Murli du jour du vendredi 20 novembre 2020

20-11-2020 praatahmurli om shanti "baapdaada"' madhuban

“meethe bachche - tum abhi bilkul shadpanth (kinaare) par khade ho, tumhein ab is paar se us paar jaana hai, ghar jaane ki taiyaari karni hai''

prashn:- kaun-si ek baat yaad rakho to avastha achal-adol ban jaayegi?

uttar:- past is past। beeti ka chintan nahin karna hai, aage badhte jaana hai। sada ek ki taraph dekhte raho to avastha achal-adol ho jaayegi। tumne ab kaliyug ki had chhod di, phir pichhaadi ki or kyon dekhte ho? usmein buddhi zara bhi na jaae - yahi hai sookshm padhaai।

om shanti। din badalte jaate hain, time paas hota jaata hai। vichaar karo, satayug se lekar time paas hote-hote abhi aakar kaliyug ke bhi kinaare par khade hain। yeh satayug, treta, dvaapar, kaliyug ka chakra bhi jaise ki model hai। srishti to badi lambi-chaudi hai। uske model roop ko bachchon ne jaan liya hai। aage yeh pata nahin tha ki ab kaliyug poora hota hai। ab maaloom pada hai - to bachchon ko bhi buddhi se satayug se lekar chakra lagaae kaliyug ke ant mein kinaare par aakar thaharna chaahiye। samajhna chaahiye tik-tik hoti rehti hai, drama phirta rehta hai। baaki kya hisaab raha hoga? zara-sa raha hoga। aage pata nahin tha। abhi baap ne samjhaaya hai - baaki kona aakar raha hai। is duniya se us duniya mein jaane ka abhi baaki thoda samay hai। yeh gyaan bhi abhi mila hai। ham satayug se lekar chakra lagaate-lagaate ab kaliyug ant mein aakar pahunche hain। ab phir vaapis jaana hai। aane ka aur nikalne ka get hota hai na। yeh bhi aise hai। bachchon ko samjhaana chaahiye - baaki thoda kinaara hai। yeh purooshottam sangamayug hai na। abhi ham kinaare par hain। bahut thoda samay hai। ab is puraani duniya se mamatva nikaalna hai। ab to nai duniya mein jaana hai। samjhaani to badi sahaj milti hai। yeh buddhi mein rakhna chaahiye। chakra buddhi mein phirna chaahiye। abhi tum kaliyug mein nahin ho। tumne is had ko chhod diya hai phir us taraph vaalon ko yaad kyon karna chaahiye? jabki chhod diya hai, puraani duniya ko। ham purooshottam sangamayug par hain phir pichhaadi mein dekhen bhi kyon? buddhiyog vikaari duniya se kyon lagaayen? yeh badi sookshm baaten hain। baba jaante hain koi-koi to roopaye se ek aana bhi samajhte nahin hain। suna aur bhool jaate hain। tumko pichhaadi taraph nahin dekhna hai। buddhi se kaam lena hai na। ham paar nikal gaye - phir pichhaadi mein dekhen hi kyon? past is past। baap kehte hain kitni maheen baaten samjhaate hain। phir bhi bachchon ka kaandh pichhaadi mein kyon latka rehta hai। kaliyug taraph latka hua hai। baap kehte hain kaandh is taraph kar do। woh puraani duniya tumhaare kaam ki cheez nahin hai। baba puraani duniya se vairaagya dilaate hain, nai duniya saamne khadi hai, puraani duniya se vairaagya। vichaar karo - aisi hamaari avastha hai? baap kehte hain past is past। beeti baat ko chitvo nahin। puraani duniya mein koi aash nahin rakho। ab to ek hi oonch aash rakhni hai - ham chalen sukhdhaam। buddhi mein sukhdhaam hi yaad rehna chaahiye। pichhaadi mein kyon phirna chaahiye। parantu bahuton ki peeth mud jaati hai। tum abhi ho purooshottam sangamayug par। puraani duniya se kinaara kar liya hai। yeh samajh ki baat hai na। kahaan thaharna nahin hai। kahaan dekhna nahin hai। beeti ko yaad nahin karna hai। baap kehte hain aage badhte jaao, pichhaadi ko nahin dekho। ek taraph hi dekhte raho tab hi achal, sthir, adol avastha rah sakti hai। us taraph dekhte rahenge to puraani duniya ke mitra-sambandhi aadi yaad padte rahenge। nambarvaar to hain na। aaj dekho to bahut achha chal raha hai, kal gira to dil ekdam hat jaati hai। aisi grahchaari baith jaati hai jo murli sunne par bhi dil nahin hoti। vichaar karo - aise hota hai na?

baap kehte hain tum abhi sangam par khade ho to rukh aage rakhna chaahiye। aage hai nai duniya, tab hi khushi hogi। ab baaki shadpanth (bahut sameep, kinaare) par hain। kehte hain na - abhi to apne desh ke jhaad dekhne mein aate hain। aavaaz karo to jhat woh sunenge। shadpanth arthaat bilkul saamne hain। tum yaad karte ho aur devtaayen aa jaate hain। aage thode hi aate the। sookshm vatan mein sasurghar vaale aate the kya? ab to piyarghar aur sasurghar vaale jaakar milte hain। phir bhi bachche chalte-chalte bhool jaate hain। buddhiyog pichhaadi mein hat jaata hai। baap kehte hain tum sabka yeh antim janma hai। tumhein peechhe nahin hatna hai। ab paar hona hai। is taraph se us taraph jaana hai। maut bhi nazdeek hota jaata hai। baaki sirf kadam bharna hai, naanv kinaare aati hai to us taraph kadam uthaana padta hai na। tum bachchon ko khada hona hai kinaare par। tumhaari buddhi mein hai aatmaayen jaati hain apne sweet hom। yeh yaad rahne se bhi khushi tumko achal-adol bana degi। yahi vichaar saagar manthan karte rehna hai। yeh hai buddhi ki baat। ham aatma ja rahi hain। ab baaki nazdeek shadpanth par hain। baaki thoda samay hai। isko hi yaad ki yaatra kaha jaata hai। yeh bhi bhool jaate hain। chart likhna bhi bhool jaate hain। apne dil par haath rakhkar dekho - baba jo kehte hain ki apne ko aise samjho - ham nazdeek shadpanth par khade hain, aisi avastha hamaari hai? buddhi mein ek baba hi yaad ho। baba yaad ki yaatra bhinna-bhinna prakaar se sikhlaate rehte hain। is yaad ki yaatra mein hi masta rehna hai। bas ab hamko jaana hai। yahaan hain sab jhoothe sambandh। sachcha satayug ka sambandh hai। apne ko dekho ham kahaan khade hain? satayug se lekar buddhi mein yeh chakra yaad karo। tum svadarshan chakradhaari ho na। satayug se lekar chakra lagaae aakar kinaare par khade hue ho। shadpanth hua na। kai to apna time bahut vyartha ganvaate rehte hain। 5-10 minute bhi mushkil yaad mein rehte honge। svadarshan chakradhaari to saara din banna chaahiye। aise to hai nahin। baba bhinna-bhinna tareeke se samjhaate hain। aatma ki hi baat hai। tumhaari buddhi mein chakra phirta rehta hai। buddhi mein yeh yaad kyon nahin rahni chaahiye। abhi ham kinaare par khade hain। yeh kinaara buddhi mein kyon nahin yaad rehta hai, jabki jaante ho ham purooshottam ban rahe hain to jaakar kinaare par khade raho। joon muaaphik chalte hi raho। kyon nahin yeh practice karte ho? kyon nahin chakra buddhi mein aata hai? yeh svadarshan chakra hai na। baba shuru se lekar saara chakra samjhaate rehte hain। tumhaari buddhi saara chakra lagaae, aakar kinaare par khadi rahni chaahiye, aur koi bhi baahar ka vaataavran jhanjhat na rahe। din-pratidin tum bachchon ko silence mein hi jaana hai। time vesta nahin ganvaana hai। puraani duniya ko chhod naye sambandh se apna buddhi ka yog lagaao। yog nahin lagaayenge to paap kaise katenge? tum jaante ho yeh duniya hi khatma honi hai, inka model kitna chhota hai। 5 hazaar varsha ki duniya hai। ajmer mein svarga ka model hai parantu kisko svarga yaad aayega kya? woh kya jaane svarga se। samajhte hain svarga to 40 hazaar varsha ke baad aayega। baap tum bachchon ko baith samjhaate hain is duniya mein kaamkaaj karte buddhi mein yeh yaad rakho ki yeh duniya to khatma hone vaali hai। ab jaana hai, ham pichhaadi mein khade hain। kadam-kadam joon misal chalta hai। manzil kitni badi hai। baap to manzil ko jaante hain na। baap ke saath daada bhi ikattha hai। woh samjhaate hain to kya yeh nahin samjha sakte। yeh bhi sunte to hain na। kya yeh aise-aise vichaar saagar manthan nahin karta hoga? baap tumko vichaar saagar manthan karne ki points sunaate rehte hain। aise nahin ki baba bahut pichhaadi mein hai। are, yeh to dum latka hua hai phir pichhaadi mein kaise hoga। yeh sab guhya-guhya baaten dhaaran karni hai। gaphlat chhod deni hai। baba ke paas 2-2 varsha ke baad aate hain। kya yeh yaad rehta hoga ki ham nazdeek kinaare par khade hain? abhi jaana hai। aisi avastha ho jaae to baaki kya chaahiye? baba ne yeh bhi samjhaaya hai - double sirtaaj… yeh sirf naam hai, baaki light ka taaj koi vahaan rehta nahin hai। yeh to pavitrata ki nishaani hai। jo bhi dharma sthaapak hain, unke chitron mein light zaroor dikhaate hain kyonki woh viceless satopradhaan hain phir rajo tamo mein aate hain। tum bachchon ko knowledge milti hai, usmein masta rehna chaahiye। bhal tum ho is duniya mein parantu buddhi ka yog vahaan laga rahe। inse bhi tod to nibhaana hai, jo is kul ke honge woh nikal aayenge। sapling lagna hai। aadi sanaatan devi-devta dharma vaale jo honge woh zaroor aage-peechhe aayenge। pichhaadi mein aane vaale bhi aage vaalon se teekhe jaayenge। yeh pichhaadi tak hota rahega। woh puraanon se teekhe kadam badhaayenge। saara imtahaan hai yaad ki yaatra ka। bhal deri se aaye hain, yaad ki yaatra mein lag jaaen aur sab dhandhaadhori chhod is yaatra mein baith jaayen, bhojan to khaana hi hai। achhi reeti yaad mein rahen to is khushi jaisi khuraak nahin। yahi taat lagi rahegi - abhi ham jaate hain। 21 janmon ka raajya-bhaagya milta hai। lottery milne vaale ko khushi ka paara chadh jaata hai na। tumko bahut mehnat karni hai। isko hi antim amoolya jeevan kaha jaata hai। yaad ki yaatra mein bahut maza hai। hanoomaan bhi purooshaartha karte-karte stheriyam bana na। bhambhor ko aag lagi, raavan ka raajya jal gaya। yeh ek kahaani bana di hai। baap yathaartha baat baith samjhaate hain। raavan raajya khalaas ho jaayega। stheriyam buddhi isko kaha jaata hai। bas ab shadpanth hai, ham ja rahe hain। is yaad mein rahne ka purooshaartha karo tab khushi ka paara chadhega, aayu bhi yogbal se badhti hai। tum abhi daiveegun dhaaran karte ho phir woh aadhaakalpa chalti hai। is ek janma mein tum itna purooshaartha karte ho, jo tum jaakar yeh lakshmi-naaraayan bante ho। to kitna purushaartha karna chaahiye। ismen gaphlat va time vesta nahin karna chaahiye, jo karega so paayega। baap shiksha dete rehte hain। tum samajhte ho - kalpa-kalpa ham vishwa ke maalik bante hain, itne thode time mein kamaal kar dete hain। saari duniya ko change kar dete hain। baap ke liye koi badi baat nahin। kalpa-kalpa karte hain। baap samjhaate hain - chalte-phirte, khaate-peete apna buddhiyog baap se lagaao। yeh gupta baat baap hi bachchon ko baith samjhaate hain। apni avastha ko achhi reeti jamaate raho। nahin to oonch pad nahin paayenge। tum bachche nambarvaar purushaartha anusaar mehnat karte ho। samajhte ho abhi to ham kinaare par khade hain। phir pichhaadi mein ham kyon dekhen? aage kadam badhte rehte hain। ismen antarmukhta bahut chaahiye, isliye kachhue ka bhi misaal hai। yeh misaal aadi sab tumhaare liye hain। sannyaasi to hain hi hathayogi, woh to raajayog sikhla na saken। vo log sunte hain to samajhte hain yeh log hamaari insult karte hain isliye yeh bhi yukti se likhna hai। baap bigar raajayog koi sikhla na sake। indirect bola jaata hai - to khyaal na ho। yukti se chalna hota hai na, jo sarpa bhi mare laathi bhi na toote। kutumba parivaar aadi sabse preet rakho parantu buddhi ka yog baap se lagaana hai। tum jaante ho ham abhi ek ki mat par hain। yeh hai devta banne ki mat, isko hi advet mat kaha jaata hai। bachchon ko devta banna hai। kitna baar tum bane ho? anek baar। abhi tum sangamayug par khade ho। yeh antim janma hai। ab to jaana hai। pichhaadi mein kya dekhna hai। dekhte hue phir bhi apni adolta mein tum khade raho। manzil ko bhoolna nahin hai। tum hi mahaaveer ho jo maaya par jeet paate ho। abhi tum samajhte ho - haar aur jeet ka yeh chakra phirta rehta hai। kitna wonderful gyaan hai baba ka। yeh pata tha kya ki apne ko bindi samajhna hai, itni chhoti si bindi mein saara part noondha hua hai jo chakra phirta rehta hai। bahut wonderful hai। wonder kah chhodna hi padta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) peechhe mudkar nahin dekhna hai। kisi bhi baat mein thahar nahin jaana hai। ek baap ki taraph dekhte hue apni avastha ekras rakhni hai।

2) buddhi mein yaad rakhna hai ki abhi ham kinaare par khade hain। ghar jaana hai, gaphlat chhod deni hai। apni avastha jamaane ki gupta mehnat karni hai।

vardaan:- bihang maarga ki seva dvaara vishwa parivartan ke kaarya ko sampanna karne vaale sachche sevaadhaari bhav

bihang maarga ki seva karne ke liye sangathit roop mein “roop aur basanta'' in do baaton ka balance chaahiye। jaise basanta roop se ek samay par anek aatmaon ko sandesh dene ka kaarya karte ho aise hi roop arthaat yaad bal dvaara, shreshtha sankalp ke bal dvaara bihang maarga ki service karo। iski bhi invention nikaalo। saath-saath sangathit roop mein dridh sankalp se puraane sanskaar, svabhaav va puraani chalan ke til va jaun yagya mein svaaha karo tab vishwa parivartan ka kaarya sampanna hoga athva yagya ki samaapti hogi।

slogan:- baalak aur maalik pan ke balance se plan ko practical mein laao।