Murli du jour du vendredi 2 août 2024

02-08-2024 praatahmurli om shanti "baapdaada"' madhuban

“meethe bachche - tumhaare nizi sanskaar pavitrata ke hain, tum raavan ke sang mein aakar patit banen, ab phir paavan ban paavan duniya ka maalik banna hai''

prashn:- ashaanti ka kaaran aur uska nivaaran kya hai?

uttar:- ashaanti ka kaaran hai apvitrata। ab bhagwan baap se vaayda karo ki ham pavitra ban pavitra duniya banaayenge, apni civil aai rakhenge, criminal nahin banenge to ashaanti door ho sakti hai। tum shanti sthaapan karne ke nimitta bane hue bachche kabhi ashaanti nahin phaila sakte। tumhein shant rehna hai, maaya ke gulaam nahin banna hai।

om shanti। baap baith bachchon ko samjhaate hain ki geeta ke bhagwan ne geeta sunaai। ek baar sunaakar phir to chale jaayenge। abhi tum bachche geeta ke bhagwan se vahi geeta ka gyaan sun rahe ho aur raajayog bhi seekh rahe ho। ve log to likhi hui geeta padhkar kantha kar lete hain phir manushyon ko sunaate rehte hain। woh bhi phir shareer chhod jaae doosre janma mein bachcha bane phir to suna na saken। ab baap tumko geeta sunaate rehte hain, jab tak tum raajaai praapta karo। laukik teacher bhi paath padhaate hi rehte hain। jab tak paath poora ho sikhaate rehte hain। paath poora ho jaata phir had ki kamaai mein lag jaate। teacher se padhe, kamaai ki, boodhe hue, shareer chhoda, phir doosra shareer jaakar lete hain। vo log geeta sunaate hain, ab isse praapti kya hoti hai? yeh to koi ko pata nahin। geeta suna-kar phir doosre janma mein bachcha bana to suna na sake। jab bade hon, bujurga banen, geetaapaathi hon tab phir sunaaven। yahaan baap to ek hi baar shantidham se aakar padhaate hain phir chale jaate hain। baap kehte hain tumko raajayog sikhaakar ham apne ghar chale jaate hain। jinko padhaata hoon woh phir aakar apni praalabdha bhogte hain। apni kamaai karte hain, nambarvaar purooshaartha anusaar dhaarna kar phir chale jaate hain। kahaan? nai duniya mein। yeh padhaai hai hi nai duniya ke liye। manushya to yeh nahin jaante ki puraani duniya khatma ho phir nai sthaapan honi hai। tum jaante ho ham raajayog seekhte hi hain nai duniya ke liye। phir na yeh puraani duniya, na puraana shareer hoga। aatma to avinaashi hai। aatmaayen pavitra ban phir pavitra duniya mein aati hain। nai duniya thi, jismen devi-devtaaon ka raajya tha jisko svarga kaha jaata hai। woh nai duniya banaane vaala bhagwan hi hai। woh ek dharma ki sthaapna karaate hain। koi devta dvaara nahin karaate। devta to yahaan hain nahin। to zaroor koi manushya dvaara hi gyaan denge jo phir devta banenge। phir vahi devtaayen punarjanma lete-lete abhi brahman bane hain। yeh raaz tum bachche hi jaante ho - bhagwan to hai niraakaar jo nai duniya rachte hain। abhi to raavan raajya hai। tum poochhte ho kaliyugi patit ho ya satayugi paavan ho? parantu samajhte nahin। ab baap bachchon ko kehte hain - hamne 5 hazaar varsha pahle bhi tumko samjhaaya tha। ham aate hi hain tum bachchon ko aadhaakalpa sukhi banaane। phir raavan aakar tumko duhkhi banaata hai। yeh sukh-duhkh ka khel hai। kalpa ki aayu 5 hazaar varsha hai, to aadha-aadha karna pade na। raavan raajya mein sab deh-abhimaani vikaari ban jaate hain। yeh baaten bhi tum ab samajhte ho, aage nahin samajhte the। kalpa-kalpa jo samajhte hain vahi samajh lete hain। jo devta banne vaale nahin, woh aayenge hi nahin। tum devta dharma ki kalam lagaate ho। jab woh aasuri tamopradhaan ban jaate hain to unko daivi jhaad ka nahin kahenge। jhaad bhi jab naya tha to satopradhaan tha। ham uske patte devi-devta the phir rajo, tamo mein aaye, puraane patit shoodra ho gaye। puraani duniya mein puraane manushya hi rahenge। puraane ko phir se naya banaana pade। ab devi-devta dharma hi praayah lop ho gaya hai। baap bhi kehte hain jab-jab dharma ki glaani hoti hai, to poochha jaayega kis dharma ki glaani hoti hai? zaroor kahenge aadi sanaatan devi-devta dharma ki, jo mainne sthaapan kiya tha। woh dharma hi praayah lop ho gaya। uske badle adharma ho gaya hai। to jab dharma se adharma ki vriddhi hoti jaati, tab baap aate hain। aise nahin kahenge dharma ki vriddhi, dharma to praayah lop ho gaya। baaki adharma ki vriddhi hui। vriddhi to sab dharmon ki hoti hai। ek Christ se kitni Christian dharma ki vriddhi hoti hai। baaki devi-devta dharma praayah lop ho gaya। patit banne kaaran aapehi glaani karte hain। dharma se adharma bhi ek hi hota hai। aur to sab theek chal rahe hain। sab apne-apne dharma par kaayam rehte hain। jo aadi sanaatan devi-devta dharma viceless tha, woh vicious ban pade hain। hamne paavan duniya sthaapan ki phir vahi patit, shoodra ban jaate hain arthaat us dharma ki glaani ho jaati hai। apvitra bante to apni glaani karaate hain। vikaar mein jaane se patit ban jaate hain, apne ko devta kahla nahin sakte hain। svarga se badal narka ho gaya hai। to koi bhi vaah-vaah (paavan) hai nahin। tum kitne chhi-chhi patit ban gaye ho। baap kehte hain tumko vaah-vaah phool banaaya phir raavan ne tumko kaanta bana diya। paavan se patit ban gaye ho। apne dharma ki hi haalat dekhni hai। pukaarte bhi hain ki hamaari haalat aakar dekho, ham kitne patit bane hain। phir hamko paavan banaao। patit se paavan banaane baap aate hain to phir paavan banna chaahiye। auron ko bhi banaana chaahiye।

tum bachche apne ko dekhte raho ki ham sarvagun sampanna bane hain? hamaari chalan devtaaon misal hai? devtaaon ke raajya mein to vishwa mein shanti thi। ab phir tumko sikhlaane aaya hoon - vishwa mein shanti kaise sthaapan ho। to tumko bhi shanti mein rehna pade। shant hone ki yukti bataata hoon ki mere ko yaad karo to tum shant ho, shantidham mein chale jaayenge। koi bachche to shant rahkar auron ko bhi shanti mein rehna sikhlaate hain। koi ashaanti kar dete hain। khud ashaanta rehte hain to auron ko bhi ashaanta bana dete hain। shanti ka arth nahin samajhte। yahaan aate hain shanti seekhne phir yahaan se jaate hain to ashaanta ho jaate hain। ashaanti hoti hi hai apvitrata se। yahaan aakar pratigya karte hain - baba, ham aapka hi hoon। aapse vishwa ki baadshaahi leni hai। ham pavitra rahkar phir vishwa ke maalik zaroor banenge। phir ghar mein jaate hain to maaya toophaan mein le aati hai। yuddha hoti hai na। phir maaya ke gulaam ban patit banna chaahte hain। ablaaon par atyaachaar vahi karte hain jo pratigya bhi karte hain ham pavitra rahenge phir maaya ka vaar hone se pratigya bhool jaate hain। bhagwan se pratigya ki hai ki ham pavitra ban pavitra duniya ka varsa lenge, ham civil aai rakhenge apni kudrishti nahin rakhenge, vikaar mein nahin jaayenge, criminal drishti chhod denge। phir bhi maaya raavan se haar kha lete hain। to jo nirvikaari banna chaahte hain, unko tang karte hain isliye kaha jaata hai ablaaon par atyaachaar hote hain। puroosh to balvaan hote hain, stri nirbal hoti hai। ladaai aadi mein bhi puroosh jaate hain kyonki balvaan hain। stri naazuk hoti hai। unka kartavya hi alag hai, woh ghar sambhaalti hai, bachche paida kar unki paalna karti hai। yeh bhi baap samjhaate hain vahaan hota hi hai ek bachcha so bhi vikaar ka naam nahin। yahaan to sannyaasi bhi kabhi-kabhi kah dete hain ki ek bachcha to zaroor hona chaahiye - criminal aai vaale thag aisi shiksha dete hain। ab baap kehte hain is samay ke bachche kya kaam ke honge, jabki vinaash saamne khada hai, sab khatma ho jaayenge। main aaya hi hoon puraani duniya ka vinaash karne। woh hui sannyaasiyon ki baat, unhon ko to vinaash ki baat ka maaloom hi nahin। tumko behad ka baap samjhaate hain ab vinaash hona hai। tumhaare bachche vaaris ban nahin sakenge। tum samajhte ho hamaare kul ki nishaani rahe parantu patit duniya ki koi nishaani rahegi nahin। tum samajhte ho paavan duniya ke the, manushya bhi yaad karte hain kyonki paavan duniya hokar gai hai, jisko svarga kaha jaata hai। parantu ab tamopradhaan hone kaaran samajh nahin sakte hain। unhon ki drishti hi criminal hai, isko kaha jaata hai dharma ki glaani। aadi sanaatan dharma mein aisi baaten hoti nahin। pukaarte hain patit-paavan aao, ham patit duhkhi hain। baap samjhaate hain hamne tumko paavan banaaya phir maaya raavan ke kaaran tum patit bane ho। ab phir paavan bano। paavan bante ho phir maaya ki yuddha chalti hai। baap se varsa lene ka purooshaartha kar raha tha parantu phir kaala munh kar diya to varsa kaise paayenge। baap aate hain gora banaane। devtaayen jo gore the, vahi kaale bane hain। devtaaon ke hi kaale shareer banaate hain, Christ, buddha aadi ko kabhi kaala dekha? devi-devtaaon ke chitra kaale banaate hain। jo sarva ka sadgati daata parampita paramatma sarva ka baap hai, jisko kehte hain parampita paramatma aakar liberate karo, woh koi kaala thode hi ho sakta hai, woh to sadaiv gora ever pure hai। devtaaon ko mahaan aatma kaha jaata hai,shreekrishna to devta hua। abhi to kaliyug hai, kaliyug mein mahaan aatma kahaan se aaye! shreekrishna to satayug ka first prince tha, unmein daivi gun the। abhi to devta aadi koi hai nahin। saadhu santa pavitra bante hain phir bhi punarjanma vikaar se lete hain। phir sannyaas dhaaran karna padta hai। devtaayen to sadaiv pavitra hain। yahaan raavan raajya hai। raavan ko 10 sheesh dikhaate hain - 5 stri ke, 5 puroosh ke। yeh bhi samajhte hain 5 vikaar har ek mein hain, devtaaon mein to nahin kahenge na। woh to hai hi sukh-dhaam। vahaan bhi raavan hota to phir duhkhadhaam ho jaata। manushya samajhte hain devtaayen bhi to bachche paida karte hain, woh bhi to vikaari thahre। unhon ko yeh pata hi nahin hain - devtaaon ko gaaya hi jaata hai sampoorn nirvikaari, tab to unhon ko pooja jaata hai। sannyaasiyon ki bhi mission hai। sirf purooshon ko sannyaas karaae mission badhaate hain। baap phir pravritti maarga ki nai mission banaate hain। jodi ko hi pavitra banaate hain। phir tum jaakar devta banenge। tum yahaan sannyaasi banne ke liye nahin aaye ho। tum to aaye ho vishwa ka maalik banne। woh to phir grihastha mein janma lete hain। phir nikal jaate hain। tumhaare sanskaar hain hi pavitrata ke। ab apvitra bane ho phir pavitra banna hai। baap pavitra grihastha aashram banaate hain। paavan duniya ko satayug, patit duniya ko kaliyug kaha jaata hai। yahaan kitni paap aatmaayen hain। satayug mein yeh baaten hoti nahin। baap kehte hain jab-jab bhaarat mein dharma ki glaani hoti hai arthaat devi-devta dharma vaale patit ban jaate hain to apni glaani karaate hain। baap kehte hain hamne tumko paavan banaaya phir tum patit bane, koi kaam ke nahin rahe। jab aise patit ban jaate ho tab phir paavan banaane hamko aana padta hai। yeh drama ka chakra hai jo phirta rehta hai। heaven mein jaane ke liye phir daivi gun bhi chaahiye। krodh nahin hona chahie। krodh hai to woh bhi jaise asur kahlaayenge। badi shaantachitta avastha chaahiye। krodh karte hain to kahenge inmen krodh ka bhoot hai। jinmen koi bhi bhoot hai woh devta ban na saken। nar se naaraayan ban na saken। devta to hain hi nirvikaari yatha raaja-raani tatha praja nirvikaari hain। bhagwan baap hi aakar sampoorn nirvikaari banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se pavitrata ki pratigya ki hai to apne ko maaya ke vaar se bachaate rehna hai। kabhi maaya ka gulaam nahin banna hai। is pratigya ko bhoolna nahin hai kyonki ab paavan duniya mein chalna hai।

2) devta banne ke liye avastha ko bahut-bahut shaantachit banaana hai। koi bhi bhoot pravesh hone nahin dena hai। daiveegun dhaaran karne hain।

vardaan:- pharishte swaroop ki smriti dvaara baap ki chhatrachhaaya ka anubhav karne vaale vighna jeet bhav

amritvele uthte hi smriti mein laao ki main pharishta hoon। brahma baap ko yahi dilapsanda gift do to roz amritvele baapdaada aapko apni baanhon mein sama lenge, anubhav karenge ki baba ki baahon mein, ateendriy sukh mein jhool rahe hain। jo pharishte swaroop ki smriti mein rahenge unke saamne koi paristhiti va vighna aayega bhi to baap unke liye chhatrachhaaya ban jaayenge। to baap ki chhatrachhaaya va pyaar ka anubhav karte vighna jeet bano।

slogan:- sukh swaroop aatma sva-sthiti se paristhiti par sahaj vijay praapta kar leti hai।