Daily Murli for Saturday 21 October 2023

21-10-2023 praatahmurli om shanti "baapdaada"' madhuban

“meethe bachche - sada khushi mein tab rah sakenge jab poora nishchay hoga ki ham bhagvaanuvaach hi sunte hain, svayan bhagwan humein padha rahe hain''

prashn:- drama anusaar is samay sabhi plan kya banaate hain aur taiyaari kaun si karte hain?

uttar:- is samay sabhi plan banaate hain itne saal mein itna anaaj paida karenge। nai dilli, naya bhaarat hoga। lekin taiyaariyaan maut ki karte rehte hain। saari duniya ke gale mein maut ka haar pada hua hai। kahaavat hai nar chaahat kuchh aur, bhai kuchh aure ki aur… baap ka plan apna hai, manushyon ka plan apna hai।

geet:- kisi ne apna bana ke mujhko…

om shanti। niraakaar bhagvaanuvaach brahma tan dvaara। yeh pahli baat to pakki kar leni chaahiye ki yahaan koi manushya nahin padhaate, niraakaar bhagwan padhaate hain। unko hamesha parampita paramatma shiv kaha jaata hai। banaaras mein shiv ka mandir bhi hai na। pahle-pahle aatma ko yeh nishchay hona chaahiye ki behad ka baap hamko padhaate hain। jab tak yeh nishchay nahin to manushya koi kaam ka nahin hai। kaudi tulya hai। baap ko jaanne se heere tulya ban jaate hain। kaudi tulya bhi bhaarat ke manushya bante hain, heere tulya bhi bhaarat ke manushya bante hain। baap aakar manushya se devta banaate hain। pahle jab tak yeh nishchay nahin hai ki bhagwan padhaate hain, woh jaise ki is college mein baithte bhi kuchh nahin samajhte hain। woh khushi ka paara nahin chadhta। woh hai hamaara most beloved baap, jisko bhakti maarga mein duhkh ke samay pukaarte the - he paramatma, raham karo। yeh aatma kehti hai, manushya to samajhte nahin ki laukik baap hote hue bhi ham kaun-se baap ko yaad karte hain? aatma mukh dvaara kehti hai yeh hamaara laukik baap hai, yeh hamaara paarlaukik baap hai। tum ab dehi-abhimaani bane ho, baaki manushya hain deh-abhimaani। unko aatma aur paramatma ka pata hi nahin hai। ham aatmaayen us parampita paramatma ke bachche hain - yeh gyaan koi ko bhi nahin hai। baap pahle-pahle yeh nishchay karaate hain bhagvaanuvaach, main tumko raajayog sikhlaata hoon। tum deh sahit deh ke jo bhi sambandh hain, unko bhool apne ko aatma nishchay kar mujh baap ko yaad karo। koi manushya va krishna aadi aise kah na saken। yeh hai hi jhoothi maaya, jhoothi kaaya, jhootha sab sansaar। ek bhi sachcha nahin। sachkhanda mein phir ek bhi jhootha nahin hota। yeh lakshmi-naaraayan sachkhanda ke maalik the, poojya the। abhi bhaaratvaasi dharma bhrashta, karma bhrashta ban pade hain isliye naam hi hai bhrashtaachaari bhaarat। shreshthaachaari bhaarat satayug mein hota hai। vahaan sab sadaiv muskaraate hain, kabhi beemaar, rogi nahin hote। yahaan bhal kehte hain phalaana svarga padhaara। parantu jaante koi bhi nahin hain। is samay ka raajya bhi mrigtrishna ke samaan hai। ek hiran ki kahaani hai na - paani samajh andar gaya aur daldal mein phans gaya। to is samay hai duban ka raajya। jitna shrringaarte hain utna aur hi girte jaate hain। kehte rehte hain bhaarat mein anaaj bahut hoga, yeh hoga.......। hota kuchh bhi nahin। isko kaha jaata hai - nar chaahat kuchh aur, aur ki aur bhai। baap kehte hain yeh koi raajya nahin hai। raajya to unko kaha jaae jahaan koi king-queen ho। yeh to praja ka praja par raajya hai। irreligious, unrighteous raajya hai। bhaarat mein to aadi sanaatan devi-devtaaon ka raajya tha। abhi to kitne dharma bhrashta, karma bhrashta ban gaye hain। aisa aur koi desh nahin jo apne dharma ko nahin jaante ho। kaha bhi jaata hai religion is might। devtaaon ka to saare vishwa par raajya tha, abhi to bilkul hi kangaal hain। kitni baahar se madad le rahe hain। unhon ko hai baahubal ki madad, tumko hai yogbal ki madad। tum bachche jaante ho most beloved baap hai jisse hamko 21 janma ke liye sada sukh ka varsa milta hai। vahaan kabhi duhkh ki, rone aadi ki baat hi nahin। kabhi akaale mrityu nahin hoti। na to aajkal ke muaaphik ikatthe 4-5 bachche paida karte hain, ek taraph dekho khaane ke liye nahin hai, kehte hain birth control karo। nar chaahat kuchh aur....। samajhte hain new dehli, naya raajya hai। parantu hai kuchh bhi nahin। maut sabke gale mein pada hai। maut ki poori taiyaari kar rahe hain। barobar 5 hajaar varsha pahle muaaphik yeh vahi mahaabhaarat ladaai hai। baap kehte hain yeh to koi raajya nahin hai, yeh mrigtrishna misal hai। dropdi ka bhi misaal hai na। tum sab dropdiyaan ho। baap ka tumko farmaan hai ki in vikaaron par jeet pahno। ham pratigya karte hain - ham sada pavitra rah bhaarat ko pavitra banaayenge। yeh purush log pavitra rahne nahin dete। kai gupta gopikaayen kitna pukaarti hain ki yeh hamko maarte hain।

tum jaante ho yeh kaam mahaashatru to manushya ko aadi, madhya, ant duhkh dene vaala hai। baap kehte hain is par tumhein jeet paani hai। geeta mein bhi hai bhagvaanuvaach, kaam mahaashatru hai। parantu manushya samajhte nahin। baap kehte hain pavitra bano tab tum raajaaon ka raaja banenge। ab bataao, raajaaon ka raaja banna hai ya patit banna hai? yeh ek antim janma baap kehte hain mere khaatir pavitra bano। apvitra duniya ka vinaash, pavitra duniya ki sthaapna ho jaayegi। aadhaakalpa tumne vish peete-peete itna duhkh dekha hai, tum ek janma yeh nahin chhod sakte ho? ab puraani duniya ka vinaash aur nai duniya ki sthaapna ho rahi hai। ismen jo pavitra banenge aur banaayenge vahi oonch pad paayenge। yeh raajayog hai। tum kehte ho ham brahmaakumaar-kumaariyaan hain to barobar prajaapita brahma ki santaan bhi hain। brahma shiv ka bachcha hai, tumko varsa dene vaala shiv hai। yeh incorporeal god fatherly university hai। woh heaven sthaapan karne vaala, varsa dene vaala shiv hai। vahi god father blissful, knowledgeful baap baith padhaate hain। parantu jab deh-abhimaan nikle tab buddhi mein baithe। takdeer mein nahin hai to phir dhaarna nahin hoti। barobar jagat pita ke tum bachche ho। brahmaakumaar-kumaariyaan raajayog seekh rahe hain। tumhaara hi yaadgaar khada hai। kitna achha mandir hai! unka arth tum bachchon ke sivaae koi bhi nahin jaante। pooja karte, maatha tekte sab paise ganva diye। abhi bilkul hi kaudi tulya ban gaye hain। khaane ke liye anna nahin। ab kehte hain bachche kam paida karo। yeh koi manushya ki taakat nahin jo kah sake ki kaam mahaashatru hai। yeh to jitna kahenge kam paida karo utna hi jaasti paida karenge। koi ki taakat chal nahin sakti।

tum bachchon ko pahle-pahle yeh baat samjhaani hai ki yeh god fatherly university hai, bhagwan ek hai। yeh ek hi chakra hai jo phirta rehta hai। yeh samajhne ki baaten hain। mitra-sambandhiyon aadi ko bhi yeh roohaani yaatra ka raaz samjhaana hai। jismaani yaatra to janma-janmaantar ki, yeh roohaani yaatra ek hi baar hoti hai। sabko vaapis jaana hai। koi bhi patit yahaan rehna nahin hai। abhi kayaamat ka samay hai। itne jo karodon manushya hain, yeh sab to satayug mein nahin honge, vahaan bahut thode honge। sabko vaapis jaana hai। baap aaye hi hain le jaane - jab tak yeh nahin samajhte hain tab tak sweet hom aur sukhdhaam yaad pad nahin sakta। yaad karna to bahut sahaj hai। baap kehte hain sweet hom chalo। mere sivaae tumko koi le nahin ja sakta। main hi kaalon ka kaal hoon। kitna achhi reeti samjhaate hain। parantu wonder hai itne varshon se rehte hue bhi dhaarna nahin hoti। koi to bahut hoshiyaar ho jaate, koi kuchh bhi nahin samajhte। iska matlab yeh nahin ki puraanon ka hi aisa haal hai to hamaara kya hoga? nahin, school mein sabhi number one thode hi honge। yahaan bhi nambarvaar hain। sabko samjhaana hai - behad ke baap se varsa lene ka abhi samay hai। 21 janma ke liye sada sukh ka varsa paana hai। kitne brahmaakumaar-kumaariyaan purushaartha kar rahe hain। nambarvaar to hote hi hain।

tum jaante ho patit-paavan ek hi baap hai। baaki sab hain patit। baap kehte hain sabka sadgati daata ek hai, vahi svarga ki sthaapna karte hain। phir sirf bhaarat hi rahega, baaki sab vinaash ho jaayenge। manushyon ki buddhi mein itni baat bhi nahin baithti hai। baap kehte hain - bachche, mere madadgaar bano to main tumko svarga ka maalik banaaoonga। himmate marda, madde khuda। gaate to hain khudaai khidmatgaar। vaastav mein woh hai jismaani salvation army। sachche-sachche roohaani salvation army tum ho। bhaarat ka beda jo dooba hua hai unko salvage karne vaali tum bhaarat maata shakti avtaar ho। tum gupta sena ho। shivbaaba gupta to unki sena bhi gupta। shiv shakti, paandav sena। sachchi-sachchi satya naaraayan ki katha yeh hai, baaki sab hain jhoothi kathaayen isliye kehte hain si no evil, hear no evil, main jo samjhaata hoon woh suno।

yeh hai behad ka bada school। is university ke liye yeh makaan banaaye hain, pichhaadi mein yahaan bachche aakar rahenge। jo yogayukta honge woh aakar rahenge। in aankhon se vinaash dekhenge। jo sthaapna tatha vinaash ka saakshaatkaar tum abhi divya drishti se dekhte ho phir tum in aankhon se dekhenge। ismen badi vishaal buddhi chaahiye। jitna baap ko yaad karenge utna buddhi ka taala khulta jaayega। agar vikaar mein gaya to ekdam taala banda ho jaayega। school chhod diya to phir gyaan buddhi se ekdam nikal jaayega। patit bana phir dhaarna ho na sake। mehnat hai। yeh college hai - vishwa ka maalik banne liye। yeh brahmaakumaar-kumaariyaan shivbaaba ke potre-potriyaan hain। yeh ab bhaarat ko svarga bana rahe hain। yeh roohaani social workers hain jo duniya ko paavan bana rahe hain। mukhya hai hi purity। shreshthaachaari duniya thi, abhi bhrashtaachaari hai। yeh chakra phirta rehta hai। yeh daivi jhaad ka sapling lag raha hai jo aahiste-aahiste vriddhi ko paayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachche-sachche roohaani salvation army ban bhaarat ko vikaaron se salvage karna hai। baap ka madadgaar ban roohaani social seva karni hai।

2) ek baap se hi satya baaten sunni hai। hear no evil, si no evil........in aankhon se pichhaadi ki scene dekhne ke liye yogayukta banna hai।

vardaan:- upset hone ke bajaae hisaab-kitaab ko khushi-khushi se chuktu karne vaale nishchint aatma bhav

yadi kabhi koi baat kehta hai to usmein phauran upset nahin ho jaao, pahle spashta karo ya verify karaao ki kis bhaav se kaha hai, agar aapki galti nahin hai to nishchint ho jaao। yeh baat smriti mein rahe ki brahman aatmaon dvaara yahaan hi sab hisaab-kitaab chuktu hone hain। dharmaraajpuri se bachne ke liye brahman kahaan na kahaan nimitta ban jaate hain isliye ghabraao nahin, khushi-khushi se chuktu karo। ismen tarakki (unnati) hi honi hai।

slogan:- “baap hi sansaar hai'' sada is smriti mein rehna - yahi sahjayog hai।

maateshvari ji ke madhur mahaavaakya “ajpaajaap arthaat nirantar yog atoot yog''

jis samay om shanti kehte hain to uska yathaartha arth hai main aatma us jyoti swaroop paramatma ki santaan hoon, ham bhi us pita jyotirbindu paramatma ke muaaphik aakaar vaali hain। baaki ham saaligraam bachche hain to humein apne jyoti swaroop paramatma ke saath yog rakhna hai, usse hi yog rakhkar light might ka varsa lena hai, tabhi to geeta mein svayan bhagwan ke mahaavaakya hain, manamnaabhav। mujh jyoti swaroop pita ke samaan tum bachche bhi niraakaari swaroop mein sthit ho jaao, isko hi ajpaajaap kaha jaata hai। ajpaajaap maana koi bhi mantra japne ke sivaae natural us paramatma ki yaad mein rehna, isko hi poorn yog kehte hain। yog ka matlab hai ek hi yogeshvar paramatma ki yaad mein rehna। to jo aatmaayen us paramatma ki yaad mein rehti hain, unhon ko yogi athva yoginiyaan kaha jaata hai। jab us yog arthaat yaad mein nirantar rahen tab hi vikarmon aur paapon ka bojh nashta ho aur aatmaayen pavitra banen, jisse phir bhavishya janma mein devtaai praalabdha mile। ab yeh chaahiye knowledge tab hi yog poora lag sakta hai। to apne ko aatma samajh paramatma ki yaad mein rehna, yeh hai sachcha gyaan। is gyaan se hi yog lagta hai। achha। om shanti।