Mamma's Murli - gyan-sitar-44
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
२५.१०.६२
gyaan hi roshni hai jisse agyaan ka andhakaar naash hota hai
aatma, paramatma aur srishti-chakra ko yathaartha reeti jaanna – yeh hai avinaashi gyaan jo avinaashi pita dvaara hi milta hai। aatmaon dvaara nahin mil sakta hai kyonki aatma janma-maran ke chakra mein aati hai। to yeh knowledge jo ajanma hai vahi jaan sakta hai। jo karmon ke chakra mein chalne vaale hain unhon ki knowledge jarur unke paas hi rahegi jo chakra se nyaara hai। to yeh avinaashi gyaan avinaashi pita dvaara milta hai । isko hi roshni kahenge jisse andhiyaara mit jaata hai, roshni mein aa jaate hain। kaha bhi jaata hai- gyaan-anjan satguru diya, agyaan andhera vinaash । so paramatma ke gyaan se hi agyaan andhera vinaash hota hai। bhal anek prakaar ka gyaan hai, parantu unse agyaan andhera vinaash ho jaae aur roshni aa jaae - yeh nahin ho sakta। yeh tailuk paramatma se hi hai। paramatma ki knowledge se hi aatma ka agyaan andhera vinaash hota hai aur roshni bhi aati hai। roshni arthaat janma-janmaantar ke liye phir ham woh praalabdha praapta karen jisse sada sukh ho । yeh gyaan sirf buddhi mein rakhne ki baat nahin। yeh to practical anek janmon ke vikarmon ka vinaash karna hai jo phir woh praalabdha mile । yeh paramatma hi kara sakta hai। isko hi gyaan kaha jaata hai। yeh knowledge athva yeh praapti manushya nahin kara sakte । manushya ko to praapta karna hai। sarva manushya aatmaon ke liye baat hai na। to dene vaala jarur aur hai jisse sarva aatmaayen woh praalabdha praapta karti hain। koi bhi manushya aatma chakra se alag nahin hai । sabko roshni chaahiye jisse woh aisi stage ko praapta karen।
yeh gyaan hi roshni hai jisse past anek janmon ke vikarmon ka vinaash karte hain। anek janma praalabdha praapta karne ke liye anek janmon ka hisaab khatma karna hai। ab ham kitna purushaartha karte hain, usko hi knowledge athva roshni kaha jaata hai। baaki to anek prakaar ke purushaartha hain, unse phir us prakaar ki siddhi milti hai। hamko phir is purushaartha se sarva siddhiyaan mil jaati hain, agyaan ka andhakaar mit jaata hai।