Murli du jour du vendredi 3 novembre 2023

03-11-2023 praatahmurli om shanti "baapdaada"' madhuban

“meethe bachche - gyaan yog ki shakti se vaayumandal ko shuddh banaana hai, svadarshan chakra se maaya par jeet paani hai''

prashn:- kis ek baat se siddha ho jaata hai ki aatma kabhi bhi jyoti mein leen nahin hoti?

uttar:- kehte hain bani banaai ban rahi… to zaroor aatma apna part repeat karti hai। agar jyoti jyot mein leen ho jaae to part samaapta ho gaya phir anaadi drama kehna bhi galat ho jaata hai। aatma ek puraana chola chhod doosra naya leti hai, leen nahin hoti।

geet:- O door ke musaaphir…

om shanti। ab jo yogi aur gyaani bachche hain, jo auron ko samjha sakte hain, woh is geet ka arth yathaartha reeti samajh sakte hain। jo bhi manushya maatra hain sab kabradaakhil hain। kabradaakhil unko kaha jaata hai jinki jyoti ujhaai hui hoti hai, jo tamopradhaan hain। jinhonne sthaapna ki hai aur janma by janma paalna arth nimitta bane hue hain, un sabne apne janma poore kar liye hain। aadi se lekar ant tak kis-kis dharma ki sthaapna hui hai - hisaab nikaal sakte hain। had ka jo naatak hota hai usmein bhi mukhya drama ke creator, director, actor jo hote hain, unka hi maan hota hai। kitni prize milti hai। jalva dikhlaate hain na। tumhaara phir hai gyaan-yog ka jalva। ab manushyon ko yeh to pata nahin hai ki maut saamne hai, ham is drama mein kitne janma lete hain, kahaan se aate hain? detail sabhi janmon ko to ham-tum nahin jaan sakte hain। baaki is samay hamaara bhavishya ke liye purushaartha chal raha hai। devta to banenge parantu kis pad ko paayenge, uske liye purushaartha karna hai। tum jaante ho in lakshmi-naaraayan ne 84 janma liye hain। ab yeh zaroor raaja-raani banenge। features bhi jaante hain। practical mein saakshaatkaar karaate hain। bhakti maarga mein bhi saakshaatkaar hote hain। woh to jiska dhyaan karte hain unka saakshaatkaar hota hai। chitra shreekrishna ka saanvara dekha, uska dhyaan karenge to aisa saakshaatkaar ho jaayega। baaki shreekrishna aisa saanvara hai nahin। manushyon ko in baaton ka gyaan to kuchh bhi rehta nahin hai। abhi tum practical mein ho। sookshm vatan mein bhi dekhte ho, baikuntha mein bhi dekhte ho। aatma aur paramatma ka gyaan hai। aatma ka hi saakshaatkaar hota hai। yahaan tum jo saakshaatkaar karte ho uski tumhaare paas knowledge hai। baahar vaalon ko bhal aatma ka saakshaatkaar hota hai parantu knowledge nahin hai। woh to aatma so paramatma kah dete hain। aatma star to barobar hai hi। yeh to bahut dikhaai padte hain। jitne manushya hain utni aatmaayen hain। manushyon ke shareer in aankhon se dekhne mein aate hain। aatma ko divya drishti dvaara dekha ja sakta hai। manushyon ke rang-roop bhinna-bhinna hain, aatmaayen bhinna-bhinna nahin, sab ek jaisi hi hain। sirf part har aatma ka bhinna-bhinna hai। jaise manushya chhote-bade hote hain vaise aatma chhoti-badi nahin hoti hai। aatma ki size ek hi hai। agar aatma jyoti mein leen ho jaae to part repeat kaise karegi? gaaya bhi jaata hai bani banaai ban rahi… yeh anaadi world drama chakra lagaata rehta hai। yeh tum bachche jaante ho। machchharon sadrishya aatmaayen vaapas jaati hain। machchharon ko to in aankhon se dekha jaata hai। aatma ko divya drishti bina dekh nahin sakte। satayug mein to aatma ke saakshaatkaar ki darkaar nahin rehti। samajhte hain ki ham aatma ko ek puraana shareer chhod doosra naya lena hai। paramatma ko to jaante hi nahin। agar paramatma ko jaante to srishti chakra ko bhi jaanna chaahiye।

to geet mein kehte hain - hamko bhi saath le lo। pichhaadi mein bahut pachhtaate hain। sabko nimantran milta hai। kitni yuktiyaan ban rahi hain nimantran dene ki।

pees-pees to sab kehte hain lekin pees ka arth koi bhi samajhte nahin hain। pees kaise hoti hai, woh tum jaante ho। jaise ghaani mein sarson pees jaate hain vaise sabke shareer vinaash mein khatma ho jaate hain। aatmaayen nahin peesengi। woh to chali jaayengi। aise likha hua bhi hai ki aatmaayen machchharon sadrishya bhaagti hain। aise to nahin sab parmaatmaayen bhaagenge। manushya kuchh bhi samajhte nahin। aatma aur paramatma mein kya bhed hai, yeh bhi nahin jaante। kehte hain ham sab bhaai-bhaai hain to bhaai-bhaai hokar rehna chaahiye। unko yeh pata nahin hai ki satayug mein bhaai-bhaai athva bhaai-behen sab aapas mein ksheerkhanda hokar chalte hain। vahaan loonpaani ki baat hi nahin hai। yahaan dekho abhi-abhi ksheerkhanda hain, abhi-abhi loonpaani ho jaate hain। ek taraph kehte hain cheeni-hindu bhaai-bhaai phir unka but banaakar aag lagaate rehte hain। jismaani bhaai-bhaai ki yeh haalat dekho। roohaani sambandh ko to jaante nahin। tumko baap samjhaate hain apne ko aatma samajhna hai। deh-abhimaan mein phansana nahin hai। koi-koi deh-abhimaan mein phans padte hain। baap kehte hain deh sahit deh ke jo bhi sambandh hain, sabko chhodna hai। yeh makaan aadi sab bhoolo। vaastav mein tum paramdham nivaasi ho। abhi-abhi phir vahaan chalna hai, jahaan se part bajaane aaye hain, phir ham tumko sukh mein bhej denge। to baap kehte hain laayak banna hai। god kingdom sthaapan kar rahe hain। Christ ki koi kingdom nahin thi। woh to baad mein jab laakhon Christian bane honge tab apni kingdom banaai hogi। yahaan to phat se satayugi raajaai ban jaati hai। kitni sahaj baat hai। barobar bhagwan ne aakar sthaapna ki hai। shreekrishna ka naam daalne se saara ghotaala kar diya hai। geeta mein hai praacheen raajayog aur gyaan। woh to praayahlop ho jaata hai। angreji akshar achhe hain। tum kahenge baba angreji nahin jaante। baba kehte hain main kahaan tak sab bhaashaayen baith boloonga। mukhya hai hi hindi। to main hindi mein hi murli chalaata hoon। jiska shareer dhaaran kiya hai woh bhi hindi hi jaanta hai। to jo inki bhaasha hai vahi main bhi bolta hoon। aur koi bhaasha mein thode hi padhaaoonga। main French boloon to yeh kaise samjhega? mukhya to inki (brahma ki) baat hai। inko to pahle samajhna hai na। doosre koi ka shareer thode hi lenge।

geet mein bhi kehte hain mujhe le chalo kyonki baap aur baap ke ghar ka to kisko bhi pata nahin hai। gapoda maarte rehte hain। anek manushyon ki anek maten hain isliye soot moonjha hua hai। baap dekho kaise baithe hue hain। yeh charan kiske hain? (shivbaaba ke) woh to hamaare hain na। mainne loan diya hai। shivbaaba to tempory use karte hain। vaise yeh charan to mere hain na। shiv ke mandir mein charan nahin rakhte hain। charan shreekrishna ke rakhte hain। shiv to hai oonch te oonch, to unke charan kahaan se aaye। haan, shivbaaba ne udhaar liya hai। charan to brahma ke hi hain। mandiron mein bail dikhaaya hai। bail par savaari kaise hogi? bail par shivbaaba kaise chadhenge? saaligraam aatma savaari karti hai manushya ke tan par। baap kehte hain main jo tumko gyaan sunaata hoon woh praayahlop ho gaya hai। aate mein namak misal rah gaya hai। usko koi bhi samajh nahin sakte। main hi aakar uska saar samjhaata hoon। mainne hi shreemat dekar srishti chakra ka raaz samjhaaya tha, unhonne phir devtaaon ko svadarshan chakra dikha diya hai। unke paas to gyaan hai nahin। yeh hai saari gyaan ki baat। aatma ko srishti chakra ki knowledge milti hai jisse maaya ka sir kaata jaata hai। unhonne phir svadarshan chakra asuron ke pichhaadi phenkate hue dikhaaya hai। is svadarshan chakra se tum maaya par jeet paate ho। kahaan ki baat kahaan le gaye hain। tumhaare mein bhi koi birle yeh baaten dhaaran kar aur samjha sakte hain। knowledge hai oonchi। usmein samay lagta hai। pichhaadi mein tumhaare mein gyaan aur yog ki shakti rehti hai। yeh drama mein noondh hai। unhon ki buddhi bhi narma hoti jaati hai। tum vaayumandal ko shuddh karte ho। kitna yeh gupta gyaan hai। likha hua hai ajaamil jaise paapiyon ka uddhaar kiya parantu uska arth bhi samajhte nahin। woh samajhte hain ki jyoti jyot mein sama gaya। saagar mein leen ho gaya। paanch paandav himaalay mein gal gaye। pralay ho gai। ek taraph dikhaate hain woh raajayog seekhe phir pralay dikha di hai aur phir dikhaate hain ki shreekrishna angootha choosta hua peepal ke patte par aaya। uska bhi arth nahin samajhte। woh to garbha mahal mein tha। angootha to bachche chooste hain। kahaan ki baat kahaan laga di hai। manushya to jo sunte woh sat-sat kehte rehte hain।

satayug ko koi jaante nahin। jhooth unko kaha jaata hai jo cheez hoti hi nahin। jaise kehte hain paramatma ka naam-roop hai hi nahin। parantu unki to pooja karte rehte hain। to paramatma hai ati sookshm। un jaisi sookshm cheez koi hai nahin। ekdam bindi hai। sookshm hone kaaran hi koi jaante nahin। bhal aakaash ko bhi sookshm kaha jaata hai parantu woh to polaar hai। 5 tatva hain। 5 tatvon ke shareer mein aakar pravesh karte hain। woh kitni sookshm cheez hai। ekdam bindi hai। star kitna chhota hai। yahaan paramatma star baaju mein aakar baithe tab to bol sake। kitni sookshm baaten hain। moti buddhi vaale to jara bhi samajh na saken। baap kitni achhi-achhi baaten samjhaate hain। drama anusaar jo kalpa pahle part bajaaya hai, vahi bajaate hain। bachche samajhte hain baba roz aakar nai-nai baaten sunaate hain, to naya gyaan hoga na। to roz padhna pade। roz koi nahin aate hain to friend ke paas jaakar poochhte hain ki aaj class mein kya hua? yahaan to koi padhna hi chhod dete hain। bas, kah dete hain avinaashi gyaan ratnon ka varsa nahin chaahiye। are, padhna chhoda to tumhaara kya haal hoga? baap se varsa kya lenge? bas, takdeer mein nahin hai। yahaan sthool milkiyat ki to koi baat nahin hai, gyaan ka khajaana baap se milta hai। woh milkiyat aadi to sab kuchh vinaash hona hai, uska nasha koi rakh na sake। baap se hi varsa milna hai। tumhaare paas bhal karodon ki milkiyat hai, woh bhi mitti mein mil jaani hai। is samay ki hi saari baat hai। yeh bhi likha hua hai kiski dabi rahegi dhool mein, kiski jalaaye aag… is samay ki baaten pichhaadi mein chali aati hain। vinaash to abhi hona hai। vinaash ke baad phir hai sthaapna। abhi woh sthaapna kar rahe hain। woh hai apni raajdhaani। tum doosron ke liye nahin karte ho, jo kuchh karenge woh apne liye। jo shreemat par chalega woh maalik banega। tum to naye vishwa mein naye bhaarat ke maalik bante ho। nai vishwa arthaat satayug mein tum maalik the। abhi yeh puraana yug hai phir tumko purushaartha karaaya jaata hai nai duniya ke liye। kitni achhi-achhi baaten samajhne ki hain। aatma aur paramatma ka gyaan, self realisation। self ka father kaun hai? baap kehte hain main aata hoon tum aatmaon ko sikhlaane। ab father ko realise kiya hai father dvaara। baap samjhaate hain tum hamaare sikeeldhe bachche ho। kalpa ke baad phir se aakar mile ho varsa lene ke liye। to purushaartha karna chaahiye na। nahin to bahut pachhtaana hoga, bahut saja khaani padegi। jo bachche bankar aur phir kukarma karte hain, unki to baat mat poochho। drama mein dekho baba ka kitna part hai। sab kuchh de diya। baba phir kehte hain bhavishya 21 janmon ke liye return doonga। aage tum indirect dete the to bhavishya mein ek janma ke liye deta tha। abhi direct dete ho to bhavishya 21 janmon ke liye insure kar deta hoon। direct, indirect mein kitna farka hai। woh dvaapar-kaliyug ke liye insure karte hain eeshvar ko। tum satayug-treta ke liye insure karte ho। direct hone ke kaaran 21 janmon ke liye milta hai। achha!

meethe-meethe sikeeldhe bachchon prati maat-pita baapdaada ka nambarvaar purushaartha anusaar yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avinaashi baap se avinaashi gyaan ratnon ka khajaana le takdeervaan banna hai। naya gyaan, nai padhaai roz padhni hai। vaayumandal ko shuddh banaane ki seva karni hai।

2) bhavishya 21 janmon ke liye apna sab kuchh insure kar dena hai। baap ka banne ke baad koi bhi kukarma nahin karna hai।

vardaan:- svaunnati ka yathaartha chashma pahan example banne vaale albelepan se mukta bhav

jo bachche svayan ko sirf vishaal dimaag ki nazar se check karte hain, unka chashma albelepan ka hota hai, unhein yahi dikhaai deta hai ki jitna bhi kiya hai utna bahut kiya hai। main in-in aatmaon se achha hoon, thodi bahut kami to naameegraami mein bhi hai। lekin jo sachchi dil se svayan ko check karte hain unka chashma yathaartha svaunnati ka hone ke kaaran sirf baap aur svayan ko hi dekhte, doosra, teesra kya karta - yeh nahin dekhte। mujhe badalna hai bas isi dhun mein rehte hain, woh doosron ke liye example ban jaate hain।

slogan:- hadon ko sarva vansh sahit samaapta kar do to behad ki baadshaahi ka nasha rahega।