Murli du jour du jeudi 23 janvier 2025

23-01-2025 praatahmurli om shanti "baapdaada"' madhuban

“meethe bachche - mukhya do baaten sabko samjhaani hain - ek to baap ko yaad karo, doosra 84 ke chakra ko jaano phir sab prashn samaapta ho jaayenge''

prashn:- baap ki mahima mein kaun-se shabd aate hain jo shreekrishna ki mahima mein nahin?

uttar:- vrikshapti ek baap hai, shreekrishna ko vrikshapti nahin kahenge। pitaaon ka pita va patiyon ka pati ek niraakaar ko kaha jaata, shreekrishna ko nahin। donon ki mahima alag-alag spashta karo।

prashn:- tum bachche gaanv-gaanv mein kaun-sa dhindhora pitva do?

uttar:- gaanv-gaanv mein dhindhora pitva do ki manushya se devta, narkavaasi se svargavaasi kaise ban sakte ho, aakar samjho। sthaapna, vinaash kaise hota hai, aakar samjho।

geet:- tumheen ho maata, pita tumheen ho…

om shanti। is geet ke pichhaadi ki jo line aati hai - tumheen naeeya, tumheen khivaiya…yeh wrong hai। jaise aapehi poojya, aapehi pujaari kehte hain - yeh bhi vaise ho jaata hai। gyaan ki chamak vaale jo honge woh jhat geet ko banda kar denge kyonki baap ki insult ho jaati hai। abhi tum bachchon ko to knowledge mili hai, doosre manushyon ko yeh knowledge hoti nahin hai। tumko bhi abhi hi milti hai। phir kabhi hoti hi nahin। geeta ke bhagwan ki knowledge purooshottam banne ki milti hai, itna samajhte hain। parantu kab milti hai, kaise milti hai, yeh bhool gaye hain। geeta hai hi dharma sthaapna ka shaastra, aur koi shaastra dharma sthaapan arth nahin hote hain। shaastra akshar bhi bhaarat mein hi kaam aata hai। sarva shaastramai shiromni hai hi geeta। baaki woh sab dharma to hain hi peechhe aane vaale। unko shiromni nahin kahenge। bachche jaante hain vrikshapti ek hi baap hai। woh hamaara baap hai, pati bhi hai to sabka pita bhi hai। unko patiyon ka pati, pitaaon ka pita..... kaha jaata hai। yeh mahima ek niraakaar ki gaai jaati hai। shreekrishna ki aur niraakaar baap ke mahima ki bhent ki jaati hai। shreekrishna to hai hi nai duniya ka prince। woh phir puraani duniya mein sangamayug par raajayog kaise sikhlaayenge! ab bachche samajhte hain hamko bhagwan padha rahe hain। tum padhkar yeh (devi-devta) bante ho। peechhe phir yeh gyaan chalta nahin। praayah lop ho jaata hai। baaki aate mein loon yaani chitra jaakar bachte hain। vaastav mein koi ka chitra yathaartha to hai nahin। pahle-pahle baap ka parichay mil jaayega to tum kahenge yeh to bhagwan samjhaate hain। woh to svatah hi bataayenge। tum prashn kya poochhenge! pahle baap ko to jaano।

baap aatmaon ko kehte hain - mujhe yaad karo। bas, do baaten yaad kar lo। baap kehte hain mujhe yaad karo aur 84 ke chakra ko yaad karo, bas। yeh do mukhya baaten hi samjhaani hain। baap kehte hain tum apne janmon ko nahin jaante ho। brahman bachchon ko hi kehte hain, aur to koi samajh bhi na sake। pradarshani mein dekho kitni bheed lag jaati hai। samajhte hain, itne manushya jaate hain to zaroor kuchh dekhne ki cheez hai। ghus padte hain। ek-ek ko baith samjhaayen to bhi mukh thak jaaye। tab kya karna chaahiye? pradarshani maas bhar chalti rahe to kah sakte hain - aaj bheed hai, kal, parson aana। so bhi jisko padhaai ki chaahna hai athva manushya se devta banna chaahte hain, unko samjhaana hai। ek hi yeh lakshmi-naaraayan ka chitra athva badge dikhlaana chaahiye। baap dvaara yeh vishnupuri ka maalik ban sakte ho, abhi bheed hai centre par aana। address to likhi hui hai। baaki aise hi kah denge - yeh svarga hai, yeh narka hai, isse manushya kya samjhenge? time vesta ho jaata hai। aise to pahchaan bhi nahin sakte, yeh bada aadmi hai, saahookaar hai ya gareeb hai? aajkal dress aadi aisi pahante hain jo koi bhi samajh na sake। pahle-pahle to baap ka parichay dena hai। baap svarga ki sthaapna karne vaala hai। ab yeh banna hai। em object khadi hai। baap kehte hain oonch te oonch main hoon। mujhe yaad karo, yeh vasheekran mantra hai। baap kehte hain maamekam yaad karo to tumhaare vikarma vinaash honge aur vishnupuri mein aa jaayenge - itna to zaroor samjhaana chaahiye। 8-10 roz pradarshani ko rakhna chaahiye। tum gaanv-gaanv mein dhindhora pitva do ki manushya se devta, narkavaasi se svargavaasi kaise ban sakte ho, aakar samjho। sthaapna, vinaash kaise hota hai, aakar samjho। yuktiyaan bahut hain।

tum bachche jaante ho satayug aur kaliyug mein raat-din ka pharka hai। brahma ka din aur brahma ki raat kaha jaata hai। brahma ka din so vishnu ka, vishnu ka so brahma ka। baat ek hi hai। brahma ke bhi 84 janma, vishnu ke bhi 84 janma। sirf is leap janma ka farka pad jaata hai। yeh baaten buddhi mein bithaani hoti hain। dhaarna nahin hogi to kisko samjha kaise sakenge? yeh samjhaana to bahut sahaj hai। sirf lakshmi-naaraayan ke chitra ke aage hi yeh points sunaao। baap dvaara yeh pad paana hai, narka ka vinaash saamne khada hai। vo log to apni maanav mat hi sunaayenge। yahaan to hai eeshvareey mat, jo ham aatmaon ko eeshvar se mili hai। niraakaar aatmaon ko niraakaar paramatma ki mat milti hai। baaki sab hain maanav mat। raat-din ka farka hai na। sannyaasi, udaasi aadi koi bhi to de na saken। eeshvareey mat ek hi baar milti hai। jab eeshvar aate hain to unki mat se ham yeh bante hain। woh aate hi hain devi-devta dharma ki sthaapna karne। yeh bhi points dhaaran karni chaahiye, jo samay par kaam aaye। mukhya baat thode mein hi samjhaai to bhi kaaphi hai। ek lakshmi-naaraayan ke chitra par samjhaana bhi kaaphi hai। yeh hai em object ka chitra, bhagwan ne yeh nai duniya rachi hai। bhagwan ne hi purooshottam sangamayug par inhon ko padhaaya tha। is purooshottam yug ka kisko pata nahin hai। to bachchon ko yeh sab baaten sunkar kitna khush hona chaahiye। sunkar phir sunaane mein aur hi khushi hoti hai। service karne vaalon ko hi brahman kahenge। tumhaare kachchha (bagal) mein sachchi geeta hai। braahmanon mein bhi nambarvaar hote hain na। koi brahman to bahut naameegraami hote hain, bahut kamaai karte hain। koi ko to khaane ke liye bhi mushkil milega। koi brahman to lakhapti hote hain। badi khushi se, nashe se kehte hain ham brahman kul ke hain। sachche-sachche brahman kul ka to pata hi nahin hai। brahman uttam maane jaate hain, tab to braahmanon ko khilaate hain। devta, kshatriy va vaishya, shoodra dharma vaalon ko kabhi khilaayenge nahin। braahmanon ko hi khilaate hain isliye baba kehte hain - tum braahmanon ko achhi reeti samjhaao। braahmanon ka bhi sangathan hota hai, uski jaanch kar chale jaana chaahiye। brahman to prajaapita brahma ki santaan hone chaahiye, ham unki santaan hain। brahma kiska bachcha hai, woh bhi samjhaana chaahiye। jaanch karni chaahiye ki kahaan-kahaan unhon ke sangathan hote hain। tum bahuton ka kalyaan kar sakte ho। vaanaprastha striyon ki bhi sabhaayen hoti hain। baba ko koi samaachaar thode hi dete hain ki ham kahaan-kahaan gaye? saara jangal bhara hua hai, tum jahaan jaao shikaar kar aayenge, praja banaakar aayenge, raaja bhi bana sakte ho। service to dher hai। shaam ko 5 baje chhutti milti hai, list mein note kar dena chaahiye - aaj yahaan-yahaan jaana hai। baba yuktiyaan to bahut bataate hain। baap bachchon se hi baat karte hain। yeh pakka nishchay chaahiye ki main aatma hoon। baba (param aatma) hamko sunaate hain, dhaaran hamko karna hai। jaise shaastra adhyayan karte hain to phir sanskaar le jaate hain to doosre janma mein bhi woh sanskaar emerge ho jaate hain। kaha jaata hai - sanskaar le aaye hain। jo bahut shaastra padhte hain unko authority kaha jaata hai। woh apne ko almighty nahin samjhenge। yeh khel hai, jo baap hi samjhaate hain, nai baat nahin hai। drama bana hua hai, jo samajhne ka hai। manushya yeh nahin samajhte ki puraani duniya hai। baap kehte hain main aa gaya hoon। mahaabhaarat ladaai saamne khadi hai। manushya agyaan andhere mein soye pade hain। agyaan bhakti ko kaha jaata hai। gyaan ka saagar to baap hi hai। jo bahut bhakti karte hain, woh bhakti ke saagar hain। bhakta maala bhi hai na। bhakta maala ke bhi naam ikatthe karne chaahiye। bhakta maala dvaapar se kaliyug tak hi hogi। bachchon ko bahut khushi rahni chaahiye। bahut khushi unko hogi jo saara din service karte rahenge।

baba ne samjhaaya hai maala to bahut lambi hoti hai, hazaaron ki sankhya mein। jisko koi kahaan se, koi kahaan se kheenchate hain। kuchh to hoga na, jo itni badi maala banaai hai। mukh se raam-raam kehte rehte hain, yeh bhi poochhna pade - kisko raam-raam kah yaad karte ho? tum kahaan bhi satsang aadi mein jaakar mix ho baith sakte ho। hanumaan ka misaal hai na - jahaan satsang hota tha, vahaan juttiyon mein jaakar baithta tha। tumko bhi chance lena chaahiye। tum bahut service kar sakte ho। service mein saphalta tab hogi jab gyaan ki points buddhi mein hongi, gyaan mein masta honge। service ki anek yuktiyaan hain, raamaayan, bhaagvat aadi ki bhi bahut baaten hain, jis par tum drishti de sakte ho। sirf andhashraddha se baith satsang thode hi karna hai। bolo, ham to aapka kalyaan karna chaahte hain। woh bhakti bilkul alag hai, yeh gyaan alag hai। gyaan ek gyaaneshvar baap hi dete hain। service to bahut hai, sirf yeh bataao ki oonch te oonch kaun hai? oonch te oonch ek hi bhagwan hota hai, varsa bhi unse milta hai। baaki to hai rachna। bachchon ko service ka shauk hona chaahiye। tumhein raajaai karni hai to praja bhi banaani hai। yeh mahaamantra kam thode hi hai - baap ko yaad karo to ant mati so gati ho jaayegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ne jo vasheekran mantra diya hai, woh sabko yaad dilaana hai। service ki bhinna-bhinna yuktiyaan rachni hai। bheed mein apna samay barbaad nahin karna hai।

2) gyaan ki points buddhi mein rakh gyaan mein masta rehna hai। hanoomaan ki tarah satsangon mein jaakar baithna hai aur phir unki seva karni hai। khushi mein rahne ke liye saara din seva karni hai।

vardaan:- ‘main' aur ‘mere pan' ko bali chadhaane vaale sampoorn mahaabli bhav

had ke koi bhi vyakti ya vaibhav se lagaav - yahi mera pan hai। is mere pan ko aur main karta hoon, mainne kiya.....is main pan ko sampoorn samarpan karne vaale arthaat bali chadhne vaale hi mahaabli hain। jab had ka main main pan samarpan ho tab sampoorn va baap samaan banenge। main kar raha hoon, nahin। baba kara raha hai, baba chala raha hai। kisi bhi baat mein main ke bajaae sada natural bhaasha mein bhi baap shabd hi aaye, main shabd nahin।

slogan:- sankalpon mein aisi dridhta dhaaran karo jisse sochna aur karna samaan ho jaae।

apni shaktishaali mansa dvaara sakaash dene ki seva karo

samay pramaan ab mansa aur vaacha ki ikatthi seva karo। lekin vaacha seva sahaj hai, mansa mein attention dene ki baat hai isliye sarva aatmaon ke prati mansa mein shubh bhaavna, shubh kaamna ke sankalp hon। bol mein madhurta, santushtata, saralta ki naveenta ho to sahaj saphalta milti rahegi।