Daily Murli for Thursday 26 September 2024

26-09-2024 praatahmurli om shanti "baapdaada"' madhuban

“meethe bachche - sada shreemat par chalna - yahi shreshtha purushaartha hai, shreemat par chalne se aatma ka deepak jag jaata hai''

prashn:- poora-poora purushaartha kaun kar sakte hain? oonch purushaartha kya hai?

uttar:- poora purushaartha vahi kar sakte jinka attention va buddhiyog ek mein hai। sabse ooncha purushaartha hai baap ke oopar poora-poora kurbaan jaana। kurbaan jaane vaale bachche baap ko bahut priy lagte hain।

prashn:- sachchi-sachchi deepaavli manaane ke liye behad ka baap kaun-si raay dete hain?

uttar:- bachche, behad ki pavitrata ko dhaaran karo। jab yahaan behad pavitra banenge, aisa ooncha purushaartha karenge tab lakshmi-naaraayan ke raajya mein ja sakenge arthaat sachchi-sachchi deepaavli va coronation de mana sakenge।

om shanti। bachche abhi yahaan baithkar kya kar rahe hain? chalte phirte athva yahaan baithe-baithe janma-janmaantar ke jo paap sir par hain, un paapon ka yaad ki yaatra se vinaash karte hain। yeh to aatma jaanti hai, ham jitna baap ko yaad karenge utna paap katte jaayenge। baap ne to achhi reeti samjhaaya hai - bhal yahaan baithe ho to bhi jo shreemat par chalne vaale hain, unko to baap ki raay achhi hi lagegi। behad baap ki raay milti hai, behad pavitra banna hai। tum yahaan aaye ho behad pavitra banne ke liye, so banenge hi yaad ki yaatra se। kai to bilkul yaad kar nahin sakte, kai samajhte hain ham yaad ki yaatra se apne paap kaat rahe hain, goya apna kalyaan kar rahe hain। baahar vaale to in baaton ko jaante nahin। tumko hi baap mila hai, tum rehte hi ho baap ke paas। jaante ho abhi ham eeshvareey santaan bane hain, aage aasuri santaan the। ab hamaara sang eeshvareey santaanon se hai। gaayan bhi hai na - sang taare kusang duboye। bachchon ko ghadi-ghadi yeh bhool jaata hai ki ham eeshvareey santaan hain to hamko eeshvareey mat par hi chalna chaahiye, na ki apni manmat par। manmat manushya mat ko kaha jaata hai। manushya mat aasuri hi hoti hai। jo bachche apna kalyaan chaahte hain woh baap ko achhi reeti yaad karte rehte hain, satopradhaan banne ke liye। satopradhaan ki mahima bhi hoti hai। barobar jaante hain ham sukhdhaam ke maalik bante hain nambarvaar। jitna-jitna shreemat par chalte hain, utna oonch pad paate hain, jitna apni mat par chalte to pad bhrashta ho jaayega। apna kalyaan karne ke liye baap ke direction to milte hi rehte hain। baap ne samjhaaya hai yeh bhi purushaartha hai, jo jitna yaad karte hain to unke bhi paap katte hain। yaad ki yaatra bigar to pavitra ban nahin sakenge। uthte, baithte, chalte yahi ona rakhna hai। tum bachchon ko kitne varshon se shiksha mili hai to bhi samajhte hain ham bahut door hain। itna baap ko yaad nahin kar sakte hain। satopradhaan banne mein to bahut time lag jaayega। is beech mein shareer chhoot jaae to kalpa-kalpaantar ke liye kam pad ho jaayega। eeshvar ka bane hain to unse poora varsa lene ka purushaartha karna chaahiye। buddhi ek taraph hi rahni chaahiye। tumko ab shreemat milti hai। woh hai oonch te oonch bhagwan। unki mat par nahin chalenge to bahut dhokha khaayenge। chalte ho va nahin, woh to tum jaano aur shivbaaba jaane। tumko purushaartha karaane vaala woh shiv-baba hai। dehdhaari sab purushaartha karte hain। yeh bhi dehdhaari hai, inko shivbaaba purushaartha karaate hain। bachchon ko hi purushaartha karna hai। mool baat hai patiton ko paavan banaane ki। vaise duniya mein paavan to bahut hote hain। sanyaasi bhi pavitra rehte hain। woh to ek janma ke liye paavan bante hain। aise bahut hain jo is janma mein baal brahmachaari rehte hain। woh koi duniya ko madad nahin de sakte hain pavitrata ki। madad tab ho jabki shreemat par paavan banen aur duniya ko paavan banaayen।

abhi tumko shreemat mil rahi hai। janma-janmaantar to tum aasuri mat par chale ho। ab tum jaante ho sukhdhaam ki sthaapna ho rahi hai। jitna ham shreemat par purushaartha karenge utna oonch pad paayenge। yeh brahma ki mat nahin hai। yeh to purushaarthi hai। inka purushaartha zaroor itna oonch hai tab to lakshmi-naaraayan bante hain। to bachchon ko yeh follow karna hai। shreemat par chalna pade, manmat par nahin। apne aatma ki jyoti ko jagaana hai। abhi deepaavli aati hai, satayug mein deepaavli hoti nahin। sirf coronation hai। baaki aatmaayen to satopradhaan ban jaati hain। yeh jo deepmaala manaate hain, woh hai jhoothi। baahar ke deepak jagaate hain, vahaan to ghar-ghar mein deep jaga hua hai arthaat sabki aatma satopradhaan rehti hai। 21 janmon ke liye gyaan ghrit pad jaata hai। phir aahiste-aahiste kam hote-hote is samay jyoti ujhaai hai - saari duniya ki। ismen bhi khaas bhaaratvaasi, aam duniya। abhi paap aatmaayen to sab hain, sabki kayaamat ka samay hai, sabko hisaab-kitaab chuktu karna hai। abhi tum bachchon ko purushaartha karna hai oonch te oonch pad paane ka, shreemat par chalne se hi paayenge। raavan raajya mein to shivbaaba ki bahut avagya ki hai। ab bhi unke farmaan par nahin chalenge to bahut dhokha khaayenge। unko hi bulaaya hai ki aakar hamko paavan banaao। to ab apna kalyaan karne ke liye shivbaaba ki shreemat par chalna pade। nahin to bahut akalyaan ho jaayega। meethe-meethe bachche yeh bhi jaante ho - shivbaaba ki yaad bigar ham sampoorn paavan ban nahin sakte। tumko itne varsha hue hain phir bhi gyaan ki dhaarna kyon nahin hoti hai। sone ke bartan mein hi dhaarna hogi। naye-naye bachche kitne serviceable ho jaate hain। pharka dekho kitna hai। puraane-puraane bachche itna yaad ki yaatra mein nahin rehte, jitna naye rehte hain। kai achhe shivbaaba ke laadle bachche aate hain, kitni service karte hain। jaise ki shivbaaba ke pichhaadi aatma ko kurbaan kar diya hai। kurbaan karne se phir service bhi kitni karte hain। kitne priy meethe lagte hain। baap ko madad karte hi hain yaad ki yaatra mein rahne se। baap kehte hain mujhe yaad karo to tum paavan banenge। bulaaya hi hai ki mujhe aakar paavan banaao to ab baap kehte hain mujhe yaad karte raho। deh ke sambandh sab tyaag karna pade। mitra-sambandhiyon aadi ki bhi yaad na rahe, sivaae ek baap ke, tab hi oonch pad pa sakenge। yaad nahin karenge to oonch pad pa nahin sakenge। yeh baapdaada bhi samajh sakte hain। tum bachche bhi jaante ho। naye-naye aate hain, samajhte hain din-pratidin sudharte jaate hain। shreemat par chalne se hi sudharte hain। krodh par bhi purushaartha karte-karte jeet paate hain। to baap bhi samjhaate hain, kharaabiyon ko nikaalte raho। krodh bhi bada kharaab hai। apne andar ko bhi jalaate hain, doosre ko bhi jalaate hain। woh bhi nikalna chaahiye। bachche baap ki shreemat par nahin chalte hain to pad kam ho jaata hai, janma-janmaantar, kalpa-kalpaantar ka ghaata pad jaata hai।

tum bachche jaante ho ki woh hai jismaani padhaai, yeh hai roohaani padhaai jo roohaani baap padhaate hain। har prakaar ki sambhaal bhi hoti rehti hai। koi vikaari yahaan andar (madhuban mein) aa na sake। beemaari aadi mein bhi vikaari mitra-sambandhi aayen, yeh to achha nahin। pasanda bhi ham na karen। nahin to antakaal woh mitra-sambandhi hi yaad padenge। phir woh oonch pad pa nahin sakenge। baap to purushaartha karaate hain, koi ki bhi yaad na aaye। aise nahin, ham beemaar hain isliye mitra-sambandhi aadi aayen dekhne ke liye। nahin, unhon ko bulaana, kaayda nahin। kaaydesir chalne se hi sadgati hoti hai। nahin to muphta apne ko nuksaan pahunchaate hain। parantu tamopradhaan buddhi yeh samajhte nahin hain। eeshvar raay dete hain to bhi sudharte nahin। bada khabardaari se chalna chaahiye। yeh hai holiest oph holi sthaan। patit thahar na saken। mitra-sambandhi aadi yaad honge to marne samay zaroor woh yaad aayenge। deh-abhimaan mein aane se apne ko hi nuksaan pahunchaate hain। saza ke nimitta ban padte hain। shreemat par na chalne se badi durgati ho jaati hai। service laayak ban na sake। kitna bhi maatha maare parantu service laayak ho nahin sakte। avagya ki to pattharbuddhi ban jaate hain। oopar chadhne badle neeche gir jaate hain। baap to kahenge bachchon ko aagyaakaari banna chaahiye। nahin to pad bhrashta ho padega। laukik baap ke paas bhi 4-5 bachche hote hain, parantu unmein jo aagyaakaari hote hain vahi bachche priy lagte hain। jo aagyaakaari nahin woh to duhkh hi denge। abhi tum bachchon ko donon baap bahut bade mile hain, unki avagya nahin karni hai। avagya karenge to janma-janmaantar, kalpa-kalpaantar bahut kam pad paayenge। purushaartha aisa karna hai jo ant mein ek hi shiv-baba yaad aaye। baap kehte hain main jaan sakta hoon - har ek kya purushaartha karte hain। koi to bahut thoda yaad karte hain, baaki to apne mitra-sambandhiyon ko hi yaad karte rehte hain। woh itna khushi mein nahin rah sakte। oonch pad pa na saken।

tumhaara to roz satguroovaar hai। brihaspati ke din college mein baithte hain। woh hai jismaani vidya। yeh to hai roohaani vidya। tum jaante ho shivbaaba hamaara baap, teacher, satguru hai। to unke direction par chalna chaahiye, tab hi oonch pad pa sakenge। jo purushaarthi hain, unhon ke andar bahut khushi rehti hai। baat mat poochho। khushi hai to auron ko bhi khush karne ka purushaartha karte hain। bachchiyaan dekho kitni mehnat karti rehti hain - din-raat kyonki yeh wonderful gyaan hai na। baapdaada ko taras padta hai ki kai bachche besamjhi se kitna ghaata paate hain। deh-abhimaan mein aakar andar mein bada jalte hain। krodh mein manushya taambe jaisa laal ho jaate hain। krodh manushya ko jalaata hai, kaam kaala bana deta hai। moh athva lobh mein itna jalte nahin hain। krodh mein jalte hain। krodh ka bhoot bahuton mein hai। kitna ladte hain। ladne se apna hi nuksaan kar lete hain। niraakaar saakaar donon ki avagya karte hain। baap samajhte hain yeh to kapoot hain। mehnat karenge to oonch pad paayenge। to apne kalyaan ke liye sab sambandh bhula dene hain। sivaae ek baap ke kisko bhi yaad nahin karna hai। ghar mein rehte sambandhiyon ko dekhte hue shivbaaba ko yaad karna hai। tum ho sangamayug par, ab apne naye ghar ko, shantidham ko yaad karo।

yeh to behad ki padhaai hai na। baap shiksha dete hain ismen bachchon ka hi faayda hai। kai bachche apni bedhangi chalan se muphta apne ko nuksaan pahunchaate hain। purushaartha karte hain vishwa ki baadshaahi lene ke liye parantu maaya billi kaan kaat leti hai। janma liya hai, kehte hain ham yeh pad paayenge parantu maaya billi lene nahin deti, to pad bhrashta ho jaata hai। maaya bada jor se vaar kar deti hai। tum yahaan aate ho raajya lene ke liye। parantu maaya hairaan karti hai। baap ko taras padta hai bichaare oonch pad paaven to achha hai। meri ninda karaane vaala na banen। satguru ka nindak thaur na paaye, kiski ninda? shivbaaba ki। aisi chalan nahin chalni chaahiye jo baap ki ninda ho, ismen ahankaar ki baat nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne kalyaan ke liye deh ke sab sambandh bhula dene hain, unse preet nahin rakhni hai। eeshvar ki hi mat par chalna hai, apni mat par nahin। kusang se bachna hai, eeshvareey sang mein rehna hai।

2) krodh bahut kharaab hai, yeh svayan ko jalaata hai, krodh ke vash hokar avagya nahin karni hai। khush rehna hai aur sabko khush karne ka purushaartha karna hai।

vardaan:- sneh ke return mein svayan ko tarna kar baap samaan banne vaale sampanna aur sampoorn bhav

sneh ki nishaani hai vo snehi ki kami dekh nahin sakte। snehi ki galti apni galti samjhenge। baap jab bachchon ki koi baat sunte hain to samajhte hain yeh meri baat hai। baap bachchon ko apne samaan sampanna aur sampoorn dekhna chaahte hain। is sneh ke return mein svayan ko tarna kar lo। bhakta to sir utaarkar rakhne ke liye taiyaar hain aap shareer ka sir nahin utaaro lekin raavan ka sir utaar do।

slogan:- apne roohaani vibrations dvaara shaktishaali vaayumandal banaane ki seva karna sabse shreshtha seva hai।