Daily Murli for Tuesday 24 December 2024

24-12-2024 praatahmurli om shanti "baapdaada"' madhuban

“meethe bachche - apaar khushi va nashe mein rahne ke liye deh-abhimaan ki beemaari chhod preet buddhi bano, apni chalan sudhaaro''

prashn:- kin bachchon ko gyaan ka ulta nasha nahin chadh sakta hai?

uttar:- jo baap ko yathaartha jaankar yaad karte hain, dil se baap ki mahima karte hain, jinka padhaai par poora dhyaan hai unhein gyaan ka ulta nasha nahin chadh sakta। jo baap ko saadhaaran samajhte hain ve baap ko yaad kar nahin sakte। yaad karen to apna samaachaar bhi baap ko avashya den। bachche apna samaachaar nahin dete to baap ko khyaal chalta ki bachcha kahaan moorchhit to nahin ho gaya?

om shanti। baap baith bachchon ko samjhaate hain - bachche, jab koi naya aata hai to unko pahle had aur behad, do baap ka parichay do। behad ka baba maana behad ki aatmaon ka baap। woh had ka baap, harek jeev aatma ka alag hai। yeh knowledge bhi sabhi ekras dhaaran nahin kar sakte। koi ek percent, koi 95 percent dhaaran karte hain। yeh to samajh ki baat hai, sooryavanshi, chandravanshi gharaana hoga na। raaja, raani tatha praja। praja mein sabhi prakaar ke manushya hote hain। praja maana hi praja। baap samjhaate hain yeh padhaai hai, har ek apni buddhi anusaar hi padhte hain। har ek ko apna-apna part mila hua hai। jisne kalpa pahle jitni padhaai dhaaran ki hai, utni abhi bhi karte hain। padhaai kabhi chhipi nahin rah sakti hai। padhaai anusaar pad bhi milta hai। baap ne samjhaaya hai, aage chal imtahaan hoga। bigar imtahaan ke transfer ho na saken। to pichhaadi mein sab maaloom padega। parantu abhi bhi samajh sakte ho ham kis pad ke laayak hain? bhal lajja ke maare sabhi haath utha lete hain parantu samajh sakte hain, aise ham kaise ban sakte hain! phir bhi haath utha dete hain। yeh bhi agyaan hi kahenge। baap to jhat samajh jaate hain ki isse to jaasti akla laukik student mein hota hai। woh samajhte hain ham scholarship lene laayak nahin hain, paas nahin honge। woh samajhte hain, teacher jo padhaate hain usmein ham kitne marks lenge? aise thode hi kahenge ki ham paas with honour honge। yahaan to kai bachchon mein itni bhi akla nahin hai, deh-abhimaan bahut hai। bhal aaye hain yeh (devta) banne ke liye parantu aisi chalan bhi to chaahiye। baap kehte hain vinaash kaale vipreet buddhi kyonki kaaydesir baap se preet nahin hai।

baap tum bachchon ko samjhaate hain ki vinaash kaale vipreet buddhi ka yathaartha arth kya hai? bachche hi poora nahin samajh sakte hain to phir woh kya samjhenge? baap ko yaad karna - yeh to hui gupta baat। padhaai to gupta nahin hai na। padhaai mein nambarvaar hote hain। ek jaisa thode hi padhenge। baba samajhte hain abhi to baby hain। aise behad ke baap ko teen-teen, chaar-chaar maas yaad bhi nahin karte hain। maaloom kaise pade ki yaad karte hain? baap ko patra tak nahin likhte ki baba main kaise-kaise chal raha hoon, kya-kya service karta hoon? baap ko bachchon ki kitni phikra rehti hai ki kahaan bachcha moorchhit to nahin ho gaya hai, kahaan bachcha mar to nahin gaya? koi to baba ko kitna achha-achha service samaachaar likhte hain। baap bhi samajhte, bachcha jeeta hai। service karne vaale bachche kabhi chhip nahin sakte। baap to har bachche ka dil lete hain ki kaun-sa bachcha kaisa hai? deh-abhimaan ki beemaari bahut kadi hai। baba murli mein samjhaate hain, kaiyon ko to gyaan ka ulta nasha chadh jaata hai, ahankaar aa jaata hai phir yaad bhi nahin karte, patra bhi nahin likhte। to baap bhi yaad kaise karenge? yaad se yaad milti hai। abhi tum bachche baap ko yathaartha jaankar yaad karte ho, dil se mahima karte ho। kai bachche baap ko saadhaaran samajhte hain isliye yaad nahin karte। baba koi bhabhka aadi thode hi dikhaayega। bhagvaanu-vaach, main tumhein vishwa ki raajaai dene ke liye raajayog sikhlaata hoon। tum aise thode hi samajhte ho ki ham vishwa ki baadshaahi lene ke liye behad ke baap se padhte hain। yeh nasha ho to apaar khushi ka paara sada chadha rahe। geeta padhne vaale bhal kehte hain - shreekrishna bhagvaanuvaach, main raajayog sikhlaata hoon, bas। unhein raajaai paane ki khushi thode hi rahegi। geeta padhkar poori ki aur gaye apne-apne dhandhedhori mein। tumko to abhi buddhi mein hai ki hamko behad ka baap padhaate hain। unhein aisa buddhi mein nahin aayega। to pahle-pahle koi bhi aaye to unko do baap ka parichay dena hai। bolo bhaarat svarga tha, abhi narka hai। yeh kaliyug hai, ise svarga thode hi kahenge। aise to nahin kahenge ki satayug mein bhi hain, kaliyug mein bhi hain। kisko duhkh mila to kahenge narka mein hain, kisko sukh hai to kahenge svarga mein hain। aise bahut kehte hain - duhkhi manushya narka mein hain, ham to bahut sukh mein baithe hain, mahal maadiyaan, motor aadi hain, samajhte hain ham to svarga mein hain। golden ej, iron ej ek hi baat hai।

to pahle-pahle do baap ki baat buddhi mein bithaani hai। baap hi khud apni pahchaan dete hain। woh sarvavyaapi kaise ho sakta hai? kya laukik baap ko sarvavyaapi kahenge? abhi tum chitra mein dikhaate ho aatma aur paramatma ka roop to ek hi hai, usmein farka nahin। aatma aur paramatma koi chhota-bada nahin। sabhi aatmaayen hain, woh bhi aatma hai। woh sada paramdham mein rehte hain isliye unhein param aatma kaha jaata hai। sirf tum aatmaayen jaise aati ho vaise main nahin aata। main ant mein is tan mein aakar pravesh karta hoon। yeh baaten koi baahar ka samajh na sake। baat badi sahaj hai। farka sirf itna hai jo baap ke badle vaikunthavaasi shreekrishna ka naam daal diya hai। kya shreekrishna ne vaikuntha se narka mein aakar raajayog sikhaaya? shreekrishna kaise kah sakta hai deh sahit… maamekam yaad karo। dehdhaari ki yaad se paap kaise katenge? shreekrishna to ek chhota bachcha aur kahaan main saadhaaran manushya ke vriddha tan mein aata hoon। kitna farka ho gaya hai। is ekaz bhool ke kaaran sabhi manushya patit, kangaal ban gaye hain। na main sarvavyaapi hoon, na shreekrishna sarvavyaapi hai। har shareer mein aatma sarvavyaapi hai। mujhe to apna shareer bhi nahin hai। har aatma ko apna-apna shareer hai। naam har ek shareer par alag-alag padta hai। na mujhe shareer hai aur na mere shareer ka koi naam hai। main to boodha shareer leta hoon to iska naam badalkar brahma rakha hai। mera to brahma naam nahin hai। mujhe sada shiv hi kehte hain। main hi sarva ka sadgati daata hoon। aatma ko sarva ka sadgati daata nahin kahenge। paramatma ki kabhi durgati hoti hai kya? aatma ki hi durgati aur aatma ki hi sadgati hoti hai। yeh sabhi baaten vichaar saagar manthan karne ki hain। nahin to doosron ko kaise samjhaayenge। parantu maaya aisi dustar hai jo bachchon ki buddhi aage nahin badhne deti। din bhar jharmui jhagmui mein hi time vesta kar dete hain। baap se pichhaadne ke liye maaya kitna force karti hai। phir kai bachche to toot padte hain। baap ko yaad na karne se avastha achal-adol nahin ban paati। baap ghadi-ghadi khada karte, maaya gira deti। baap kehte kabhi haar nahin khaani hai। kalpa-kalpa aisa hota hai, koi nai baat nahin। maayaajeet ant mein ban hi jaayenge। raavan raajya khalaas to hona hi hai। phir ham nai duniya mein raajya karenge। kalpa-kalpa maaya jeet bane hain। anginat baar nai duniya mein raajya kiya hai। baap kehte hain buddhi ko sada busy rakho to sada safe rahenge। isko hi svadarshan chakradhaari kaha jaata hai। baaki ismen hinsa aadi ki baat nahin hai। brahman hi svadarshan chakradhaari hote hain। devtaaon ko svadarshan chakradhaari nahin kahenge। patit duniya ki rasma-rivaaj aur devi-devtaaon ki rasma-rivaaj mein bahut antar hai। mrityulok vaale hi patit-paavan baap ko bulaate hain, ham patiton ko aakar paavan banaao। paavan duniya mein le chalo। tumhaari buddhi mein hai aaj se 5 hazaar varsha pahle nai paavan duniya thi, jisko satayug kaha jaata hai। treta ko nai duniya nahin kahenge। baap ne samjhaaya hai - woh hai first class, woh hai second class। ek-ek baat achhi reeti dhaaran karni chaahiye jo koi aakar sune to wonder khaaye। koi-koi wonder bhi khaate hain, parantu phursat nahin jo purooshaartha karen। phir sunte hain pavitra zaroor banna hai। yeh kaam vikaar hi manushya ko patit banaata hai, unko jeetne se tum jagatjeet banenge। parantu kaam vikaar unhon ki jaise poonji hai, isliye woh akshar nahin bolte hain। sirf kehte hain man ko vash mein karo। lekin man aman tab ho jab shareer mein nahin ho। baaki man aman to kabhi hota hi nahin। deh milti hai karma karne ke liye to phir karmaateet avastha mein kaise rahenge? karmaateet avastha kaha jaata hai murde ko। jeete ji murda athva shareer se detach। baap tumko shareer se nyaara banne ki padhaai padhaate hain। shareer se aatma alag hai। aatma paramdham ki rahne vaali hai। aatma shareer mein aati hai to use manushya kaha jaata hai। shareer milta hi hai karma karne ke liye। ek shareer chhod phir doosra shareer karma karne liye lena hai। shanti to tab ho jab shareer mein nahin hai। mool vatan mein karma hota nahin। sookshm vatan ki to baat hi nahin। srishti ka chakra yahaan phirta hai। baap aur srishti chakra ko jaanna, isko hi knowledge kaha jaata hai। sookshm vatan mein na saphed poshdhaari, na saje sajaaye, na naag-balaae pahanne vaale shankar aadi hi hote hain। baaki brahma aur vishnu ka raaz baap samjhaate rehte hain। brahma yahaan hai। vishnu ke do roop bhi yahaan hain। woh sirf saakshaatkaar ka part drama mein hai, jo divya drishti se dekha jaata hai। criminal aankhon se pavitra cheez dikhaai na pade। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne aapko sada safe rakhne ke liye buddhi ko vichaar saagar manthan mein busy rakhna hai। svadarshan chakradhaari bankar rehna hai। jharmui jhagmui mein apna samay nahin ganvaana hai।

2) shareer se detach rahne ki padhaai jo baap padhaate hain, woh padhni hai। maaya ke force se bachne ke liye apni avastha achal-adol banaani hai।

vardaan:- brahma baap samaan lakshya ko lakshan mein laane vaale pratyaksha sample ban sarva ke sahayogi bhav

jaise brahma baap ne svayan ko nimitta example banaaya, sada yeh lakshya lakshan mein laaya - jo ote so arjun, isi se number one banen। to aise follow father karo। karma dvaara sada svayan jeevan mein gun moorta ban, pratyaksha sample ban auron ko sahaj gun dhaaran karne ka sahayog do - isko kehte hain gundaan। daan ka arth hi hai sahayog dena। koi bhi aatma ab sunne ke bajaae pratyaksha pramaan dekhna chaahti hai। to pahle svayan ko gunmoorta banaao।

slogan:- sarva ki niraashaaon ka andhakaar door karne vaale hi gyaan deepak hain।