Murli du jour du jeudi 10 février 2022

10-02-2022 praatahmurli om shanti "baapdaada"' madhuban

“meethe bachche - baap ko jaani-jaananhaar bhal kehte hain parantu har ek ko apna samaachaar zaroor dena hai, samaachaar denge to saavdhaani milegi''

prashn:- behad srishti ko svarga banaana hai, isliye sensible bachchon ka kaam kya hai?

uttar:- har ek ka yathaartha samaachaar baap ko dena। baap ko theek samaachaar denge to baap shiksha denge ki tumhaare mein yeh bhoot hai, is kaaran disservice hoti hai। apni chalan sudhaaro। deh-abhimaan ki ichchhaaon ka tyaag karo। behad srishti ko svarga banaana hai isliye sabke prati baap ki yahi drishti rehti ki sabko gyaan do, gareebon par to khaas dhyaan rehta hai।

geet:- mujhko sahaara dene vaale…

om shanti। jo achhe purushaarthi nishchaybuddhi hain woh to samajh jaate hain ki barobar parampita paramatma, jiski bandagi karte hain, unki hi mahima hai - jo jo bhi hokar jaate hain unki mahima gaate hain, kartavya ke oopar। kiski mahima ko jaante hain, kiski mahima ko nahin jaante hain। tum bachche to sabki mahima ko jaante ho। baba ko kaha jaata hai jaani-jaananhaar, parantu jaani-jaananhaar ka arth bachche poora samajhte nahin। kitne bachche samajhte hain hamaare dil ki baaten to baap jaante hi honge। ham phir kya likhen, parantu yeh wrong hai। baap to ek hai। itne sab dher bachchon ke sankalpon ko read karenge kya! baap to yahaan aate hain, aakar teacher roop mein padhaate hain। to samajhte hain yeh kaise padhte hain? nishchay buddhi hain va nahin? aise nahin ki vahaan paramdham mein baithe yeh khyaalaat chalte hain। yeh samajhna bachchon ki bhool hai। likhte hain baba ham kya samaachaar den, aap to sab kuchh jaante hain। parantu nahin। apni chalan ka, padhaai ka samaachaar dena hai padhaane vaale ko through brahma। post office dvaara poochhna hai। aise nahin ki aap to sab kuchh jaante ho। ham baba se chhipe nahin rah sakte। nahin। isko andhashradha kaha jaata hai। baba ko brahma dvaara samaachaar dena hai। anek prakaar ke bachche hain na। har ek ko apna samaachaar dena hai isliye har centres se poochhte hain - 12 maas ke aane vaalon ka register aur har ek ka occupation likhkar bhejo। agar baba jaante ho to kyon poochhen! jo kuchh unko jaanna hai woh inko bhi jaanna hai। through to inke hai na। trunk call bhi through hota hai na। operator ko chaahiye to sun sakte hain, parantu mana hai। chaahen to sun sakte hain। unke paas aavaaj theek aata hai। to yahaan bhi har ek ko samaachaar sunaana hai। beech mein kisko pata nahin padta to phir bi.ke. mukrar hain, samaachaar dene ke liye। jo gyaan mein paripakva ananya bachche hain - unhon ka kaam hai poora samaachaar dena। har ek ko kaarkhaane ka samaachaar dena hai। jo sensible bachche hain woh likhte bhi hain - baba phir shiksha denge। nahin to chaal sudhregi nahin। poora gun dhaaran nahin karte। deh-abhimaan bahut hai। ichchhaayen bahut hain, deh ahankaar ki। sensible bachche jhat samaachaar dete hain ki yeh yeh kaaran hai, jo disservice hoti hai। baba saavdhaani denge yeh bhoot hai, nikaalo, nahin to pad bhrashta ho jaayega।

baba hai behad srishti ko svarga banaane vaala, sabke liye yeh drishti rehti hai to inko uthaayen। gareebon par khaas dhyaan jaata rehta hai। daan hamesha gareebon ko kiya jaata hai। gareeb hi nimitta bane hue hain। raajaai sthaapan ho rahi hai। praja to bahut hoti hai। British government thi to badauda, gvaaliyar aadi ke jo raajaayen the - ek raaja raani, vajeer aur baaki praja thi। koi ko 20 laakh praja, koi ko 30 laakh praja.. nambarvaar thi। to darbaar mein sab raajaaon ko bulaate the। darbaar bhi nambarvaar baithti thi। mahaaraajaaon ki line alag, raajaaon ki alag, raay bahaadur, raay saaheb aadi-aadi bahut title vaale hote hain, nambarvaar। yeh bhi aise hai। oonche te ooncha baap unka to sabko regard rakhna hai। baap hi aakar kalpa-kalpa bhaarat ko heaven banaate hain। bhaaratvaasi baap ko gaali dene lag padte hain। satopradhaan se sato rajo tamo mein girna hi hai zaroor। to oonche te ooncha hai bhagwan phir unse tailuk rakhne vaale hain brahma, vishnu, shankar sookshm vatan vaasi। jhaad ka to pata hona chaahiye na। baap ko hi is jhaad ka knowledgeful kaha jaata hai। aur koi mein bhi knowledge nahin hai। to oonche te ooncha baap phir brahma, vishnu, shankar phir prajaapita brahma aur jagat amba, maat-pita mashhoor hai। jagat amba sarasvati hai brahma ki beti। unka bhi ek naam hona chaahiye। koi amba kehte, koi kaali kehte, koi sarasvati kehte। bahut naam rakhe hue hain। yeh hai prajaapita brahma aur phir bi.ke. sarasvati। dikhaate bhi hain sarasvati ke paas sitaar hai। pahle-pahle mukhya goddess oph knowledge। jaise inko gyaan ki murli di hai, unko phir sitaar di hai। pahle-pahle mukhya goddess aaph knowledge sarasvati, jagat amba। kaun si knowledge hai? raajayog ki। inko kisne di? gyaan saagar ne। gyaan saagar baap se yeh brahma bhi seekha to bachche bhi seekhe। woh phir gyaan-gyaaneshvari se raaj-raajeshvari banti hai। tattvam। brahma aur sarasvati। donon hue gyaan gyaaneshvari। eeshvar se sahaj raajayog ka gyaan paakar raajaai paai। tatvam। lakshmi-naaraayan akele thode hi honge। yeh raajaai sthaapan ho rahi hai। kitne brahman braahmaniyaan hain, padh rahe hain jo phir poojya raaja raani banenge। phir satopradhaan se sato mein aate do kala kam phir rajo tamo mein aakar poojya se pujaari ban jaate hain। aapehi ham so poojya the, aapehi ham so pujaari bane hain। yeh paramatma ke liye nahin gaayenge। woh kaise pujaari hoga। ham rajo tamo mein aakar pujaari bane hain। baba ne samjhaaya hai - vaastav mein dharma shaastra hain hi 4, mukhya hai shreemat bhagvat geeta, maai-baap। baaki hain unke bachche, islaami, bauddhi aadi dharma vaale। oonch te oonch hai geeta phir islaamiyon ka shaastra। dharma sthaapna ke mukhya shaastra yeh hain। pahle-pahle devi-devta dharma unka shaastra hai geeta। unka sermonizer hai param-pita paramatma। vahi gyaan saagar hai। zaroor unko oonch rakhna chaahiye। baaki hui biraadriyaan। devi-devtaaon ki hai mukhya biraadri। phir islaamiyon ki, bauddhiyon ki biraadri। oonch te oonch to ek baap thahra। religious conference mein pahle to oonch te oonch chaahiye। woh dharma praayah lop ho gaya hai, jo phir abhi sthaapan ho raha hai। sthaapan karne vaala hai parampita paramatma। woh to niraakaar hai, haan brahma dvaara kar rahe hain। gaaya hua bhi hai parampita paramatma ne brahma dvaara brahman rache। aise nahin kahenge ki krishna ne brahma dvaara brahman rache। parampita paramatma ne brahma mukh dvaara brahman rache phir vahi brahman sooryavanshi, chandravanshi bante hain। to sooryavanshi chandravanshi dharma ki sthaapna ho rahi hai। tum ho devi-devta dharma ki biraadri। tum jaante ho hamaare baad phir second number biraadri islaamiyon ki hogi, phir bauddhiyon ki। aise vriddhi hogi। yeh sab buddhi mein dhaarna chaahiye। jo past ho gaya uske shaastra banaate hain। abhi jo kuchh hota hai drama shoot hota jaata hai। phir kalpa ke baad repeat hoga। saari duniya ki action shoot ho rahi hai। phir 5 hajaar varsha ke baad tumhaari yeh act chalegi। yeh bahut samajhne ki baaten hain। to oonch te oonch shivbaaba phir jagat amba aur prajaapita brahma aur unke bachche। 3 bhaai to hain baaki devi-devta dharma bada bhaai hai nahin। praayahlop ho gaya hai। zaroor jab na rahe tab to is dharma ki phir se sthaapna ho aur baaki sab khalaas ho jaaen। devi-devta dharma hota hai to aur bhaai hote nahin। yeh baad mein hote hain। ek hi baap rachayita hai aur ek hi rachna hai। baap kehte hain main phir se raajayog sikhaane aaya hoon। tum jaante ho vinaash ke liye yeh mahaabhaarat ladaai bhi khadi hai।

tum bachche drama ko achhi reeti jaante ho। yeh sab padhaai ki baaten hain। yahaan aisi koi cheez hoti nahin jo chor aakar unse kuchh sona aadi loote। yeh to paathshaala hai। paathshaala mein kitaaben, nakshe aadi hote hain। yeh bhi paathshaala hai। yeh nakshe hain। dar ki koi baat nahin। chor kya karenge! koi vastu to hai nahin। baaki to gaaya hua hai kinki dabi rahegi dhool mein... baap samjha rahe hain, kitne bhi lakhapti, karodapti, multimillionaire ho, sab dhan khaak mein mil jaana hai। tumhaari hai sachchi kamaai। sabse multimillionaires tum ho। tum yeh kamaai saath le jaayenge। tum jaante ho ham sab kuchh svarga mein transfer karte hain। baba ko kehte hain - baba hamko phir svarga mein dena। byaaj sahit, kaudi badle heera dena। kitni samajhne ki baaten hain। so bhi shreemat par chalna hai। grihastha vyavhaar ki bhi sambhaal karni hai, parantu shreemat par chalna hai। manushya bahut kharcha karte hain। karja uthaakar bhi teerthon par jaate hain। woh sab hai bhakti maarga ki saamagri। yeh bhi sab anaadi hai। giraane ke liye bhi cheezen chaahiye na। tamopradhaan mein jaana hi hai tab to main aakar samjhaaoon ki tumne kitni glaani ki hai, isliye durgati ko paaya hai। phir se vahi chaal chalenge jo kalpa-kalpa chalte hain। gyaan aur bhakti। jab poori durgati ho jaati hai tab sarva ki sadgati ke liye baap ko aana hai। yeh jap aadi karte-karte kala kamti hoti jaati hai। poore kaale ban jaate hain phir raat ke baad din aata hai। yeh saara drama buddhi mein rehna chaahiye। manushya jo gyaan nahin uthaate woh to sirf dekhkar hi vaah-vaah karte hain। baahar gaye aur khalaas। itni pradarshani hui ek bhi nishchay buddhi nahin hua। bhal aate hain samajhne ke liye parantu nishchay buddhi ek bhi nahin। maaya poora nishchay mein thaharne nahin deti hai। jaise baandheli gopikaayen (kumaariyaan) ghar baithe likhti hain - baba ham to aapke ho gaye hain, aapko jaan liya hai। ham aapke hi hain। mar jaaoongi kab shaadi nahin karoongi। bandhan ke kaaran aa nahin sakti hoon। thodi hi chatak lagne se kaise nikal padti hain। aur koi ke saath 10-20 varsha maatha maaro to bhi samajhte nahin। yeh to baba 21 janmon ka praan daan dete hain। kaal par vijay pahnaate hain। vahaan akaale mrityu kabhi hota nahin। to kitna baba ki shreemat par chalna chaahiye, daan dena hai। auron ka bhi jeevan heere jaisa banaana hai। bhal apni-apni takdeer hai to bhi murli to zaroor padhni chaahiye। murli to kahaan se bhi mil sakti hai। ek din bahut bhaashaaon mein murli niklegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ki unnati ke liye apni chalan aur padhaai ka sachcha-sachcha samaachaar baap ko dena hai। apni aur sarva ki jeevan heere jaisi banaani hai।

2) grihastha vyavhaar ki sambhaal karte, shreemat par poora chalna hai। samajhdaar ban apna sab kuchh svarga ke liye transfer kar dena hai।

vardaan:- baap ki chhatrachhaaya ke neeche sada safety ka anubhav karne vaale sarva aakarshan mukta bhav

jaise sthool duniya mein dhoop va baarish se bachne ke liye chhatrachhaaya ka aadhaar lete hain, woh hai sthool chhatrachhaaya aur yeh hai baap ki chhatrachhaaya, jo aatma ko har samay safe rakhti hai। use koi bhi aakarshan apni or aakarshit kar nahin sakti। dil se baba kaha aur safe। chaahe kaisi bhi paristhiti aa jaae-chhatrachhaaya ke andar rahne vaale sada safety ka anubhav karte hain। maaya ke prabhaav ka sek-maatra bhi nahin aa sakta।

slogan:- aise sva-raajya adhikaari bano jo adheenta samaapta ho jaae।