Daily Murli for Sunday 5 October 2025

05-10-25 praatahmurli om shanti ''avyakt-baapdaada'' revise 03-03-07 madhuban

parmaatma sang mein, gyaan ka gulaal, gun aur shaktiyon ka rang lagaana hi sachchi holi manaana hai

aaj baapdaada apne luckiest aur holiest bachchon se holi manaane aaye hain। duniya vaale to koi bhi utsav sirf manaate hain lekin aap bachche sirf manaate nahin, manaana arthaat banna। to aap holi arthaat pavitra aatmaayen ban gaye। aap sabhi kaun si aatmaayen ho? holi arthaat mahaan pavitra aatmaayen। duniya vaale to shareer ko sthool rang se rangate hain lekin aap aatmaon ne aatma ko kaun se rang mein ranga hai? sabse achhe te achha rang kaunsa hai? avinaashi rang kaunsa hai? aap jaante ho, aap sabne parmaatma sang ka rang aatma ko lagaaya jisse aatma pavitrata ke rang mein rang gai। yeh parmaatma sang ka rang kitna mahaan aur sahaj hai isliye parmaatma sang ka mahatva abhi ant mein bhi satsang ka mahatva hota hai। satsang ka arth hi hai parmaatma sang mein rehna, jo sabse sahaj aur oonche te ooncha hai, aise sang mein rehna mushkil hai kya? aur is sang ke rang mein rahne se jaise paramatma oonche te ooncha hai vaise aap bachche bhi oonche te oonche pavitra mahaan aatmaayen poojya aatmaayen ban gai। yeh avinaashi sang ka rang pyaara lagta hai na! duniya vaale kitna prayatna karte hain param aatma ka sang to chhodo sirf yaad karne mein bhi kitni mehnat karte hain। lekin aap aatmaon ne baap ko jaana, dil se kaha “mera baba''। baap ne kaha “mere bachche'' aur rang lag gaya। baap ne kaun sa rang lagaaya? gyaan ka gulaal lagaaya, gunon ka rang lagaaya, shaktiyon ka rang lagaaya, jis rang se aap to devta ban gaye lekin ab kaliyug ant tak bhi aapke pavitra chitra dev aatmaon ke roop mein pooje jaate hain। pavitra aatmaayen bahut bante hain, mahaan aatmaayen bahut bante hain, dharma aatmaayen bahut bante hain lekin aapki pavitrata, dev aatmaon ke roop mein aatma bhi pavitra banti aur aatma ke saath shareer bhi pavitra banta hai। itni shreshtha pavitrata bani kaise? sirf sang ke rang se। aap sabhi phalak se kehte ho, agar koi aap bachchon se poochhe, paramatma kahaan rehta hai? paramdham mein to hai hi lekin abhi sangam mein paramatma aapke saath kahaan rehta hai? aap kya javaab denge? paramatma ko abhi ham pavitra aatmaon ka diltakhta hi achha lagta hai। aise hai na? aapke dil mein baap rehta, aap baap ke dil mein rehte। jo rehta hai woh haath uthaao। rehte hain? (sabhi ne haath uthaaya) achha। bahut achha। falak se kehte ho paramatma ko mere dil ke sivaae aur kahaan achha nahin lagta hai kyonki combined rehte ho na! combined rehte ho? kai bachche combined kehte hue bhi sada baap ki company ka laabh nahin lete hain। companion to bana liya hai, pakka hai। mera baba kaha to companion to bana liya lekin har samay company ka anubhav karna, ismen antar pad jaata hai। ismen baapdaada dekhte hain nambarvaar phaayda uthaate hain। kaaran kya hota? aap sabhi achhi tarah se jaante ho।

baapdaada ne pahle bhi sunaaya hai agar dil mein raavan ki koi puraani jaaydaad, puraane sanskaar ke roop mein rah gai hai to raavan ki cheez paraai cheez ho gai na! paraai cheez ko kabhi bhi apne paas rakha nahin jaata hai। nikaal diya jaata hai। lekin baapdaada ne dekha hai, roohrihaan mein sunte bhi hain ki bachche kya kehte, baba main kya karoon, mere sanskaar hi aise hain। kya yeh aapke hain, jo kehte ho mere sanskaar? yeh kehna right hai ki mere puraane sanskaar hain, meri nature hai, right hai? right hai? jo samajhte hain right hai woh haath uthaao। koi nahin uthaata। to kehte kyon ho? galti se kah dete ho? jab marjeeva ban gaye, aapka abhi surname kya hai? puraane janma ka surname hai va bi.ke. ka surname hai? apna surname kya likhte ho? bi.ke. ya phalaana, phalaana…? jab marjeeva ban gaye to puraane sanskaar mere sanskaar kaise hue? yeh puraane to paraaye sanskaar hue। mere to nahin hue na! to is holi mein kuchh to jalaayenge na! holi jalaate bhi hain aur rang bhi lagaate hain, to aap sabhi is holi par kya jalaayenge? mere sanskaar, yeh apne brahman jeevan ki dictionary se samaapta karna। jeevan bhi ek dictionary hai na! to abhi kabhi svapna mein bhi yeh nahin sochna, sankalp ki to baat hi chhodo lekin puraane sanskaar ko mere sanskaar maanna, yeh svapna mein bhi nahin sochna। ab to jo baap ke sanskaar woh aapke sanskaar, sabhi kehte ho na hamaara lakshya hai baap samaan banna। to sabhi ne apne dil mein dridh sankalp ki yeh pratigya apne se ki? galti se bhi mera nahin kehna। mera-mera kehte ho na, to jo puraane sanskaar hain woh phaayda uthaate hain। jab mera kehte ho to woh baith jaate hain, nikalte nahin hain।

baapdaada sabhi bachchon ko kis roop mein dekhna chaahte hain? jaante to ho, maante bhi ho। baapdaada har ek bachche ko bhrakuti ke takhtansheen, svaraajya adhikaari raaja bachcha, adheen bachcha nahin, raaja bachcha, controlling power, ruling power, master sarvashaktivaan swaroop mein dekh rahe hain। aap apna kaun sa roop dekhte? yahi na, raajya adhikaari ho na! adheen to nahin hain na? adheen aatmaon ko aap sabhi adhikaari banaane vaale ho। aatmaon ke oopar merciful ban adheen se unhon ko bhi adhikaari banaane vaale ho। to aap sabhi holi manaane aaye ho na?

baapdaada ko bhi khushi hai ki sabhi sneh ke vimaan dvaara pahunch gaye, sabhi ke paas vimaan hai na! baapdaada ne har brahman ko janmate hi man ke vimaan ki gift di। to sabhi ke paas man ka vimaan hai? vimaan mein petrol theek hai? pankh theek hain? start karne ka aadhaar theek hai? check karte ho? aisa vimaan jo teenon lokon mein second mein ja sakta hai। agar himmat aur umang-utsaah ke donon pankh yathaartha hain to ek second mein start ho sakta hai। start karne ki chaabi kya hai? mera baba। mera baba kaho to man jahaan pahunchna chaahe vahaan pahunch sakta hai। donon pankh theek hone chaahiye। himmat kabhi nahin chhodni hai। kyon? baapdaada ka vaayda hai, vardaan hai, aapke himmat ka ek kadam aur hajaar kadam madad baap ki। chaahe kaisa bhi kada sanskaar ho, himmat kabhi nahin haaro। kaaran? sarvashaktivaan baap madadgaar hai aur combined hai, sada haazir hai। aap himmat se sarvashaktivaan combined baap ke oopar adhikaar rakho aur dridh raho, hona hi hai, baap mera, main baap ki hoon, yeh himmat nahin bhoolo। to kya hoga? jo kaise karoon, yeh sankalp uthta hai woh kaise shabd badal aise ho jaayega। kaise karoon, kya karoon, nahin। aise hua hi pada hai। sochte ho, karte to hain, hoga, hona to chaahiye, baap madad to dega...। hua hi pada hai, baap bandha hua hai, dridh nishchaybuddhi vaale ko madad dene ke liye। sirf roop thoda change kar dete ho, baap ke oopar hak rakhte ho lekin roop change kar dete ho। baba aap to madad karenge na! aap to bandhe hue ho na! to na laga dete ho। nishchaybuddhi, nishchit vijay hui padi hai kyonki baapdaada ne har bachche ko janmate hi vijay ka tilak mastak mein lagaaya hai। dridhta ko apne teevra purushaartha ki chaabi banaao। plan bahut achhe banaate ho। baapdaada jab roohrihaan sunte hain, roohrihaan bahut himmat ki karte ho, plan bhi bade powerful banaate ho lekin plan ko jab practical mein karte ho to plen buddhi hoke nahin karte ho। usmein thoda sa karte to hain, hona to chaahiye... yeh svayan mein nishchay ke saath sankalp nahin, lekin vesta sankalp mix kar dete ho।

abhi samay ke pramaan plen buddhi ban sankalp ko saakaar roop mein laao। zara bhi kamjor sankalp emerge nahin karo। smriti rakho ki abhi ek baar nahin kar rahe hain, anek baar kiya hua sirf repeat kar rahe hain। yaad karo kitni baar kalpa-kalpa vijayi bane hain! anek baar ke vijayi hain, vijay anek kalpa ka janma siddha adhikaar hai। is adhikaar se nishchaybuddhi ban dridhta ki chaabi lagaao, vijay aap brahman aatmaon ke bina kahaan jaayegi! vijay aap braahmanon ka janma siddha adhikaar hai, gale ki maala hai। nasha hai na? hoga, nahin hoga, nahin। hua hi pada hai। itne nishchaybuddhi ban har kaarya karo, vijay nishchit hai hi। aise nishchaybuddhi aatmaayen, yahi nasha rakho ki vijay hai hi, hai ya nahin, hai hi। yahi nasha rakho। the, hain aur honge। to aise holi ho na! holiest to ho hi। to gyaan ke gulaal ki holi baapdaada se khel li, abhi aur kya khelenge?

baapdaada ne dekha ki sabhi ko majority umang-utsaah bahut achha aata hai, yeh kar lenge, yeh kar lenge, yeh ho jaayega। baapdaada bhi bade khush hote hain lekin yeh umang-utsaah sada emerge rahe, kabhi-kabhi merge ho jaata hai, kabhi emerge ho jaata hai। merge nahin ho jaae, emerge hi rahe kyonki poora sangamayug hi aapka utsav hai। vo to kabhi-kabhi utsav iseelie manaate hain, kyonki bahut samay tension mein rehte hain na, to samajhte hain utsaah mein naachen, gaayen, khaayen, to change ho jaae। lekin aap logon ke paas to har second naachna aur gaana hai hi। aap sada man mein khushi se naachte rehte ho na! ki nahin! naachte hain, naachna aata hai khushi mein? naachna aata hai? jisko aata hai woh haath uthaao। naachna aata hai, achha। aata hai to mubaarak ho। to sada naachte rehte ho ya kabhi kabhi?

baapdaada ne is varsha ka homework diya tha, do shabd kabhi nahin sochna, sometime, something। woh kiya hai? ki abhi bhi sam-time hai? sometime, something khatma। is naachne mein thakne ki to koi baat hi nahin hai। chaahe lete raho, chaahe kaam karo, chaahe paidal karo, chaahe baitho, khushi ka dance to kar hi sakte ho aur baap ke praaptiyon ka geet bhi ga sakte ho। geet bhi aata hai na, yeh geet to sabhi ko aata hai। mukh ka geet to kisko aata hai kisko nahin aata hai lekin baap ke praaptiyon ka, baap ke gunon ka geet woh to sabko aata hai na। to bas har din utsav hai, har ghadi utsav hai, aur sada naacho aur gaao aur kaam to diya hi nahin hai। yahi do kaam hain na - naacho aur gaao। to enjoy karo। bojh kyon uthaate? enjoy karo, naacho gaao bas। achha। holi to mana li na! abhi rang ki holi bhi manaayenge? achha aapko hi to bhakta copy karenge na! aap bhagwan ke saath holi khelte ho to bhakta bhi holi koi na koi aap devtaaon ke saath khelte rehte hain। achha।

aaj kai bachchon ke email bhi aaye hain, patra bhi aaye hain, phone bhi aaye hain, jo bhi saadhan hain usse holi ki mubaarak bheji hai। baapdaada ke paas to jab sankalp karte hain na tabhi pahunch jaata hai। lekin chaaron or ke bachche vishesh yaad karte hain aur kiya hai, baapdaada bhi har bachche ko padam padam duaayen aur padamguna dil ki yaadapyaar return mein har ek ko naam sahit visheshta sahit de rahe hain। jab sandeshi jaati hai na to har ek apne-apne taraph ki yaaden dete hain। jinhonne nahin bhi di ho na, baapdaada ke paas pahunch gai hain। yahi to parmaatma pyaar ki visheshta hai। yeh ek-ek din kitna pyaara hai। chaahe gaanv mein hain, chaahe bahut bade-bade shahron mein hain, gaanv vaalon ki bhi yaad saadhan na hote hue bhi baap ke paas pahunch jaati hai kyonki baap ke paas spiritual saadhan to bahut hain na! achha।

aajkal ke jamaane mein doctors kehte hain davaai chhodo, exercise karo, to baapdaada bhi kehte hain ki yuddha karna chhodo, mehnat karna chhodo, saare din mein 5-5 minute man ki exercise karo। one minute mein niraakaari, one minute mein aakaari, one minute mein sab tarah ke sevaadhaari, yeh man ki exercise 5 minute ki saare din mein bhinna-bhinna time karo। to sada tandaroosta rahenge, mehnat se bach jaayenge। ho sakta hai na! madhuban vaale ho sakta hai? madhuban hai foundation, madhuban ka vibration chaaron or na chaahte bhi pahunch jaata hai। madhuban mein koi bhi baat hoti hai na, to saare bhaarat mein, jagah-jagah mein doosre din pahunch jaati hai। madhuban mein aise koi saadhan lage hue hain, koi baat nahin chhipti, achhi bhi to purushaartha ki bhi। to madhuban jo karega woh vibration svatah aur sahaj phailega। pahle madhuban nivaasi vesta thoughts ka stop karen, ho sakta hai? ho sakta hai? yeh aage-aage baithehain na! madhuban nivaasi haath uthaao। to madhuban nivaasi aapas mein koi aisa plan banaao vesta khatma। baapdaada yeh nahin kehte hain ki sankalp hi banda karo। vesta sankalp finish। phaayda to hai nahin। pareshaani hi hai। ho sakta hai? jo madhuban nivaasi samajhte hain aapas mein meeting karke yeh karenge, woh haath uthaao। karenge, karna hai to lamba haath uthaao। do-do haath uthaao। mubaarak ho। baapdaada dil se duaayen de rahe hain। mubaarak dete hain। himmat hai madhuban vaalon mein, jo chaahe woh kar sakte hain। kara bhi sakte hain। madhuban ki bahnen bhi hain, bahnen haath uthaao। bada haath uthaao। meeting karna। daadiyaan aap meeting karaana। dekho haath sabhi utha rahe hain। abhi haath ki laaj rakhna। achha।

brahma baap ne last mein jo vardaan diya - niraakaari, nirvikaari, niranhakaari, yeh brahma baap ka last vardaan, ek bahut badi saugaat bachchon ke prati rahi। to kya abhi-abhi second mein brahma baap ki saugaat man se sveekaar kar sakte ho? dridh sankalp kar sakte ho ki baap ki saugaat ko sada practical life mein laana hai? kyonki aadi dev ki saugaat kam nahin hai। brahma great great grand father hai, uski saugaat kam nahin hai। to apne-apne purushaartha pramaan sankalp karo ki aaj ke din holi arthaat jo beet chuki, ho li, ho gai। lekin ab se saugaat ko baar-baar emerge kar brahma baap ko seva ka return denge। dekho brahma baap ne antim din, antim samay tak seva ki। yeh brahma baap ka bachchon se pyaar, seva se pyaar ki nishaani hai to brahma baap ko return dena arthaat baar-baar jeevan mein di hui saugaat ko revise kar practical mein laana। to sabhi apne dil mein brahma baap se sneh ke return mein sankalp dridh karo, yeh hai brahma baap ke sneh ki saugaat ka return। achha।

chaaron or ke luckiest, holiest bachchon ko sada dridh sankalp ki chaabi practical mein laane vaale himmat vaale bachchon ko, sada apne man ko bhinna-bhinna prakaar ki seva mein busy rakhne vaale, kadam mein padmon ki kamaai jama karne vaale bachchon ko, sada har din utsaah mein rahne vaale, har din ko utsav samajh manaane vaale, sada khushanseeb bachchon ko baapdaada ka yaadapyaar aur namaste।

vardaan:- lav aur lavleen sthiti ke anubhav dvaara sab kuchh bhoolne vaale sada dehi abhimaani bhav

karma mein, vaani mein, samparka mein va sambandh mein lav aur smriti va sthiti mein lavleen raho to sab kuchh bhoolkar dehi-abhimaani ban jaayenge। lav hi baap ke sameep sambandh mein laata hai, sarvasva tyaagi banaata hai। is lav ki visheshta se va lavleen sthiti mein rahne se hi sarva aatmaon ke bhaagya va lakka ko jaga sakte ho। yeh lav hi lakka ke lock ki chaabi hai। yeh master-ki hai। isse kaisi bhi durbhaagyashaali aatma ko bhaagyashaali bana sakte ho।

slogan:- svayan ke parivartan ki ghadi nishchit karo to vishwa parivartan svatahho jaayega।

avyaktaishaare- svayan aur sarva ke prati mansa dvaara yog ki shaktiyon ka prayog karo

mansa shakti ka darpan hai - bol aur karma। chaahe agyaani aatmaayen, chaahe gyaani aatmaayen - donon ke sambandh-samparka mein bol aur karma shubh-bhaavna, shubh-kaamna vaale hon। jiski mansa shaktishaali va shubh hogi uski vaacha aur karmana svatah hi shaktishaali shuddh hogi, shubh-bhaavna vaali hogi। mansa shaktishaali arthaat yaad ki shakti shreshtha hogi, shaktishaali hogi, sahaj-yogi honge।