Mamma's Murli - gyan-sitar-54
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
१२.१०.६३
sachcha roohaani vaishnav woh, jiski buddhi ko koi bhi vikaar na chhuen
om shanti। jab ham om shanti kehte hain to ek do ko baap ki yaad dilaate hain। jaise teacher drill karaate hain to kehte hain attention। yahaan bhi pahle om shanti kahne se apni buddhi ko sthir karna hota hai ki main aatma parampita paramatma ki santaan hoon। om ka arth shaastravaadi to bahut lamba karke batlaate hain parantu iska arth bada simple hai ki soul conscious hokar raho। chalo, phiro to buddhi mein apna baap yaad aaye। baap kehte hain ki bachche sarvashaktivaan main ek hi hoon। to poora raajya-bhaagya sukh, shanti, shakti, pavitrata sab padaartha mujh ek se hi lo। sirf shanti lena koi padaartha nahin hai। kai samajhte hain padaarthon ne hi duhkh diya hai tab kehte hain humein devta bhi nahin banna। kehte hain - ham to muktidhaam mein hi baithna chaahte hain। are, mukti mein baith jaana koi stage nahin hai। vo to ekdam jad avastha hui। usmein koi sukh, chain, aaraam nahin। woh to shanti-ashaanti se pare avastha hai। aise nahin ki vahi aaraamdaayak hai। kaiyon ne moksha ko hi oonch samajh liya hai। anek janmon se jo sunte aaye hain to unka woh sanskaar pakka ho gaya hai। yahaan bhi kai aate hain kehte hain hamko to yog hi achha lagta hai, aapka gyaan to hamko samajh mein nahin aata। to ham samajh jaate hain ki yeh bechaara jyaada pad paane vaala nahin hai। shaayad yeh mukti mein baithne vaala hai। yoon to avinaashi gyaan-yog ka vinaash nahin hota hai, unka milega zaroor। parantu poorn cheej to poorn padhaai se milegi na। hamaari ek-ek minute mein kitni kamaai hai! mukhya hai man, vachan aur karma par attention। kyonki man mein bhi agar vyartha aata hai to woh bhi samay vesta hota hai। to apne samay ki bhi safety karni hai। use bhi jitna ham safe karen utna phaayda hai। to apne man-vaani aur karma par second-second dhyaan dena hai ki ham aatma se koi ayogya kaarya na ho। isliye apne ko poora roohaani vaishnav banna hai jo koi vikaar hamaari aatma ko na chhuen। pahle rog hain yeh paanch vikaar, in rogon se chhutkaara paana hai। kehte hain na sang taare kusang bore। to vikaariyon ka sang hi kusang hai jisse bachna hai। aise nahin ki sanyaasiyon maaphik bhaag jaana hai। nahin, hamko to usi ke beech mein rah apne ko bachaana hai। hamko bhi auron ke kalyaan arth vikaariyon ke sang mein aana padta hai। jaise dekho, kahaan plague ki beemaari phailti hai to sab kehte hain - isse door raho, inke saath nahin baitho। parantu doctor ko to un jeevaanuon ko nikaalne arth jeevaanuon mein haath bhi daalna padega। doctor ko to patient ke paas jaana hi pade। to ham roohaani surgeon hai humein roohon ke rogon ko door karne arth unke sang mein rehna bhi padta hai। agar ham bhi unse hate to unko nirogi kaun banaayega ? jaise aag bujhaane vaalon ko kavach pada rehta hai to asar nahin hota hai, vaise hi hamko gyaan-yog ka kavach pada hua hai to maaya ka vaar ho nahin sakta। achha