Murli du jour du dimanche 18 février 2024

18-02-24 praatahmurli om shanti ''avyakt-baapdaada'' revise 31-12-98 madhuban

“himmat ke aadhaar par svayan ko mehnat mukta sada vijayi anubhav karo''

aaj nav yug rachta baapdaada apne ati snehi, sada sahayogi aur ati sameep bachchon ko nav yug, nav jeevan aur nav varsha ki mubaarak dene aaye hain। chaaron or ke bachche ati sneh se baapdaada ko dil mein sammukh rakh mubaarak le rahe hain। baapdaada bachchon ke nav varsha ke umang-utsaah ko dekh harshit ho rahe hain। majority bachche chaahe door baithe hain, chaahe sameep baithe hain sabhi ke man mein yahi umang-utsaah hai ki is varsha mein naveenta karke hi dikhaayenge। chaahe sva ke parivartan mein, chaahe seva ki saphalta mein, chaahe har aatma ko shubh bhaavna, shubh kaamna dvaara parivartit karne mein umang bhi achha hai, utsaah bhi bahut achha hai। saath-saath himmat bhi yatha shakti hai। baapdaada aise himmat vaale bachchon ko ek sankalp ke peechhe padamguna madad avashya dete hain। isliye himmat se sada aage badhte chalo। kabhi bhi sva prati va anya aatmaon ke prati himmat ko kam nahin karna kyonki yeh nav yug hai hi himmat rakhne se udne ka yug, vardaani yug, purushottam yug, direct vidhaata dvaara sarva shaktiyaan varse mein sahaj praapta hone ka yug, isliye is yug ke mahatva ko sada smriti mein rakho। koi bhi kaarya aarambha karte ho chaahe sva purushaartha, chaahe vishwa seva, sada himmat aur baapdaada ki madad dvaara nishchay hai hi ki sva purushaartha mein va seva mein saphalta hui padi hai। hona hi hai। asambhav, sambhav hona hi hai kyonki yeh yug saphalta ka yug hai। asambhav, sambhav hone ka yug hai। isliye hoga ya nahin hoga, kaise hoga, iska question is yug mein aap brahman aatmaon ke liye hai hi nahin। braahmanon ki janma patri mein hai saphalta uska janma siddha adhikaar hai। adhikaari aatmaon ko yeh sochne ki aavashyakta nahin hai, varsa milna hi hai।

to naye varsha mein yeh vishesh smriti emerge karo ki sab taraph se saphalta mujh shreshtha brahman aatma ka adhikaar hai hi। is nishchay se, roohaani nashe se udte chalo। (abhimaani nasha nahin, roohaani nasha) nishchay buddhi sada har kaarya mein vijayi hai hi hai। aise nishchay buddhi brahman aatma ke mastak par vijay ke takdeer ki lakeer sada hai hi hai। vijay ka tilak sada hi mastak par chamak raha hai। isliye is varsha ko sada vijayi varsha anubhav karte chalo। aisa nishchay aur nasha hai? double videshiyon ko hai? double videshi hoshiyaar hain। (sabne haath hilaaya) bahut achha। tilak nazar aa raha hai। aur bhaaratvaasi to hain hi bhaagyavaan, kyon? bhaarat ki dharni hi bhaagyavaan hai। isliye chaahe videshi, chaahe bhaaratvaasi donon hi bhaagya vidhaata ke bachche hain isliye har brahman bachcha vijayi hai। sirf himmat ko emerge karo। himmat samaai hui hai kyonki master sarvashaktivaan ho। aise ho na? (sabhi haath hila rahe hain) haath to bahut achha hilaate hain। abhi man se bhi sada himmat ka haath hilaate rehna। baapdaada ko khushi hai, naaz hai ki mera ek-ek bachcha anek baar ka vijayi hai। ek baar nahin, anek baar ki vijayi aatmaayen ho। to kabhi yeh nahin sochna, pata nahin kya hoga? hoga shabd nahin laana। vijay hai aur sada rahegi। sab pakke hain? bahut achha। abhi phir vahaan jaakar aisa kamjor samaachaar nahin likhna ki daadiyaan, baba maaya aa gai, aise nahin likhna। maayaajeet hain। ham nahin honge to aur kaun hoga, yeh roohaani nasha emerge karo। aur-aur kaarya mein man aur buddhi busy ho jaati hai na to nasha merge ho jaata hai। lekin beech-beech mein check karo ki karma karte hue bhi yeh vijayeepan ka roohaani nasha hai? nishchay hoga to nasha zaroor hoga। nishchay ki nishaani nasha hai aur nasha hai to avashya nishchay hai। donon ka sambandh hai। isliye abhi 99 mein apna nasha sada emerge rakhna, to abhul ho jaayenge। na bhool hogi, na mehnat hogi। baapdaada ne pahle bhi kaha hai ki jab baapdaada bachchon ko mehnat karte hue dekhte hain, yuddha karte hue dekhte hain to bachchon ki mehnat karna baap ko achha nahin lagta hai isliye is nav varsha ko kaise manaayenge? mukti varsha manaaya। negative, vesta ko samaapta kiya to yeh varsha automatic mehnat mukta varsha ho jaayega। sab mauj mein rahne vaale, mehnat karne vaale nahin। mauj achhi lagti hai ya mehnat achhi lagti hai? mauj achhi lagti hai na? to yeh varsha man mein, sankalp mein bhi mehnat mukta ho।

baapdaada ke paas bachchon ke patra va chitkiyaan bahut achhe-achhe himmat ki aai hain ki ham ab se 108 ki maala mein avashya aayenge। bahuton ke achhe-achhe umang ke patra bhi aaye hain aur roohrihaan mein bhi bahuton ne baapdaada ko apne nishchay aur himmat ka achha samaachaar diya hai। baapdaada aise bachchon ko kehte hain - baap ne aap sabke beeti ko bindu laga diya। isliye beeti ko socho nahin, ab jo himmat rakhi hai, himmat aur madad se aage badhte chalo। nav varsha ke naye umang bhi bahut achhe-achhe likhe hain chaahe videsh ke bachchon ne, chaahe desh ke bachchon ne, baapdaada aise bachchon ko yahi vardaan dete hain - isi himmat mein, nishchay mein, nashe mein amar bhav। amar rahenge na! double videshi amar rahenge? bhaaratvaasi bhi rahenge na? bhaarat ko to number lena hi chaahiye।

naye varsha mein kya manaate hain? ek to gift dete aur doosra greetings dete hain। mithaai khoob khaate khilaate hain। naachte gaate bhi bahut hain। to aap sirf 12 ke baad ek din naya varsha nahin manaana lekin brahman bachchon ke liye is nav yug mein har ghadi nai hai, har shvaans naya hai, har sankalp naya hai, isliye sada poora varsha, ek din nahin, ek saptaah nahin, ek maas nahin, chaar maas nahin, aath maas nahin, 12 hi maas sada ek do ko dilkhush mithaai baantate rehna। baantenge na! dilkhush mithaai baantane aati hai? sabhi hoshiyaar hain। to dilkhush mithaai baantana। koi aapki dil khush mithaai apne svabhaav ke kaaran, sanskaar ke kaaran, samasya ke kaaran agar nahin bhi sveekaar kare to aap dilshikasta nahin hona। aapne baanti, aapka aagyaakaari banne ka chart baapdaada ke paas jama ho gaya। yeh nahin dekhna ki mainne to dilkhush mithaai khilaai lekin yeh to naaraaj ho gaya, koi harja nahin, woh raaz ko nahin jaanta hai na to naaraaj ho gaya। aap to raaz ko jaante ho na! to yeh raaz bhi jaan lo ki yeh hisaab-kitaab va samasya ke vash hai। aap aagyaakaari bano। theek hai na! aagyaakaari banna hai na! yahaan to haan bahut achha karte hain, agar aap yahaan dekho na, haath bhi bahut achha hilaate ho, khush kar dete ho। kaandh bhi hilaate hain, haath bhi hilaate hain। lekin baapdaada to phir bhi har bachche ke oopar sada hi khush rehte hain। jab mera bachcha kah diya, to jo bhi ho, jaise bhi ho, baap to dekh khush hota hi hai। baap ne jo vaayda kiya hai - kaise bhi laayak banaakar saath le hi jaana hai। saath mein chalna hai na? saath chalne ke liye taiyaar hain? sabhi taiyaar hain? ever ready hain? achha, ever ready bhi hain, bahut achha। ever happy bhi hain? aur jab maaya aa jaayegi to? phir thoda-thoda man mein chillaayenge? baba maaya aa gai, aa gai। chillaana nahin, apne ko uda dena। maaya neeche rah jaaye aap oopar ud jaao to maaya dekhti rahegi। achha to khushi mein naachte bhi rehna aur dilkhush mithaai baantate bhi rehna। saath mein jo bhi sambandh-samparka mein aaye usko koi na koi gift dena, koi haath khaali nahin jaaye, kaun si gift denge? aapke paas gift to bahut hai। gift ka stock hai? to dene mein kanjoos nahin banna, dete jaana। phraakdil banna, kisi ko shakti ka sahayog do, shakti ka vibration do, kisko koi gun ki gift do। mukh se nahin lekin apne chehre aur chalan se do। yadi koi gun va shakti emerge nahin bhi ho, to kam se kam chhoti si saugaat bhi dena, woh kaun si? shubh bhaavna aur shubh kaamna ki। shubh kaamna karo ki yeh mera sikeeldha bhaai ya behen, sikeeldha sochenge to ashubh bhaavna se shubh bhaavna ban jaayegi। is bhaai behen ka bhi udti kala ka part ho jaae, iske liye sahayog va shubh bhaavna hai। kai bachche kehte hain ki ham dete hain woh lete nahin hain। achha shubh bhaavna nahin lete hain, kuchh to dete hain na। chaahe ashubh bol aapko dete hain, ashubh vibration dete hain, ashubh chalan chalte hain to aap ho kaun? aapka occupation kya hai? vishwa parivartak ho? aapka dhandha kya hai? vishwa parivartak hain na! to vishwa ko parivartan kar sakte ho aur usne agar aapko ulta bol diya, ulta chalan dikhaai to uska parivartan nahin kar sakte ho? positive roop mein parivartan nahin kar sakte ho? negative ko negative hi dhaaran karenge ki negative ko positive mein parivartan kar aap har ek ko shubh bhaavna, shubh kaamna ki gift denge। shubh bhaavna ka stock sada jama rakho। aap de do। parivartan kar lo। to aapka title jo vishwa parivartak hai woh practical mein use hota jaayega। aur yeh pakka samajh lo ki jo sada har ek ko parivartan kar apna vishwa parivartak ka kaarya saakaar mein laata hai vahi saakaar roop mein 21 janma ki guarantee se raajya adhikaari banega। takhta par bhale ek baari baithega lekin har janma mein raajya parivaar mein, raajya adhikaari aatmaon ke sameep sambandh mein hoga। to vishwa parivartak hi vishwa raajya adhikaari banta hai। isliye sada yeh apna occupation yaad rakho - mera kartavya hi hai parivartan karna। daata ke bachche ho to daata ban dete chalo, tab hi bhavishya mein haath se kisko denge nahin lekin sada aapke raajya mein har aatma bhar-poor rahegi, yeh is samay ke daata banne ka praalabdha hai। isliye hisaab nahin karna, isne yeh kiya, isne itna baar kiya, master daata ban gift dete jaao। aur greetings kya denge? dekho kisi ko bhi, kisi se praapti hoti hai na to uske mukh se, man se yahi shabd nikalta hai ki aapko mubaarak ho, ek do ko khushi baantate ho to kehte hain mubaarak ho। utsav manaate ho to kehte hain mubaarak ho। aise jo bhi aapke saamne aave to mukh se aise shabd bolo, sankalp mein aise shreshtha sankalp ho to jo bhi aapse milega woh har samay dil se mubaarak va duaayen avashya dega। to sada aise bol bolo, aisa sambandh-samparka mein aao jo dil se, mukh se mubaarak nikle va duaayen niklen। aisa shabd nahin nikaalo jo mubaarak laayak nahin ho। ek ek bol jaise ratna ho। saadhaaran bol nahin ho। baapdaada ne ab tak result mein dekha hai, kal to badal jaayega lekin ab tak dekha hai ki bol mein jo sayamm aur sneh hona chaahiye woh sneh bhi kam ho jaata hai aur sayamm bhi kam ho jaata hai। isliye aisa bol bolo jo ratna ho। aap svayan jab heere tulya ho to har bol bhi ratna samaan ho। aisa moolyavaan ho। saadhaaran nahin ho। na saadhaaran ho, na vyartha ho। aur kabhi-kabhi baapdaada dekhte hain, result sunaaye, kyonki 12 baje ke baad sab samaapta karna hai na! to baapdaada ne yeh bhi dekha hai ki koi-koi bachche chhoti si baat ka vistaar bahut karte hain, ismen kya hota hai, jo jyaada bolta hai na to jaise vriksha ka vistaar hota hai usmein beej chhip jaata hai, woh aise samajhte hain ki ham samjhaane ke liye vistaar kar rahe hain, lekin vistaar mein jo baat aap samjhaane chaahte hain na uska saar chhip jaata hai aur bol, vaani ki bhi energy hoti hai। jo vesta bol hote hain to vaani ki energy kam ho jaati hai। jyaada bolne vaale ke dimaag ki energy bhi kam ho jaati hai। short aur sweet yeh donon shabd yaad rakho। aur koi sunaata hai na to usko to kah dete hain ki mere ko itna sunne ka time nahin hai। lekin jab khud sunaate hain to time bhool jaata hai। isliye apne khajaanon ka stock jama karo। sankalp ka khajaana jama karo, bol ka khajaana jama karo, shaktiyon ka khajaana jama karo, samay ka khajaana jama karo, gunon ka khajaana jama karo। roz raat ko apne in khajaanon ke bachat ka potaamel check karo। kitne sankalp vesta ke bajaae best ke khaate mein jama kiya? kitna samay best ke khaate mein jama kiya? gun aur shaktiyon se shreshtha kaarya kiya? gun ko kaarya mein lagaaya? shakti ko kaarya mein lagaaya? yeh hai jama karna। to sabhi sankalp, samay, gun, shakti iska potaamel roz raatri ko check karo phir total karo kitna bachat ka khaata hua? yahi bachat svayan ko bhi sahayog deti rahegi aur auron ko bhi degi। to samjha - kya karna hai? sab poochhte hain na kya karna hai? to ab yeh karna hai। greetings bhi lena hai, gift bhi deni hai, jama bhi karna hai aur mehnat ko chhodna hai। jab bachat ke oopar attention denge to mehnat nahin karni padegi। mehnat mukta varsha dhoomdhaam se manaayen। vesta aur negative mukta varsha manaayen। baapdaada mukti varsha ki result abhi nahin poochh rahe hain, baapdaada ko yaad hai। result lenge ki kitnon ne mukti varsha manaaya ya maas manaaya? 6 maas manaaya, aadha manaaya, poora manaaya - yeh sab hisaab lenge? achha।

chaaron or ke ati snehi sameep brahman aatmaon ko nav yug ke rachta ka mubaarak ho, mubaarak ho, mubaarak ho। yeh ghadi hai vidaai aur badhaai ki। sangam hai। puraane varsha ko vidaai, puraane varsha ke saath-saath puraani baaten, puraani samasyaayen, puraane sanskaar sabko vidaai aur naye umang-utsaah sampanna varsha ko mubaarak ke saath badhaai bhi hai। is varsha ko sada mehnat mukta varsha manaana hai। is varsha ko sada sva aur sarva ko nirvighna bhav ke vardaan se manaana hai। is varsha ko sada vijay hamaara janma siddha adhikaar hai, is nishchay aur nashe ko sada har karma karte bhi emerge rakhne ka varsha manaana। is varsha mein har ek ko baapdaada aur daadiyon dvaara number one jaane ka inaam va gift leni hai, iske liye sabhi videshi va bhaarat-vaasiyon ko number one ka nishchay rakh aage badhna aur badhaana hai। to bahut-bahut yaadapyaar sahit sab prakaar ki mansa se, vaacha se, sab roop se baapdaada padmaapdam guna mubaarak de rahe hain। abhi ek second sabhi powerful sankalp se, dridhta se puraane vastuon ko, puraane varsha ko, puraani baaton ko sada ke liye vidaai do। ek second sabhi - dridhta saphalta hai, is dridh sankalp mein sthit ho jaao। achha, om shanti।

vardaan:- tension se pareshaan duhkhi aatmaon ko himmat dekar aage badhaane vaale master merciful bhav

vartamaan samay bahut si aatmaayen andar tension se duhkhi pareshaan hain, bichaaron mein aage badhne ki himmat nahin hai। aap unhein himmat do। jaise kisko taang nahin hoti hai to lakdi ki taang banaakar dete hain to chalne lagta hai। aise aap unhein himmat ki taang do, kyonki baapdaada dekhte hain agyaani bachchon ka andar kya haal hai, baahar ka show to bahut achha tip-top hai lekin andar bahut duhkhi hain to master merciful bano।

slogan:- nirmaan bano, komal nahin, nirmaanta hi mahaanta hai।

soochna:-aaj maas ka teesra ravivaar antarraashtreey yog divas hai, sabhi brahma vatsa sangathit roop mein saayan 6.30 se 7.30 baje tak vishesh apne light might swaroop mein sthit ho, gyaan soorya baap ki kirnon ke neeche baith poore globe ko shanti shakti aur pavitrata ki sakaash dene ki seva karen।