog ka imtahaan hai। kitne chadhte aur girte hain। har ek apna-apna part bajaata hai। result phir bhi vahi rahegi jo kalpa pahle hui hogi। yeh drama hai, ham actors hain। poora nashtomoha banen tab baap se poori preet jute। baba, bas ham to aapko hi yaad karenge, aapse varsa lekar hi chhodenge। aisi pratigya karni pade, tab hi stri-puroosh donon pavitra ban svargadhaam ja saken। donon hi gyaan chita par baith jaayenge। aise bahut jode banenge। phir jaldi-jaldi jhaad badhna shuru ho jaayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is avinaashi gyaan yagya mein apne is rath sahit sab kuchh svaaha karna hai। service ke liye bahut-bahut chusta aur phurta banna hai।

2) maaya kitni bhi garam ho, saavdhaan rah uske thappad se svayan ko bachaana hai। ghabraana nahin hai।

vardaan:- daya bhaav ko dhaaran kar sarva ki samasyaaon ko samaapta karne vaale master daata bhav

jin aatmaon ke bhi samparka mein aate ho, chaahe koi kaise bhi sanskaar vaala ho, opposition karne vaala ho, svabhaav ke takkar khaane vaala ho, krodhi ho, kitna bhi virodhi ho, aapki daya bhaavna uske anek janmon ke kade hisaab-kitaab ko second mein samaapta kar degi। aap sirf apne anaadi aadi daata pan ke sanskaaron ko emerge kar daya bhaav ko dhaaran kar lo to brahman parivaar ki sarva samasyaayen samaapta ho jaayengi।

slogan:- apne merciful swaroop va drishti se har aatma ko parivartan karna hi punyaatma banna hai।