Daily Murli for Tuesday 30 September 2025

30-09-2025 praatahmurli om shanti "baapdaada"' madhuban

“meethe bachche - baap aaye hain sabke duhkh har kar sukh dene, isliye tum duhkh harta ke bachche kisi ko bhi duhkh mat do''

prashn:- oonch pad paane vaale bachchon ki mukhya nishaani kya hogi?

uttar:- 1- ve sada shreemat par chalte rahenge। 2- kabhi hath nahin karenge। 3- apne ko aapehi raajtilak dene ke liye padhaai padhkar gallop karenge। 4- apne ko kabhi ghaata nahin daalenge। 5- sarva prati merciful aur kalyaankaari banenge। unhein service ka bahut shauk hoga। 6- koi bhi tuchchha kaam nahin karenge। ladenge-jhagdenge nahin।

geet:- toone raat ganvaayi so ke…

om shanti। roohaani bachche roohaani baap ke saamne baithe hain। ab is bhaasha ko to tum bachche hi samajhte ho aur koi naya samajh na sake। “he roohaani bachche'' aise kabhi koi kah na sake। kahne aayega hi nahin। tum jaante ho ham roohaani baap ke saamne baithe hain। jis baap ko yathaartha reeti koi bhi jaante nahin। bhal apne ko bhaai-bhaai bhi samajhte hain, ham sab aatmaayen hain। baap ek hai parantu yathaartha reeti nahin jaante। jab tak sammukh aakar samjhen nahin tab tak samjhen bhi kaise? tum bhi jab sammukh aate ho tab samajhte ho। tum ho brahman-braahmaniyaan। tumhaara surname hi hai brahma vanshi brahmaakumaar-kumaariyaan। shiv ki to sab aatmaayen hain। tumko shivkumaar va shivkumaari nahin kahenge। yeh akshar wrong ho jaata। kumaar ho to kumaari bhi ho। shiv ki sab aatmaayen hain। kumaar-kumaari tab kaha jaata jab manushya ke bachche bante hain। shiv ke bachche to niraakaari aatmaayen hain hi। mool vatan mein sab aatmaayen hi rehti hain, jinko saaligraam kaha jaata hai। yahaan aate hain to phir kumaar aur kumaariyaan bante hain jismaani। vaastav mein tum ho kumaar shivbaaba ke bachche। kumaariyaan aur kumaar tab bante jab shareer mein aate ho। tum bi.ke. ho, isliye bhaai-behen kahlaate ho। abhi is samay tumko knowledge mili hai। tum jaante ho baba hamko paavan banaakar le jaayenge। aatma jitna baap ko yaad karegi to pavitra ban jaayegi। aatmaayen brahma mukh se yeh knowledge padhti hain। chitron mein bhi baap ki knowledge clear hai। shivbaaba hi hamko padhaate hain। na shreekrishna padha sakte, na shreekrishna dvaara baap padha sakte hain। shreekrishna to vaikuntha ka prince hai, yeh bhi tum bachchon ko samjhaana hai। shreekrishna to svarga mein apne maa-baap ka bachcha hoga। svargavaasi baap ka bachcha hoga, vo vaikuntha ka prince hai। unko bhi koi jaante nahin। shreekrishna jayanti par apne-apne gharon mein shreekrishna ke liye jhoole banaate hain va mandiron mein jhoole banaate hain। maataayen jaakar golak mein paise daalti hain, pooja karti hain। aajkal Christ ko bhi shreekrishna misal banaate hain। taaj aadi pahna-kar maa ki god mein dete hain। jaise shreekrishna ko dikhaate hain। ab shreekrishna aur Christ raashi to ek hi hai। vo log copy karte hain। nahin to shreekrishna ke janma aur Christ ke janma mein bahut farka hai। Christ ka janma koi chhote bachche ke roop mein nahin hota hai। Christ ki aatma ne to koi mein jaakar pravesh kiya hai। vish se paida ho na sake। aage Christ ko kabhi chhota bachcha nahin dikhaate the। cross par dikhaate the। yeh abhi dikhaate hain। bachche jaante hain dharma sthaapak ko koi aise maar na sake, to kisko maara? jismen pravesh kiya, unko duhkh mila। satopradhaan aatma ko duhkh kaise mil sakta। usne kya karma kiye jo itne duhkh bhoge। aatma hi satopradhaan avastha mein aati hai, sabka hisaab-kitaab chuktu hota hai। is samay baap sabko paavan banaate hain। vahaan se satopradhaan aatma aakar duhkh bhog na sake। aatma hi bhogti hai na। aatma shareer mein hai to duhkh hota hai। mujhe darda hai - yeh kisne kaha? is shareer mein koi rahne vaala hai। woh kehte hain paramatma andar hai to aise thode hi kahenge - hamko duhkh hai। sarva mein paramatma viraajmaan hai to paramatma kaise duhkh bhogega। yeh aatma pukaarti hai। he parampita paramatma hamaare duhkh haro, paarlaukik baap ko hi aatma pukaarti hai।

abhi tum jaante ho baap aaya hua hai, duhkh harne ki yukti bata rahe hain। aatma shareer ke saath hi ever healthy wealthy banti hai। mool vatan mein to healthy-wealthy nahin kahenge। vahaan koi srishti thode hi hai। vahaan to hai hi shanti। shanti svadharma mein tike hue hain। abhi baap aaye hain, sabke duhkh harkar sukh dene। to bachchon ko bhi kehte hain - tum mere bane ho, kisko duhkh nahin dena। yeh ladaai ka maidaan hai, parantu gupta। woh hai pratyaksha। yeh jo gaayan hai - yuddha ke maidaan mein jo marenge woh svarga mein jaayenge, uska arth bhi samjhaana pade। is ladaai ka mahatva dekho kitna hai। bachche jaante hain us ladaai mein marne se koi svarga mein ja na sake। parantu geeta mein bhagvaanuvaach hai unko maanenge to sahi na। bhagwan ne kisko kaha? us ladaai vaalon ko kaha ya tumko kaha? donon ko kaha। unhon ko bhi samjhaaya jaata hai, apne ko aatma samajh baap ko yaad karo। yeh service bhi karni hai। ab tum svarga mein agar jaana chaahte ho to purushaartha karo, ladaai mein to sab dharma vaale hain, sikkha bhi hain, vo to sikkha dharma mein hi jaayenge। svarga mein to tab aa sakenge jab tum braahmanon se aakar gyaan len। jaise baba ke paas aate the to baba samjhaate the - tum ladaai karte shivbaaba ki yaad mein rahenge to svarga mein aa sakenge। baaki aise nahin ki svarga mein raaja banenge। nahin, jaasti unhon ko samjha bhi nahin sakte ho। unko thoda hi gyaan samjhaaya jaata hai। ladaai mein apne ishta devta ko yaad zaroor rakhte hain। sikkha hoga to guru govinda ki jay kahenge। aisa koi nahin jo apne ko aatma samajh paramatma ko yaad kare। baaki haan jo baap ka parichay lenge to svarga mein aa jaayenge। sabka baap to ek hi hai - patit-paavan। woh patiton ko kehte hain mujhe yaad karne se tumhaare paap kat jaayenge aur main jo sukhdhaam sthaapan karta hoon usmein tum aa jaayenge। ladaai mein bhi shivbaaba ko yaad karenge to svarga mein aa jaayenge। us yuddha ke maidaan ki baat aur hai, yahaan aur hai। baap kehte hain gyaan ka vinaash nahin hota hai। shivbaaba ke bachche to sab hain। ab shivbaaba kehte hain maamekam yaad karne se tum mere paas aa jaayenge muktidhaam। phir jo gyaan sikhaaya jaata hai woh padhenge to svarga ki raajaai mil jaayegi। kitna sahaj hai, svarga mein jaane ka raasta second mein mil jaata hai। ham aatma baap ko yaad karti hain, ladaai ke maidaan mein to khushi se jaana hai। karma to karna hi hai। desh ke bachaav ke liye sab kuchh karna padta hai। vahaan to hai hi ek dharma। matbhed ki koi baat nahin। yahaan kitna matbhed hai। paani par, jameen par jhagda। paani banda kar dete hain, to patthar maarne lag padte hain। ek-do ko anaaj nahin dete to jhagda ho jaata hai।

tum bachche jaante ho ham apna svaraajya sthaapan kar rahe hain। padhaai se raajya paate hain। nai duniya zaroor sthaapan honi hai, noondh hai to kitni khushi honi chaahiye। koi bhi cheez mein ladne-jhagadne ki koi baat nahin। rehna bhi bahut saadhaaran hai। baba ne samjhaaya hai tum sasurghar jaate ho isliye ab vanvaah mein ho। sabhi aatmaayen jaayengi, shareer thode hi jaayenge। shareer ka abhimaan bhi chhod dena hai। ham aatma hain, 84 janma ab poore hue hain। jo bhi bhaaratvaasi hon - bolo bhaarat svarga tha, ab to kaliyug hai। kaliyug mein anek dharma hain। satayug mein ek hi dharma tha। bhaarat phir se svarga banna hai। samajhte bhi hain bhagwan aaya hua hai। aage chal bhavishya vaani bhi karte rahenge। vaayumandal dekhenge na। to baap bachchon ko samjhaate hain। baap to sabhi ka hai na। sabka hak hai। baap kehte hain main aaya hoon aur sabko kehta hoon - maamekam yaad karo to tumhaare vikarma vinaash honge। abhi to manushya samajhte hain - kabhi bhi ladaai ho sakti hai। yeh to kal bhi ho sakti hai। ladaai jor bharne mein deri thode hi lagti hai। parantu tum bachche samajhte ho abhi hamaari raajdhaani sthaapan hui nahin hai to vinaash kaise ho sakta hai। ajun baap ka paigaam hi chaaron taraph kahaan diya hai। patit-paavan baap kehte hain mujhe yaad karo to vikarma vinaash honge। yeh paigaam sabke kaanon par jaana chaahiye। bhal ladaai lage, bombs bhi lag jaaen parantu tumko nishchay hai ki hamaari raajdhaani zaroor sthaapan honi hai, tab tak vinaash ho nahin sakta। vishwa mein shanti kehte hain na। vishwa mein vaar hogi to vishwa ko khatma kar denge।

yeh hai vishwa vidyaalay, saare vishwa ko tum knowledge dete ho। ek hi baap aakar saare vishwa ko paltaate (parivartan karte) hain। vo log to kalpa ki aayu hi laakhon varsha kah dete hain। tum jaante ho inki aayu poore 5000 varsha hai। kehte hain Christ se 3 hazaar varsha pahle heaven tha। islaami, bauddhi aadi sabka hisaab-kitaab nikaalte hain। unse pahle doosre koi ka naam hai nahin। tum ange akshare bata sakte ho। to tumko kitna nasha rehna chaahiye। jhagde aadi ki baat hi nahin। jhagadte woh hain jo nidhanke hote hain। tum abhi jo purushaartha karenge 21 janma ke liye praalabdha ban jaayegi। ladenge-jhagdenge to oonch pad bhi nahin milega। sazaayen bhi khaani padegi। koi bhi baat hai, kuchh bhi chaahiye to baap ke paas aao, government bhi kehti hai na tum phainsala apne haath mein nahin uthaao। koi kehte hain hamko vilaayat ka boot chaahiye। baba kahenge bachche abhi to vanvaah mein ho। vahaan tumko bahut maal milenge। baap to right hi samjhaayenge na ki yeh baat theek nahin hai। yahaan tum yeh aash kyon rakhte ho। yahaan to bahut simple rehna chaahiye। nahin to deh-abhimaan aa jaata hai, ismen apni nahin chalaani hoti hai, baba jo kahe, beemaari aadi hai doctor aadi ko bhi bulaate hain, davaai aadi se sambhaal to sabki hoti hai। phir bhi har baat mein baap baitha hai। shreemat to shreemat hai na। nishchay mein vijay hai। vo to sab kuchh samajhte hain na। baap ki raay par chalne mein hi kalyaan hai। apna bhi kalyaan karna hai। koi ko worth pound bana nahin sakte hain to worth not A penny thahre na। pound banne laayak nahin। yahaan value nahin to vahaan bhi value nahin rahegi। serviceable bachchon ko service ka kitna shauk rehta hai। chakra lagaate rehte hain। service nahin karte to unko merciful, kalyaankaari kuchh bhi nahin kahenge। baba ko yaad nahin karte to tuchchha kaam karte rahenge। pad bhi tuchchha paayenge। aise nahin, hamaara to shiv-baba se yog hai। yeh to hai hi bi.ke.। shivbaaba brahma dvaara hi gyaan de sakte hain। sirf shivbaaba ko yaad karenge to murli kaise sunenge phir nateeja kya hoga? padhenge nahin to pad kya paayenge। yeh bhi jaante hain sabki takdeer oonch nahin banti hai। vahaan bhi to nambarvaar pad honge। pavitra to sabko hona hai। aatma pavitra banne bigar shantidham ja nahin sakti।

baap samjhaate hain tum sabko yeh gyaan sunaate chalo, koi bhal abhi nahin bhi sunte hain, aage chalkar zaroor sunenge। abhi kitne bhi vighna, toofaan zor se aayen - tumhein darna nahin hai kyonki naye dharma ki sthaapna hoti hai na। tum gupta raajdhaani sthaapan kar rahe ho। baba serviceable bachchon ko dekhkar khush hote hain। tumhein apne ko aapehi raajtilak dena hai, shreemat par chalna hai। ismen apna hath chal na sake। muphta apne ko ghaate mein nahin daalna chaahiye। baap kehte hain - bachche, serviceable aur kalyaankaari bano। student ko teacher kahenge na, padhkar gallop karo। tumko 21 janmon ke liye svarga ki scholarship milti hai। dynasty mein jaana yahi badi scholarship hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sangam par bahut simple saadhaaran rehna hai kyonki yeh vanvaah mein rahne ka samay hai। yahaan koi bhi aash nahin rakhni hai। kabhi apne haath mein law nahin lena hai। ladna-jhagadna nahin hai।

2) vinaash ke pahle nai raajdhaani sthaapan karne ke liye sabko baap ka paigaam dena hai ki baap kehte hain mujhe yaad karo to vikarma vinaash hon aur tum paavan bano।

vardaan:- santushtata ki visheshta dvaara seva mein saphaltaamoorta banne vaale santushtamni bhav

seva ka vishesh gun santushtata hai। yadi naam seva ho aur svayan bhi disturb ho va doosron ko bhi disturb kare to aisi seva na karna achha hai। jahaan svayan ke prati va samparka vaalon se santushtata nahin woh seva na svayan ko phal ki praapti karaati hai na doosron ko, isliye pahle ekaantavaasi ban sva parivartan dvaara santushtamni ka vardaan praapta kar phir seva mein aao tab saphaltaamoorta banenge।

slogan:- vighnon roopi patthar ko todne mein samay na ganvaakar use high jump dekar paar karo।

avyakt ishaare - ab lagan ki agni ko prajvalit kar yog ko jvaala roop banaao

jvaala swaroop yaad ke liye man aur buddhi donon ko ek to powerful brake chaahiye aur modne ki bhi shakti chaahiye। isse buddhi ki shakti va koi bhi energy vesta na hokar jama hoti jaayegi। jitni jama hogi utna hi parakhne ki, nirnay karne ki shakti badhegi। iske liye ab sankalpon ka bistar banda karte chalo arthaat sametne ki shakti dhaaran karo।