Daily Murli for Tuesday 21 May 2024

21-05-2024 praatahmurli om shanti "baapdaada"' madhuban

“meethe bachche - shivbaaba wonderful baap, teacher aur satguru hai, use apna koi baap nahin, woh kabhi kisi se kuchh seekhta nahin, unhein guru ki darkaar nahin, aisa wonder khaakar tumhein yaad karna chaahiye''

prashn:- yaad mein kaun-si naveenta ho to aatma sahaj hi paavan ban sakti hai?

uttar:- yaad mein jab baithte ho to baap ki current kheenchate raho। baap tumhein dekhe aur tum baap ko dekho, aisi yaad hi aatma ko paavan bana sakti hai। yeh bahut sahaj yaad hai, lekin bachche ghadi-ghadi bhool jaate hain ki ham aatma hain, shareer nahin। dehi-abhimaani bachche hi yaad mein thahar sakte hain।

om shanti। meethe-meethe bachchon ko yeh to nishchay hai ki yeh hamaara behad ka baap hai, unka koi baap nahin। duniya mein aisa koi manushya nahin hoga jiska baap na ho। ek-ek baat badi achhi samajhne ki hai aur phir knowledge bhi woh sunaate hain, jo kab padhte nahin hain। nahin to manushya maatra kuchh na kuchh padhte zaroor hain। shreekrishna bhi padha hai। baap kehte hain main kya padhoon। main to padhaane aaya hoon। main padha hua nahin hoon। mainne koi se shiksha nahin li hai। koi guru nahin kiya hai। drama plan anusaar baap ki zaroor oonch te oonch mahima hogi। gaaya bhi jaata hai oonche te ooncha bhagvan। unse ooncha phir kya hoga! na baap, na teacher, na guru। is behad ke baap ka na koi baap hai, na teacher hai, na guru hai। yeh svayan hi baap, teacher, guru hai। yeh to achhi tarah samajh sakte ho। aisa koi bhi vyakti ho nahin sakta। yahi wonder khaakar aise baap, teacher, satguru ko yaad karna chaahiye। manushya kehte bhi hain O god father… woh knowledgeful teacher bhi hai, supreme guru bhi hai। ek hi hai, aisa koi doosra manushya maatra nahin hoga। unko padhaana bhi manushya tan mein hai। padhaane ke liye mukh to zaroor chaahiye। yeh bhi bachchon ko ghadi-ghadi smriti rahe to bhi beda paar ho jaae। baap ko yaad karne se hi vikarma vinaash honge। supreme teacher samajhne se saara gyaan buddhi mein aa jaayega। woh satguru bhi hai। hamko yog sikhla rahe hain। ek ke hi saath yog lagaana hai। sabhi aatmaon ka ek hi father hai। sab aatmaon ko kehte hain maamekam yaad karo। aatma hi sab kuchh karti hai। is shareer roopi motor ko chalaane vaali aatma hai। unko rath kaho va kuchh bhi kaho। mukhya chalaane vaali aatma hi hai। aatma ka baap ek hi hai। mukh se kehte bhi ho, ham sab bhaai-bhaai hain। ek baap ke bachche ham sab bhaai-bhaai hain। phir jab baap aate hain, prajaapita brahma ke tan mein to bhaai-behen hona padta hai। prajaapita brahma mukh vanshaavli to bhaai-behen honge na। bhaai ki behen se kabhi bhi shaadi nahin hoti hai। to yeh sab prajaapita brahmaakumaar-kumaariyaan ho gaye। to bhaai-behen samajhne se jaise baap ke lovely children eeshvareey sampradaay ho gaye। tum kahenge ham hain direct eeshvareey sampradaay। eeshvar baba hamko sab kuchh sikhla rahe hain। woh koi se seekha hua nahin hai। woh to hai hi sadaiv sampoorn। unki kalaayen kabhi kam nahin hoti aur sabki kalaayen kam hoti hain। ham to shivbaaba ki bahut mahima karte hain। shivbaaba kehna bada easy hai aur baap hi patit-paavan hai। sirf eeshvar kahne se itna janchata nahin hai। abhi tum bachchon ko dil mein janchata hai। baap kaise aakar patiton ko paavan banaate hain। laukik baap bhi hai, paarlaukik baap bhi hai। paarlaukik baap ko sabhi yaad karte hain kyonki patit hain tab yaad karte hain। paavan ban gaye phir to darkaar nahin patit-paavan ko bulaane ki। drama dekho kaisa hai। patit-paavan baap ko yaad karte hain। chaahte hain ham paavan duniya ke maalik banen।

shaastron mein dikhaaya hai devtaaon aur asuron ki ladaai lagi। parantu aisa to hai nahin। abhi tum samajhte ho ham na asur hain, na devta hain। abhi ham hain beech ke। sabhi tumko kootte rehte hain। yeh khel bada maje ka hai। naatak mein maja hi dekhne jaate hain na। woh sab hain had ke drama, yeh hai behad ka drama। inko aur koi nahin jaante। devtaayen to jaan bhi nahin sakte। abhi tum kaliyug se nikal aaye ho। jo khud jaante hain woh auron ko bhi samjha sakte hain। ek baar drama dekha to phir saara drama buddhi mein aa jaayega। baba ne samjhaaya hai yeh manushya srishti roopi jhaad hai, inka beej oopar mein hai। viraat roop kehte hain na। baap baith tum bachchon ko samjhaate hain। manushyon ko yeh pata nahin hai। shivbaaba koi se bhaasha seekha hoga? jabki unka koi teacher hi nahin to bhaasha phir kya seekha hoga। to zaroor jis rath mein aate hain unki bhaasha hi kaam mein laayega। unki apni bhaasha to koi hai nahin। woh kuchh padhte seekhte hi nahin। unka koi teacher hota nahin। shreekrishna to seekhta hai। unke maa, baap, teacher hain, unko guru ki darkaar hi nahin kyonki unko to sadgati mili hui hai। yeh bhi tum jaante ho। tum brahman ho sabse oonch। yeh tum smriti mein rakho। hamko padhaane vaala hai baap। ham abhi brahman hain। brahman, devta.... kitna clear hai। baap ko to pahle se hi kah dete hain, woh sab kuchh jaante hain। kya jaante hain, yeh kisko pata nahin। woh knowledgeful hai। saare srishti ke aadi-madhya-ant ki unko knowledge hai। beej ko saare jhaad ki knowledge hoti hai। woh to hai jad beej। tum ho chaitanya। tum apne jhaad ki knowledge samjhaate ho। baap kehte hain main is variety manushya srishti ka beej hoon। hain to sab manushya, parantu variety hain। ek bhi aatma ke shareer ke features doosre jaise nahin ho sakte। do actors ek jaise nahin ho sakte। yeh hai behad ka drama। ham manushyon ko actors nahin kehte hain, aatma ko kehte hain। vo log manushyon ko hi samajhte hain। tumhaari buddhi mein hai ki ham aatmaayen actors hain, jo shareer dvaara dance karte hain। jaise manushya bandar ko dance karaate hain। yeh bhi aatma hai jo shareer ko dance karaati, part bajvaati hai। yeh to bahut sahaj samajhne ki baaten hain। behad ka baap aate bhi zaroor hain। aise nahin ki nahin aate। shiv jayanti bhi hoti hai। baap aate hi tab hain jab duniya change honi hoti hai। bhakti maarga mein shreekrishna ko yaad karte rehte hain, parantu shreekrishna aaye kaise! kaliyug mein ya sangam par to shreekrishna ka roop in aankhon se dekha nahin ja sakta। phir unko bhagwan kaise kahen? woh to satayug ka pahla number prince hai। unka baap, teacher bhi hai, guru ki unko darkaar nahin kyonki sadgati mein hai। svarga ko sadgati kaha jaata hai। hisaab bhi clear hai। bachche samajhte hain manushya 84 janma lete hain। kaun-kaun kitne janma lete hain woh to hisaab karte ho। deity gharaana zaroor pahle-pahle aata hai। pahla janma unka hi hota hai। ek ka hua to unke peechhe sabhi aa jaate hain। yeh baaten tum jaante ho। tumhaare mein bhi koi achhi reeti samajhte hain। jaise us padhaai mein hota hai, yeh hai bahut sahaj। sirf ek gupta difficulty hai - tum baap ko yaad karte ho usmein maaya vighna daalti hai kyonki maaya raavan ko hashad (eershya) hota hai। tum raam ko yaad karte ho to raavan ko hashad hota hai ki hamaara mureed raam ko kyon yaad karta hai! yeh bhi drama mein pahle se hi noondh hai। nai baat nahin। kalpa pahle jo part bajaaya hai vahi bajaayenge। abhi tum purooshaartha kar rahe ho। kalpa pahle jo purooshaartha kiya hai, woh abhi bhi kar rahe ho। yeh chakra phirta rehta hai। kabhi banda nahin hota hai। time ki tik-tik hoti rehti hai। baap samjhaate hain, yeh 5 hajaar varsha ka drama hai। shaastron mein to kaisi-kaisi baaten likh di hain। baap aise kabhi nahin kahenge ki bhakti chhodo kyonki agar yahaan bhi chal nahin sake aur woh bhi chhoot jaae to na idhar ka, na udhar ka hi rahe। koi kaam ka hi nahin raha isliye tum dekhte ho kai manushya aise bhi hain jo bhakti aadi kuchh nahin karte hain। bas, aise hi chalta rehta hai। kai to kah dete hain, bhagwan hi anek roop dharte hain। are, yeh to behad ka drama anaadi bana-banaaya hai, jo repeat hota rehta hai isliye isko anaadi avinaashi world drama kaha jaata hai। isko bhi tum bachche hi samajh rahe ho। ismen bhi tum kumaariyon ke liye to bahut sahaj hai। maataaon ko to jo seedhi chadhi hai woh utarna pade। kumaari ko to koi aur bandhan nahin। chintan hi nahin, baap ka ban jaana hai। laukik sambandh ko bhool paarlaukik sambandh jodna hai। kaliyug mein to hai hi durgati। neeche utarna hi hai, drama anusaar।

bhaaratvaasi kehte hain yeh sab kuchh eeshvar ka hai। woh maalik hai। tum kaun ho! ham aatma hain। baaki yeh sab kuchh eeshvar ka hai। yeh deh aadi jo kuchh hai, paramatma ne diya hai। mukh se kehte theek hain। kah dete hain - yeh sab kuchh eeshvar ne diya hai। achha, phir unki di hui cheez mein khyaanat thode hi daalni chaahiye। parantu us par bhi chalte nahin। raavan mat par chalte hain। baap samjhaate hain tum to trustee ho। parantu raavan sampradaay hone kaaran tum trasteepne mein apne ko dhokha dete ho। mukh se kehte ek ho, karte doosra ho। baap ne cheez di, phir le li to usmein tumko duhkh kyon hota hai? mamatva mitaane ke liye hi yeh baaten baap apne bachchon ko samjhaate hain। ab baap aaye hain। tumne hi pukaara hai - baba hamko saath le chalo। ham raavan raajya mein bahut duhkhi hain, aakar hamko paavan banaao kyonki samajhte hain paavan banne bigar ham ja nahin sakte। hamko le chalo! kahaan? ghar le chalo। sab kehte hain ham ghar jaayen। shreekrishna ke bhakta chaahte hain ham krishnapuri baikuntha mein jaayen। satayug hi yaad rehta hai। pyaari cheez hai। manushya marta hai to svarga jaata nahin hai, svarga to satayug mein hi hota hai, kaliyug mein hota hai narka। to zaroor punarjanma narka mein hi hoga। yeh koi satayug thode hi hai। woh to wonder oph world hai। kehte bhi hain, samajhte bhi hain, phir bhi koi marta hai to unke sambandhi kuchh bhi samajhte nahin। baap ke paas jo 84 ke chakra ki knowledge hai woh baap hi de sakte hain। tum to apne ko deh samajhte the, woh wrong tha। ab baap kehte hain dehi-abhimaani bhav। shreekrishna to kah na sake dehi-abhimaani bhav। unko to apni deh hai na। shivbaaba ko apni deh nahin hai। yeh to unka rath hai, jismen woh viraajmaan hai। unka yeh rath hai to inka bhi rath hai। inki apni aatma bhi hai। baap ka bhi loan liya hua hai। baap kehte hain main inka aadhaar leta hoon। apna to hai nahin। to padhaayenge kaise! baap roz baith bachchon ko kashish karte hain ki apne ko aatma samajh aur baap ko dekho। yeh shareer bhi bhool jaae। ham tumko dekhen, tum hamko dekho। tum jitna baap ko dekhenge, pavitra hote jaayenge। aur koi upaay paavan banne ka hai nahin। agar ho to bataao, jisse aatma pavitra hoti ho? ganga ke paani se to nahin hogi। pahle to koi ko bhi baap ka parichay dena hai। aisa baap to aur koi hota nahin। nabja dekho aisa samjha hai, jo chakrit ho jaae? samjhe barobar inko paramatma kaha jaata hai। abhi tum bachchon ko baap apna parichay de rahe hain। main kaun hoon, yeh bhi bachchon ko maaloom hai। history repeat hoti hai। jo is kul ke honge vahi aayenge। baaki to sab apne-apne dharma mein chale jaayenge। jo aur dharmon mein convert ho gaye hain woh phir nikal apne-apne section mein chale jaayenge isliye niraakaari jhaad bhi dikhaaya hai। yeh baaten tum bachche hi samajhte ho baaki to koi mushkil hi samajhte। 7-8 se koi 1-2 niklenge jo samjhenge yeh knowledge to bahut achhi hai। yahaan ka jo hoga unko toophaan kam aayenge। dil hogi phir jaayen, jaakar sunen। kai phir sang ke rang mein bhi aa jaate hain to phir aate nahin। jahaan party ko jaata hua dekhenge to usmein latak padenge। mehnat lagti hai bahut। kitni mehnat karni padti hai। ghadi-ghadi kehte hain ham bhool jaate hain। main aatma hoon, shareer nahin। yeh ghadi-ghadi bhool jaate hain। baap bhi jaante hain bachche kaam chita par baithkar kaale ho gaye hain। kabradaakhil ho pade hain, isliye saanvare ban gaye hain। unko hi phir baap kehte hain hamaare bachche sab jal mare hain। yeh behad ki baat hai। kitni karodon aatmaayen hamaare ghar mein rahne vaali hain arthaat brahmalok mein rahne vaali hain। baap to behad mein khade hain na। tum bhi behad mein khade ho jaayenge। jaante ho baba sthaapna karke chala jaayega phir tum raajya karenge। baaki sab aatmaayen shantidham mein chali jaayengi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi bhi actor se raavan hashad (eershya) kare, vighna daale, toophaan mein laaye to use na dekh apne purooshaartha mein tatpar rehna hai kyonki harek actor ka part, is drama mein apna-apna hai। yeh anaadi drama bana hua hai।

2) raavan mat par eeshvar ki amaanat mein khyaanat nahin daalni hai। sabse mamatva nikaal poora trustee hokar rehna hai।

vardaan:- sada ekras mood dvaara sarva aatmaon ko sukh-shanti-prem ki anchali dene vaale mahaadaani bhav

aap bachchon ki mood sada khushi ki ekras rahe, kabhi mood aaph, kabhi mood bahut khush... aise nahin। sada mahaadaani banne vaalon ki mood kabhi badalti nahin hai। devta banne vaale maana dene vaale। aapko koi kuchh bhi de lekin aap mahaadaani bachche sabko sukh ki anchali, shanti ki anchali, prem ki anchali do। tan ki seva ke saath man se aisi seva mein busy raho to double punya jama ho jaayega।

slogan:- aapki visheshtaayen prabhu prasaad hain, inhen sirf svayan prati use nahin karo, baanto aur badhaao।