Murli du jour du vendredi 5 mai 2023

05-05-2023 praatahmurli om shanti "baapdaada"' madhuban

“meethe bachche - tum roop basanta ho, tumhein baap ki yaad mein bhi rehna hai to gyaan-ratnon ka beej bhi bona hai, bhaarat ka shrringaar bhi karna hai''

prashn:- tum bachche kaliyugi govardhan parvat ko uthaane ke liye kaun-si anguli dete ho?

uttar:- pavitrata ki। pavitrata ki pratigya karna hi jaise anguli dena hai। pavitrata nahin hai to bhaarat ka haal dekho kya ho chuka hai। pavitrata hai to pees-prosperity sab hai isliye shreemat par aag aur kapoos ikatthe rehte bhi pavitra banna hai (pravritti mein rehte pavitra banna hai)। gharbaar ka sannyaas nahin karna hai।

geet:- aane vaale kal ki tum takdeer ho…

om shanti। maataaon ne, sabhi sajniyon ne yeh geet suna। bachche jaante hain is bhaarat ki takdeer mein lakeer lagi hui hai। kis dvaara lakeer lagi hai? 5 vikaaron roopi raavan dvaara। ab phir tum bachche bhaarat ki takdeer bana rahe ho। tum ho shiv shakti maataayen। jab gyaan saagar aate hain to maataaon ke oopar kalash rakhte hain। tum bachche jaante ho ham bhaarat ki takdeer banaane arthaat bhaarat ko svarga banaane vaale hain। tum baap ki sena ho। baap ke ghar ki shobha ho। maa-baap ke paas bachcha nahin hota hai to ghar jaise soona lagta hai। ab yeh duniya sooni-sooni lagti hai। ab tum bachche inko svarga banaane vaale ho। baap kehte hain main tum maataaon ka gulaam hoon kyonki aage yeh maataayen pati ki gulaam thi। unko kaha jaata hai hindu naari ka pati hi guru-eeshvar sab kuchh hai। vaastav mein is samay ki baat ko phir bhakti maarga mein le gaye hain। parampita paramatma ko hi is samay kaha jaata hai tvamev maataashcha pita tvamev। sab kuchh ek hai। hindu logon ne phir pati ke liye kah diya hai। vaastav mein shivbaaba hai patiyon ka pati। tum to sada saubhaagyashaali banti ho aur yeh pati bhi amar hai, amarnaath hai na। tumko bhi amarnaath, amarpuri ka maalik banaate hain। aise pati ko bahut yaad karna hai jo tumko padhaakar svarga ka maalik banaate hain। aise pati ko bhoolne se rona aa jaata hai। baap kehte hain - kya tumhaara saajan mar gaya hai jo tum roti ho! tumko to abhi sadaiv harshitmukh rehna hai। devtaaon ka mukhda sadaiv harshit rehta hai। manushya dekhne se hi khush hote hain। devtaaon ne woh khushi kahaan se laai? sangam par baap ne aisa harshitmukh, khushmizaaz banaaya tha। abhi purushaartha karna hai tab hi to avinaashi banenge। baap kehte hain - rone ki baat hi nahin hai। vaah aisa salona saajan mila hai jisse svarga ke mahaaraaja-mahaaraani bante ho। tum shreemat par kadam-kadam chalte raho। tum jo versions sunte ho woh ek-ek versions laakh roopaye ka hai। woh vidvaan log geeta, vedaanta aadi sunaate hain to kehte hain yeh ek-ek versions laakh roopaye ka hai। parantu aisa to hai nahin।

tum harek roop-basanta ho। aatma roop hai na। baap bhi hai roop, phir unko gyaan-saagar kaha jaata hai। gyaan ki varsha karaane vaala hai। sthool paani ki baat nahin, isko to gyaan-ratna kaha jaata hai। harek ko yeh gyaan-ratnon ka beej bona hai। manushyon ko samjhaana chaahiye ki tum aatma ho, yeh tumhaara shareer hai। tum kehte ho paap-aatma, punya-aatma। paap-paramatma, punya-paramatma nahin kehte ho। isse siddha hai - paramatma sarvavyaapi nahin hai। maaya paap-aatma banaati hai aur baap punya-aatma banaate hain। punya-aatmaon ki duniya ko svarga aur paap-aatmaon ki duniya ko narka kaha jaata hai। sabko paavan banaane vaala sadgati-daata ek hi baap hai। to tum bachche is behad ke ghar ke shrringaar ho। tumhein bhaarat ka shrringaar karna hai। vaikuntha ko wonder oph di world kaha jaata hai। manushya 7 jismaani wonders dikhaate hain। woh to hain manushya ke banaaye hue। vaastav mein wonder aaph di world hai vaikuntha, jahaan sab aatmaayen sada sukhi rehti hain। gaate bhi hain phalaana svargavaasi hua, parantu jab tak baap na aaye tab tak vahaan koi ja nahin sakta। ab tum bachche jaante ho - ham vaikuntha mein jaate hain। woh jismaani wonders okhon se dekhne ke hain। tumko to vaikuntha mein jaakar athaah sukh bhogna hai। vahaan rone ki baat nahin। baap kehte hain tum parampita paramatma ki sajni kyon roti ho। shaayad saajan ko bhool jaati ho। saajan ko bhool jaana maana unse vidaai lena। sadaiv unko yaad karte raho to rone ki baat nahin। baaki kiska sambandhi aadi marta hai to rote hain। ab tum jeete ji chhutti lete ho। sabse chhutti le, ro-rokar phir sada ke liye hans padte ho kyonki vaikuntha mein jaate ho। yahaan to rone ki darkaar nahin। baba ne kaha hai amma mare to bhi halua khaana, kaun sa halua? yeh gyaan ka। ab to sab mare pade hain। kiska chintan karen, kiska na karen - itne sab marenge। koi kriyaakram karne vaala bhi nahin rahega। jaapaan mein bam se itne mare phir kisne kriyaakram kiya। kriyaakram karne vaale bhi mar jaayenge। yeh to bhakti maarga ki rasamrivaaz hai। satayug mein aisi baaten hoti nahin। vahaan to athaah sukh hai। mohjeet raaja ki kahaani bhi vahaan ki hai। tumne janma-janmaantar yeh katha suni hai। ab baap kehte hain - jo kuchh suna hai woh bhool jaao। ab sab baap se suno। hear no evil, si no evil.. unhonne bandaron ki shakla ka ek khilauna banaaya hua hai। talk no evil, si no evil.... kyonki is samay manushya bandar se bhi badtar hain, jo sunaao sat-sat karte rehte hain। baba kehte hain - bachche, glaani ki baaten mat suno। main kalpa ke sangamayug par aata hoon। baap ko to zaroor aana hi hai tab to knowledge de। manushya kehte rishi-muni aadi trikaaldarshi the। baba kehte - bilkul nahin। lakshmi-naaraayan bhi trikaaldarshi nahin the। trikaaldarshi sirf tum brahman bane ho। tumhaara yeh 84 vaan antim janma hai। aise nahin yeh gyaan ke sanskaar doosre janma mein rahenge। nahin, yeh praayahlop ho jaate hain। vahaan to raajaai sthaapan ho jaati hai to raajayog ki darkaar nahin। to dekho, baba kya kehte, manushya kya kehte hain। raat aur din ka antar hai। manushya kehte paramatma sarvavyaapi hai, baap kehte hain nahin। manushya kehte hain kaliyug ki aayu abhi 40 hajaar varsha padi hai, baap kehte hain nahin। kitne gapode sunaae ghor andhiyaara kar diya hai।

ab meetha baap kehte hain - bahut meetha bano। tum eeshvareey darbaar mein eeshvar ke bachche ho। tumhaara farja hai yog lagaana। govardhan parvat par jaayenge to vahaan anguli dikhaai hai। parvat ki kitni pooja hoti hai। bhaarat jab golden ej ban jaata hai to unki pooja nahin hoti। to yeh anguli hai tumhaari nishaani। pavitrata ki pratigya karna jaise anguli dena hai - bhaarat ko salvage karne ke liye। pavitrata hai to pees prosperity bhi hai। pavitrata nahin hai to bhaarat ka haal dekho kya hai। mehnat hai na। sannyaasi kehte aaye - aag aur kapoos ikatthe rah nahin sakte। shaastron mein aisa hai। parantu tum sannyaasiyon ko kah sakte ho ki ham kaise aag kapoos ikatthe rehte pavitra rehte hain। sannyaasiyon ko shreemat thode hi milti hai। ham to ab baap ki shreemat par chalte hain। unko milti hai shankaraachaarya ki mat, yeh hai shivaachaarya ki mat। tum shivaachaarya ke bachche ho। yeh koi nahin jaante। kehte hain paramatma gyaan ka saagar hai to aachaarya hua na। woh shankaraachaarya hai। sannyaasi bahut shaastra padhkar title lete hain। shreekrishna aachaarya kabhi nahin kaha jaata hai। shiv ka pata hi nahin। woh baap ko jaante hi nahin hain। sivaae baap ke aur kisi ko gyaan ka saagar nahin kah sakte hain। koi sannyaasi mile to bolo - tum ho nivritti maarga vaale hathayog sannyaasi। ham hain pravritti maarga vaale raajayogi। tum raajayog sikhla nahin sakte ho। tum ho rajoguni kyonki shankaraachaarya aate hi hain dvaapar mein। tumhaara hai hathayog karma sannyaas। vaastav mein karma sannyaas to hota hi nahin hai। ab tum bachchon ko direction hi kuchh aur milta hai। manushya chaahte hain shanti mein rahen। bolo - achha, apne ko in organs se detach kar do। parantu sirf detach karne se hi faayda nahin hoga। detach ho phir mujhe yaad karo to vikarma vinaash honge। shanti to tumhaare gale ka haar hai। aatma ka svadharma hai shanti। ham aatmaayen mool vatan mein silence mein rehti hain। phir sookshm vatan mein hai movie। yeh hai talkie sthool vatan। tum bachchon ne saakshaatkaar kiya hai। baba ne jaasti dekha hai। mama ne to kuchh bhi nahin dekha, kabhi bhi dhyaan mein nahin gai। gyaan mein kitni teekhi gai। yeh dhyaan ki aash bhi nahin rakhni chaahiye। mama dekho bigar dhyaan ke kitna aage number leti hai। pahle shri lakshmi phir shri naaraayan, inke liye likha hua hai arjun ko vinaash sthaapna ka saakshaatkaar hua। is rath mein rathi shivbaaba baith knowledge sunaate hain। is rath ko bhi knowledge unse milti hai। yeh khud bhi geeta padhte the। bahut katha karte the। ab wonder lagta hai - shaastron mein kya-kya hai। baap kehte hain - yeh padha hua sab bhool jaao, suno nahin, dekhte hue nahin dekho। bas, ham to jaate hain baba ke ghar sweet hom। jab tak guide tatha liberator na aaye tab tak koi ja nahin sakta। panda aur mukti daata to ek hi baap hai। duhkhon se mukta kar dete hain, isliye unko gati-sadgati daata kaha jaata hai। woh hai manushya srishti ka beej roop, supreme soul। niraakaari duniya hai aatmaon ke rahne ka dhaam। aise nahin ki brahm paramatma hai, usmein aatmaayen leen ho jaayengi। kitni wonderful baaten hain। tumhaara 84 janma ka part avinaashi hai, yeh kab mit nahin sakta। srishti anaadi rachi hui hai। satayug ko nai srishti kaha jaata hai। ab hai puraani srishti। baaki srishti koi vinaash nahin hoti। baap aate hi hain patit srishti ko paavan banaane। srishti to hai hi hai। 84 janma to zaroor devtaaon ke hi honge, phir kam hote jaate hain। phir Christian aadi ka bhi hisaab nikaal sakte hain। vaastav mein bhaaratvaasiyon ki jansankhya bahut honi chaahiye। parantu aur aur dharmon mein convert hone kaaran kam ho gaye hain। naam hi hindu rakh diya hai। baap kehte hain main aata hi tab hoon jab mujhe brahma dvaara devi-devta dharma ki sthaapna karni hai। shankar dvaara vinaash.... phir jo sthaapna karte hain vahi paalna karenge। gaandhi ji ko bhi jinhonne madad ki, mehnat ki aaj bahut sukhi hain। vahaan sukhi to sab banenge। baaki pad mein farka pad jaata hai। jo baap ki yaad mein rehte hain aur varse ko yaad karte hain woh sooryavanshi banenge। kam yaad karenge to chandravanshi, nahin to phir praja, daas-daasiyaan aadi to bahut chaahiye na। baap ne samjhaaya hai yogbal se hi koi bhi vishwa ka maalik ban sakta hai। tum ho yogbal ki ahinsak sena। Christian ko bhi itna bal mil jaae to vishwa ke maalik ban sakte hain। parantu law nahin kehta hai। woh bandar ki kahaani hai na। shreekrishna ke mukh mein maakhan aa jaata hai - vishwa ki raajaai ka। to vishwa ka raajya yogbal se hi mil sakta hai। baap kehte hain main svarga rachta hoon। tum bachchon ka bhi yahi dhandha hai। bachche phir baap ke ban sthaapna mein madad karte hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada harshit, khushmizaaz rehna hai। kabhi bhi rona nahin hai। jeete ji sabse chhutti le leni hai। kisi ka bhi chintan nahin karna hai।

2) apne shanti svadharma mein sthit rehna hai। gyaan aur yog se teekha jaana hai। dhyaan ki aash nahin rakhni hai।

vardaan:- yathaartha shreshtha handling dvaara sarva ki duaayen praapta karne vaale sarva ke snehi bhav

jaise baap ne kisi bhi bachche ki kamjori ko nahin dekha, himmat badhaai ki aap hi mere the, hain aur sada banenge, aise follow father karo। har ek ki visheshta ko dekhte sambandh-samparka mein aao to aatmaon se svatah aatmik pyaar emerge hoga aur baap ke saath-saath sarva ke snehi ban jaayenge। jahaan aatmik sneh hai vahaan sada sabhi dvaara sadbhaavna, sahayog ki bhaavna svatah hi duaaon ke roop mein praapta hoti hai, isko hi roohaani yathaartha handling kaha jaata hai।

slogan:- apne shreshtha sankalpon ki ekaagrata dvaara, anya aatmaon ki bhatakti hui buddhi ko ekaagra kar dena hi sachchi seva hai।