Murli du jour du samedi 7 octobre 2023

07-10-2023 praatahmurli om shanti "baapdaada"' madhuban

“meethe bachche - buddhi ko yahaan-vahaan bhatkaane ke bajaae ghar mein baap ko yaad karo, door-door tak buddhi ko le jaao - ise hi yaad ki yaatra kaha jaata hai''

prashn:- jo bachche sachchi dil se baap ko yaad karte hain unki nishaani kya hogi?

uttar:- 1. sachchi dil se yaad karne vaale bachchon se kabhi koi vikarma nahin ho sakta। unse aisa karma nahin hoga jisse baap ki glaani ho। unke manners bade achhe hote hain। 2. woh bhojan par bhi yaad mein rahenge। neend bhi samay par svatah khul jaayegi। woh bahut sahansheel, bahut meethe honge। baap se koi bhi baat chhipaayenge nahin।

geet:- hamaare teertha nyaare hain …

om shanti। baap baith bachchon ko samjhaate hain, koi niraakaar baap ko samjhe, koi saakaar baap ko samjhe, koi maat-pita ko samjhe। yeh maat-pita samjhaate hain to bhi maata alag aur pita alag ho jaate। agar niraakaar samjhaaye to niraakaar alag, saakaar alag ho jaate। parantu yeh samjhaane vaala baap hai। tum bachche hi yeh jaante ho ki jismaani teertha aur roohaani teertha hain। woh jismaani teertha aadhaakalpa ke hain, agar kahenge janma-janmaantar se yeh chalte aaye hain to phir aise samjhenge shuru se lekar yeh chalte hain, anaadi hain। aise to hai nahin isliye aadhaakalpa se kaha jaata hai। abhi baap ne aakar in teerthon ka raaz samjhaaya hai। manamnaabhav arthaat roohaani teertha। zaroor aatmaon ko hi samjhaate hain aur samjhaane vaala hai parampita। aur koi samjha na sake। har ek apne-apne dharma sthaapak ke teertha par jaate hain। yeh bhi aadhaakalpa ki rasma-rivaaj hai। sab teertha karte hain parantu woh koi ko sadgati de na saken। khud hi ghadi-ghadi teerthon par jaate rehte। amarnaath, badreenaath taraph varsha-varsha teertha karne nikalte phir chaaron dhaam karte hain। abhi yeh roohaani teertha sirf tum jaante ho। roohaani supreme baap ne samjhaaya hai manamnaabhav aur jismaani teertha aadi sab chhodo, mujhe yaad karo to tum sachche-sachche svarga mein chale jaayenge। yaatra maana aana-jaana। woh to abhi hi hota hai। satayug mein yaatra hoti nahin। tum hamesha ke liye svarga aashram mein jaakar baithenge। yahaan to sirf naam rakh dete hain। vaastav mein svarga aashram yahaan hota nahin। svarga aashram satayug ko kaha jaata hai। narka ko yeh akshar de nahin sakte। narkavaasi narka mein hi rehte hain, svargavaasi svarga mein rehte hain। yahaan to jismaani aashram mein jaakar phir laut aate hain। yeh behad ka baap samjhaate hain। vaastav mein sachcha-sachcha behad ka guru ek hi hai। behad ka baap bhi ek hai। bhal kehte hain aagaakhaan guru, parantu woh koi guru nahin hai। sadgati daata to nahin hai na। agar sadgati daata hota to khud bhi gati-sadgati mein jaaye। unko guru nahin kahenge। yeh to sirf naam rakh diye hain। sikkha log kehte hain satguru akaal। vaastav mein sat shri akaal ek hi paramatma hai jisko satguru bhi kehte hain। vahi sadgati karne vaala hai। islaami, bauddhi ya brahma aadi nahin kar sakte। bhal kehte hain guru brahma, guru vishnu। ab guru bhal brahma ko kaha jaae baaki guru vishnu, guru shankar to ho na sake। guru brahma ka naam hai zaroor। parantu brahma guru ka bhi to guru hoga na। sat shri akaal ka to phir koi guru nahin। woh ek hi satguru hai। baaki aur koi guru ya philosopher ya spiritual knowledge dene vaala hai nahin, sivaae ek ke। buddha aadi to apne pichhaadi sabko le aate hain। unko rajo-tamo mein aana hi hai। woh koi sadgati ke liye nahin aate hain। sadgati daata ek ka hi naam baala hai, jisko phir sarvavyaapi kehte hain। phir guru karne ki kya darkaar hai। ham bhi guru, tum bhi guru, ham bhi shiv, tum bhi shiv - inse to koi ka pet nahin bharta। baaki haan, pavitra hain isliye unka maan hota hai, sadgati de nahin sakte। woh to ek hi hai, jisko sachcha-sachcha guru kaha jaata hai। guru to anek prakaar ke hain। sikhlaane vaale ustaad ko bhi guru kehte hain। yeh bhi ustaad hai। maaya se yuddha karna sikhlaate hain। tum bachchon ko trikaaldarsheepan ki knowledge hai, jisse tum chakravarti bante ho। srishti ke chakra ko jaanne vaale hi chakravarti raaja bante hain। drama ke chakra ko va kalpavriksha ke aadi-maghya-ant ko jaanna, baat ek hi hai। chakra ki nishaani bahut shaastron mein bhi likhi hui hai। philosophy ki kitaab alag hoti hai। kitaaben to anek prakaar ki hoti hain। yahaan tumko koi kitaab ki darkaar nahin। tumko to jo baap sikhlaate hain, woh samajhna hai। baap ki property par to sab bachchon ka hak hota hai। parantu svarga mein sabko ek jaisi property to nahin hogi। raajaai hai unki jo baap ka bana। baba kaha, thoda bhi gyaan suna, to woh hakdaar ho jaate। parantu nambarvaar। kahaan vishwa ke mahaaraaja, kahaan praja daas-daasiyaan। yeh saari raajdhaani sthaapan ho rahi hai। baap ka banne se svarga ka varsa to zaroor milta hai। varsa milta hai baap se। yeh nai baaten hone kaaran manushya samajhte nahin। baap samjhaate hain satayug mein vikaar hain nahin। maaya hi nahin to vikaar kahaan se aaye। maaya ka raajya shuru hota hai dvaapar se। yeh hain raavan ki 5 janjeeren। vahaan yeh hoti nahin। jaasti discuss nahin karna hai। woh hai hi sampoorn nirvikaari duniya। baaki bachche paida hone ki, gaddi par baithne ki, mahal aadi banaane ki jo rasma-rivaaj hogi - woh zaroor achhi hi hogi kyonki svarga hai।

baap samjhaate hain - bachche, is roohaani yaatra mein tumhein nirantar buddhiyog lagaana hai। yeh bahut sahaj hai। bhakti maarga mein bhi savere uthte hain। gyaan maarga mein bhi savere uth baap ko yaad karna hai aur koi kitaab aadi padhna nahin hai। sirf baap kehte hain mujhe yaad karo kyonki ab chhote-bade sabka maut saamne khada hai। marte samay kehte hain - bhagwan ko simro। antakaal agar bhagwan ko nahin simrenge to svarga mein ja nahin sakenge। to baap bhi kehte hain - manamnaabhav। is deh ko bhi yaad nahin karna hai। ham aatma actor hain, shivbaaba ki santaan hain। lagaataar yaad mein rehna hai। vaise chhote bachchon ko to nahin kahenge ki bhagwan ko yaad karo। yahaan sabko kehna padta hai kyonki sabko baap ke paas jaana hai, baap se hi buddhiyog lagaana hai। koi se ladaai-jhagda nahin karna hai। yeh bada nuksaankaarak hai। koi kuchh kahe, suna-ansuna kar dena hai, saamna nahin karna chaahiye, jo ladaai ho jaae। har baat mein sahansheel bhi hona chaahiye aur phir samajhna hai baap, baap bhi hai, dharmaraaj bhi hai। kuchh bhi baat hai to tum baap ko report karo। phir dharmaraaj ke paas pahunch hi jaayega aur saja ke bhaagi ban padenge। baap kehte hain main sukh deta hoon। duhkh arthaat sajaayen dharmaraaz dete hain। mujhe saza dene ka adhikaar nahin hai। mujhe sunaao, saja dharmaraaj denge। baba ko sunaane se halka ho jaayenge kyonki yeh phir bhi right-hand hai। satguru ka nindak thaur na paaye। judgement to dharmaraaj hi denge ki kiska dosh hai? unse kuchh chhip nahin sakta। kahenge drama anusaar bhool ki, kalpa pahle bhi ki hogi। parantu iska matlab yeh nahin ki bhool karte hi rehna hai। phir abhul kaise banenge? bhool ho jaae to kshama maangani hoti hai। bangaal mein kiska pair aadi lag jaata hai to jhat kshama maangate hain। yahaan to ek-do ko gaali dene lag padte hain। manners bahut achhe hone chaahiye। baap sikhlaate to bahut hain, parantu samajhte nahin to samjha jaata hai inka register kharaab hai। ninda karaate rehte hain to pad bhrashta ho jaayenge। janma-janmaantar ke vikarmon ka bojha to hai hi। unki to saza bhogni hi hai। phir yahaan rahkar agar vikarma karte hain to unki sauguna saja mil jaati hai। saja to khaani hi hai। jaise baba kaashi kalvat ka samjhaate hain। woh hai bhakti maarga ka। yeh gyaan maarga ki baat hai। ek to pahle vaale vikarma hain, doosra phir is samay jo karte hain unka danda sauguna ho jaata hai। bahut kadi saja khaani padegi। baap to har ek baat samjhaate hain। koi paap na karo, nashtomoha bano। kitni mehnat hai! is mama-baba ko yaad nahin karna hai। inko yaad karne se jama nahin hoga। inmen shivbaaba aate hain to yaad shivbaaba ko karna hai। aise nahin ki inmen shivbaaba hai isliye inki yaad rahe। nahin, shivbaaba ko vahaan yaad karna hai। shivbaaba aur sweet hom ko yaad karna hai। jinna muaaphik buddhi mein yaad rakhna hai - shivbaaba vahaan rehte hain, shivbaaba yahaan aakar sunaate hain, parantu hamko yaad vahaan karna hai, yahaan nahin। buddhi door jaani chaahiye, yahaan nahin। yeh shivbaaba to chala jaayega। shivbaaba is ek mein hi aate hai। mama mein unko dekh na saken। tum jaante ho yeh baba ka rath hai parantu inke chehre ko nahin dekhna hai। buddhi vahaan latki rahe। yahaan buddhi rahne se itna maja nahin aayega। yeh koi yaatra nahin hui। yaatra ki had tumhaari vahaan hai। aise nahin ki baba ko hi dekhte raho kyonki inmen shiv hai। phir oopar jaane ki aadat chhoot jaati hai। baap kehte hain mujhe vahaan yaad karo, buddhiyog vahaan lagaao। kai buddhu samajhte hain ki baba ko hi baith dekhen। are, buddhi ko sweet hom mein lagaana hai। shiv-baba to sadaiv rath par rah na sake। yahaan aakar sirf service karenge। savaari le service kar phir utar jaayenge। bail par sadaiv savaari ho nahin sakti। to buddhi vahaan rahni chaahiye। baba aate hain, murli chalaakar chale jaate hain। inki buddhi bhi vahaan rehti hai। raasta barobar pakadna chaahiye। nahin to ghadi-ghadi gir padte hain। yeh to thoda samay hai। inmen shivbaaba hi nahin hoga to yaad kyon karenge? murli to yeh bhi suna sakte hain, inmen kabhi hai, kabhi nahin hai। kabhi rest lete hain। tum yaad vahaan karo।

kabhi-kabhi baba khyaal karte hain - drama anusaar kalpa pahle aaj ke din jo murli chalaai thi vahi jaakar chalaaoogaan। tum bhi kah sakte ho ki kalpa pahle baap se jitna varsa liya tha, utna hi lenge। shivbaaba ka naam zaroor lena pade। parantu aise kisko aayega nahin। baap zaroor yaad aayega। baap ka hi parichay dena hai। aise nahin, sirf inko baith dekhna hai। baba ne samjhaaya hai - shivbaaba ko yaad karo, nahin to paap ho jaayega। nirantar baap ko yaad karna hai, nahin to vikarma vinaash nahin honge। badi manzil hai। maasi ka ghar thode hi hai। aise nahin, bhojan par pahle yaad kiya phir khalaas, aise hi bhojan khaane lag pade। nahin, saara samay yaad karna pade। mehnat hai। aise thode hi oonch pad mil sakta hai। tab to dekho karodon mein 8 ratna paas hote hain। manzil badi bhaari hai। vishwa ka maalik banna hai, yeh to kiski buddhi mein nahin hoga। inki buddhi mein bhi nahin tha। ab khyaal kiya jaata hai, 84 janma kisko milte hain? zaroor jo pahle aate hain woh hain lakshmi-naaraayan। yeh hain sab vichaar saagar manthan karne ki baaten। baap samjhaate hain - hath kaar de, dil yaad de। bhal dhandhe aadi mein raho, parantu nirantar baap ko yaad karte raho। yeh hai yaatra। teerthon par jaakar phir lautna nahin hai। teertha bahut manushya karte hain, ab to vahaan par bhi gand ho gaya hai। nahin to teertha sthaan par kabhi veshyaalay nahin hote। abhi kitna bhrashtaachaar hai। ek dhani to koi hai nahin। jhat gaali dene lag padte। aaj chief minister hai, kal unko bhi utaar dete। maaya ke mureed ban jaate hain। paise ikatthe karenge, makaan banaayenge, dhan ke pichhaadi chori karne lag padte hain। tum ab svarga mein jaane ki taiyaari kar rahe ho। vahi yaad aana chaahiye। dhaarna bhi honi chaahiye। murli likhkar phir revise karni chaahiye। phursat to bahut rehti hai। raat ko to bahut phursat hai। raat ko jaago to aadat pad jaayegi। jo sachcha-sachcha baba ko yaad karne vaala hoga unki aankh aapehi khul jaayegi। baba anubhav bataate hain। kaise raat ko aankh khul jaati hai। abhi to neend ke liye aur hi purushaartha karte hain। haan, sthool kaam karne se bhi shareer ko thakaavat hoti hai। baba ka rath bhi dekho kitna puraana hai। vichaar karo, baba patit duniya mein aakar kitni mehnat karte hain! bhakti maarga mein bhi mehnat karte the, abhi bhi mehnat karte hain। shareer bhi patit to duniya bhi patit। baba kehte hain main aadhaakalpa to bahut aaraam karta hoon, kuchh bhi khyaal nahin karna padta hai। bhakti maarga mein bahut khyaal karna padta isliye baap ko merciful gaaya hua hai। ocean oph knowledge, ocean aaph bliss, kitni mahima karte hain। vahi baap abhi hamko padhaate hain aur koi padha na sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ka bhi saamna nahin karna hai, koi kuchh kahe to suna-ansuna kar dena hai। sahansheel banna hai। satguru ki ninda nahin karaani hai।

2) apna register kharaab hone nahin dena hai। bhool ho jaae to baap ko sunaakar kshama maang leni hai। vahaan (oopar) yaad karne ki aadat daalni hai।

vardaan:- silence ki shakti dvaara jama ke khaate ko badhaane vaale shreshtha pad ke adhikaari bhav

jaise vartamaan samay science ki shakti ka bahut prabhaav hai, alpakaal ke liye praapti kara rahi hai। aise silence ki shakti dvaara jama ka khaata badhaao। baap ki divya drishti se svayan mein shakti jama karo tab jama kiya hua samay par doosron ko de sakenge। jo drishti ke mahatva ko jaankar silence ki shakti jama kar lete hain vahi shreshtha pad ke adhikaari bante hain। unke chehre se khushi ki roohaani jhalak dikhaai deti hai।

slogan:- apne aap natural attention ho to kisi bhi prakaar ka tension aa nahin sakta।