Daily Murli for Friday 6 October 2023

06-10-2023 praatahmurli om shanti "baapdaada"' madhuban

“meethe bachche - yaad mein rahne ki aisi practice karo jo ant mein ek baap ke sivaae doosra koi bhi yaad na aaye''

prashn:- kis ek shreemat ko paalan karne se tum bachche takdeervaan ban sakte ho?

uttar:- baap ki shreemat hai - bachche, neend ko jeetne vaale bano। savere ka samay bahut achha hota hai। us samay uthkar mujh baap ko yaad karo to tum bakhtaavar ban jaayenge। agar savere-savere uthte nahin hain to jin soya tin khoya। sirf sona aur khaana - yeh to ganvaana hai isliye savere uthne ki aadat daalo।

geet:- toone raat ganvaai soy ke…

om shanti। yeh kahaani bachchon prati hai। baap kehte hain bachche khaana aur sona, yeh koi life nahin। jabki tum bachchon ko yeh avinaashi gyaan ratnon ka daan mil raha hai, jholi bhar rahi hai। phir sona aur khaana yeh to ganvaana hai। savere uthne ki badi mahima hai। bhakti maarga mein bhi, gyaan maarga mein bhi, kyonki savere ke samay bahut shanti rehti hai। aatmaayen sab apne svadharma mein rehti hain। ashareeri hokar vishraam paati hain। us samay yaad bahut rehti hai। din mein to maaya ka dhamchakra rehta hai, yeh ek hi time achha hai। abhi ham kaudi se heere jaisa ban rahe hain। bachchon ko baap kehte hain tum hamaare bachche ho, ham tumhaare bachche hain। baap bachcha banta hai, yeh bhi samajhne ki baat hai। baap apne bachchon ko varsa dete hain। vaise main saudaagar to hoon hi। tumhaara kaudi jaisa tan-man yeh sab worth not A penny hai। woh puraana tumhaara sab kuchh lekar phir tumko de deta hoon ki trustee hokar sambhaalo। tum janma by janma gaate aaye ho - kurbaan jaaoongi, balihaar jaaoongi। hamaara to ek, doosra na koi kyonki sajniyaan to sab hain। to ek hi saajan ko yaad karengi। deh sahit sab sambandhon ko bhoolte-bhoolte ek ki hi itni yaad rahe jo ant mein na yeh shareer, na aur koi yaad aaye। itni practice karni hai। savere ka samay bada achha hai। tumhaari yeh sachchi-sachchi yaatra hai। woh to janma by janma yaatraayen karte aaye lekin mukti ko to paaya nahin, to jhoothi yaatra hui na। yeh hai roohaani aur sachchi mukti aur jeevanmukti ki yaatra। manushya teertho par jaate hain to amarnaath, badreenaath yaad rehte hain na। khaas 4 dhaam kehte hain। tumne kitne dhaam kiye honge! kitni bhakti ki hogi! aadhaakalpa karte aaye ho। ab in baaton ko koi bhi jaante hi nahin। baap hi aakar liberate karke phir guide ban saath le jaate hain। kitna wonderful guide hai। bachchon ko le jaate hain - mukti-jeevanmukti dhaam। aisa guide koi hota nahin। sannyaasi log sirf muktidhaam kahenge, jeevanmukti akshar unke mukh se niklega nahin। usko to woh kaag vishta samaan alpakaal ka sukh samajhte hain। tum bachche jaante ho baap hai duhkh harta, sukh karta। he maat-pita, aapke jab ham baalak bante hain to hamaare sab duhkh door ho jaate hain। aadhaakalpa ham sukhi ban jaate hain। yeh to buddhi mein rehta hai na। parantu dhandhe aadi mein jaane se bhool jaate hain। savere uthte nahin hain। jin soya tin khoya।

tum jaante ho - barobar hamko heere jaisa janma mila hai। ab bhi agar neend se savere nahin uthenge to samjhenge yeh bakhtaavar nahin hai। subah ko uthkar most beloved baap ko, saajan ko yaad nahin karte hain। aadhaakalpa se saajan bichhuda hai aur baap ko tum saara kalpa bhool jaate ho phir bhakti maarga mein tum saajan ke roop mein va baap ke roop mein yaad karte ho। sajni saajan ko bhi yaad karti hai। unko phir baap bhi kaha jaata hai। abhi baap sammukh hai to unki shreemat par chalna pade। shreemat par agar nahin chalte to yeh gire। shreemat arthaat shivbaaba ki mat। aise nahin, hamko kya pata, kiski mat milti hai। samajhna chaahiye inki mat ka bhi woh responsible hai। jaise laukik reeti bachchon ka baap responsible hai, san shows father। yeh brahma tan bhi father ka show karta hai। murabbi bachcha hai। bahut achhe-achhe bachche hain jo yeh nahin jaante ki ham kiski mat par chalte hain, kaun direction dete hain? baba ko to yaad nahin karte। savere uthte nahin, yaad nahin karte to vikarma bhi vinaash nahin hote। baba batlaate hain itni mehnat karta hoon to bhi karmabhog chalta rehta hai kyonki ek janma ki to baat nahin hai na। anek janmon ka hisaab-kitaab hai। direction mila hua hai, is janma ke bhi paap batlaane se aadha kat sakta hai। yeh to baap kehte hain - main jaanta hoon aur dharmaraaj jaante hain। paap bahut kiye hue hain। dharmaraaj garbhajel mein saja dete aaye hain। abhi to tum purushaartha kar, vikarma vinaash karte ho to phir garbha mahal milta hai। vahaan to maaya hoti nahin jo manushya ko paap karaave aur saja khaani pade। aadhaakalpa hai eeshvareey raajya, aadhaakalpa hai raavan raajya। sarpa ka misaal bhi yahaan ka hai। sannyaasiyon ne copy ki hai। jaise bhramri ka misaal baba dete hain। bhramri keede ko apne ghar mein le aati hai। tum bhi patiton ko le aate ho। phir unko baith shoodra se brahman banaate ho। tumhaara naam braahmani hai। yeh bhramri ka drishtaanta bahut achha hai। practical mein aate to bahut hain phir koi kachche rah jaate, koi sad jaate, koi khatma ho padte। maaya bada toophaan mein laati hai। tum har ek vaastav mein hanoomaan ho। maaya kitna bhi toofaan laaye ham baba ko aur svarga ko kabhi nahin bhoolenge। ghadi-ghadi baba kehte hain - saavdhaan! manushya to teertho par dhakke khaane liye jaate hain। yahaan aur to kahaan nahin jaate। ek hi baap aur sukhdhaam ko yaad karte rehna hai। tum to barobar vijay pahanne vaale hi ho। inko buddhiyog bal, gyaan bal kaha jaata hai। yaad karne se bal milta hai, buddhi ka taala khulta hai। agar koi bhi bekaayde chalan chalte hain to unki buddhi ka taala hi band ho jaata hai। baap samjhaate bhi hain agar tum aisa karenge to drama anusaar buddhi ka taala banda ho jaayega। kisko kah nahin sakenge ki vikaar mein mat jaao। andar khaata rahega - hamne itne paap kiye hain! agyaankaal mein bhi khaata hai। marte hain phir tobaan-tobaan karte hain। phir pichhaadi mein sab paap saamne aa jaate hain। garbhajel mein gaya phat se sajaayen shuru ho jaati hain। pichhaadi mein yaad zaroor aata hai। to ab baap kehte hain tumko to tobaan-tobaan nahin karni hai, tum paap mat karo। jel bird hote hain na। tum bhi jel bird the। abhi baba garbha jel ki sajaaon se chhudaate hain। kehte hain mujh baap ko yaad karo to paapon ki sajaaon se chhoot jaayenge, tum paavan ban jaayenge। agar phir gire to bahut chot lag jaayegi। ashuddha ahankaar hai pahle। phir hai kaam, krodh। kaam mahaashatru hai। yeh tumko aadi-maghya-ant duhkh dete aaye hain। tum aadi-madhya-ant sukh ke liye purushaartha karte ho। to poora purushaartha karna chaahiye। bolte hain savere jaag nahin sakte hain to phir pad bhi oonch pa nahin sakenge। daas-daasi banna padega। vahaan koi gobar aadi nahin uthaana padta, mehtar nahin hote। abhi bhi vilaayat mein naukar aadi nahin rakhte hain। aapehi saphaai ho jaati hai। vahaan to gandagi hoti nahin। baaki chandaal, daas-daasiyaan aadi hote hain।

baap tum bachchon ko sab raaz samjhaate hain। tumhaari buddhi mein saari raajdhaani hai। tum drama ko samajh gaye ho। pahle-pahle mukhya is chakra ko samjhaana hai। ab opening ke liye governor aadi ko bulaate hain। to bachchon ko direction milte hain opening karaane ke pahle unko kuchh samjhaao ki bhaarat shreshthaachaari tha, ab phir bhaarat bhrashtaachaari bana hai। bhaarat ke poojya devi-devtaayen hi phir pujaari manushya bane hain। yeh zaroor samjhaana hai। jo woh khud bhi kahen ki srishti chakra ka raaz yeh samjhaate hain। jo yeh jaante hain unko trikaaldarshi kaha jaata hai। manushya hokar agar drama ko na jaane to baaki kya kaam ka। aise to bahut kehte hain bi.ke. ki pavitrata bahut achhi hai। pavitrata to sabko achhi lagti hai। sannyaasi pavitra hain, devtaayen pavitra hain tab to unhon ke aage maatha jhukaate hain na। parantu yeh aur baat hai। patit-paavan ek paramatma hi ho sakta hai। patit se paavan banaane vaala manushya guru ho na sake। yeh samjhaana chaahiye। kripa karke is baat ko aap samjho, to aapka pad bahut oonch ho jaayega। bhaarat poojya se pujaari kaise bana hai, bhaaratvaasi devi-devta 84 janma kaise lete hain - yeh samjhaao। yeh baaten zaroor samjhaani hai। Christ se 3 hajaar varsha pahle bhaaratvaasi devi-devta hi the। usko sukhdhaam heaven kaha jaata hai। svarga so ab phir narka bana hai। yeh phir tum baith samjhaayenge to bahut bhaari tumhaari mahima hogi। akhbaar vaalon ko bhi party deni hai। phir woh aag lagaayen ya paani daalen, un par saara madaar hai। yeh to tum bachche jaante ho ladaai lagni hi hai। khoon ki nadi bahegi bhaarat mein। hamesha yahaan se hi khoon ki nadi bahti aai hai। abhi partition hua to kitne manushya darabdar hue। ekdam alag-alag raajdhaani ho gai। yeh bhi drama mein noondh hai। aapas mein ladte, friction daalte hain। pahle koi hindustaan, paakistaan alag thode hi tha। bhaarat mein hi rakta ki nadi bahni hai tab phir ghi ki nadi bahegi। nateeja kya hota hai? thode bach jaate hain। tum paandav ho gupta vesh mein।

to governor ko pahle parichay dena hai। jiske paas jaana hota hai, unki pahle mahima ki jaati hai। parantu unhon ke liye kya likha hua hai, yeh raaz tum hi jaano। woh thode hi samajhte hain ki yeh mrigtrishna ke samaan raajya hai। drama anusaar unhon ke bhi apne plans bante hi hain। mahaabhaarat mein dikhaate hain pralay ho gai। ab mahaapralay to hoti nahin। tum bachchon ke andar srishti chakra ka gyaan har vakta goonjana chaahiye। pahle to woh samjhen ki inhon ko shiksha dene vaala kaun hai! tab samjhen barobar ham bhi to shiv ke bachche hain। prajaapita brahma ke bhi bachche hain। yeh sijra hai। prajaapita brahma hai great great grand father। manushya srishti ka bada to brahma ho gaya na। shiv ko aise nahin kahenge, unko sirf father kahenge। great great grand father - yeh title ho gaya praja-pita brahma ka। zaroor grand mother, grand children bhi honge। tum bachchon ko yeh sab samjhaana hai। shiv hai sabhi aatmaon ka baap। brahma dvaara srishti rachte hain। tum jaante ho hamaari phir kitni biraadriyaan nikalti hain। governor ko samjhaana chaahiye ki aisi exhibition to kone-kone mein karaani chaahiye, aap prabandha karaake do। hamko to dekho teen pair prithvi ke bhi nahin milte aur phir ham vishwa ke maalik ban jaate hai। tum prabandha karke do to ham bhaarat ko svarga banaane ki seva karen। woh tumko thodi madad denge to bhi sab unko kahne lag padenge ki governor bhi brahmaakumaar bana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kaudi jaisa tan-man-dhan jo bhi hai use baap par kurbaan kar phir trustee hokar sambhaalna hai। mamatva nikaal dena hai।

2) savere-savere uth baap ko pyaar se yaad karna hai। gyaan bal aur buddhiyog bal se maaya par vijay paani hai।

vardaan:- drishti dvaara shakti lene aur shakti dene vaale mahaadaani, vardaani moorta bhav

aage chalkar jab vaani dvaara seva karne ka samay va circumstance nahin hoga tab vardaani, mahaadaani drishti dvaara hi shanti ki shakti, prem, sukh va aanand ki shakti ka anubhav kara sakenge। jaise jad moortiyon ke saamne jaate hain to chehre dvaara vibration milte hain, naynon se divyata ki anubhooti hoti hai। to aapne jab chaitanya mein yeh seva ki hai tab jad moortiyaan bani hain isliye drishti dvaara shakti lene aur dene ka abhyaas karo tab mahaadaani, vardaani moorta banenge।

slogan:- features mein sukh-shanti aur khushi ki jhalak ho to anek aatmaon ka future shreshtha bana sakte ho।