Murli du jour du mardi 4 juin 2024

04-06-2024 praatahmurli om shanti "baapdaada"' madhuban

“meethe bachche - ab is chhi-chhi gandi duniya ko aag lagni hai isliye shareer sahit jise tum mera-mera kehte ho - ise bhool jaana hai, isse dil nahin lagaani hai''

prashn:- baap tumhein is duhkhadhaam se naphrat kyon dilaate hain?

uttar:- kyonki tumhein shantidham-sukhdhaam jaana hai। is gandi duniya mein ab rehna hi nahin hai। tum jaante ho aatma shareer se alag hokar ghar jaayegi, isliye is shareer ko kya dekhna। kisi ke naam-roop taraph bhi buddhi na jaaye। gande khyaalaat bhi aate hain to pad bhrashta ho jaayega।

om shanti। shivbaaba apne bachchon, aatmaon se baat karte hain। aatma hi sunti hai। apne ko aatma nishchay karna hai। nishchay karke phir yeh samjhaana hai ki behad ka baap aaya hua hai, sabko le jaane liye। duhkh ke bandhan se chhudaae sukh ke sambandh mein le jaate hain। sambandh sukh ko, bandhan duhkh ko kaha jaata hai। ab yahaan ke koi bhi naam-roop aadi mein dil nahin lagaao। apne ghar jaane liye taiyaari karni hai। behad ka baba aaya hua hai, sabhi aatmaon ko le jaane isliye yahaan koi se dil nahin lagaani hai। yeh sab yahaan ke chhi-chhi bandhan hain। tum samajhte ho ham ab pavitra bane hain to hamaare shareer ko koi bhi haath na lagaaye, chhi-chhi khyaalaat se। woh khyaalaat hi nikal jaate hain। pavitra banne sivaae vaapis ghar to ja na saken। phir sajaayen khaani padengi, agar na sudhre to। is samay sabhi aatmaayen ansudhreli hain। shareer ke saath chhi-chhi kaam karti hain। chhi-chhi dehdhaariyon se dil lagi hui hai। baap aakar kehte hain - yeh sab gande khyaal chhodo। aatma ko shareer se alag hokar ghar jaana hai। yeh to bahut chhi-chhi gandi duniya hai, ismen to ab hamko rehna nahin hai। koi ko dekhne ki bhi dil nahin hoti। abhi to baap aaye hain svarga mein le jaane। baap kehte hain - bachche, apne ko aatma samjho। pavitra banne liye baap ko yaad karo। koi bhi dehdhaari se dil nahin lagaao। bilkul mamatva mit jaana chaahiye। stri-puroosh ka bahut pyaar hota hai। ek-do se alag ho nahin sakte। ab to apne ko aatma bhaai-bhaai samajhna hai। gande khyaal nahin rahne chaahiye। baap samjhaate hain - abhi yeh veshyaalay hai। vikaaron ke kaaran hi tumne aadi, madhya, ant duhkh ko paaya hai। baap bahut hi naphrat dilaate hain। abhi tum steamer par baithe ho jaane ke liye। aatma samajhti hai abhi ham ja rahe hain baap ke paas। is saari puraani duniya se vairaagya hai। is chhi-chhi duniya, narka veshyaalay mein hamko rehna nahin hai। to phir vish ke liye gande khyaalaat aana bahut kharaab hai। pad bhi bhrashta ho jaayega। baap kehte hain main tumko gul-gul duniya mein, sukhdhaam mein le jaane aaya hoon। main tumko is veshyaalay se nikaal shivaalay mein le jaaoonga to ab buddhi ka yog rehna chaahiye nai duniya mein। kitni khushi honi chaahiye। behad ka baba hamko padhaate hain, yeh behad srishti chakra kaise phirta hai, woh to buddhi mein hai। srishti chakra ko jaanne se arthaat svadarshan chakradhaari hone se tum chakravarti raaja banenge। agar dehdhaari se buddhiyog lagaaya to pad bhrashta ho padega। koi bhi deh ke sambandh yaad na aayen। yeh to duhkh ki duniya hai, ismen sab duhkh hi dene vaale hain।

baap dirty duniya se sabko le jaate hain, isliye ab buddhiyog apne ghar se lagaana hai। manushya bhakti karte hain - mukti mein jaane liye। tum bhi kehte ho - ham aatmaon ko yahaan rehna nahin hai। ham yeh chhi-chhi shareer chhodkar apne ghar jaayenge, yeh to puraani jutti hai। baap ko yaad karte-karte phir yeh shareer chhoot jaayega। antakaal baap ke sivaae aur koi doosri cheez yaad na rahe। yeh shareer bhi yahaan hi chhodna hai। shareer gaya to sab kuchh gaya। deh sahit jo kuchh bhi hai, tum jo mera-mera kehte ho yeh sab bhool jaana hai। is chhi-chhi duniya ko aag lagni hai, isliye inse ab dil nahin lagaani hai। baap kehte hain meethe-meethe bachchon, main tumhaare liye svarga ki sthaapna kar raha hoon। vahaan tum hi jaakar rahenge। abhi tumhaara munh us taraph hai। baap ko, ghar ko, svarga ko yaad karna hai। duhkhadhaam se naphrat aati hai। in shareeron se naphrat aati hai। shaadi karne ki bhi kya darkaar hai। shaadi karne se phir dil lag jaati hai shareer se। baap kehte hain is puraani juttiyon se kuchh bhi sneh nahin rakho। yeh hai hi veshyaalay। sab patit hi patit hain। raavan raajya hai। yahaan koi se bhi dil nahin lagaani hai, sivaae baap ke। baap ko yaad nahin karenge to janma-janmaantar ke paap katenge nahin। phir sajaayen bhi bahut kadi hain। pad bhi bhrashta ho jaayega। to kyon na is kaliyugi bandhan ko chhod den। baba sabke liye yeh behad ki baat samjhaate hain। jab rajopradhaan sannyaasi the to duniya gandi nahin thi। jangal mein rehte the। sabko aakarshan hoti thi। manushya vahaan jaakar unhon ko khaana pahuncha aate the। nidar ho rehte the। tumko bhi nidar banna hai, ismen badi vishaal buddhi chaahiye। baap ke paas aate hain, to bachchon ko khushi rehti hai। ham behad baap se sukhdhaam ka varsa lete hain। yahaan to kitna duhkh hai। kai gandi-gandi beemaariyaan aadi hoti hain। baap to guarantee karte hain - tumko vahaan le jaate hain, jahaan duhkh, beemaari aadi ka naam nahin। aadhaakalpa ke liye tumko healthy banaate hain। yahaan koi se bhi dil lagaai to bahut sajaayen khaani padegi।

tum samjha sakte ho, vo log kehte hain 3 minute silence। bolo, sirf silence se kya hoga। yeh to baap ko yaad karna hai, jisse vikarma vinaash hon। silence ka var dene vaala baap hai। unko yaad karne bigar shanti milegi kaise? unko yaad karenge tab hi varsa milega। teachers ko bhi bahut shabka (paath) padhaana hai। khada ho jaana chaahiye, koi kuchh bhi kahega nahin। baap ke bane ho to pet ke liye to milega hi, shareer nirvaah ke liye bahut milega। jaise vedaanti bachchi hai, usne imtahaan diya, usmein ek point thi - geeta ka bhagwan kaun? usne parampita paramatma shiv likh diya to unko naapaas kar diya। aur jinhonne shreekrishna ka naam likha tha, unko paas kar diya। bachchi ne sach bataaya to usko na jaanne kaaran naapaas kar diya। phir ladna pade mainne to yeh sach-sach likha। geeta ka bhagwan hai hi niraakaar parampita paramatma। shreekrishna dehdhaari to ho na sake। parantu bachchi ki dil thi is roohaani service karne ki to chhod diya।

tum jaante ho ab baap ko yaad karte-karte apne is shareer ko bhi chhod silence duniya mein jaana hai। yaad karne se health-wealth donon hi milti hain। bhaarat mein pees prosperity thi na। aisi-aisi baaten tum kumaariyaan baith samjhaao to tumhaara koi bhi naam nahin lenge। agar koi saamna kare to tum kaaydesir lado, bade-bade officers ke paas jaao। kya karenge? aise nahin ki tum bhookh marengi। kele se, dahi se bhi roti kha sakte ho। manushya pet ke liye kitne paap karte hain। baap aakar sabko paap aatma se punya aatma banaate hain। ismen paap karne, jhooth bolne ki koi darkaar nahin hai। tumko to 3/4 sukh milta hai, baaki 1/4 duhkh bhogte ho। ab baap kehte hain - meethe bachchon, mujhe yaad karo to tumhaare janma-janmaantar ke paap bhasma ho jaayenge। aur koi upaay nahin। bhakti maarga mein to bahut dhakke khaate ho। shiv ki pooja to ghar mein bhi kar sakte hain parantu phir bhi baahar mandir mein zaroor jaate hain। yahaan to tumko baap mila hai। tumko chitra rakhne ki darkaar nahin hai। baap ko tum jaante ho। woh hamaara behad ka baap hai, bachchon ko svarga ki baadshaahi ka varsa de rahe hain। tum aate ho baap se varsa lene। yahaan koi shaastra aadi padhne ki baat nahin। sirf baap ko yaad karna hai। baba bas ham aaye ki aaye। tumko ghar chhode kitna samay hua hai? sukhdhaam ko chhode 63 janma hue hain। ab baap kehte hain shantidham, sukhdhaam mein chalo। is duhkhadhaam ko bhool jaao। shantidham, sukhdhaam ko yaad karo aur koi difficult baat nahin hai। shivbaaba ko koi shaastra aadi padhne ki darkaar nahin hai। yeh brahma padha hua hai। tumko to abhi shivbaaba padhaate hain। yeh brahma bhi padha sakte hain। parantu tum sadaiv samjho shivbaaba ke liye। unko yaad karne se vikarma vinaash honge। beech mein yeh bhi hai।

ab baap kehte hain time thoda hai, jaasti nahin hai। aisa khyaal mat karo ki jo naseeb mein hoga, woh milega। school mein padhaai ka purooshaartha karte hain na। aise thode hi kahenge jo naseeb mein hoga… yahaan nahin padhte hain to vahaan janma-janmaantar naukri chaakri karte rahenge। raajaai mil na sake। karke pichhaadi mein taaj rakh denge, woh bhi treta mein। mool baat hai - pavitra ban auron ko banaana। satya naaraayan ki sachchi katha sunaana hai bahut sahaj। do baap hain, had ke baap se had ka varsa milta hai, behad ke baap se behad ka। behad baap ko yaad karo to yeh devta banenge। parantu phir usmein bhi oonch pad paana hai। pad paane ke liye hi kitna maara-maari karte hain। pichhaadi mein bombs ki bhi ek-do ko madad denge। yeh itne sab dharma the thode hi। phir nahin rahenge। tum raajya karne vaale ho to apne oopar raham karo na - kam se kam oonch pad to paayen। bachchiyaan 8 aana bhi deti hain - hamaari ek eet laga dena। sudaama ka misaal suna hai na। chaaval mutthi badle mahal mil gaya। gareeb ke paas hain hi 8 aane to vahi denge na। kehte hain baba ham gareeb hain। abhi tum bachche sachchi kamaai karte ho। yahaan sabki hai jhoothi kamaai। daan-punya aadi jo karte hain, woh paap aatmaon ko hi karte hain। to punya ke badle paap ho jaata hai। paisa dene vaale par hi paap ho jaata hai। aise-aise karte sab paap aatma ban jaate hain। punya aatma hote hi hain satayug mein। woh hai punya aatmaon ki duniya। woh to baap hi banaayenge। paap aatma raavan banaate, gande ban padte hain। ab baap kehte hain gande karma nahin karo। nai duniya mein gand hota nahin। naam hi hai svarga to phir kya, svarga kahne se hi mukh mein paani aa jaata hai। devta hokar gaye hain tab to yaadgaar hain। aatma avinaashi hai। kitne dher actors hain। kahaan to baithe honge, jahaan se part bajaane aate hain। abhi kaliyug mein kitne dher manushya hain। devi-devtaaon ka raajya hai nahin। koi ko samjhaana to bahut sahaj hai। ek dharma ki abhi phir sthaapna ho rahi hai, baaki sab khatma ho jaayenge। tum jab svarga mein the to aur koi dharma nahin tha। chitra mein raam ko baan de diya hai। vahaan baan aadi ki to baat nahin। yeh bhi samajhte hain। jisne jo service ki hai kalpa pahle, vahi abhi karte hain। jo bahut service karte hain, baap ko bhi bahut pyaare lagte hain। laukik baap ke bachche bhi jo achhi reeti padhte hain, un par baap ka pyaar jaasti rehta hai। jo ladte khaate rahenge to unko thode hi pyaar karenge, service karne vaale bahut pyaare lagte hain।

ek kahaani hai - do bille lade, maakhan krishna kha gaya। saare vishwa ki baadshaahi roopi maakhan tumko milta hai। to ab gaphlat nahin karni hai। chhi-chhi nahin banna hai। iske peechhe raajaai mat ganvaao। baap ke direction milte hain, yaad nahin karenge to paap ka bojha chadhta jaayega, phir bahut sajaayen khaani padengi। zaar-zaar royenge। 21 janma ki baadshaahi milti hai। ismen fail hue to bahut royenge। baap kehte hain na piyarghar, na sasurghar ko yaad karna hai। bhavishya naye ghar ko hi yaad karna hai।

baap samjhaate hain koi ko dekh lattu nahin ban jaana hai। phool banna hai। devtaayen phool the, kaliyug mein kaante the। abhi tum sangam par phool ban rahe ho। kisko duhkh nahin dena hai। yahaan aise banenge tab satayug mein jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) antakaal mein ek baap ke sivaae doosra koi yaad na aaye uske liye is duniya mein kisi se bhi dil nahin lagaani hai। chhi-chhi shareeron se pyaar nahin karna hai। kaliyugi bandhan tod dene hain।

2) vishaal buddhi ban nidar banna hai। punya aatma banne ke liye koi bhi paap ab nahin karna hai। pet ke liye jhooth nahin bolna hai। chaaval mutthi saphal kar sachchi-sachchi kamaai jama karni hai, apne oopar raham karna hai।

vardaan:- parmaatma lagan se svayan ko va vishwa ko nirvighna banaane vaale tapasveemoorta bhav

ek parmaatma lagan mein rehna hi tapasya hai। is tapasya ka bal hi svayan ko aur vishwa ko sada ke liye nirvighna bana sakta hai। nirvighna rehna aur nirvighna banaana hi aapki sachchi seva hai, jo anek prakaar ke vighnon se sarva aatmaon ko mukta kar deti hai। aise sevaadhaari bachche tapasya ke aadhaar par baap se jeevanmukti ka vardaan lekar auron ko dilaane ke nimitta ban jaate hain।

slogan:- bikhre hue sneh ko samet kar ek baap se sneh rakho to mehnat se chhoot jaayenge।