Avyakt murli du vendredi 3 octobre 1975

>

03-10-75 om shanti avyakt baapdaadaamdhuban

vishaal buddhi

begampur ke baadshaah banaane vaale, sarva khushiyon ke khazaanon ki chaabi pradaan karne vaale shiv baba bachchon ke prati bole:-

sabhi apne ko vidhaata baap dvaara vidhi aur vidhaan ko jaanne vaale samajhte ho? vidhi aur vidhaan ko jaanne vaale har sankalp aur har karma mein siddhi swaroop hote hain। aise apne ko anubhav karte ho? siddhi swaroop arthaat begampur ka baadshaah। bhavishya raajya-bhaagya praapta karne ke pahle vartamaan samay bhi begampur ke baadshaah ho। arthaat sankalp mein bhi gam arthaat duhkh ki lahar na ho, kyonki duhkhadhaam se nikal ab sangamayug par khade ho। aise sangamayugi begampur ke baadshaah apne ko samajhte ho na? begampur ka baadshaah arthaat sarva khushiyon ke khazaane ka maalik। khushiyon ka khazaana braahmanon ka janmasiddha adhikaar hai। is adhikaar ke kaaran hi aaj shreshtha aatmaon ke naam aur roop ka satkaar hota rehta hai। aise begampur ke baadshaah, jinhon ka naam lene se hi anek aatmaon ke alpakaal ke liye duhkh door ho jaate hain, jinke chitron ko dekhte charitron ka gaayan karte hain aur duhkhi aatma khushi ka anubhav karne lagti hain,aise chaitanya aap svayan begampur ke baadshaah ho?

apne khazaanon ko jaante ho? sarva khazaanon ko smriti mein rakhte hue sada harshit arthaat sada prakriti aur paanch vikaaron ke aakraman se pare। isi khushi ke khazaanon se sampanna-swaroop‘‘ek baap doosra na koi ‘‘ -aisa anubhav karte ho? khazaanon ki chaabi to majboot rakhte ho na? chaabi ko kho to nahin dete ho? samay aur samay ke pramaan aatmaon ki sookshm pukaar sunne mein aati hai va apne mein hi sada busy rehte ho? kalpa pahle vaale aap ke bhakta aatmaayen apne-apne ishta ka aahvaan kar rahi hain। ‘‘aa ja, aa ja’’ki dhun laga rahi hain। din-pratidin apni pukaar saajon se sajaate hue arthaat khoob gaaje baaje bajaate hue jor shor se pkaarna shuru karte hain। aap sabhi ko raaji karne ke anek saadhan apnaate rehte hain। to chaitanya mein gupta roop mein sunte hue, dekhte hue raham nahin aata va ab tak apne oopar raham karne mein busy ho?vishwa kalyaankaari,mahaadaani, vardaani swaroop mein sthit hone se hi raham aayega। svayan ko jagat-maata va jagat pita ke swaroop mein anubhav karne se hi raham utpanna hoga। kisi bhi aatma ka duhkh va bhatakna sahan nahin hoga। lekin is swaroop mein bahut kam samay thaharte ho। samay pramaan seva ka swaroop behad aur vishaal hona chaahiye। behad ka swaroop kaun-sa hai? abhi jo kar rahe ho, isko behad kahenge?mela behad ka hua। pahle ki bhent mein ab behad samajhte ho lekin antim behad ka swaroop kya hai?

samay ki raphtaar pramaan sirf sandesh dene ke kaarya mein bhi ab tak kitne percent ko sandesh diya hai? satayug ke aadi ki nau laakh praja aapke saamne dikhaai deti hai। aadi ki praja ki bhi kuchh visheshtaaen hongi na? aisi visheshta-sampanna aatmaayen sabhi seva-kendron mein bhi dikhaai deti hain ki woh bhi abhi ghoonghat mein hi hain?solah hajaar ki maala dikhaai deti hai? teachers ne solah hajaar ki maala taiyaar ki hai? ghoonghat kholne ki date kaun-si hai? samay pramaan ab hona to hai hi lekin aise samajhkar bhi albele mat banna। ab behad ke plans banaao। behad ke plans arthaat jin bhi aatmaon ki seva karte ho woh har-ek aatma anekon ke nimitta banne vaali ho। ek-ek aatma behad ki aatmaon ki seva ke prati nimitta bane। ab tak to aap svayan ek-ek aatma ke prati samay de rahe ho। aap aisi hi aatmaon ki seva karo jo woh aatma hi anekon ki seva-arth nimitta banen। un ke naam se seva ho, jaise kai aatmaayen apne sambandh,samparka aur seva ke aadhaar par anekon mein prasiddha hoti hain arthaat unke gunon aur karttavya ki chhaap anekon prati pahle se hi hoti hai ismen sirf dhanvaan ki baat nahin va sirf position ki baat nahin। lekin kai saadhaaran bhi apne gun aur seva ke aadhaar par apni-apni pheelda mein prasiddha hote hain। chaahe raajneetik hon, chaahe dhaarmik hon lekin prabhaavshaali hon। aisi aatmaon ko chunon। jo aap logon ki taraph se ve aatmaaen seva-arth nimitta banti jaayen। aisi kvoliti ki service abhi rahi hui hai।

naam ke prasiddha do prakaar ke hote hain - ek position ki seat ke kaaran, doosre hote hain gun aur karttavya ke aadhaar par। seat ke aadhaar par naam vaalon ka prabhaav alpakaal ke liye padega। gun aur karttavya ke aadhaar par aatmaon ka prabhaav sadaakaal ke liye padega। isliye roohaani seva ke nimitta aisi prasiddha aatmaon ko nikaalo tab thode samay mein behad ki service kar sakenge। isko kehte hai vihang maarga। jo ek dvaara anekon ko teer lag jaae। aisi aatmaon ke aane se anek aatmaon ka aana automatically hota hai। to ab aisi service ki roop-rekha banaao। aisi seva ke nimitta banne vaali aatmaayen aap godly students ki tarah regular studentsa nahin banengi,sirf unka sambandh aur samparka sameep aur sneh yukta hoga। aisi aatmaon ko vishaal buddhi ban unki ichchha pramaan, un ki praapti ka aadhaar samajhte hue, unke anubhav dvaara anekon ki seva ke nimitta banaana pade। is behad ki seva-arth parakhne ki shakti ki aavashyakta hai। isliye ab aisi vishaal buddhi ban seva ka vishaal roop banaao - ab dekhenge aisi vishaal service ka saboot kaun se sapoot bachche dete hain। aisi service ke nimitta banne vaale raajya-pad ke adhikaari bante hain। kaun-sa zone number one jaata hai, yeh result se pata pad jaayega। achha!

aise service-ebal, behad ke vishaal buddhi vaale,sankalp dvaara bhi anek aatmaon prati seva karne vaale, aise baap samaan sada athak sevaadhaari,saboot dikhaane vaale sapoot bachchon ko baapdaada ka yaad-pyaar aur namaste।

is murli ke vishesh tathya

1. vidhi aur vidhaan ko jaanne vaale har sankalp aur har karma mein siddhi swaroop hote hain।

2. apne ko begampur ke baadshaah samajhte ho! arthaat sankalp mein bhi gam arthaat duhkh ki lahar na ho। sangam yugi begampur ke baadshaah arthaat sarva khushi ke khazaane ka maalik।

3. samay pramaan ab behad ke plans banaao arthaat jin bhi aatmaon ki seva karte ho woh har-ek aatma behad ki aatmaon ki seva ke prati nimitta