Mamma's Murli - gyan-sitar-43

१९.१०.६२

gyaan aur yogbal se karmaateet avastha ko paane vaale hi ijjat se jaate hain

om shanti । apni buddhi abhi bahut door nikalti ja rahi hai। door ka matlab hai is puraani duniya se nai duniya mein jahaan is puraani duniya ka ansh-maatra bhi nahin hai। aise nahin ki vahaan bhi maaya ka thoda ansh rehta hai। nahin। baap samjhaate hain ki vahaan maaya ka ansh bhi nahin hai। prakriti hai lekin maaya nahin hai। maaya ka phir apna samay hai। isliye is buddhi ko ५ vikaaron se door hataana hai। baap kehte hain ki ab tumhaara kaam mere se hai। isliye karmaateet avastha mein aana hai। jaise ghar se aatma ashareeri aai aise banna hai। aatma ne yeh chola peechhe dhaaran kiya hai। aai to bhi ashareeri, jaana hai to bhi ashareeri । isliye deh aur deh sahit sab sambandh todo kyonki ab vaapas jaana hai। to gyaan-yogbal se ashareeri hone mein phaayda hai। jaana to sabko hai parantu ijjat se jaane ka ijaapha milega aur aise hi jaane se phir danda ke bhaagi banenge। baaki unka ijaapha itna hai jo kehte hain ki tum svarga ke maalik banenge, phir shareer svarga mein milega। ab to ek-ek point ki temptation ka pata hai। har ek subject se phaayda alag-alag hai - gyaan se alag, yog se alag। aur is karne se temptation yeh hai ki kyon na ijjat se baap ke saath jaayen ? is shareer ke saath sanskaar ya karmabandhan ka khaata laga hua hai, unko kaatna hai aur jaise karmaateet the vaise hokar jaana hai।

abhi ham saare drama ko jaante hain। kaha jaata hai ki aatma, paramatma alag rahe bahukaal…। to jo aatma bahutkaal se alag rahi hai unka mel aur jo thoda samay rahi hai unke mel mein bhi to pharka rehta hai। to ab total rachna aur usmein bhi jo mukhya-mukhya hain unki biography ko jaante hain। baaki detail jaanne se, har ek ki janma-patri kya hai- uski kya jarurat hai ? woh kehte hain ki paramatma hai to sab bataave na । lekin woh sab bataane se kya phaayda ? pahle sato, rajo, phir tamo stage hai। maaya ka bhi pahle sukh hai। maaya aane se koi jhat se duhkh shuru nahin hota hai। pahle १६ kala, phir १४, phir १२, phir ८, aakhir ab to kala hi nikal gai hai। ab na aatma sato hai, na shareer sato hai। ab baap aakar phir sab kalaaon mein bharpoor karte hain। to aatma ko shareer arthaat kaaya bhi aisi milti hai । abhi hamaari chadhti kala hai। yahaan to guarantee hai ki itne janma baap dvaara raajdhaani milni hai aur phir maaya ke pahle bhaag mein arthaat dvaapar mein bhi tum sukh dekhenge । to total sukh bahut ho gaya। to kyon na aisi noondh bana den ? manushya phir kehte hain ki abhi kaliyug to bachcha hai, ghor kaliyug to peechhe aane vaala hai। lekin yeh nahin samajhte ki ati peeda ka thoda time chalta hai। agar bahut samay chale to pata nahin life kya ho jaae ! aage paakistaan, hindustaan ke beech mein jo jhagda chala woh bahut samay to nahin chal saka na । ab ghor kaliyug bhi peechhe hi aana hai jo thoda samay hi chalega । ab sochna chaahiye ki hamko to baba mila hai ! duhkhi woh honge jinhon ko koi sahaara nahin milega। yeh janma ati durlabh hai kyonki baba aakar mila hai। jab duniya haahaakaar mein hogi to us samay ham sukh mein honge। to andaaja sukh ka lagaaya jaata hai। to kyon na us life ka sochen jismen guarantee hai ki ham to sukhi rahenge lekin hamaare bachchon ke bachche arthaat २१ peedhi sukh paayenge ।

hamaara abhi se hi paramatma ki paalna ka khaata shuru hota hai। hamko to abhi baba hi khila rahe hain। ham brahman to eeshvar ka hi khaate hain। phir janma-janmaantar bhi us baap dvaara hi paaya hua khaayenge। shri naaraayan ka bachcha bhi to abhi ki kamaai ka khaate hain। janma-janmaantar maaya ke raajya mein ham karmon ke hisaab se manushyon ka khaate hain। yeh gyaan bhi is samay hai। baaki satayug mein thode hi yeh gyaan rehta hai। trikaaldarshi ab hain। bhakti maarga mein to kehte hain ki ham paramatma ke bachche hain, hamko paramatma khilaata hai। lekin woh to thagi hai। ab to hamne paramatma se direct sambandh joda hai। woh hamko khila rahe hain। koi poochhte hain ki tumhaare yagya ka kharcha kaise chalta hai ? bolo - hamaara guru to niraakaar paramatma hai, hamko khilaane vaala woh hai। lekin khilaayenge to koi ke through na। dekho, hamaara baba kaisa hai ! woh sarvashaktivaan hai। hamko woh ruhaab woh nasha rehta hai ki hamaara baba harta-karta hai ? puraani duniya ka harta, nai duniya ka karta hai। hamaare baap ko koi baap nahin, woh sabka baba hai।