Murli du jour du mercredi 5 juin 2024

05-06-2024 praatahmurli om shanti "baapdaada"' madhuban

“meethe bachche - tum saahebjaade so shahjaade banne vaale ho, tumhein kisi bhi cheez ki ichchha nahin rakhni hai, kisi se kuchh bhi maangana nahin hai''

prashn:- tabiyat ko theek rakhne ke liye kaun-sa aadhaar nahin chaahiye?

uttar:- kai bachche samajhte hain vaibhvon ke aadhaar par tabiyat theek rahegi। parantu baba kehte hain bachche yahaan tumhein vaibhvon ki ichchha nahin rakhni chaahiye। vaibhvon se tabiyat theek nahin hogi। tabiyat theek rakhne ke liye to yaad ki yaatra chaahiye। kaha jaata hai khushi jaisi khuraak nahin। tum khush raho, nashe mein raho। yagya mein dadheechi rishi ke misal haddiyaan do to tabiyat theek ho jaayegi।

om shanti। baap ko kaha jaata hai karnakraavanhaar। tum saahebjaade ho। tumhaara is srishti mein oonche te ooncha position hai। tum bachchon ko nasha rehna chaahiye ki ham saahebjaade, saaheb ki mat par ab phir se apna raajya-bhaagya sthaapan kar rahe hain। yeh bhi kiski buddhi mein yaad nahin rehta hai। baba sabhi centres ke bachchon ke liye kehte hain। anek centres hain, anek bachche aate hain। har ek ki buddhi mein sadaiv yaad rahe ki ham baba ki shreemat par phir se vishwa mein shanti-sukh ka raajya sthaapan kar rahe hain। sukh aur shanti yeh do akshar hi yaad karne hain। tum bachchon ko kitna gyaan milta hai, tumhaari buddhi kitni vishaal honi chaahiye, ismen jaamdi buddhi nahi chal sakti। apne ko saahebjaade samjho to paap khatma ho jaaen। bahut hain jinko saara din baap ki yaad nahin rehti hai। baba kehte tumhaari buddhi dull kyon ho jaati hai? centres par aise-aise bachche aate hain, jinki buddhi mein hai hi nahin ki ham shreemat par vishwa mein apna daivi raajya sthaapan kar rahe hain। andar mein woh nasha, phalak honi chaahiye। murli sunne se romaanch khade ho jaane chaahiye। yahaan to baba dekhte hain bachchon ke aur hi romaanch dead rehte hain, dher bachche hain jinki buddhi mein yeh yaad nahin rehta hai ki ham shreemat par baba ki yaad se vikarma vinaash kar apni raajdhaani sthaapan kar rahe hain। roz baba samjhaate hain - bachche, tum warriors ho, raavan par jeet paane vaale ho। baap tumhein mandir laayak banaate hain parantu itna nasha va khushi bachchon ko rehti thode hi hai, koi cheez nahin mili to bas rooth padenge। baba ko to wonder lagta hai bachchon ki avastha par। maaya ki janjeeron mein phans padte hain। tumhaara maan, tumhaari kaarobaar, tumhaari khushi to wonderful honi chaahiye। jo mitra sambandhiyon ko nahin bhoolte hain woh kabhi baap ko yaad kar nahin sakenge। phir kya pad paayenge! wonder lagta hai।

tum bachchon mein to bada nasha chaahiye। apne ko saahebjaade samjho to kuchh bhi maangane ki parvaah na rahe। baba to hamko itna athaah khajaana dete hain jo 21 janma tak kuchh bhi maangane ka hi nahin hai, itna nasha rehna chaahiye। parantu bilkul hi dull, jaamdi buddhi hai। tum bachchon ki buddhi to 7 foot lambi honi chaahiye। manushya ki lambaai adhik se adhik 6-7 foot hoti hai। baba bachchon ko kitna hullaas mein laate hain - tum saahebzaade ho, duniya ke log to kuchh bhi samajhte nahin। unko tum samjhaate ho ki sirf tum yeh samjho ham baap ke saamne baithe hain, baap ko yaad karte rahenge to vikarma vinaash honge। baap samjhaate hain bachche, maaya tumhaara bahut kada dushman hai, doosron ka itna dushman nahin hai, jitna tumhaara hai। manushya to jaante hi nahin, tuchchha buddhi hain। baba roz-roz tum bachchon ko kehte hain tum saahebjaade ho, baap ko yaad karo aur doosron ko aap-samaan banaate raho। tum sabko yeh bhi samjha sakte ho ki bhagwan to sachcha saaheb hai na। to ham unke bachche saahebjaade thahre, tum bachchon ko chalte-phirte buddhi mein yahi yaad rakhna hai। service mein dadheechi rishi misal haddiyaan bhi de deni chaahiye। yahaan haddi dena to kya aur hi athaah sukh vaibhav chaahiye। tabiyat koi in cheejon se thode hi achhi hoti hai। tabiyat ke liye chaahiye yaad ki yaatra। woh khushi rahni chaahiye। are, ham to kalpa-kalpa maaya se haarte aaye, abhi maaya par jeet paate hain। baap aakar jeet pahnaate hain। abhi bhaarat mein kitna duhkh hai, athaah duhkh dene vaala hai raavan। vo log samajhte hain aeroplane hain, motor mahal hain, bas, yahi svarga hai। yeh nahin samajhte ki yeh to duniya hi khalaas honi hai। laakhon, karodon kharcha karte, dam aadi banaate, ladaai ka saamaan bhi kitna le rahe hain। yeh ek-do ka khaatma karne vaale hain, nidhanke hain na। kitna ladaai jhagda karte hain, baat mat poochho। kitna kichda laga pada hai। isko kaha jaata hai narka। svarga ki to badi mahima hai। badauda ki mahaaraani se poochho mahaaraaja kahaan gaya? to kahenge svargavaasi hua। svarga kisko kaha jaata hai - yeh koi jaante nahin, kitna ghor andhiyaara hain। tum bhi ghor andhiyaare mein the। ab baap kehte hain tumko eeshvareey buddhi deta hoon। apne ko eeshvareey santaan saaheb-jaade samjho। saaheb padhaate hain shahzaada banaane ke liye। baba kahaavat sunaate hain na ridh chha jaane… (bhed kya samjhe) abhi tum samajhte ho - manushya bhi sab bhed bakriyon ki tarah hain, kuchh bhi nahin jaante hain। kya-kya baith upma karte hain। tumhaari buddhi mein aadi-madhya-ant ka raaz hai। achhi reeti yaad karo ki ham vishwa mein sukh-shanti sthaapan kar rahe hain। jo madadgaar banenge vahi oonch pad paayenge। woh bhi tum dekhte ho ki kaun-kaun madadgaar bante hain। apni dil se har ek poochhe ki ham kya kar rahe hain? ham bhed-bakri to nahi hain? manushyon mein ahankaar dekho kitna hai, gurra-gurra karne lag padte hain। tumko to baap ki yaad rahni chaahiye। service mein hadidyaan deni hai, kisi ko naaraaz nahin karna hai, na hona hai। ahankaar bhi nahin aana chaahiye। ham yeh karte, ham itne hoshiyaar hain, yeh khyaal aana bhi deh-abhimaan hai। uski chalan hi aisi ho jaati, jo sharma aa jaayegi। nahin to tumhaare jaisa sukh aur koi ko ho na sake। yeh buddhi mein yaad rahe to tum chamakte raho। centre mein koi to achhe mahaarthi hain, koi ghodesvaar, pyaade bhi hain। isme badi vishaal buddhi honi chaahiye। kaisi-kaisi braahmaniyaan hain, koi to badi madadgaar hain, service mein kitni khushi rehti hai। tumko nasha chadhna chaahiye। service bigar kya pad paayenge। maa-baap ko to bachchon ke liye regard rehta hai। parantu woh apna khud regard nahin rakhte to baba kya kahenge।

tum bachchon ko thode mein hi sabko baap ka sandesh dena hai। bolo, baap kehte hain manamnaabhav। geeta mein kuchh akshar hai aate mein loon (namak)। yeh huge duniya kitni badi hai, buddhi mein aana chaahiye। kitni badi duniya hai, kitne manushya hain, yeh phir kuchh bhi nahin rahenge। koi khanda ka naam nishaan nahin hoga। ham svarga ke maalik bante hain yeh din-raat khushi rahni chaahiye। knowledge to bahut sahaj hai, samjhaane vaale bade ramazbaaz chaahiye। anek prakaar ki yuktiyaan hain। baap kehte hain main tumko bahut diplomat banaata hoon। woh diplomat ambassador ko kehte hain। to bachchon ki buddhi mein yaad rehna chaahiye। oho! behad ka baap hamko direction dete hain, tum dhaaran kar auron ko bhi baap ka parichay dete ho। sivaae tumhaare baaki saari duniya naastik hai। tumhaare mein bhi nambarvaar hain। koi to naastik bhi hain na। baap ko yaad hi nahin karte। khud kehte hain baba hamko yaad bhool jaati hai, to naastik thahre na। aisa baap jo saahebzaada banaate, woh yaad nahin aata hai! yeh samajhne mein bhi badi vishaalbuddhi chaahiye। baap kehte hain main har 5 hazaar varsha baad aata hoon। tumhaare dvaara hi kaarya karaata hoon। tum warriors kitne achhe ho। ‘vande maatram' tum gaaye jaate ho। tum hi poojya the phir pujaari bane ho। ab shreemat par phir se poojya ban rahe ho। to tum bachchon ko bada shanti se service karni hai। tumhein ashaanti nahin honi chaahiye। jinki rag-rag mein bhoot bhare hue hain, woh kya pad paayenge। lobh bhi bada bhoot hai। baba sab dekhte rehte hain har ek ki chalan kaisi hai। baba kitna nasha chadhaate hain, koi service nahin karte, sirf khaate-peete rehte to phir 21 janma service karni padegi। daas-daasiyaan bhi to banenge na। pichhaadi mein sabko saakshaatkaar hona hai। dil par to serviceable hi chadhenge। tumhaari service hi yeh hai - kisko amarlok ka vaasi banaana। baba himmat to bahut dilaate hain, dhaarna karo, deh-abhimaaniyon ko dhaarna ho nahin sakti। tum jaante ho baap ko yaad kar ham veshyaalay se shivaalay mein jaate hain, to aisa bankar bhi dikhaana hai।

baba to chitthiyon mein likhte hain - laadle roohaani saahebjaadon, ab shreemat par chalenge, mahaarthi banenge to shahzaade zaroor banenge। em object hi yeh hai। ek hi sachcha baba tumko sab baaten achhi reeti samjha rahe hain। service kar auron ka kalyaan bhi karte raho। yogbal nahin to phir ichchhaayen hoti hain, yeh chaahiye, woh chaahiye। woh khushi nahin rehti, kaha jaata khushi jaisi khuraak nahin। saahebjaadon ko to bahut khushi rahni chaahiye। woh nahin hai to phir anek prakaar ki baaten aati hain। are, baap vishwa ki baadshaahi de rahe hain, baaki aur kya chaahiye! harek apni dil se poochhe ki ham itne meethe baba ki kya service karte hain? baap kehte hain sabko message dete jaao - saaheb aaya hua hai। vaastav mein to tum sab brothers ho। bhal kehte hain ham sab bhaai-bhaai ko madad karni chaahiye। is khyaal se bhaai kah dete hain। yahaan to baap kehte hain - tum ek baap ke bachche bhaai-bhaai ho। baap hai hi svarga ki sthaapna karne vaala। heaven banaate hain bachchon dvaara। service ki yuktiyaan to bahut samjhaate hain। mitra-sambandhiyon ko bhi samjhaana hai। dekho, bachche vilaayat mein hain woh bhi service kar rahe hain। din-pratidin log aaphten dekhkar samjhenge - marne ke pahle varsa to le len। bachche apne mitra-sambandhiyon ko bhi utha rahe hain। pavitra bhi rehte hain। baaki nirantar bhaai-bhaai ki avastha rahe, woh mushkil hai। baap ne to bachchon ko saahebzaade ka title kitna achha diya hai। apne ko dekhna chaahiye। service nahin karenge to ham kya banenge? agar koi ne jama kiya to woh khaate-khaate chuktu ho gaya aur hi unke khaate mein chadhta hai। service karne vaale ko kabhi yeh khyaal bhi na aaye ki hamne itna diya, unse sabki paravrish hoti hai isliye madad karne vaalon ki khaatiri bhi ki jaati hai, samjhaana chaahiye woh khilaane vaale hain। roohaani bachche tumko khilaate hain। tum unki seva karte ho, yeh bada hisaab hai। mansa, vaacha, karmana unhon ki service hi nahin karenge to woh khushi kaise hogi। shivbaaba ko yaad kar bhojan banaate hain to unki taakat milegi। dil se poochhna hai ham sabko raazi karte hain? mahaarthi bachche kitni service kar rahe hain। baba raigjeen par chitra banvaate hain, yeh chitra kabhi tootenge-phootenge nahin। baba ke bachche baithe hain, aapehi bhej denge। baap phir paise kahaan se laayenge। yeh sab centres kaise chalte hain? bachche hi chalaate hain na। shivbaaba kehte hain mere paas to ek kaudi bhi nahin hai। aage chalkar tumko aapehi aakar kahenge hamaare makaan tum kaam mein lagaao। tum kahenge ab tu let। baap hai hi gareeb nivaaj। gareebon ke paas kahaan se aaye। koi to karodapti, padmapti bhi hain। unhon ke liye yahaan hi svarga hai। yeh hai maaya ka pomp। unka fall ho raha hai। baap kehte hain tum pahle saahebjaade bane ho phir shahjaade jaakar banenge। parantu itni service bhi karke dikhaao na। bahut khushi mein rehna chaahiye। ham saahebjaade hain phir shahjaade banne vaale hain। shahjaade tab banenge jab bahuton ki service karenge। kitni khushi ka paara chadhna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ko kabhi na to naaraaz karna hai, na naaraaz hona hai। apni hoshiyaari ka ya seva karne ka ahankaar nahin dikhaana hai। jaise baap bachchon ka regard rakhte hain aise svayan ka regard svayan hi rakhna hai।

2) yogbal se apni sab ichchhaayen samaapta karni hai। sada isi khushi va nashe mein rehna hai ki ham saahebjaade so shahjaade banne vaale hain। sada shanti mein rah service karni hai। rag-rag mein jo bhoot bhare hue hain, unhein nikaal dena hai।

vardaan:- brahman jeevan mein baap dvaara light ka taaj praapta karne vaali mahaan bhaagyavaan aatma bhav

sangamayugi brahman jeevan ki visheshta “pavitrata'' hai। pavitrata ki nishaani - light ka taaj hai jo har brahman aatma ko baap dvaara praapta hota hai। pavitrata ki light ka yeh taaj us ratna-jadit taaj se ati shreshtha hai। mahaan aatma, parmaatma bhaagyavaan aatma, oonche se oonchi aatma ki yeh taaj nishaani hai। baapdaada har ek bachche ko janma se “pavitra bhav'' ka vardaan dete hain, jiska soochak light ka taaj hai।

slogan:- behad ki vairaagya vritti dvaara ichchhaaon ke vash pareshaan aatmaon ki pareshaani door karo।