Daily Murli for Wednesday 22 April 2026

22-04-2026 praatahmurli om shanti "baapdaada"' madhuban

“meethe bachche - tum baap ki yaad mein accurate raho to tumhaara chehra sada chamakta hua khushnumah rahega''

prashn:- yaad mein baithne ki vidhi kaun si hai tatha usse laabh kya-kya hota hai?

uttar:- jab yaad mein baithte ho to buddhi se sab dhandhedhori aadi ki panchaayat ko bhool apne ko dehi (aatma) samjho। deh aur deh ke sambandhon ki badi jaal hai, us jaal ko hap karke deh-abhimaan se pare ho jaao arthaat aap muye mar gai duniya। jeete ji sab kuchh bhool ek baap ki yaad rahe, yeh hai ashareeri avastha, isse aatma ki kat utarti jaayegi।

geet:- raat ke raahi…

om shanti। bachche yaad ki yaatra mein baithe hain, jisko kehte hain neshtha mein athva shanti mein baithe hain। sirf shanti mein nahin baithte hain, kuchh kar rahe hain। svadharma mein tike hue hain। parantu yaatra par bhi ho। yeh yaatra sikhlaane vaala baap saath mein bhi le jaate hain। woh hote hain jismaani brahman, jo saath le jaate hain। tum ho roohaani brahman, braahmanon ka varna athva kul kahenge। ab bachche yaad ki yaatra mein baithe ho aur satsangon mein baithte honge to guru ki yaad aayegi। guru aakar pravchan sunaaye। woh hai saara bhakti maarga। yeh yaad ki yaatra hai, jisse vikarma vinaash hote hain। tum yaad mein baithte ho, junk arthaat kat nikaalne ke liye। baap ka direction hai yaad se kat niklegi kyonki patit-paavan main hi hoon। main kisi ki yaad se nahin aata hoon। mera aana bhi drama mein noondh hai। jab patit duniya badalkar paavan duniya honi hai, aadi sanaatan devi devta dharma jo praayah lop hai, uski sthaapna phir se brahma dvaara karte hain। jis brahma ke liye hi samjhaaya hai - brahma so vishnu, second mein bante hain। phir vishnu se brahma banne mein 5 hajaar varsha lagte hain। yeh bhi buddhi se samajhne ki baaten hain। tum jo shoodra the, ab brahman varna mein aaye ho। tum brahman bante ho to shivbaaba brahma dvaara tumko yeh yaad ki yaatra sikhlaate hain, khaad nikaalne ke liye। yeh rachna ka chakra kaise phirta hai so to samajh gaye। ismen koi deri nahin lagti hai। abhi hai bhi barobar kaliyug। woh sirf kehte hain - kaliyug ki abhi aadi hai aur baap batlaate hain kaliyug ka ant hai। ghor andhiyaara hai। baap kehte hain, tumko in sab ved shaastron ka saar samjhaata hoon।

tum bachche subah ko jab yahaan baithte ho to yaad mein baithna hota hai। nahin to maaya ke toofaan aayenge। dhandhe-dhori taraph buddhiyog jaayega। yeh sab baahar ki panchaayat hai na। jaise makdi kitne jaal nikaalti hai। saara hap bhi kar leti hai। deh ka kitna prapanch hai। kaaka, chaacha, maama, guru gosaani... kitni jaal dikhaai padti hai। woh saari hap karni hai deh sahit। akela dehi banna hai। manushya shareer chhodte hain - to sab kuchh bhool jaate hain। aap muye mar gai duniya। yeh to buddhi mein gyaan hai ki yeh duniya khatma honi hai। baap samjhaate hain - jiska mukh nahin khulta hai to sirf yaad karo। jaise yeh (brahma) baap ko yaad karta hai। kanya, pati ko yaad karti hai kyonki pati, parmeshvar ho jaata hai isliye baap se buddhi nikal pati mein chali jaati hai। yeh to patiyon ka pati hai, bridegroom hai na। tum sab ho brides, bhagwan ki sab bhakti karte hain। sab bhaktiyaan raavan ke pahre mein kaid hain to baap ko zaroor taras padega na। baap merciful hai, unko hi merciful kaha jaata hai। is samay guru to bahut prakaar ke hain। jo kuchh shiksha dete hain, unko guru kah dete hain। yahaan to baap practical mein raajayog sikhlaate hain। yeh raajayog kisko sikhlaana aayega hi nahin, paramatma ke sivaae। paramatma ne hi aakar raajayog sikhaaya tha। phir usse kya hua? yeh kisko pata nahin hai। geeta ka pramaan to bahut dete hain, chhoti kumaariyaan bhi geeta kantha kar leti hain, to kuchh na kuchh mahima hoti hai। geeta koi gum nahin hui hai। geeta ki badi mahima hai। geeta gyaan se hi baap saari duniya ko rejuvenate karte hain। tumhaari kaaya kalpatru, kalpa vriksha samaan athva amar bana dete hain।

tum bachche baap ki yaad mein rehte ho, baba ka aahvaan nahin karte। tum baap ki yaad mein rah apni unnati kar rahe ho। baap ke direction par chalne ka bhi shauk hona chaahiye। ham shivbaaba ko yaad karke hi bhojan khaayenge। goya shivbaaba ke saath khaate hain। daphtar mein bhi kuchh na kuchh time milta hai। baba ko likhte hain, kursi par baithte hain to yaad mein baith jaate hain। officer aakar dekhte hain, woh baithe-baithe gum ho jaate hain arthaat ashareeri ho jaate hain। kisi ki aankh banda ho jaati hai, kiski khuli rehti hai। koi aisa baitha hoga - kuchh bhi jaise dekhega nahin। jaise gum rehte hain। aise-aise hota hai। baba ne rassi kheench li aur mauj mein baitha hai। unse poochhenge tumko kya hua? kahenge - ham to baap ki yaad mein baithe the। buddhi mein rehta hai hamko jaana hai baba ke paas। baap kehte hain, soul conscious banne se tum hamaare paas aa jaayenge। vahaan pavitra hone bigar thode hi ja sakenge। ab pavitra bane kaise? woh baap hi bata sakte hain। manushya bata na saken। tumne kuchh na kuchh samjha hua hoga to auron ka bhi kalyaan karenge। tumko koi ka kalyaan karne, baap ka parichay dene ka purushaartha zaroor karna hai। bhakti maarga mein bhi O god father kah yaad karte hain। god father raham karo। pukaarne ki ek aadat ho gai hai। baap tum bachchon ko apne samaan kalyaankaari banaate hain। maaya ne sabko kitna besmajh bana diya hai। laukik baap bhi bachchon ki chalan theek nahin dekhte hain to kehte hain ki tum to besmajh ho। ek varsha mein baap ki saari milkiyat uda denge। to behad ka baap bhi kehte hain, tumko kya banaaya tha, abhi apni chalan to dekho। ab tum bachche samajhte ho kaisa wonderful khel hai। bhaarat ka kitna downfall ho jaata hai। down fall oph bhaaratvaasi। woh apne ko aise samajhte nahin hain ki ham gire hain, ham kaliyugi tamopradhaan bane hain। bhaarat svarga tha arthaat manushya svargavaasi the, vahi manushya ab narkavaasi hain। yeh gyaan koi mein hai nahin। yeh baba bhi nahin jaanta tha। abhi buddhi mein chamatkaar aaya hai। 84 janma lete-lete seedhi to zaroor utarni padegi, oopar chadhne ki jagah bhi nahin hai। utarte-utarte patit banna hai। yeh baat koi ki buddhi mein nahin hai। baap ne tum bachchon ko samjhaaya hai, tum phir bhaaratvaasiyon ko samjhaate ho ki tum svargavaasi the ab narkavaasi bane ho। 84 janma bhi tumne liye hain। punarjanma to maante hain na। to zaroor neeche utarna hai। kitne punarjanma liye hain, woh bhi baap ne samjhaaya hai। is samay tum feel karte ho, ham paavan devi devta the phir raavan ne patit banaaya। baap ko aakar padhaana padta hai, shoodra se devta banaane ke liye। baap ko liberator, guide kehte hain, parantu arth nahin samajhte hain। abhi woh samay jaldi aayega jo sabko pata padega, dekho kya se kya ban gaye hain! drama kaise bana hua hai, kisko svapna mein bhi nahin tha ki ham lakshmi-naaraayan jaisa ban sakte hain। baap kitna smriti mein le aate hain। ab baap se varsa lena hai to shreemat par chalna hai। yaad ki yaatra ki practice karni hai। tumko maaloom hai ki paadri log paidal karne jaate hain, kitna silence mein aise chalte hain। woh Christ ki yaad mein rehte hain। unhon ka Christ ke saath lav hai। tum roohaani pandon ki preet buddhi hai parmapriy parampita paramatma ke saath। bachche jaante hain, nambarvaar purushaartha anusaar kalpa pahle muaaphik raajdhaani zaroor sthaapan hogi, jitna purushaartha kar shreemat par chalenge। baap to bahut achhi-achhi mat dete hain। phir bhi grahchaari aisi baith jaati hai jo shreemat par chalte hi nahin hain। tum jaante ho shreemat par chalne mein hi vijay hai। nishchay mein hi vijay hai। baap kehte hain tum meri mat par chalo। kyon samajhte ho ki yeh brahma mat dete hain? hamesha samjho shivbaaba raay dete hain। woh to service ki hi mat denge। koi kahenge, baba yeh vyaapaar dhandha karoon? baba koi in baaton ke liye mat nahin denge। baap kehte hain, main aaya hoon patit se paavan banaane ki yukti bataane, na ki in baaton ke liye। mujhe bulaate bhi hain - he patit-paavan aakar humein paavan banaao to main woh yukti bataata hoon, bahut sahaj। tumhaara naam hi hai gupta sena। unhonne phir hathiyaar baan aadi dikhlaaye hain। parantu ismen baan aadi ki koi baat hi nahin hai। yeh sab hai bhakti maarga।

baap aakar sachcha maarga bataate hain - jisse aadhaakalpa tum sachkhanda mein chale jaate ho। vahaan doosra koi khanda hota hi nahin। kisko samjhaao to bhi maante nahin ki yeh kaise ho sakta hai ki sirf bhaarat hi tha। Christ se 3 hajaar varsha pahle bhaarat svarga tha na, tab aur koi dharma nahin tha। phir jhaad vriddhi ko paata rehta hai। tum sirf apne baap ko, apne dharma, karma ko bhool gaye ho। devi-devta dharma ka apne ko samajhte to gandi cheejen aadi kuchh bhi nahin khaate। parantu khaate hain - kyonki woh gun nahin hain isliye apne ko hindu kah dete hain। nahin to lajja aani chaahiye, hamaare bade aise pavitra aur ham aise patit ban gaye hain। parantu apne dharma ko bhool gaye hain। abhi tum drama ke aadi-madhya-ant ko achhi reeti samajh gaye ho। koi bhi aisi baat ho to tum kah sakte ho ki yeh points abhi baba ne bataai nahin hai। bas। nahin to muphta moonjh padte hain। bolo, ham padh rahe hain। sab kuchh abhi hi jaan len phir to vinaash ho jaae। parantu nahin। abhi margin hai। ham padh rahe hain। ant mein sampoorn pavitra ho jaayenge। nambarvaar purushaartha anusaar kat nikalti jaayegi to satopradhaan ban jaayenge। phir is patit duniya ka vinaash ho jaayega। aajkal kehte bhi hain ki paramatma kahaan zaroor aaya hai। parantu gupta hai। samay to barobar vinaash ka hai na। baap hi liberator, guide hai jo vaapas le jaayenge, machchharon sadrishya marenge। yeh bhi jaante hain, sab ekras yaad mein nahin baithte hain। koi ka accurate yog rehta hai, koi ka aadha ghanta, koi ka 15 minute। koi to ek minute bhi yaad mein nahin rehte hain। koi kehte ham saara samay baap ki yaad mein rehte hain, to zaroor unka chehra khushnumah chamakta rahega। ateendriy sukh aise bachchon ko rehta hai। kahaan bhi buddhi bhatakti nahin hai। woh sukh feel karte honge। buddhi bhi kehti hai ek maashook ki yaad mein baitha rahe to kitni kat utar jaaye। phir aadat pad jaayegi। yaad ki yaatra se tum ever healthy, ever wealthy bante ho। chakra bhi yaad aa jaata hai। sirf yaad mein rahne ki mehnat hai। buddhi mein chakra bhi phirta rahega।

abhi tum master beejroop bante ho। yaad ke saath svadarshan chakra ko bhi phiraana hai। tum bhaaratvaasi light house ho। spiritual light house sabko raasta bataate ho ghar ka। woh bhi samjhaana pade na। tum mukti jeevanmukti ka raasta bataate ho isliye tum ho spiritual light house। tumhaara svadarshan chakra phirta rehta hai। naam likhna hai to samjhaana bhi pade। baba samjhaate rehte hain, tum sammukh baithe ho। jo piya ke saath hain unke liye sammukh barsaat hai। sabse jaasti maza sammukh ka hai। phir second number hai tape। third number murli। shivbaaba brahma dvaara sab kuchh samjhaate hain। yeh (brahma) bhi jaante to hain na। phir bhi tum yahi samjho ki “shivbaaba kehte hain'', yeh na samajhne kaaran bahut avagya karte hain। shivbaaba jo kehte hain, woh kalyaankaari hi hai। bhal akalyaan ho jaae, woh bhi kalyaan ke roop mein badal jaayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke har direction par chalkar apni unnati karni hai। ek baap se sachchi-sachchi preet rakhni hai। yaad mein hi bhojan banaana aur khaana hai।

2) spiritual light house ban sabko mukti-jeevanmukti ka raasta bataana hai। baap samaan kalyaankaari zaroor banna hai।

vardaan:- eeshvareey shaan mein sthit rah har karma shaandaar banaane vaale sarva pareshaaniyon se mukta bhav

sada isi eeshvareey shaan mein raho ki main baapdaada ka noore ratna hoon, hamaare naynon va nazron mein koi bhi cheez sama nahin sakti। is shaan mein rahne se bhinna-bhinna prakaar ki pareshaaniyaan svatah samaapta ho jaayengi। koi bhi prakaar ki complain nahin rah sakti। jitna jo apni oonchi shaan mein sthit rehte hain unhein maan bhi svatah praapta hota hai aur unke har karma shaandaar hote hain।

slogan:- trustee woh hai jo apna sab kuchh baap havaale kar de।

ye avyakt ishaare - mahaan banne ke liye madhurta aur namrata ka gun dhaaran karo

aapke har bol mein madhurta, santushtata, saralta ki naveenta ho। brahman aatmaon ke bol saadhaaran bol na ho। yahi mahaanta aur yahi naveenta hai। madhur bol, madhur sanskaar, madhur svabhaav dvaara doosron ka bhi mukh meetha karaate raho। “sada athak bhav aur madhur bhav'' ke vardaanon se badhte, udte chalo।