Daily Murli for Wednesday 14 February 2024

14-02-2024 praatahmurli om shanti "baapdaada"' madhuban

“meethe bachche - antarmukhi ho apne kalyaan ka khyaal karo, ghoomne-phirne jaate ho to ekaanta mein vichaar saagar manthan karo, apne se poochho - ham sada harshit rehte hain''

prashn:- merciful baap ke bachchon ko apne par kaun-sa raham karna chaahiye?

uttar:- jaise baap ko raham padta hai ki mere bachche kaante se phool banen, baap bachchon ko gul-gul banaane ki kitni mehnat karte hain to bachchon ko bhi apne oopar taras aana chaahiye ki ham baba ko bulaate hain - he patit-paavan aao, phool banaao, ab woh aaye hain to kya ham phool nahin banenge! raham pade to dehi-abhimaani rahen। baap jo sunaate hain usko dhaaran karen।

om shanti। yeh to bachche samajhte hain - yeh baap bhi hai, teacher bhi hai, satguru bhi hai। to baap bachchon se poochhte hain ki tum yahaan jab aate ho to in lakshmi-naaraayan ke aur seedhi ke chitra ko dekhte ho? jab donon ko dekha jaata hai to em object aur saara chakra buddhi mein aa jaata hai ki ham devta bankar phir aise seedhi utarte aaye hain। yeh gyaan tum bachchon ko hi milta hai। tum ho student। em object saamne khada hai। koi bhi aaye to unko samjhaao - yeh em object hai। is padhaai se yeh devi-devta jaakar bante hain। phir 84 janma ki seedhi utarte hain, phir repeat karna hai। bahut easy knowledge hai phir bhi padhte-padhte naapaas kyon ho padte hain? us jismaani padhaai se bhi yeh eeshvareey padhaai bilkul sahaj hai। em object aur 84 janmon ka chakra bilkul saamne khada hai। yeh donon chitra vijiting room mein bhi hone chaahiye। service karne ke liye service ka hathiyaar bhi chaahiye। saara gyaan ismen hi hai। yeh purushaartha bhi ham abhi karte hain। satopradhaan banne ke liye bahut mehnat karni hai। ismen antarmukhi ho vichaar saagar manthan karna hai। ghoomne-phirne jaate ho to bhi buddhi mein yahi hona chaahiye। yeh to baba jaante hain ki nambarvaar hain। koi achhi tarah samajhte hain to zaroor purooshaartha karte honge, apne kalyaan ke liye। har ek student samajhte hain yeh achha padhte hain। khud nahin padhte hain to apne ko hi ghaata daalte hain। apne ko to kuchh laayak banaana chaahiye। tum bhi student ho, so bhi behad baap ke! yeh brahma bhi padhte hain। yeh lakshmi-naaraayan hai martaba aur seedhi hai 84 janmon ke chakra ki। yeh pahle number ka janma, yeh last number ka janma। tum devta bante ho। andar aane se hi saamne em object aur seedhi par samjhaao। roz aakar inke saamne baitho to smriti aaye। tumhaari buddhi mein hai ki behad ka baap hamko samjha rahe hain। saare chakra ka gyaan tumhaari buddhi mein bharpoor hai to kitna harshit rehna chaahiye। apne se poochhna chaahiye ki hamaari woh avastha kyon nahin rehti? kya kaaran hai jo harshit rahne mein rola padta hai? jo chitra banaate hain unhon ki buddhi mein bhi hoga ki yeh hamaara bhavishya pad hai, yeh hamaari em object hai aur yeh 84 ka chakra hai। gaayan bhi hai sahaj raajayog। so to baba roz samjhaate rehte hain ki tum behad baap ke bachche ho to svarga ka varsa zaroor lena chaahiye aur saare chakra ka bhi raaz samjhaaya hai to zaroor woh yaad karna pade aur phir baatcheet karne ke manners bhi achhe chaahiye। chalan bahut achhi chaahiye। chalte-phirte kaam-kaaj karte buddhi mein sirf yahi rahe ki ham baap ke paas padhne ke liye aaye hain। yeh gyaan hi tumko saath le jaana hai। padhaai to sahaj hai। parantu agar poori reeti nahin padhenge to teacher ko zaroor yeh khyaal rahega ki agar class mein bahut dull bachche honge to hamaara naam badnaam hoga। izaapha nahin milega। government kuchh nahin degi। yeh bhi school hai na। ismen izaapha aadi ki baat nahin। phir bhi purushaartha to karaaya jaata hai na। chalan ko sudhaaro, daiveegun dhaaran karo। character achhe chaahiye। baap to tumhaare kalyaan ke liye aaye hain। parantu baap ki shreemat par chal nahin sakte। shreemat kahe yahaan jaao to jaayenge nahin। kahenge yahaan garmi hai, yahaan thandi hai। baap ko pahchaante nahin ki kaun hamko kehte hain? yeh saadhaaran rath hi buddhi mein aata hai। woh baap buddhi mein aata hi nahin hai। bade raajaaon ka kitna sabko dar rehta hai। badi authority hoti hai। yahaan to baap kehte hain main gareeb nivaaz hoon। mujh rachta aur rachna ke aadi-madhya-ant ko koi nahin jaante hain। kitne dher manushya hain। kaisi-kaisi baaten karte hain, kya-kya bolte hain। bhagwan kya cheez hoti hai, yeh bhi jaante nahin। wonder hai na। baap kehte hain main saadhaaran tan mein aakar apna aur rachna ke aadi-madhya-ant ka parichay deta hoon। 84 ki yeh seedhi kitni clear hai।

baap kehte hain mainne tumko yeh banaaya tha, ab phir bana raha hoon। tum paarasbuddhi the phir tumko pattharbuddhi kisne banaaya? aadhaakalpa raavan raajya mein tum girte hi aate ho। ab tumko tamopradhaan se satopradhaan zaroor banna hai। vivek bhi kehta hai baap hai hi satya। woh zaroor satya hi bataayenge। yeh brahma bhi padhte hain, tum bhi padhte ho। yeh kehte hain main bhi student hoon। padhaai par attention deta hoon। accurate karmaateet avastha to abhi bani nahin hai। aisa kaun hoga jo itna oonch pad paane ke liye padhaai par dhyaan nahin dega। sab kahenge aisa pad to zaroor paana chaahiye। baap ke ham bachche hain to zaroor maalik hone chaahiye। baaki padhaai mein utraai-chadhaai to hoti hi hai। ab tumko ekdam gyaan ka tanta (saar) mila hai। shuru mein to puraana hi gyaan tha। dheere-dheere tum samajhte hi aaye ho। abhi samajhte hain gyaan to sachmuch abhi hamko milta hai। baap bhi kehte hain aaj main tumko guhya-guhya baaten sunaata hoon। phat se to koi jeevanmukti pa nahin sakta। saara gyaan utha nahin sakta। pahle yeh seedhi ka chitra thode hi tha। ab samajhte hain barobar ham aise chakra lagaate hain। ham hi svadarshan chakradhaari hain। baba ne ham aatmaon ko saare chakra ka raaz samjha diya hai। baap kehte hain tumhaara dharma bahut sukh dene vaala hai। baap hi aakar tumko svarga ka maalik banaate hain। auron ke sukh ka time to abhi aaya hai, jabki maut saamne khada hai। yeh aeroplane, bijliyaan aadi pahle nahin thi। unhon ke liye to abhi jaise svarga hai। kitne bade-bade mahal banaate hain। samajhte hain abhi to hamko bahut sukh hai। London mein kitna jaldi pahunch jaate hain। bas, yahi svarga samajhte hain। ab unhon ko jab koi samjhaaye ki svarga to satayug ko kaha jaata hai, kaliyug ko thode hi svarga kahenge। narka mein shareer chhoda to zaroor punarjanma bhi narka mein hi lenge। aage tum bhi yeh baaten nahin samajhte the। ab samajhte ho। raavan raajya aata hai to ham girne lag jaate hain, sab vikaar aa jaate hain। abhi tumko saara gyaan mila hai to chalan aadi bhi bahut royal honi chaahiye। abhi tum satayug se bhi jaasti valuable ho। baap jo gyaan ka saagar hai woh saara gyaan abhi dete hain। aur koi bhi manushya gyaan aur bhakti ko samajh na saken। mix kar diya hai। samajhte hain shaastra padhna - yeh gyaan hai aur pooja karna bhakti hai। to ab baap gul-gul banaane ke liye kitni mehnat karte hain। bachchon ko bhi taras aana chaahiye ki ham baba ko bulaate hain patiton ko aakar paavan banaao, phool banaao। ab baap aaye hain to apne par bhi raham karna chaahiye। kya ham aise phool nahin ban sakte! ab tak ham baba ke dil takhta par kyon nahin chadhe hain! attention nahin dete। baap kitna raham dil hai। baap ko bulaate hi hain patit duniya mein ki aakar paavan banaao। to jaise baap ko raham padta hai, aise bachchon ko bhi raham padna chaahiye। nahin to satguru ke nidank thaur na paayen। yeh to kisko svapna mein bhi nahin hoga ki satguru kaun? log gurooon ke liye samajh lete hain ki kahaan shraap na de deven, akripa na ho jaae। bachcha paida hua, samjhenge guru ki kripa hui। yeh hai alpakaal ke sukh ki baat। baap kehte hain - bachche, apne par raham karo। dehi-abhimaani bano to dhaarna bhi hogi। sab-kuchh aatma hi karti hai। main bhi aatma ko padhaata hoon। apne ko aatma pakka samjho aur baap ko yaad karo। baap ko yaad hi nahin karenge to vikarma vinaash kaise honge। bhakti maarga mein bhi yaad karte hain - he bhagwan raham karo। baap liberator bhi hai to guide bhi hai… yeh bhi unki gupta mahima hai, baap aakar sab batlaate hain ki bhakti maarga mein tum yaad karte ho। main aaoonga to zaroor apne samay par। aise jab chaahoon tab aaoon, yeh nahin। drama mein jab noondh hai tab aata hoon। baaki aise khyaalaat bhi kabhi nahin aate hain। tumko padhaane vaala woh baap hai। yeh bhi unse padhte hain। woh to kabhi bhi koi khata (bhool) nahin karte, kisko ranj nahin karte। baaki sab nambarvaar teacher hain। woh sachcha baap tumko satya hi sikhlaate hain। sachche ke bachche bhi sachche। phir jhoothe ke bachche banne se aadhaakalpa jhoothe ban padte hain। sachche baap ko hi bhool jaate hain।

pahle-pahle to samjhaao ki yeh satayugi nai duniya hai ya puraani duniya hai? to manushya samjhen yeh prashn bahut achha poochhte hain। is samay sabhi mein 5 vikaar pravesh hain। vahaan 5 vikaar hote nahin। yeh hai to bahut sahaj baat samajhne ki, parantu jo khud hi nahin samajhte to woh pradarshani mein kya samjhaayenge? service ke badle dis service karke aayenge। baahar mein jaakar service karna maasi ka ghar nahin hai। badi samajh chaahiye। baba harek ki chalan se samajh jaate hain। baap to baap hai phir to baap bhi kahenge yahi drama mein tha। koi bhi aata hai to brahmaakumaari ka samjhaana theek hai। naam bhi brahmaakumaari eeshvareey vishwa vidyaalay hai। naam baala bhi brahmaakumaariyon ka hona hai। is samay sab 5 vikaaron mein hire hue hain। unhon ko jaakar samjhaana kitna mushkil hota hai। kuchh bhi samajhte nahin hain sirf itna kahenge gyaan to achha hai। khud samajhte nahin hain। vighna ke peechhe vighna padta rehta hai। phir yuktiyaan bhi rachni padti hain। pulis ka pahra rakho, chitra insure kara do। yeh yagya hai ismen vighna zaroor padenge। saari puraani duniya inmen svaaha honi hai। nahin to yagya naam kyon pade। yagya mein svaaha hona hai। iska roodra gyaan yagya naam pada hai। gyaan ko padhaai bhi kaha jaata hai। yeh paathshaala bhi hai to yagya bhi hai। tum paathshaala mein padhkar devta bante ho phir yeh sab-kuchh is yagya mein svaaha ho jaata hai। samjha vahi sakenge jo roz practice karte rahenge। agar practice nahin hogi to woh kya baat kar sakenge। duniya ke manushyon ke liye svarga abhi hai, alpakaal ke liye। tumhaare liye svarga aadhaakalpa ke liye hoga। yeh bhi drama bana hua hai। vichaar kiya jaata hai to bada wonder lagta hai। ab raavan raajya khatma ho raamraajya sthaapan hota hai। ismen ladaai aadi ki koi bhi baat nahin। yeh seedhi dekh log bada wonder khaate hain। to baap ne kya-kya samjhaaya hai, yeh brahma bhi baap se hi seekha hai jo samjhaate rehte hain। bachchiyaan bhi samjhaati hain। jo bahuton ka kalyaan karte hain unhon ko zaroor jaasti phal milega। padhe hue ke aage anapdhe zaroor bhari dhoyenge। baap roz-roz samjhaate hain - apna kalyaan karo। in chitron ko saamne rakhne se hi nasha chadh jaata hai isliye baba ne kamre mein yeh chitra rakh diye hain। em object kitni sahaj hai, ismen characters bahut achhe chaahiye। dil saaph to muraad haansil ho sakti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada smriti mein rakhna hai ki ham behad baap ke student hain, bhagwan humein padhaate hain, isliye achhi tarah padhkar baap ka naam baala karna hai। apni chalan badi royal rakhni hai।

2) baap samaan merciful ban kaante se phool banna aur doosron ko phool banaana hai। antarmukhi ban apne va doosron ke kalyaan ka chintan karna hai।

vardaan:- halchal mein dilshikasta hone ke bajaae badi dil rakhne vaale himmatvaan bhav

kabhi bhi koi shaareerik beemaari ho, man ka toofaan ho, dhan mein ya pravritti mein halchal ho, seva mein halchal ho - us halchal mein dilshikasta nahin bano। badi dil vaale bano। jab hisaab-kitaab aa gaya, darda aa gaya to use soch-sochkar, dilshikasta ban badhaao nahin, himmat vaale bano, aise nahin socho haay kya karoon…himmat nahin haaro। himmatvaan bano to baap ki madad svatah milegi।

slogan:- kisi ki kamjori ko dekhne ki aankhen banda kar man ko antarmukhi banaao।