Murli du jour du samedi 1 octobre 2022

01-10-2022 praatahmurli om shanti "baapdaada"' madhuban

“ meethe bachche - aapas mein ek do ka regard rakhna hai , apne ko miya mitthu nahin samajhna hai , buddhi mein rahe jo karma main karoonga , mujhe dekhkar sab karenge ''

prashn:- kaun si avastha jamaane ke liye bahut-bahut mehnat karni hai?

uttar:- grihastha vyavhaar mein rehte stri puroosh ka bhaan samaapta ho jaae, mansa mein bhi sankalp vikalpa na chalen। ham aatma bhaai-bhaai hain। prajaapita brahma ke bachche bhaai-behen hain, yeh avastha jamaane mein time lagta hai। saath mein rehte vikaaron ki aag na lage। criminal assault na ho, iska abhyaas karna hai। maat-pita jo sarva sambandhon ki saccharin hai, use yaad karna hai।

geet:- badal jaaye duniya na badlenge ham…

om shanti। yeh bachchon ki guarantee va pratigya hai। pratigya koi mukh se nahin ki jaati hai। jab bachche baap ko pahchaan lete hain to pratigya ho hi jaati hai। har ek independent (svatantra) purooshaartha karta hai pad paane liye। school mein sab independent purooshaartha karte hain ki ham oonch pad paayen। yahaan aatma padhti hai aur paramatma padhaane liye jeevaatma bante hain। aur inmen pravesh kar inko (brahma ko) aur brahma mukh vanshaavli ko padhaate hain। svayan brahma ko mukh vanshaavli nahin kahenge। brahman brahma mukh vanshaavli hain। brahma shiv ki mukh vanshaavli nahin hai। shivbaaba to aakar inmen pravesh kar apna banaate hain। yeh bhi creation hai। pahle brahma ko rachte hain, vishnu ko nahin rachte। gaaya bhi jaata hai brahma, vishnu aur shankar। vishnu, shankar aur brahma nahin kaha jaata hai। pahle brahma ko rachte hain। brahma ka occupation alag hai। yeh har ek baat samajhne ki hai। inko tvamev maataashcha pita.... kaha jaata hai। to woh niraakaar hai na। to saakaar mein maat-pita chaahiye tab poochhte hain - mama ko maa hai? kahenge haan। brahma, mama ki bhi maa hai। brahma ki koi maa nahin। yeh maa (brahma) female na hone kaaran sarasvati ko mama kehte hain। baap padhaate hain to yeh bhi padhte hain। jaise tum student ho vaise yeh bhi hai। shivbaaba koi student nahin hai।

tum bachche brahma ka martaba bhi dekh rahe ho ki yeh sabse jaasti padhta hai। dekhte ho yeh barobar najdeek hain। pahle kiske kaan sunte hain? yeh brahma sabse najdeek hai। to kahenge ki mama baba jaasti padhte hain, phir nambarvaar sab bachche padhte hain। bhale hi baba kehte hain jagdeesh bachcha mama baba se bhi achha samjhaata hai। baba ki murli padhkar, dhaaran kar phir geeta magazine aadi banaate hain kyonki yeh shaastra aadi padha hua hai। angreji mein bhi hoshiyaar hai। isko kaha jaata hai regard। student ko ek do ka regard rakhna hai। baba bhi regard rakhte hain na। to father ko follow karna chaahiye। bhale abhi 16 kala nahin banen hain। nambarvaar to hote hain na। koi na koi bhoolen sabse hoti rehti hain isliye apne ko miya mitthu nahin samajhna hai। jaise karma baap karte hain athva main karoonga, mujhe dekh sab karenge। to ek do ka regard rakhna hai। baba ko bhi regard rakhna padta hai। log kehte hain ki yeh stri puroosh ko bhaai-behen banaate hain। to jo buddhivaan bachcha hoga to jhat kahega ki paramatma ke bachche to sab hain to bhaai-behen thahre na। prajaapita brahma ke bachche bhaai behen hue na। bhaai-behen banna achha hai na। baba ke bachche banenge to varsa le sakenge। varsa milna hai - shivbaaba se brahma baba dvaara। to brahmaakumaar kumaari banna pade। phir kabhi bhi vikaar mein ja nahin sakte। nahin to criminal assault ho jaae। baba kitna achhi reeti samjhaate hain। pavitra rahne ki yuktiyaan bhi bataate hain। stri bhi kehti hai baba, puroosh bhi kehte hain baba। to stri puroosh ka bhaan toot jaayega। yeh bhi kehte hain ki Adam aur beebi dvaara srishti ki sthaapna hui to sab unki santaan thahre। bhaai behen thahre। kumaar kumaari ke liye itni mehnat nahin hai। jo seedhi chadh gaya hai to unko utarna pade। to utarne mein mehnat hai। aise nahin donon ko alag-alag rehna hai। sirf companion hokar raho। satayug mein koi apvitra nahin hote। aur vahaan bachche ka bhi intajaar nahin hota hai। yahaan bachche ka intajaar karte hain। vahaan samay anusaar aapehi saakshaatkaar hota hai। manushya to kehte yeh kaise ho sakta hai। bhala yahaan ke sampoorn vikaari kaise samjhen ki vahaan nirvikaari hote hain। vahaan deh-abhimaan hota nahin। yahaan deh-abhimaan rehta hai। deh chhodne par log kitna rote hain। vahaan rona hota nahin। vahaan samay par saakshaatkaar hota hai ki shareer chhod jaakar prince banna hai। yahaan bhi tum saakshaatkaar karte ho ki tum bhavishya mein jaakar mahaaraaja mahaaraani banenge। shreekrishna jaisa baalak god mein dekhte ho। saakshaatkaar se yeh maaloom nahin padta ki sooryavanshi mahaaraaja mahaaraani banenge ya chandravanshi kyonki yeh bilkul nai baat hai isliye kaha jaata hai ki pahle baap ko pahchaano, baap kehte hain dekho main kitna lovely hoon!

baap kehte hain ki sabhi sambandhon ki saccharin main hoon, main kehta hoon mujhe yaad karo। kehte hain tvamev maataashcha pita... ek-ek baat mein nishchay bithaana chaahiye। parantu koi na koi baat mein sanshay aa jaata hai। phir raajaai pad pa na saken isliye baap kehte hain manamnaabhav। baap ko yaad karo to tum aashik thahre। yeh hai roohaani aashik maashook। yeh pakka karna chaahiye ki ham aatma paramatma ki aashik hain। shreekrishna sabka maashook ho na sake। shreekrishna ko sab nahin yaad karte hain। yeh baap kehte hain manamnaabhav। ab mere paas aana hai, naatak poora hona hai, ghar jaana hai। to ghar zaroor yaad aayega। har ek baat ki samjhaani murli mein milti rehti hai। bachche murli note nahin karte phir vahi baaten baba se poochhte rehte hain। mukhya baat hai aashik aur maashook ki। sabhi bhagat aashik hain kyonki paramatma ko yaad karte hain। kehte mera to ek doosra na koi। tum bachche is samay sab nai-nai baaten sunte ho। parantu sunte-sunte maaya thappad laga deti hai। raavan kam thode hi hai। baap sarvashaktimaan hai, maaya bhi sarvashaktimaan hai। aadhaakalpa maaya ka raajya chalta hai। ab baap kehte hain 5 vikaaron ka daan de do to grahan chhoote। phir bhi ekdam chhootta nahin hai। kai daan dekar phir vaapis le lete hain। yeh paison ki baat nahin, vikaaron ki baat hai। saadhu sannyaasi paise ke liye kehte hain ki daan dekar vaapis nahin lena chaahiye kyonki ismen unki kamaai hai। kai manushya phir sannyaasiyon ke paas jaakar kehte hain bachcha chaahiye। kahenge hamaari aasheervaad se ho jaayega। agar bachcha ho gaya to kahenge hamne diya। mar gaya to kahenge bhaavi। agar ek ka kuchh kaam ho gaya to bahuton ka vishvaas baith jaata hai। aise unhon ki vriddhi hoti hai। ek taraph apni mahima karte doosre taraph bhaavi kehte hain। tum is samay an-known warriors ho। woh jo an-known warriors hote hain, unka yaadgaar banaate hain aur bade-bade jaate hain। kehte hain soljarsa par phool chadhaao। are jiska pata hi nahin, unka yaadgaar kaise banega। abhi tum an-known ho phir tum very well known bante ho। tumhaare mandir bante hain abhi tum gupta mein hi raamraajya sthaapan kar rahe ho। achha!

meethe-meethe bachche - sikeeldhe bachche bane ho na! 5 hajaar varsha ke baad mile ho। kisi ka gum hua bachcha mil jaae to maa baap ko kitni khushi hogi, bachcha bhi baba-baba kehta rahega। to abhi vinaash hota hai aur tum gum ho jaate ho arthaat baap se bichhud jaate ho। phir kalpa ke baad baap se milte ho to maa baap ka kitna pyaar rehta hai। aadhaakalpa tum sukh bhogte ho, phir dheere-dheere duhkhi hote ho। sannyaasi kehte hain na - sukh kaag vishta samaan hai। woh bhi vikaar ke liye kehte hain। guroonaanak ne bhi kaha hai - moot paleeti kapad dhoye, to kaun dhoyega! woh ek paramatma hi hai, jisko kehte hi hain ekoankaar... sikkha log yeh gaate rehte hain। is gyaan mein tum bachchon ki buddhi badi shrewd (sayaani) chaahiye kyonki aatma ko jagaana hota hai। to aatma bhi shrewd banti hai। koi-koi to bahut achhe shrewd buddhi ho jaate hain। maataayen, kanyaayen bahut achhi khadi ho jaati hai। nahin to maataayen baith pati ko samjhaayen ismen badi himmat aur nirbhayta chaahiye। baaki to sab narkavaasi hain, durgati mein hain। woh to bhakti mein khoob naachte taali bajaate rehte hain, sadgati to hoti nahin। tum bachche sadgati mein jaane ke liye bilkul chup rehte ho। naarad ne kaha main lakshmi ko varoon। vaastav mein lakshmi ko varne ke liye tum purooshaartha kar rahe ho। bhagat to var na saken। lakshmi-naaraayan ko kaise raajya mila, kab mila aur woh ab kahaan gaye, yeh sirf tum jaante ho isliye tum mandir mein jaakar maatha nahin tekte ho। samajhte ho ki ham hi lakshmi-naaraayan ban rahe hain। tumhaara maatha tekna banda ho gaya hai। woh kehte hain yeh naastik hain, jo maatha nahin tekte। vaastav mein tum hi aastik ho - nambarvaar purooshaartha anusaar। woh to naastik hain jo paramatma ko nahin jaante। abhi tum dhanke bane ho phir bhi maaya thappad laga deti hai to orphan, nidhanke ban padte hain। bhale hi boodhe hain parantu maaya unko bhi javaan bana deti hai। maaya ke toofaan aate hain। tumhein ek do ka haath pakadkar, sahayogi ban is nai yaatra par, baap ki shreemat par chalte rehna hai। saara madaar hai buddhi ki yaatra par। achal-adol angad ki tarah banna hai। ant mein woh avastha aani hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek do ka haath pakad, sahayogi ban baap ki shreemat par chalte rehna hai। baap jo sarva sambandhon ki saccharin hai, use bade pyaar se yaad karna hai।

2) jaise baap har bachche ko regard dete hain, aise follow karna hai। apne badon ko regard zaroor dena hai।

vardaan:- nothing new ke paath dvaara vighnon ko khel samajhkar paar karne vaale anubhvi moorta bhav

vighnon ko dekhkar ghabraao nahin। moorti ban rahe ho to kuchh hammer (hathaude) to lagenge hi। hammer se hi to thok-thok kar theek karte hain। to jitna aage badhenge utna toofaan jyaada cross karne padenge। lekin aapke liye yeh toofaan tohpha hain - anubhvi banne ke, isliye yeh nahin socho ki kya sab vighnon ke anubhav mere paas hi aane hain, nahin। welcome karo - aao। nothing new ka paath pakka ho to yeh vighna khel lagenge।

slogan:- satyata ki visheshta ho to aatma roopi heere ki chamak chaaron or svatah phailti hai।

maateshvari ji ke anmol mahaavaakya

agar koi yeh prashn poochhe ki yeh jo apne ko is sangam samay par eeshvareey knowledge mil rahi hai vo phir se apne ko satayug mein milegi? ab is par samjhaaya jaata hai ki satayug mein to ham svayan gyaan swaroop hain। devtaai praalabdha bhog rahe hain, vahaan gyaan ki len den nahin chalti, ab gyaan ki jaroorat hai agyaaniyon ko। parantu vahaan to sab gyaan swaroop hain, vahaan koi agyaani rehta hi nahin hai, jo gyaan dene ki jaroorat rahe। ab to isi samay apan saare viraat drama ke aadi madhya ant ko jaante hain। aadi mein ham kaun the, kahaan se aaye, aur madhya mein karmabandhan mein phanse phir kaise gire, ant mein hamko karmabandhan se ateet ho karmaateet devta banna hai। jo purushaartha ab chal raha hai jisse ham bhavishya praalabdha satayugi devtaayen bante hain। agar vahaan hamko yeh maaloom hota ki ham devtaayen girenge to yeh khyaal aane se khushi gaayab ho jaati, to vahaan girne ki knowledge nahin hai। yeh khyaalaat vahaan nahin rehti, hamko is knowledge dvaara ab maaloom pada hai ki hamko chadhna hai aur sukh ki jeevan banaani hai। phir aadhaakalpa ke baad apni praalabdha bhog phir apne aapko vismrit kar maaya ke vash hokar gir jaate hain। yeh chadhna aur girna anaadi bana banaaya khel hai। yeh saari knowledge abhi buddhi mein hai, yeh knowledge satayug mein nahin rehti।

2- kai manushya aise samajhte hain ki ham jo bhi kuchh karma karte hain, chaahe achhe chaahe bure karma karte hain unka phal avashya milta hai। jaise koi daan punya karte hain, yagya havan karte hain, paath pooja karte hain vo samajhte hain ki hamne eeshvar ke arth jo bhi daan kiya vo paramatma ke darbaar mein daakhil ho jaata hai। jab ham marenge to vo phal avashya milega aur hamaari mukti ho jaayegi, parantu yeh to ham jaan chuke hain ki is karne se koi sadaakaal ke liye phaayda nahin hota। yeh to jaise jaise karma karenge usse alpa-kaal kshanbhangur sukh ki praapti avashya hoti hai। magar jab tak yeh practical jeevan sada sukhi nahin bani hai tab tak uska return nahin mil sakta। bhal ham kisse bhi poochhenge yeh jo bhi tum karte aaye ho, yeh karne se tumhein poora laabh mila hai? to yeh sunne se vo laajvaab ho jaate hain। ab paramatma ke paas daakhil hua ya nahin hua vo humein kya maaloom? jab tak apni practical jeevan mein karma shreshtha nahin bane hain tab tak kitni bhi mehnat karenge to bhi mukti jeevanmukti praapta nahin karenge। achha, daan punya kiya lekin us karne se koi vikarma to bhasma nahin hue, phir mukti jeevanmukti kaise praapta hogi! bhale itne sant mahaatmaayen hain jab tak unhon ko karmon ki knowledge nahin hai tab tak vo karma akarma nahin ho sakte, na woh mukti jeevanmukti ko praapta karenge। unhon ko bhi yeh maaloom nahin hai ki satdharma kya hai aur satkarma kya hai, sirf mukh se raam raam kehna isse koi mukti nahin hogi। baaki aise samajh baithna ki marne ke baad hamaari mukti hogi, aise ko bhi besmajh kaha jaayega। unhon ko yeh pata hi nahin ki marne ke baad kya phaayda milega? kuchh bhi nahin। baaki to manushya apne jeevan mein chaahe bure karma karen, chaahe achha karma karen vo bhi is hi jeevan mein bhogna hai। ab yeh saari knowledge humein paramatma teacher dvaara mil rahi hai ki kaise shuddh karma karke apni practical jeevan banaani hai। achha। om shanti।