Murli du jour du jeudi 4 mai 2023

04-05-2023 praatahmurli om shanti "baapdaada"' madhuban

“meethe bachche - kabhi jisma (saakaar shareer) ko yaad nahin karna hai, okhon se bhal inhen dekhte ho parantu yaad supreme teacher shivbaaba ko karna hai''

prashn:- tum bachche kis ek kaayde ko jaanne ke kaaran haar-phool abhi sveekaar nahin kar sakte?

uttar:- ham jaante hain ki jinki aatma aur shareer donon pavitra hain, vahi haar-phool ke hakdaar hain। is kaayde anusaar ham phool-haar sveekaar nahin kar sakte। baba kehte hain main bhi tumhaare phool-haar sveekaar nahin karta kyonki main na poojya banta hoon, na pujaari। main to tumhaara obedient father aur teacher hoon।

geet:- chhod bhi de aakaash sinhaasan…

om shanti। meethe-meethe sikeeldhe bachchon ne geet suna। is geet se sarvavyaapi ka gyaan ud jaata hai। yaad karte hain ab bhaarat bahut duhkhi hai। drama anusaar yeh sab geet bane hue hain। duniya vaale nahin jaante hain। baap aate hain patiton ko paavan banaane va duhkhiyon ko duhkh se liberate karne। duhkh harkar sukh dene liye। bachche jaan gaye hain vahi baap aaya hua hai। bachchon ko pahchaan mil gai hai। svayan baith batlaate hain main saadhaaran tan mein pravesh kar phir tum bachchon ko saare srishti ke aadi-madhya-ant ka raaz bataata hoon। srishti ek hi hai sirf nai aur puraani hoti hai। jaise shareer bachpan mein naya hota hai phir puraana hota hai। naya shareer, puraana shareer - do cheez to nahin kahenge। hai ek hi, sirf naye se puraana banta hai। vaise duniya ek hi hai, nai se ab puraani hui hai। nai kab thi - yeh phir koi bhi bata nahin sakte hain। baap aakar samjhaate hain - bachche, jab nai duniya thi to bhaarat naya tha। satayug kaha jaata hai। vahi bhaarat ab puraana bana hai। isko puraani old world kaha jaata hai। new world se phir old bani hai, phir inko naya zaroor banna hai। nai duniya ka bachchon ne saakshaatkaar kiya hai। achha, us nai duniya ke maalik kaun the? barobar yeh lakshmi-naaraayan the। aadi sanaatan devi-devtaayen maalik the, yeh baap bachchon ko samjha rahe hain। baap kehte hain ab nirantar yahi yaad karo। baap paramdham se hamko padhaane, raajayog sikhaane aaya hua hai। mahima saari us ek ki hi hai, inki mahima kuchh nahin hai। is samay sab tuchchha buddhi hain, kuchh nahin samajhte hain, isliye main aata hoon tab to yeh geet bhi bana hua hai। sarvavyaapi ka gyaan to ud jaata hai। harek ka part apna-apna hai। baap baar-baar kehte hain deh-abhimaan chhod dehi-abhimaani bano aur yaad shivbaaba ko karo। aise hi samjho - shivbaaba hi sab kuchh karte hain। brahma hai hi nahin। bhal inka roop in okhon se dikhaai padta hai parantu tumhaari buddhi shivbaaba ke taraph jaani chaahiye। shivbaaba na ho to inki aatma inka shareer koi kaam ka nahin hai। hamesha samjho ismen shivbaaba hai jo is dvaara padhaate hain। tumhaara yeh teacher nahin hai। supreme teacher woh hai, yaad unko karna hai। kabhi bhi is jisma ko yaad nahin karna hai। buddhiyog baap ke saath lagaana hai। to sarvavyaapi ka gyaan thahar bhi na sake। bachche yaad karte hain phir se aakar gyaan yog sikhaao। parampita paramatma ke sivaae to koi raajayog sikhla na sake। tum bachchon ki buddhi mein hai ki yeh geeta ka gyaan svayan baap sunaate hain, phir yeh gyaan praayahlop ho jaata hai। vahaan darkaar hi nahin hai। raajdhaani sthaapan ho gai, sadgati ho jaati hai। gyaan diya jaata hai durgati se sadgati mein jaane liye। baaki woh to sab hain bhakti maarga ki baaten। manushya jap, tap, daan, punya aadi jo kuchh bhi karte hain sab bhakti maarga ki baaten hain, isse mujhe koi mil nahin sakta hai। aatma ke pankh toot gaye hain। patthar ban gaye hain। patthar se phir paaras banaane mujhe aana padta hai।

baap kehte hain ab kitne manushya hain, sarson misal sansaar bhara hua hai। sab khatma ho jaane hain। satayug mein to itne manushya hote nahin। nai duniya mein vaibhav bahut, manushya thode hote hain। yahaan to itne manushya hain jo khaane ke liye bhi nahin milta hai। puraani kalraathi jameen hai। phir nai ho jaayegi। vahaan hai everything new। naam hi kitna meetha hai - heaven, bahishta। devtaaon ki nai duniya। puraane ghar ko tod naye mein baithne ki dil hoti hai na। ab hai nai duniya svarga mein aane ki taat (lagan)। is puraane shareer ki koi value nahin hai। shivbaaba ko to koi shareer hai nahin। bachche kehte hain haar pahnaayen। lekin inko haar pahnaayenge to tumhaara buddhiyog ismen chala jaayega। shivbaaba kehte hain hamko haar ki darkaar nahin hai, tum hi poojya bante ho। pujaari bhi bante ho। aape hi poojya, aape hi pujaari bante ho। to apne hi chitra ki pooja karne lag padte ho। baba kehte hain - main na poojya banta hoon, na phoolon aadi ki darkaar hai। main kyon pahnoon? isliye kab phool lete nahin hain। tum jab poojya bano phir jitna chaahiye utna phool pahanna। main to tum bachchon ka most obedient father bhi hoon, teacher bhi hoon, servant bhi hoon। bade-bade royal aadmi jab neeche sahi daalte hain to likhte hain - mintocurzon... apne ko lord kabhi nahin likhte hain। yahaan to likhte - shri shri lakshmi-naaraayan, shri phalaana। ekdam ‘shri' akshar daal dete hain। to baap baith bachchon ko samjhaate hain - bachche, ab is shareer ko yaad na karo। apne ko aatma nishchay karo aur baap ko yaad karo। is puraani duniya mein aatma aur shareer donon hi patit hain। sona 9 carat ka hoga to jevar bhi 9 carat ka hoga। sone mein hi khaad padti hai। to aatma ko nirlep nahin samajhna chaahiye। tumko abhi hi yeh gyaan hai phir 21 janmon ke liye praalabdha pa lete ho, to kitna purushaartha karna chaahiye। parantu bachche ghadi-ghadi bhool jaate hain। shivbaaba brahma dvaara hamko shiksha de rahe hain। brahma ki aatma bhi unko yaad karti hai। ek bhagwan ko sab bhakta yaad karte hain। parantu tamopradhaan ban gaye hain to baap ko bhool thikkar-bhittar sabki pooja karte hain। ham jaante hain jo kuchh chalta hai, drama shoot hota jaata hai। drama mein ek baar jo shooting hoti hai, samjho beech mein koi panchhi aadi udta hai to vahi shooting mein ghadi-ghadi dikhaai dega। patang ka udna hua, shoot ho gaya to phir repeat hota rahega। yeh bhi drama second-second repeat hota rehta hai। shoot hota rehta hai। bana-banaaya drama hai, tum actors ho। saare drama ko saakshi ho dekhte ho। ek-ek second drama anusaar paas hota rehta hai। patta hila, drama paas hua। aise nahin, patta-patta bhagwan ke hukm par chalta hai। yeh sab drama ki noondh hai, inko achhi reeti samjhaana padta hai। baap hi aakar raajayog sikhaate hain aur drama ki knowledge dete hain। chitra bhi kitne achhe bane hue hain! sangamayug par kaanta bhi laga hua hai। kaliyug ant, satayug aadi ka sangam hai। abhi puraani duniya mein anek dharma hain। nai duniya mein phir yeh nahin honge। tum bachche hamesha aise samjho baap hamko padhaate hain। ham godly student hain। bhagvaanuvaach - main tumko raajaaon ka raaja banaata hoon। raaje log bhi in lakshmi-naaraayan ko poojte hain। to unhon ko poojya banaane vaala bhi main hoon। poojya jo the woh ab pujaari ho gaye hain। tum bachche ab samajh gaye ho ham so poojya the, phir ham so pujaari bane। baba to nahin bante hain। tum bachche abhi phool haar aadi sveekaar nahin kar sakte ho, kaayde anusaar jinki aatma aur shareer donon pavitra hain vahi hakdaar hain phoolon ke। vahaan svarga mein hai hi khushboodaar phool। khushbu lene liye phool hote hain। haar pahanne ke liye bhi phool hote hain। baap kehte hain ab tum bachche vishnu ke gale ka haar bante ho, nambarvaar tumko takhta par baithna hai। jinhonne jitna kalpa pahle purushaartha kiya hai woh karte hain, karne lag padenge। nambarvaar to hain hi। buddhi kehti hai phalaana bachcha bahut serviceable hai। jaise dukaan mein hota hai - seth bante hain, bhaageedaar bante hain, manager bante hain। yeh bhi aise hai।

tum bachchon ko maat-pita par jeet paani hai। tum wonder khaate ho maat-pita ke aage kaise ja sakte hain। baap to bachchon ko mehnat kar laayak banaate hain, takhta-nasheen banaane isliye kehte hain hamaare takhta par jeet pahanna। ek do par jeet pahante hain na। purushaartha itna karo jo nar se naaraayan bano। em object mukhya hai hi ek। phir kehte hain kingdom sthaapan ho rahi hai, phir usmein variety pad hai। maaya ko jeetne ka poora purushaartha karo। bachchon aadi ko bhi pyaar se chalaao। parantu trustee hokar raho। bhaktimaarga mein kehte the na - prabhu, yeh sab kuchh aapka diya hua hai। aapki amaanat aapne le li phir rone ki baat hi nahin। parantu yeh hai hi rone ki duniya। manushya kathaayen sunaate hain, moh jeet raaja ki bhi katha sunaate hain। vahaan koi duhkh feel nahin hota hai, ek shareer chhod doosra liya। vahaan kabhi koi beemaari hoti nahin। ever healthy nirogi kaaya rehti hai। shaadi aadi kaise hoti hai, kya dress pahante hain, vahaan ki rasma-rivaaj kaise chalti hai - yeh sab bachchon ne saakshaatkaar kiya hai। woh part sab beet gaya। us samay itna gyaan nahin tha। ab din-pratidin tum bachchon mein taakat bahut jor se aati jaati hai। yeh bhi sab part drama mein noondha hua hai। wonder hai - paramatma mein bhi kitna bhaari part hai। khud baith samjhaate hain - brahmaanda mein oopar baith main kitna kaam karta hoon! neeche to kalpa mein ek hi baar aata hoon। bahut niraakaar ke bhi pujaari hote hain। parantu niraakaar parampita paramatma kaise aakar padhaate hain - yeh baat gum kar di hai। geeta mein shreekrishna ka naam daal diya hai, to niraakaar se preet hi toot gai hai। yeh to paramatma ne hi sahaj raajayog sikhaaya aur duniya ko bataaya। duniya badalti rehti hai, yug badalte rehte hain। is drama ke chakra ko ab tum samajh gaye ho। manushya kuchh nahin jaante। satayug ke devi-devtaaon ko bhi nahin jaante। sirf devtaaon ki nishaaniyaan rah gai hain।

baap samjhaate hain hamesha aise samjho - ham shivbaaba ke hain, shivbaaba hamko padhaate hain, shivbaaba hamko is brahma tan dvaara shiksha de rahe hain। shivbaaba ki yaad mein phir bahut maja aata rahega। aisa god father kaun kahlaaye। father bhi hai, teacher bhi hai। parantu woh father guru bhi ho - aisa ho nahin sakta। teacher ho sakta hai, father ko guru kabhi nahin kahenge। inka (baba ka) father bhi teacher tha, padhaate the। ham bhi padhte the। woh hai had ka father teacher। yeh hai behad ka father teacher। tum apne ko godly student samjho to bhi aho saubhaagya। god father padhaate hain। kitna clear hai। to kitna meetha baap hai! meethi cheez ko yaad kiya jaata hai। jaise aashik-maashuk ka pyaar hota hai। unka vikaar ke liye pyaar nahin hota hai। bas, ek do ko dekhte rehte hain। tumhaara phir hai aatmaon ka paramatma ke saath। aatma kehti hai - baba kitna gyaan ka, prem ka saagar hai! is patit shareer mein aakar kitna hamko oonch banaate hain! gaayan bhi hai - manushya se devta kiye karat na laagi vaar। second mein vaikuntha mein chale jaate hain। second mein manushya se devta ban jaate hain। yeh hai em object, iske liye padhaai karni chaahiye। guru naanak ne bhi kaha hai moot paleeti kapad dhoe.. lakshya soap hai na। baba kehte hain main kitna bada dhobi hoon। tumhaare vastra (aatma aur shareer) kitna shuddh banaata hoon! aisa dhobi kabhi dekha? aatma jo bilkul kaali ho gai hai unko yogbal se kitna svachchha banaata hoon! to inko (daada ko) kabhi yaad nahin karna hai। yeh kaam saara shivbaaba ka hai, unko hi yaad karo। in brahma se meetha woh hai। aatmaon ko kehte hain tumko in okhon se yeh brahma ka rath dekhne mein aata hai parantu tum yaad shivbaaba ko karo। shivbaaba tumko inke dvaara kaudi se heere jaisa bana rahe hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham godly student hain, bhagwan teacher ban padhaate hain - isi smriti mein rehna hai। ghar grihastha mein rehte poora trustee banna hai।

2) abhi haar-phool sveekaar nahin karne hain। vishnu ke gale ka haar banne ke liye maaya ko jeetne ka purushaartha karna hai।

vardaan:- “pahle aap'' ke vishesh gun dvaara sarva ke priy banne vaale saphal moorta bhav

ek do ko aage badhaane ka gun arthaat “pahle aap'' ka gun parmaartha aur vyavhaar donon mein hi sarva ka priy bana deta hai। baap ka bhi yahi mukhya gun hai। baap kehte hain bachche “pahle aap''। to isi gun mein follow father karo, yahi saphalta praapta karne ki vidhi hai। jo baap ke priy, brahman parivaar ke priy aur vishwa seva ke priy hain vahi ever ready hain।

slogan:- manan shakti ke aadhaar se gyaan khajaane ko apna bana lo to vighna vidaai le lenge।