Murli du jour du vendredi 9 août 2024

09-08-2024 praatahmurli om shanti "baapdaada"' madhuban

“meethe bachche - yeh brahma hai satguru ki darbaar, is bhrakuti mein satguru viraajmaan hain, vahi tum bachchon ki sadgati karte hain''

prashn:- baap apne bachchon ko kis gulaami se chhudaane aaye hain?

uttar:- is samay sabhi bachche prakriti aur maaya ke gulaam ban gaye hain। baap abhi is gulaami se chhudaate hain। abhi maaya aur prakriti donon hi tang karte hain। kabhi toofaan, kabhi famine hai। phir tum aise maalik ban jaate ho jo saari prakriti tumhaari gulaam rehti hai। maaya ka vaar bhi nahin hota।

om shanti। meethe-meethe roohaani bachche samajhte hain ki supreme baap bhi hai, supreme shikshak bhi hai। woh vishwa ke aadi-madhya-ant ka raaz samjhaate hain phir supreme guru bhi hai। to yeh ho gai satguru ki darbaar। darbaar hoti hai na। guru ki darbaar। woh hai sirf guru ki, satguru hai nahin। shri shri 108 kahlaayenge, satguru likha hua nahin hoga। vo log sirf guru hi kehte hain। yeh hai satguru। pahle baap phir teacher phir satguru। satguru hi sadgati dete hain। satayug-treta mein to phir guru hote nahin kyonki sab sadgati mein hain। ek satguru milta hai to baaki sab gurooon ka naam khalaas ho jaata hai। supreme hua sab gurooon ka guru। jaise patiyon ka pati kehte hain na। sabse oonch hone ke kaaran aise kehte hain। tum supreme baap ke paas baithe ho - kislie? behad ka varsa lene। yeh hai behad ka varsa। baap bhi hai to shikshak bhi hai। aur yeh varsa hai nai duniya amarlok ke liye, viceless world ke liye। viceless world nai duniya ko, vicious world puraani duniya ko kaha jaata hai। satayug ko shivaalay kaha jaata hai kyonki shivbaaba ka sthaapan kiya hua hai। vicious world raavan ki sthaapna hai। abhi tum baithe ho satguru ki darbaar mein। yeh sirf tum bachche hi jaante ho। baap hi shanti ka saagar hai। woh baap jab aaye tab to shanti ka varsa de, raasta bataaye। baaki jangal mein shanti kahaan se milegi isliye haar ka misaal dete hain। shanti to aatma ke gale ka haar hai। phir jab raavanraajya hota hai tab ashaanti hoti hai। unko to kaha jaata hai sukhdhaam-shantidham। vahaan duhkh ki koi baat nahin। mahima bhi sadaiv satguru ki karte hain। guru ki mahima kabhi suni nahin hogi। gyaan ka saagar, woh ek hi baap hai। aise kabhi guru ki mahima suni hai? nahin। woh guru log jagat ke patit-paavan ho nahin sakte। woh to ek hi niraakaar behad ke bade baba ko kaha jaata hai।

tum abhi sangamayug par khade ho। ek taraph hai patit puraani duniya, doosre taraph hai paavan nai duniya। patit duniya mein guru to dher hain। aage tumko is sangamayug ka pata nahin tha। ab baap ne samjhaaya hai - yeh hai purooshottam sangamayug। iske baad phir satayug aana hai, chakra phirta rehta hai। yeh buddhi mein yaad rehna chaahiye। ham sab bhaai-bhaai hain, to behad ke baap se varsa zaroor milta hai। yeh koi ko pata nahin। kitne bade-bade position vaale manushya hain parantu jaante kuchh nahin। baap kehte hain main to tum sabki sadgati karta hoon। abhi tum sensible bane ho। pahle to kuchh bhi pata nahin tha। in devtaaon ke aage jaakar tum kehte the - ham sense-les hain। hamaare mein koi gun nahin hain, aap taras karo। ab yeh devtaaon ke chitra taras karenge kya? yeh jaante hi nahin। merciful kaun hai? kehte bhi hain O god father, raham karo। koi bhi duhkh ki baat aati hai to baap ko zaroor yaad karte hain। abhi tum aise nahin kahenge। baap to vichitra hai। woh saamne baithe hain, tab to namaste karte hain। tum sab ho chitradhaari। main hoon vichitra। main kabhi chitra dhaaran nahin karta। mere chitra ka koi naam bataao। bas, shivbaaba hi kahenge। mainne yeh loan liya hai। so bhi puraane te puraani jutti। usmein hi main aakar pravesh karta hoon। is shareer ki mahima kahaan karte hain। yeh to puraana shareer hai। adopt kiya hai to mahima karte hain kya? nahin। yeh to samjhaate hain - aise tha, ab phir mere dvaara gora ban jaayega। ab baap kehte hain main jo sunaata hoon, us par judge karo, agar main right hoon, to right ko yaad karo। unka hi suno, unrighteous suno hi nahin। unko evil kaha jaata hai। talk no evil, si no evil… in aankhon se jo kuchh dekhte ho inko bhool jaao। abhi to jaana hai apne ghar, phir vaapis apne sukhdhaam mein aayenge। baaki to yeh sab jaise ki mare pade hain, tempory hain। na yeh puraane shareer honge, na yeh duniya hogi। ham purooshaartha kar rahe hain nai duniya ke liye। phir world ki history-geography repeat hoti hai। tum apna raajya-bhaagya le rahe ho। jaante ho kalpa-kalpa baap aate hain, raajya-bhaagya dene। tum bhi kehte ho baba kalpa pahle bhi mile the, varsa liya tha, nar se naaraayan bane the। baaki sab ek jaisa martaba to pa nahin sakte hain। nambarvaar to hote hain। yeh hai spiritual university। spiritual father padhaane vaala hai, bachche bhi padhaate hain। koi principal ka bachcha hota hai to woh bhi service mein lag jaata hai। stri bhi padhaane lag jaati hai। bachchi bhi achhi reeti padhe to padha sakti hai। parantu woh doosre ghar mein chali jaati hai। yahaan to kaayda nahin hai bachchiyon ko naukri karne ka। nai duniya mein pad paane ka saara madaar hai is padhaai par। in baaton ko duniya nahin jaanti। likha hua hai - bhagvaanuvaach, he bachchon, main tumko raajaaon ka raaja banaata hoon। koi model thode hi banaata hoon। jaise deviyon ke chitra banaate hain। tum to padhkar woh pad paate ho। woh to mitti ke chitra banaate hain pooja ke liye। yahaan to aatma padhti hai। phir tum sanskaar le jaayenge, jaakar nai duniya mein shareer lenge। duniya khatma nahin hoti hai। sirf ej badalti hai - golden ej, silver ej, copper ej, iron ej। 16 kala se 14 kala। duniya to vahi chalti rehti hai, nai se puraani hoti hai। baap tumko raajaaon ka raaja banaate hain is padhaai se। aur koi ki taakat nahin jo aisa padha sake। kitna achhi reeti samjhaate hain। phir padhte-padhte maaya apna bana leti hai। phir bhi jitna-jitna jo padha hai us anusaar woh svarga mein zaroor aayenge। kamaai jaayegi nahin। avinaashi gyaan ka vinaash nahin ho sakta। aage chal aayenge, jaayenge kahaan। ek hi hatti hai na। aate rahenge। shamshaan mein jab manushya jaate hain to phir bada vairaagya aata hai। bas, yeh shareer aise chhodne ka hai, phir ham paap kyon karen। paap karte-karte ham aise mar jaayenge! aise khyaalaat aate hain। usko kaha jaata hai shamshaani vairaagya। samajhte bhi hain jaakar doosra shareer lenge। parantu gyaan to nahin hai na। yahaan to tum bachchon ko samjhaaya jaata hai, is samay tum khaas marne ke liye taiyaari kar rahe ho kyonki yahaan to tum tempory ho, puraana shareer chhod phir nai duniya mein jaayenge।

baap kehte hain - bachche, jitna tum mujhe yaad karenge utna paap katte jaayenge। sahaj te sahaj bhi hai to difficult bhi hai। bachche jab purooshaartha karne lag padte hain tab samajhte hain maaya ki badi yuddha hai। baap kehte hain sahaj hai parantu maaya deeva hi bujha deti hai। gulabkaavli ki kahaani bhi hai na। maaya billi deeva bujha deti hai। yahaan sab maaya ke gulaam hain phir tum maaya ko gulaam banaate ho। saari prakriti tumhaari adab mein rehti hai। koi toophaan nahin, famine nahin। prakriti ko gulaam banaana hai। vahaan kabhi bhi maaya ka vaar nahin hoga। abhi to kitna tang karti hai। gaayan hai na main gulaam tera....... woh phir kehte tu gulaam mera। baap kehte hain ab mai tumko gulaamapne se chhudaane aaya hoon। tum maalik ban jaayenge, woh gulaam ban jaayenge। zara bhi choon-chaan hogi nahin। yeh bhi drama mein noondh hai। tum kehte ho - baba, maaya bada tang karti hai। so kyon nahin karegi। isko kaha hi jaata hai yuddha ka maidaan। maaya ko gulaam banaane liye tum koshish karte ho to maaya bhi pachhaadti hai। kitna tang karti hai। kitne ko haraati hai। kaiyon ko ekdam kha jaati hai, hap kar leti hai। bhal svarga ka maalik bante hain parantu maaya to khaati rehti hai। unke jaise pet mein pade hain। sirf puchhdi nikli hai baaki saara unke andar hai, jisko duban ( daldal) bhi kehte hain। kitne bachche duban mein pade hue hain। zara bhi yaad nahin kar sakte hain! jaise kachhue ka, bhramri ka misaal hai, aise tum bhi keedon ko bhoon-bhoon kar kya se kya bana sakte ho। ekdam svarga ka pareezaada। sannyaasi bhal bhramri ka misaal dete hain parantu woh koi bhoon-bhoon kar badalte thode hi hain। badli hoti hai sangam par। abhi yeh hai sangamayug। tum shoodra se brahman bane ho to jo vikaari manushya hain unhon ko tum le aate ho। keede mein bhi koi bhramri ban jaate hain, koi sad jaate hain, to koi phir adhoore rah jaate hain। baba ne yeh bahut dekhe hain। yahaan bhi koi achhi reeti padhte hain, gyaan ke pankh jam jaate hain। koi ko aadha mein hi maaya pakad leti hai to kachche hi rah jaate hain। to yeh misaal bhi abhi ke hain। wonder hai na - bhramri keede ko le aakar aap samaan banaaye। yeh ek hi hai jo aap samaan banaate hain। doosra sarpa ka misaal dete hain। satayug mein bas ek khaal chhod doosri le lete hain। jhat saakshaatkaar hota hai ab shareer chhodne vaale hain। aatma nikal doosre garbha mahal mein baithti hai। yeh bhi ek misaal dete hain garbha mahal mein baitha tha, unko baahar nikalne dil nahin hoti thi। phir bhi baahar aana to hai hi zaroor। abhi tum bachche ho sangamayug par। gyaan se aise purooshottam bante ho। bhakti to janma-janmaantar ki। to jinhonne jaasti bhakti ki hai, vahi aakar nambarvaar purooshaartha anusaar pad paayenge। abhi tumhaari buddhi mein saara gyaan hai। baaki shaastron ka gyaan koi gyaan nahin hai। woh to hai bhakti, unse koi sadgati nahin hoti hai। sadgati maana vaapis ghar jaana। ghar mein koi jaata nahin। baap khud kehte hain mere saath koi milta nahin। padhaane vaala, saath le jaane vaala bhi chaahiye na। baap ko kitna khyaal rehta hai। 5 hajaar varsha mein baap ek hi baar aakar padhaate hain। tum ghadi-ghadi bhool jaate ho ki ham aatma hain। yeh ekdam pakka kar lo - ham aatmaon ko baap padhaane aaye hain। isko kaha jaata hai spiritual knowledge। supreme rooh ham roohon ko knowledge dete hain। sanskaar bhi aatma mein rehte hain। shareer to khatma ho jaata hai। aatma avinaashi hai।

to yeh brahma ki bhrakuti hai satguru ka darbaar। yeh is aatma ka bhi darbaar hai। phir satguru ne bhi aakar inmen pravesh kiya hai, isko rath bhi kehte hain, darbaar bhi kehte hain। tum bachche svarga ke get khol rahe ho shreemat par। jitna achhi reeti padhenge utna satayug mein oonch pad paayenge। to padhna chaahiye। teacher ke bachche to bahut hoshiyaar hote hain। parantu kehte hain na ghar ki ganga ka regard nahin। baba ka dekha hua hai - saare shahar ka kichda ganga mein padta hai, phir unko patit-paavni kahenge? manushyon ki buddhi dekho kaisi ho gai hai। deviyon ko sajaakar pooja aadi kar phir dubo dete hain। kai to us par paanv rakhkar bhi dubote hain। bangaal mein pahle rivaaj tha kisi ka praan nikalne par hota tha to unko jhat ganga par le jaate the, vahaan paani mein daal hari bol, hari bol kar mukh mein paani daalte rehte the, aise praan nikaal dete the, wonder hai na। abhi tum bachchon ki buddhi mein chadhaai-utraai ka poora gyaan hai, nambarvaar purooshaartha anusaar। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo sunaate hain, vahi sunna hai aur judge karna hai ki right kya hai। right ko hi yaad karna hai। unrighteous baat ko na sunna hai, na bolna hai, na dekhna hai।

2) padhaai achhi reeti padhkar apne ko raajaaon ka raaja banaana hai। is puraane shareer aur puraani duniya mein apne ko tempory samajhna hai।

vardaan:- ekaagrata ki shakti se parvash sthiti ko parivartan karne vaale adhikaari aatma bhav

brahman arthaat adhikaari aatma kabhi kisi ke parvash nahin ho sakti। apne kamjor svabhaav sanskaar ke vash bhi nahin kyonki svabhaav arthaat sva prati aur sarva ke prati aatmik bhaav hai to kamjor svabhaav ke vash nahin ho sakte aur anaadi aadi sanskaaron ki smriti se kamjor sanskaar bhi sahaj parivartan ho jaate hain। ekaagrata ki shakti parvash sthiti ko parivartan kar maalikpan ki sthiti ki seat par set kar deti hai।

slogan:- krodh gyaani tu aatma ke liye mahaashatru hai।