Avyakt murli du lundi 20 mars 2017

> > 20-03-17 om shanti "avyakt baapdaada" madhuban

‘‘apne saadhaaran swaroop ko badli kar thoda samay bhi sangamayugi pharishte swaroop ka anubhav karke dekho,

yeh aapka bahut achha muskaraata hua chamkeela roop hai’’

om shanti। aaj baapdaada vishesh jo yogayukta bachche, sabke beech yogayukta ban auron ko bhi yogayukta banaane vaale hain unhon ko dekh haarshit ho rahe hain aur dil mein hi bahut-bahut pyaar bhari dil ke pyaar ki yaaden bahut pyaar se de rahe hain। baapdaada yahi chaahte hain ki itne sab bachche ikaththe yog mein baithen aur yog mein bhi aisi yog ki stage practical mein ho, to yeh dekh baapdaada bahut khush hain। jaise baap dekh-dekh haarshit ho rahe hain aise bachche bhi baap ko muskaraate hue dekh bahut dil se khush hoke respond de rahe hain। abhi ki sabha ki raunak bahut achhi muskaraane vaali dekh-dekh, baap bhi aaj bachchon ki soorton mein pyaar ki jhalak dekh muskara rahe hain। to bachche kya kar rahe hain? bachche bhi muskara rahe hain na! baap bhi kehte hain vaah bachche vaah! bachchon ki muskaraahat aur baap ki muskaraahat bahut sundar dikhaai de rahi hai। baapdaada jo dekhne chaahte the woh chaaron or dekh baap bhi muskara rahe hain। saari sabha mein baap bachchon ko muskaraate hue dekh abhi tak dil mein muskara rahe hain। vaah bachche vaah! kamaal hai gupta taakat aur uska prabhaav donon dikhaai de rahe hain। har ek baap ka bachcha aise muskara rahe hain jo har ek ke mukh par bahut achhi khushi ki chamak hai। har ek ka muskaraata hua chehra dekh baap bhi kitna meetha muskara rahe hain।

aaj ki sabha majority muskaraate hue bephikra baadshaahon ki hai, jo door se hi muskaraate hue chehre bahut sundar dikhaai de rahe hain। aap bhi ek do ko isi roop mein dekh rahe ho na! sabhi ek do ko aise dekh rahe hain jaise bahut pahchaane hue muskara rahe hain। aaj ki sabha vishesh muskaraati hui jyaada dikhaai de rahi hai। kyon? sabke man mein ek hi sa॰ja hai meetha baba, pyaara baba… sabke mukh ke ishaare yahi bol rahe hain O meethe baba, pyaare baba… aaj to jaise baba bahut dinon ke baad bachchon ki aisi sabha dekh rahe hain, jo har ek se meethe baba, pyaare baba… yahi feeling aa rahi hai, last vaala chehra bhi dekho to aaj isi vidhi mein hai।

to aaj jahaan tak raat ko jaagenge, vahaan tak sab ek do ko dekh jaise meetha muskara rahe hain, aap ek ek yeh baba ka aur sabha ka muskaraata hua chehra dekho, is kone mein aapka baitha hua muskaraata chehra dekh-dekh saari sabha mein bhi usi ka prabhaav hai। chaahe avastha kaisi bhi ho lekin abhi sabka chehra muskaraata hua dikhaai de raha hai। sabka chehra aise muskara raha hai jo ek second mein saari sabha badal gai hai। koi kaisa bhi ho lekin baba use badalkar sabka vahi chehra dikha rahe hain। sabki shaklen chamakti hui dikhaai de rahi hain। har ek ki shakla jaise baba ke vatan mein chamakti hui dikhaai deti hai, aisehi aaj aap bhi aise chamakte hue deepak dikhaai de rahe hain। baba mukh se bahut dheere-dheere bol raha hai, kya bol rahe hain? har ek bachcha aise chamakti hui soorat aur moorat se jaise abhi chitra mein dikhaai dete hain, aise hi chamakte hue sitaare bahut achha chamak rahe hain kyonki har ek is chamakte hue sitaare ki chamak bahut sundar hai, kyon? har ek bachcha apne chamatkaari soorat mein dikhaai de rahe hain। yeh chitra hai to aapka hi, lekin aisa chamakta hua sitaara abhi jaise pahle dikhaai de raha tha, aise saphed chamakta hua, saadhaaran roop nahin lekin chamakta hua face, woh sabha badi achhi lag rahi hai। sab chamak rahe hain, koi bhi aisa nahin jismen chamak na ho kyonki abhi sab baba ko chamakta hua dekh rahe hain, aise hi baap samaan saari sabha chamak rahi hai। jo baapdaada sunaate hain, saari sabha aise baithi thi jaise pata nahin koi sachmuch oopar se pharishte is dharni par pahunch gaye hain। yeh roop aapka bhi bada pyaara hai kyonki abhi aur kuchh bhi nahin hai, sabhi sampoorn moorti ho gaye hain aur yeh roop bachchon ka kaeeyon ko dikhaai de raha hai। sabhi bahut khush ho rahe hain। sabhi pharishte roop mein apne ko dekh bahut khush ho rahe hain। hamko bhi (daadi ko bhi) baba aapko pharishte roop mein dikha raha hai। har ek poojya samaan dikhaai de raha hai। abhi to jyaada samay nahin baith sakte kyonki sabko sangamayugi apna swaroop achha chamakta hua dikhaai de raha hai। to isi pharishte roop mein ek second mein jaise pahle emerge hue the, aise hi pharishte roop mein abh-abhi bhi dikhaai de rahe hain। saari sabha yahaan aake dekho kitne mein badal gai hai। itne taajdhaari sab kahaan jaayenge! jaise abhi gupta merge roop mein hain, isi ko hi emerge roop mein dekhenge। saari sabha dekho kitni chamkeeli na॰jar aa rahi hai। koi tedha ho, baanka ho sab chamak rahe hain aur har ek apne ko dekhkar khush ho rahe hain। kya pasanda hai? apna chamakta hua pharishta roop pasanda hai na! second mein chamkeele ban gaye। saari sabha dekho chamkeeli hai। apna hi chamkeela roop achhi tarah se dekh lo। aisa chamkeela apna swaroop dekh-dekh bahut khushi ho rahi hai। to yeh abhi ka roop chamakne vaala, yeh thode samay ke liye baba ne emerge karke dikhaaya ki aise aap sabhi pharishte hain hi। usi pharishte roop mein baba ne aap sabko dikhaaya। second mein badal gaye। saari sabha chamkeeli dress mein kitni sundar lag rahi hai। apni shakla aap dekho kitni pyaari lagti hai kyonki sampoorn hain na। to kitne sundar lag rahe hain। abhi saadhaaran roop badli karke pharishta roop dekh rahe ho na! aage peechhe kya dikhaai deta hai? pharishta aur saari sabha kitni chamakti hui dikhaai de rahi hai। saadhaaran roop kiska bhi nahin hai, sabhi ka yeh ek hi jaisa pharishta roop dikhaai deta hai। baaki andar bhale kiska kitna bhi pharka hai woh to woh khud jaane, ismen ham kyon jaayen। hamko to sirf apna pharishta roop jo hai, woh khaas dikhaana hai, ekdam pharishta। to dekho pharishte roop mein jab change hote hain to kitni sabha badal jaati hai। woh svayan hi aapka pharishta swaroop emerge ho gaya hai। tumhaara hi chamakta hua yeh swaroop kuchh samay aapke saath rahega। to apna yeh pharishta swaroop pakka ho gaya! main pharishta svaroopdhaari hoon, thoda samay ismen anubhav karke dekho, kitna meetha hai।

abhi baba pharishta bhav ka roop pragat karta hai। abhi ek second mein pharishta, ek second mein saadhaaran, yeh practice karte-karte pharishta ban hi jaayenge। abhi pharishte swaroop mein rehna, jyaada samay pharishte swaroop mein, is duniya mein sangamayugi pharishta roop yeh kuchh samay rahega। yeh pharishta roop kuchh samay aapke saath rahega। aap bhi achhi tarah se anubhav karenge ki yeh pharishta roop kitna achha hai। to jitna pharishta roop mein rahne chaaho utna samay rah sakte ho lekin woh (sookshm vatan ka) pharishta roop jo hai woh abhi hamaare haath mein nahin hai। yeh pharishte ki life mein hai। achha।

seva ka tarna gujraat aur bhopaal ka hai, total 24 hajaar aaye hain, usmein ek hajaar double videshi 75 deshon se aaye hain:- (13 hajaar gujraat aur 4 hajaar bhopaal vaale aaye hain)h

bahut achha।

(munni behen ne kaha baba aaj aap bahut achhi tarah sabse mile, bahut achhi murli chalaai)

kai samajhte hain hamaare ko last mein mila hai na, to pata nahin shaayad deri ho isliye jaldi-jaldi milaate hain। par aisa nahin hai, time ki baat yahaan nahin dekhte hain। lekin baba bhi dikhaata hai, agar deri se koi aata hai to unke liye thaharte nahin hain। sivaae daadiyon ke। daadiyaan to foundation hain। achha।

(India one solar plaant ka udghaatan baapdaada se karaaya)

kuchh bhi bana hai, to yagya mein banaaya hai aur isi reeti se chalaate rahenge। baaki sab theek hain।

aaj baapdaada ne vishesh sangamayugi pharishte swaroop ka anubhav karne ke liye kaha

hai, us anubhooti ke liye vishesh dhyaan dene yogya points

1.jaise sampannata ka samay sameep aata ja raha hai, aise deh-bhaan rahit pharishta roop ki anubhooti karo। jaise saakaar ne karma karte, baatcheet karte, direction dete, umang-utsaah badhaate bhi deh se nyaare, sookshm prakaash roop ki anubhooti karaai। aise baat karte bhi aapki drishti mein alaukikta dikhaai de। aise dehbhaan se nyaare raho jo doosre ko bhi deh ka bhaan nahin aaye।

2.har baat mein, vritti, drishti, karma... sabmen nyaaraapan anubhav ho। yeh bol raha hai lekin nyaara-nyaara, aatmik pyaara, aise pharishtepan ki anubhooti svayan bhi karo aur auron ko bhi karaao। brahma baap jo pharishta roop mein aap sabka saathi hai, ab unke samaan aap sabhi ko pharishta ban paramdham chalna hai, iske liye man ki ekaagrata par attention do। order se man ko chalaao।

3. sadaiv apna aakaari roop, light ka pharishta swaroop saamne dikhaai de ki aisa banna hai aur bhavishya roop bhi dikhaai de। ab yeh chhoda aur woh liya। jab aisi anubhooti ho tab samjho ki sampoornata ke sameep hain। yeh purooshaartha shareer ekdam merge ho jaaye।

4. pharishta banna arthaat saakaar shareerdhaari hote hue light roop mein rehna arthaat sada buddhi dvaara oopar ki stage par rehna। pharishte ke paanv dharni par nahin rehte, buddhi roopi paanv sada oonchi stage par। pharishton ko jyoti ki kaaya dikhaate hain। to jitna apne ko prakaash swaroop aatma samjhenge, to chalte phirte anubhav karenge jaise prakaash ki kaaya vaale pharishte bankar chal rahe hain।

5. pharishta arthaat apni deh ke bhaan se bhi rishta nahin, dehbhaan se rishta tootna arthaat pharishta। deh se nahin, deh ke bhaan se। deh se rishta khatma hoga tab to chale jaayenge, lekin deh-bhaan ka rishta khatma ho। jaise baapdaada puraane shareer ka aadhaar lete hain lekin shareer mein phans nahin jaate hain। aise karma ke liye aadhaar lo aur phir apne pharishte swaroop mein, niraakaari swaroop mein sthit ho jaao।

6. jabki baap ke ban gaye aur sab kuchh mera so tera kar diya to halke pharishte ho hi gaye। iske liye sirf ek hi shabd yaad rakho ki yeh sab baap ka hai, mera kuchh nahin। jahaan mera aaye vahaan tera kah do phir koi bojh nahin feel hoga।

7. pharishta arthaat double light। pharishta sada chamakne ke kaaran sarva ko apni taraph svatah aakaarshit karta hai। pharishta sada oonche rehte hain। pharishton ko pankh dikhaate hain kyonki udte panchhi hain। to jab baap mila, ooncha sthaan mila, oonchi sthiti mili to sada udte raho aur behad seva karte raho।

8. pharishta vahi banta jiska deh aur deh ki duniya ke saath koi rishta nahin। shareer mein rehte hi hain seva ke arth, na ki rishte ke aadhaar par। sambandh samajhkar pravritimen nahin rehna, seva samajhkar rehna। karmabandhan ke vasheebhoot hokar nahin rehna। jahaan seva ka bhaav hai vahaan sada shubh bhaavna rehti hai, aur koi bhaav nahin, isko kaha jaata hai ati nyaara aur ati pyaara, kamal samaan।

9. pharishta swaroop arthaat light ka aakaar, jismen koi vyaadhi nahin, koi puraane sanskaar svabhaav ka ansh nahin, koi deh ka rishta nahin, koi man ki chanchalta nahin, koi buddhi ke bhatakne ki aadat nahin - aisa pharishta swaroop, prakaashmay kaaya ka anubhav karo to deh ke svaartha sambandh, sukh-shanti ka chain chheenne vaale vinaashi sambandhi, moh ki rassiyon mein baandhane vaale, aise anek sambandh svatah chhoot jaayenge। ek sukhdaai sambandh mein hi sada rahenge।

10. ham brahman so pharishta hain, yeh combined roop ki anubhooti vishwa ke aage saakshaatkaar moorta banaayegi।brahman so pharishta is smriti dvaara chalte-phirte apne ko vyakta shareer, vyakta desh mein part bajaate hue bhi brahma baap ke saathi avyakt vatan ke pharishte, avyakt roopdhaari anubhav karenge। yeh avyakt bhaav vyaktapan ke bol-chaal, vyakta bhaav ke svabhaav, vyakta bhaav ke sanskaar sahaj hi parivartan kar dega।

11. pharishta athaart divyata swaroop। divyata ki shakti saadhaaranta ko samaapta kar deteehai। jitni jitni divyata ki shakti har karma mein laayenge utna hi sabke man se, mukh se svatah hi yeh bol niklenge ki yeh divya darshaneey moorta hain। anek bhakta jo darshan ke abhilaashi hain, unke saamne aap svayan divya darshan moorta pratyaksha honge tab hi sarva aatmaayen darshan kar prasanna hongi।

12. pharishta arthaat jiski duniya hi ek baap hai। nimitta maatra deh mein hain aur deh ke sambandhiyon se kaarya mein aate hain lekin lagaav nahin। abhi-abhi deh mein karma karne ke liye aaye aur abhi-abhi deh se nyaare phaarishte second menyahaan, sekand mein vahaankyonki udne vaale hai। karma karne ke liye deh ka aadhaar liya aur phir oopar - ab yahi abhyaas badhaao।

13. pharishta jeevan ki visheshta hai - ichchha maatram avidya। devtaai jeevan mein to ichchha ki baat hi nahin। jab brahman jeevan so pharishta jeevan ban jaati arthaat karmaateet sthiti ko praapta ho jaate tab kisi bhi shuddh karma, vyartha karma, vikarma va pichhla karma, kisi bhi karma ke bandhan mein nahin bandh sakte।

14. pharishta sthiti ka anubhav karne ke liye vishaal dil vaale behad ke smriti swaroop bano। jahaan behad hai vahaan koi bhi prakaar ki had apne taraph aakaarshit nahin kar sakti। karmaateet ka arth hi hai - sarva prakaar ke had ke svabhaav-sanskaar se ateet arthaat nyaara।

15. pharishta jeevan bandhanmukta jeevan hai। bhal seva ka bandhan hai, lekin itna fast gati hai jo jitna bhi kare, utna karte hue bhi sada free hai। jitna hi pyaara, utna hi nyaara। sada hi svatantrata ki sthiti ka anubhav karte hain। shareer aur karma ke adheen nahin, agar dehdhaariyon ke sambandh mein aate bhi hain to oopar se aaye, sandesh diya aur yeh uda।