Murli du jour du samedi 15 juin 2024

15-06-2024 praatahmurli om shanti "baapdaada"' madhuban

meethe bachche - “maayaajeet banne ke liye gaphlat karna chhodo, duhkh dena aur duhkh lena - yeh bahut badi gaphlat hai, jo tum bachchon ko nahin karni chaahiye''

prashn:- baap ki ham sab bachchon ke prati kaun-si ek aash hai?

uttar:- baap ki aash hai ki mere sabhi bachche mere samaan ever pure ban jaayen। baap ever gora hai, woh aaya hai bachchon ko kaale se gora banaane। maaya kaala banaati, baap gora banaate hain। lakshmi-naaraayan gore hain, tab kaale patit manushya jaakar unki mahima gaate hain, apne ko neech samajhte hain। baap ki shreemat ab milti hai - meethe bachche, ab gora satopradhaan banne ka purooshaartha karo।

om shanti। baap kya kar rahe hain aur bachche kya kar rahe hain? baap bhi jaante hain aur bachche bhi jaante hain ki hamaari aatma jo tamopradhaan ban gai hai, unko satopradhaan banaana hai। jisko golden aged kaha jaata hai। baap aatmaon ko dekhte hain। aatma ko hi khyaal hota hai, hamaari aatma kaali ban gai hai। aatma ke kaaran phir shareer bhi kaala ban gaya hai। lakshmi-naaraayan ke mandir mein jaate hain, aage to jara bhi gyaan nahin tha। dekhte the yeh to sarvagun sampanna hain, gore hain, ham to kaale bhoot hain। parantu gyaan nahin tha। abhi to lakshmi-naaraayan ke mandir mein jaayenge to samjhenge ham to pahle aise sarvagun sampanna the, abhi kaale patit ban gaye hain। unke aage kehte hain ham kaale vicious paapi hain। shaadi karte hain to pahle lakshmi-naaraayan ke mandir mein le jaate hain। donon hi pahle nirvikaari hain phir vikaari bante hain। to nirvikaari devtaaon ke aage jaakar apne ko vikaari patit kehte hain। shaadi ke pahle aise nahin kahenge। vikaar mein jaane se hi phir mandir mein jaakar unki mahima karte hain। aajkal to lakshmi-naaraayan ke mandir mein, shiv ke mandir mein shaadiyaan hoti hain। patit banne ke liye kangan baandhate hain। abhi tum gora banne ke liye kangan baandhate ho isliye gora banaane vaale shivbaaba ko yaad karte ho। jaante ho is rath ke bhrakuti ke beech shivbaaba hai, woh ever-pure hai। unki yahi aash rehti hai ki bachche bhi pure gora ban jaayen। maamekam yaad kar pure ho jaayen। aatma ko yaad karna hai baap ko। baap bhi bachchon ko dekh-dekh harshit hote hain। tum bachche bhi baap ko dekh-dekh samajhte ho pavitra ban jaayen। to phir ham aise lakshmi-naaraayan banenge। yeh em object bachchon ko bahut khabardaari se yaad rakhni hai। aise nahin, bas baba ke paas aaye hain। phir vahaan jaane se apne hi dhandhe aadi mein poore ho jaao isliye yahaan sammukh baap baith bachchon ko samjhaate hain। bhrakuti ke beech aatma rehti hai। akaal aatma ka yeh takhta hai, jo aatma hamaare bachche hain, woh is takhta par baithe hain। khud aatma tamopradhaan hai to takhta bhi tamopradhaan hai। yeh achhi reeti samajhne ki baaten hain। aisa lakshmi-naaraayan banna koi maasi ka ghar nahin hai। abhi tum samajhte ho ham in jaisa ban rahe hain। aatma pavitra bankar hi jaayegi। phir devi-devta kahlaayenge। ham aise svarga ke maalik bante hain। parantu maaya aisi hai jo bhula deti hai। kai yahaan se sunkar baahar jaate hain phir bhool jaate hain isliye baba achhi reeti pakka karaate hain - apne ko dekhna hai, jitna in devtaaon mein gun hain woh hamne dhaaran kiye hain, shreemat par chalkar? chitra bhi saamne hain। tum jaante ho hamko yeh banna hai। baap hi banaayenge। doosra koi manushya se devta bana na sake। ek baap hi banaane vaala hai। gaayan bhi hai manushya se devta…। tumhaare mein bhi nambarvaar jaante hain। yeh baaten bhakta log nahin jaante। jab tak bhagwan ki shreemat na leven, kuchh bhi samajh na saken। tum bachche ab shreemat le rahe ho। yeh achhi reeti buddhi mein rakho ki ham shivbaaba ki mat par baba ko yaad karte-karte yeh ban rahe hain। yaad se hi paap bhasma honge, aur koi upaay nahin।

lakshmi-naaraayan to gore hain na। mandiron mein phir saanvare bana rakhe hain। raghunaath mandir mein raam ko kaala banaaya hai - kyon? kisko pata nahin। baat kitni chhoti hai। baba samjhaate hain shuru mein yeh the satopradhaan khoobsoorat। praja bhi satopradhaan ban jaati hai parantu sazaayen khaakar banti hai। jitni jaasti saza, utna pad bhi kam ho jaata hai। mehnat nahin karte to paap katte nahin। pad kam ho jaata hai। baap to clear kar samjhaate hain। tum yahaan baithe ho gora banne ke liye। parantu maaya badi dushman hai, jisne kaala banaaya hai। dekhte hain ab gora banaane vaala aaya hai to maaya saamna karti hai। baap kehte hain yeh to drama anusaar unko aadhaakalpa ka part bajaana hai। maaya ghadi-ghadi mukh mod aur taraph le jaati hai। likhte hain baba hamko maaya bahut tang karti hai। baba kehte yahi yuddha hai। tum gore se kaale phir kaale se gore bante ho, yeh khel hai। samjhaate bhi unko hain jisne poore 84 janma liye hain। unke paanv bhaarat mein hi aate hain। aise bhi nahin, bhaarat mein sab 84 janma lene vaale hain।

abhi tum bachchon ka yeh time most valuable hai। purooshaartha karna chaahiye poora, hamko aisa banna hai। zaroor baap ne kaha hai sirf mujhe yaad karo aur daiveegun bhi dhaaran karne hain। kisko bhi duhkh nahin dena hai। baap kehte hain - bachchon, ab aisi gaphlat mat karo। buddhiyog ek baap se lagaao। tumne pratigya ki thi ham aap par vaari jaayenge। janma-janmaantar pratigya karte aaye ho - baba, aap aayenge to ham aapki mat par hi chalenge, paavan ban devta ban jaayenge। agar yugal tumhaara saath nahin deta to tum apna purooshaartha karo। yugal saathi nahin bante to jodi nahin banegi। jisne jitna yaad kiya hoga, daiveegun dhaaran kiya hoga, unki hi jodi banegi। jaise dekho brahma-sarasvati ne achha purooshaartha kiya hai to jodi banti hain। yeh bahut achhi service karte hain, yaad mein rehte hain, yeh bhi gun hai na। gopon mein bhi achhe-achhe bahut bachche hain। koi khud bhi samajhte hain, maaya ki kashish hoti hai। yeh janjeer tootti nahin hai। ghadi-ghadi naam-roop mein phansa deti hai। baap kehte hain naam-roop mein nahin phanso। mere mein phanso na। jaise tum niraakaar ho, main bhi niraakaar hoon। tumko aap samaan banaata hoon। teacher aap samaan banaayenge na। surgeon, surgeon banaayenge। yeh to behad ka baap hai, unka naam baala hai। bulaate bhi hain - he patit-paavan aao। aatma bulaati hai, shareer dvaara - baba aakar hamko paavan banaao। tum jaante ho humein paavan kaise bana rahe hain। jaise heere hote hain, unmein bhi koi kaale daagi hote hain। abhi aatma mein alloy pada hai। usko nikaal phir sachcha sona bante hain। aatma ko bahut pure banna hai। tumhaari em object clear hai। aur satsangon mein aise kabhi nahin kahenge।

baap samjhaate hain, tumhaara uddeshya hai yeh banne ka। yeh bhi jaante ho drama anusaar ham aadhaakalpa raavan ke sang mein vikaari bane hain। ab yeh banna hai। tumhaare paas badge bhi hai। is par samjhaana bahut sahaj hai। yeh hai trimoorti। brahma dvaara sthaapna parantu brahma to karte nahin hain। woh to patit se paavan bante hain। manushyon ko yeh pata nahin hai ki yeh patit hi phir paavan bante hain। ab tum bachche samajhte ho manzil padhaai ki oonchi hai। baap aate hain padhaane ke liye। gyaan hai hi baba mein, woh koi se padha hua nahin hai। drama ke plan anusaar unmein gyaan hai। aise nahin kahenge ki inmen gyaan kahaan se aaya? nahin, woh hai hi knowledgeful। vahi tumhein patit se paavan banaate hain। manushya to paavan banne ke liye ganga aadi mein snaan karte hi rehte hain। samudra mein bhi snaan karte hain। phir pooja bhi karte hain, saagar devta samajhte hain। vaastav mein nadiyaan jo bahti hain woh to hain hi। kabhi vinaash ko nahin paati। baaki pahle yeh order mein rehti thi। baadh aadi ka naam nahin tha। kabhi manushya doobte nahin the। vahaan to manushya hi thode hote the, phir vriddhi ko paate rehte hain। kaliyug ant tak kitne manushya ho jaate hain। vahaan to aayu bhi bahut badi rehti hai। kitne kam manushya honge। phir 2500 varsha mein kitni vriddhi ho jaati hai। jhaad ka kitna vistaar ho jaata hai। pahle-pahle bhaarat mein sirf hamaara hi raajya tha। tum aise kahenge। tumhaare mein bhi koi hain jinko yaad rehta hai ham apna raajya sthaapan kar rahe hain। ham roohaani warriors yogbal vaale hain। yeh bhi bhool jaate hain। ham maaya se ladaai karne vaale hain। ab yeh raajdhaani sthaapan ho rahi hai। jitna baap ko yaad karenge utna vijayi banenge। em object hai hi aisa banne ke liye। in dvaara baba hamko yeh devta banaate hain। to phir kya karna chaahiye? baap ko yaad karna chaahiye। yeh to hua dalaal। gaayan bhi hai jab satguru mila dalaal ke roop mein। baba yeh shareer lete hain to yeh beech mein dalaal hua na। phir tumhaara yog lagvaate hain shivbaaba se, baaki sagaai aadi naam mat lo। shivbaaba is dvaara hamaari aatma ko pavitra banaate hain। kehte hain - he bachchon, mujh baap ko yaad karo। tum to aise nahin kahenge - mujh baap ko yaad karo। tum baap ka gyaan sunaayenge - baba aise kehte hain। yeh bhi baap achhi reeti samjhaate hain। aage chal bahuton ko saakshaatkaar honge phir dil andar khaata rahega। baap kehte hain ab time bahut thoda raha hai। in aankhon se tum vinaash dekhenge। jab rehearsal hogi to tum dekhenge aisa vinaash hoga। in aankhon se bhi bahut dekhenge। bahuton ko vaikuntha ka bhi saakshaatkaar hoga। yeh sab jaldi-jaldi hote rahenge। gyaan maarga mein sab hai real, bhakti mein hai imitation। sirf saakshaatkaar kiya, bana thode hi। tum to bante ho। jo saakshaatkaar kiya hai phir in aankhon se dekhenge। vinaash dekhna koi maasi ka ghar nahin hai, baat mat poochho। ek-do ke saamne khoon karte hain। do haath se taali bajegi na। do bhaaiyon ko alag kar dete hain - aapas mein baith lado। yeh bhi drama bana hua hai। is raaz ko woh samajhte nahin hain। do ko alag karne se ladte rehte hain। to unhon ka baarood bikta rahega। kamaai hui na। parantu pichhaadi mein inse kaam nahin hoga। ghar baithe bomb phekenge aur khalaas। usmein na manushyon ki, na hathiyaaron ki darkaar hai। to baap samjhaate hain - bachche, sthaapna to zaroor honi hai। jitna jo purooshaartha karenge utna oonch pad paayenge। samjhaate to bahut hain, bhagwan kehta hai yeh kaam kataari na chalaao। kaam ko jeetne se jagatjeet banna hai। aakhreen mein koi ko teer lagega zaroor। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh time most valuable hai, ismen hi purooshaartha kar baap par poora vaari jaana hai। daivi gun dhaaran karne hai। koi prakaar ki gaphlat nahin karni hai। ek baap ki mat par chalna hai।

2) em object ko saamne rakh bahut khabardaari se chalna hai। aatma ko satopradhaan pavitra banaane ki mehnat karni hai। andar mein jo bhi daag hain, unhein jaanch kar nikaalna hai।

vardaan:- brahman jeevan mein har second sukhmay sthiti ka anubhav karne vaale sampoorn pavitra aatma bhav

pavitrata ko hi sukh-shanti ki janni kaha jaata hai। kisi bhi prakaar ki apvitrata duhkh ashaanti ka anubhav karaati hai। brahman jeevan arthaat har second sukhmay sthiti mein rahne vaale। chaahe duhkh ka nazaara bhi ho lekin jahaan pavitrata ki shakti hai vahaan duhkh ka anubhav nahin ho sakta। pavitra aatmaayen master sukh karta ban duhkh ko roohaani sukh ke vaayumandal mein parivartan kar deti hain।

slogan:- saadhnon ka prayog karte saadhna ko badhaana hi behad ki vairaagya vritti hai।